ESAYA
1 Icimonwa ico Esaya*+ umwana wa kwa Amose amwene pa fyali no kucitikila Yuda na Yerusalemu mu nshiku sha kwa Usia,+ Yotamu,+ Ahasi+ na Hisekia,+ imfumu sha baYuda:+
3 Ing’ombe iilume yalishiba umwine wa iko,
Ne mpunda yalishiba umulimba wa waiteka;
Lelo abena Israele bena tabanjishiba;*+
Abantu bandi tabeluka ilyo balecita ifintu.”
5 Ni pesa pambi apo ningamuma na kabili, apo mutwalilile fye ukumpondokela?+
Umutwe onse naulwala,
No mutima onse naulwala.+
6 Ukufuma ku mutwe ukufika ku makasa, tapali apashele apatuntulu.
Namukwata ifilonda, ifikwebululwa ne filonda ifishilauma.
Tabafiwamya,* ukufikakila nelyo ukubikapo amafuta+ pa kuti finake.
7 Icalo cenu baliconaula.
Imisumba yenu baliyoca.
Aba ku fyalo fimbi balyonaula icalo cenu ninshi mulemonako.+
Caba nge cibolya ico aba ku fyalo+ fimbi bacimfya.
8 Umwana umwanakashi Sione ashele nge nsakwe mwi bala lya myangashi,
Nge nsakwe mwi bala lya fibimbi,
Kabili ngo musumba uo bashingile.+
9 Yehova wa mabumba nga talekele abantu bamo abanono bapusuka,
Nga twaba fye nga Sodomu.
Kabili nga twaba fye nga Gomora.+
10 Umfweni ifyo Yehova alelanda mwe bakateka abankalwe* aba mu Sodomu.+
Bikeni amano ku mafunde* ya kwa Lesa wesu, mwe bantu ba mu Gomora.+
11 “Busuma nshi nsangamo mu malambo ayengi ayo muntuulila?”+ e fyo Yehova alanda.
“Nintendwa ne mituulo yenu iya koca iya mpaanga ishilume+ ne ya nama ishaina,+
Kabili nshatemwa umulopa+ wa ng’ombe ishana ishilume,+ uwa twana twa mpaanga no wa mbushi.+
12 Nga mwaisa mu kwiminina pa ntanshi yandi,+
Nani uwamweba ukuti mufwile ukulanyantaula mu mansa+ shandi?
13 Lekeni ukuleta imituulo ya ngano iya fye.
Ububani bwenu mbumona+ ukuti bwa bunani.
Mulakwata imitebeto umweshi nga watendeka,+ mulasunga amasabata+ kabili mulalongana.+
Nintendwa ifinjelengwe+ ifyo mucita no kulongana kwenu ukwacindama.
14 Nalipata* imitebeto iyo musefya umweshi nga watendeka ne mitebeto imbi iyo mukwata.
Ili kwati cisendo kuli ine;
Ninaka ukuisenda.
17 Sambilileni ukucita ifisuma, fwayeni umulinganya,+
Lungikeni uucusha abantu,
Cingilileni insambu sha ushakwata wishi,*
Kabili landileniko mukamfwilwa.”+
18 “Nomba iseni tulanshanye, kabili nalamwafwa pa kuti bucibusa bwenu na ine bukose na kabili,” e fyo Yehova+ alanda.
“Imembu shenu nangu shakashika ce,
Shikabuuta tuutu kwati ni mfula ya bungululu bwa buuta,+
Nangu shingakashika ce kwati ni nsalu yakashikisha,
Shikaba kwati masako ya mpaanga.
20 Lelo nga mwakaana kabili mwampondokela,
Ulupanga+ lukamulya,
Pantu akanwa ka kwa Yehova nakalanda.”
21 Iye ifyo umusumba+ wa cishinka wasanguka cilende!+
23 Bacilolo bobe ni bacintomfwa kabili banabo ba bapuupu.+
Bonse fye balitemwa amafisakanwa kabili bafwaisha ifya bupe.+
Tababa no mulinganya nga balepingula abana abashakwata bashibo,*
Kabili balakaana+ ukupingula umulandu wa kwa mukamfwilwa.
24 E ico Shikulu wa cine, Yehova wa mabumba,
Uwa Maka uwa kwa Israele, alanda ati:
“Eya! Nkailubula ku bandwisha,
Kabili nkakanda abalwani+ bandi.
25 Nkakwimisha ukuboko kwandi.
Nkasungulula munyela yobe yonse,
Kabili nkafumyapo ifiko+ fyobe fyonse.
26 Nkakupeela bakapingula nga filya nakupeele pa kubala.
Nkakupeela ne mpanda mano nga filya nacitile pa kutendeka.+
Lyena bakalakwita ati Umusumba wa Bulungami, Umusumba wa Cishinka.+
27 Sione akalubulwa+ pa mulandu wa mulinganya,
Na bantu bakwe abakabwela, bakalubulwa pa mulandu wa bulungami.
30 Pantu mukaba nge cimuti icikalamba icakwata amabula+ ayauma,
Kabili mukaba nge bala ilishakwata amenshi.
31 Umwaume uwakwata amaka akaba nge cani icauma,
Kabili umulimo wakwe ukaba ngo lusase;
Fyonse fibili fikapiila pamo.
Takwakabe no wa kufishimya.”
2 Ifi e fyo Esaya umwana wa kwa Amose amwene ifyali no kucitika mu Yuda na mu Yerusalemu:+
Ulupili apaba ing’anda ya kwa Yehova
Lukapampamikwa pa muulu wa mpili,
Kabili bakalwimya ukucila utupili,+
Kabili aba mu nko shonse bakalayako nga filya amenshi yakonkoloka mu kamana.+
3 Kabili abantu abengi bakayako no kutila:
“Iseni, tunine tuye ku lupili lwa kwa Yehova,
Na ku ng’anda ya kwa Lesa wa kwa Yakobo.+
Akatusambilisha inshila shakwe,
Kabili tukalaenda mu nshila shakwe.”+
4 Akapingula inko
Kabili akalungika imilandu ya bantu abengi.
Bakafula impanga shabo shikabe amaplao
Kabili bakafula amafumo yabo yakabe ifya kutungwilako ifimuti.+
Takwakabe uluko ulukemya ulupanga pa kuti lulwishe uluko lunankwe,
Kabili takwakabe uluko ulukasambilila ifya kulwa inkondo na kabili.+
6 Pantu namulekelesha abantu benu, aba mu ng’anda ya kwa Yakobo,+
Pa mulandu wa kuti mu calo mwaisula ifintu fya ku Kabanga;
Kabili abantu balacita ifinjelengwe+ nga baPelishiti,
Kabili bekala na bana abengi aba bena fyalo.
7 Icalo cabo caisulamo silfere na golde,
Kabili ifyuma fyabo te kuti fipendwe.
Icalo cabo caisulamo bakabalwe,
Kabili amaceleta+ yabo te kuti yapendwe.
8 Icalo cabo caisulamo tulesa+ twa fye.
Bakontamina ifyo bapanga na maboko yabo,
Ifyo iminwe yabo yapanga.
9 E ico umuntu naseebana, nasaalulwa,
Kabili te kuti mumubelele uluse.
10 Ingila mu cilibwe kabili ufisame mu lukungu
Pa mulandu wa fya kutiinya fya kwa Yehova
Na pa mulandu wa bukata+ bwakwe ubukalamba.
Pali bulya bushiku Yehova eka e o bakalumbanya.
12 Pantu bukaba bushiku bwa kwa Yehova wa mabumba.+
Bukesa pali onse uuitutumuna no uibika pa muulu,
Bukesa pali onse, nampo nga alicindama nelyo nga alisuulwa,+
13 Bukesa pa mikedari yonse iya mu Lebanone iitali kabili iyo bacindamika
Na pa fimuti fyonse ifikalamba ifya mu Bashani,
14 Bukesa pa mpili shonse ishitali
Na pa tupili tonse utwasansama,
15 Pa lupungu ulutali sana na pa malinga yonse ayakosa,
16 Pa mato yonse ayakalamba aya ku Tarshishi+
Na pa mato yonse ayasuma.
Pali bulya bushiku Yehova eka e o bakalumbanya.
18 Tulesa twa fye tukaloba+ tonse.
19 Abantu bakengila mu ncengo sha mu fimabwe
Na mu filindi fya mu mushili,+
Pa mulandu wa fya kutiinya fya kwa Yehova
Na pa mulandu wa bukata+ bwakwe ubukalamba,
Ilyo akema pa kuti alenge isonde litutume pa mulandu no mwenso.
20 Muli bulya bushiku abantu bakabuula tulesa twa fye utwa silfere na golde
Uto baipangiile pa kuti baletukontamina
Kabili bakapoosela batondo* no tususu,+
21 Pa kuti bakengile mu ncengo sha mu fimabwe
Na pa kuti bakabelame mu mabwe ayakalamba,
Pa mulandu wa fya kutiinya fya kwa Yehova
Na pa mulandu wa bukata bwakwe ubukalamba,
Ilyo akema pa kuti alenge isonde litutume pa mulandu no mwenso.
Wanshi uwa kubikako amano?
3 Pantu moneni! Shikulu wa cine, Yehova wa mabumba,
Alefumya mu Yerusalemu na mu Yuda ubwafwilisho bonse,
E kutila ifya kulya na menshi,+
2 Umwaume wa maka no mushilika,
Kapingula na kasesema,+ uusobela ifya ku ntanshi no mukalamba,
3 Intungulushi ya pa bantu 50,+ shimucindikwa, ne mpanda mano,
Uwaishibisha ukucita ifinjelengwe no waishibisha ifya kushilika insoka.+
4 Nkalenga abalumendo bakabe intungulushi shabo,
Kabili abaluka-aluka e bakalabateka.
Umulumendo akacena umukote,
Kabili uwasuulwa akasaalula uwacindikwa.+
6 Umuntu umo na umo akekata munyina mu ng’anda ya kwa wishi, kabili akamweba ati:
“Naukwata ica kufwala ca kunse, akututeka.
Kabili ulesakamana no yu umwina wa fitantaala.”
7 Lelo pali bulya bushiku akakaana, akatila:
“Nshabe uwa kukukaka pa filonda;*
Mu ng’anda yandi tamuli fya kulya ne fya kufwala.
Mwimbika pali bukateka bwa kuteka abantu.”
9 Ifyo bamoneka pa menso filabashinina,
Kabili tabomfwa insoni ukulanda pa lubembu lwabo, nga filya abena Sodomu+ balecita;
Tabalufisa.
We bulanda ku myeo yabo, pantu balailetela ubucushi!
11 We bulanda ku mubifi!
Ubucushi bukamwishila,
Pantu ifyo iminwe yakwe yacita, e fyo na o bakamucita!
12 Lelo abantu bandi bena, balabacusha kuli bakapitao babo,
Kabili abanakashi e babateka.
Mwe bantu bandi, abamutungulula balalenga mule-endauka fye,
Kabili balilenga mwafuma mu nshila+ iyo mufwile ukulaendamo.
13 Yehova aleipekanya pa kuti alubulwishe abantu;
Naiminina pa kuti apingule inko.
14 Yehova akapingula abakalamba ne ntungulushi sha bantu bakwe.
“Namoca ibala lya myangashi,
Kabili ifyo mwaibila abapiina fili mu mayanda+ yenu.
15 Cinshi mushonawila abantu bandi
No kushonawila ifinso fya bapiina mu mushili?”+ e fyalanda Shikulu Mulopwe Yehova wa mabumba.
16 Yehova atila: “Pa mulandu wa kuti abana banakashi aba mu Sione bacilumba,
Benda ninshi nabemya imitwe yabo,*
Balolesha kubembula kubembula, balameka pa kwenda,
Kabili balalisha ifinkwingili* ku makasa yabo,
17 Yehova akalwalika imitwe ya bana banakashi aba mu Sione impele,
Kabili Yehova akalenga imitwe yabo ikabe na mapala.+
18 Muli bulya bushiku, Yehova akafumyapo ifyo baiyemfeshako,
Ifinkwingili, uto bafwala ku mutwe no tubekobeko+ utwaba nga filya umweshi uba nga wamoneka,
19 Amasikiyo, amakoosa ne fifimbo,
20 Ifitambala, utumaceni twakufwala mu nkolokoso, ifya kufwala pa cifuba,
Ifya kubikamo amafuta yanunkila* ne mpinga,
21 Inindaminwe na masikiyo ya ku myona,
22 Imingila bafwala nga balesefya, ifya kufwala fya kunse, ifya kufwala fya kunse fimbi no tufyola,
23 Ifilola*+ fya kwikata ku minwe, ifya kufwala fya nsalu iisuma,*
Ifya kupomba ku mutwe e lyo ne fifimbo.
24 Mu cifulo ca kulanunkila amafuta ya balsamu,+ bakalanunka piipi;
Mu cifulo ca kukaka umushipi, bakakaka intambo;
Mu cifulo ca kusakula umushishi bwino, bakaba na mapala;+
Mu cifulo ca kufwala ica kufwala ica mutengo, bakafwala insamu;+
Mu cifulo ca kulamoneka bwino, bakaba ne mikofu.
26 Impongolo shakwe isha musumba shikaloosha+ kabili shikaba no bulanda,
Kabili akekala panshi ninshi naonaulwa.”+
4 Kabili muli bulya bushiku+ abanakashi 7 bakekata umwaume umo, no kumweba abati:
“Twakulailiisha
No kuifwika fwe bene;
Ico tulefwayako fye kuli iwe ca kuti abantu baletwitila kwi shina lyobe
2 Muli bulya bushiku, ico Yehova akamesha cikaba icisuma nga nshi kabili ica bukata. Abakapusuka mu Israele+ bakalaitakishisha pa fisabo ifikaba mu calo kabili bakalasekelela. 3 Bonse abakashalapo mu Sione na mu Yerusalemu bakabeta ukuti ba mushilo, bonse abo bakalemba mu Yerusalemu ukuti batwalilile ukuba no mweo.+
4 Ilyo Yehova akawamya ubusali* bwa bana banakashi ba mu Sione+ no kuwamya umulopa wa mu Yerusalemu ku mupashi wa bupingushi na ku mupashi uupya ngo mulilo,*+ 5 Yehova akabikako ikumbi ne cushi mu nshita ya kasuba, pa ncende yonse iya Lupili lwa Sione na pa ncende ya kulonganinapo; kabili mu nshita ya bushiku,+ akabikako umulilo uukalabilima pantu pali fyonse ifya bukata pakaba ica kufimbapo ica kuficingilila. 6 Kabili kukaba insakwe ya kuicingililamo ku cikabilila+ mu nshita ya kasuba, kabili iya kuicingililamo ku cimwela no kuubamo imfula.+
5 Nalaimbila umutemwikwa wandi ulwimbo.
Nalaimba ulwimbo pa mutemwikwa wandi na pe bala lyakwe ilya myangashi.+
Umutemwikwa wandi alikwete ibala mu mbali ya kapili ka mufundo.
2 Alilimine ili ibala, afumyamo na mabwe.
Alimbilemo imyangashi iisuma sana,
Alikuulile no lupungu pa kati ke bala,
Kabili alifukwilemo ne ca kukaminamo imyangashi.+
Lyena atwalilile ukusubila ukuti likatwala imyangashi iisuma,
Lelo lyatwele fye imyangashi+ ya mpanga yeka yeka.
3 “E ico nomba mwe bekala mu Yerusalemu na mwe baume ba mu Yuda,
Pinguleni pali ine ne bala lyandi ilya myangashi.+
Cinshi lyatwalile fye imyangashi ya mpanga yeka yeka,
E lyo ninshi nale-enekela imyangashi iisuma?
5 E ico nomba lekeni imwebe
Ico ndi no kucita ibala lyandi:
Ndi no kufumyako ulubao lwa liko,
Kabili nkalyoca.+
Nkabongolola icibumba ca liko ica mabwe,
Kabili bakalinyantaula.
7 Pantu ing’anda ya kwa Israele+ e bala lya myangashi ilya kwa Yehova wa mabumba;
Abaume ba mu Yuda e filimwa ifyo atemenwe.
Kabili ale-enekela ukuti abantu bakaba no mulinganya+ pa kupingula,
Lelo moneni! abantu tabaleba no mulinganya;
Ale-enekela ukuti abantu bakaba abalungami,
Lelo moneni! abantu balelila pa mulandu wa kuti balebacusha.”+
8 We bulanda ku balundanya ing’anda ku ng’anda+ ibiye
Kabili abalundanya ibala kwi bala+ libiye
Mpaka incende yapwa,
Kabili mwikala fye mweka mu calo!
9 Yehova wa mabumba acilapa ninshi ndeumfwako ukuti
Amayanda ayengi, nangu ca kuti yakulu kabili yasuma,
Yakaba fya kutiinya,
Tamwakekale+ nangu umo.
10 Pantu mu maekita 4 aye bala lya myangashi,
Mukafuma fye umutondo* umo uwa mwangashi, na muli homa* imo iya mbuto mukafuma fye itepe*+ limo.
11 We bulanda ku bashibuka ku macaca pa kuti baye mu kunwa ubwalwa,+
Abatwalilila fye ukunwa ukufika icungulo bushiku, mpaka bwabakola!
12 Pa mitebeto yabo palaba insango ne cilimba ca nsale,
Akaoma ka nyenjele ne cimpeeta, no mwangashi;
Lelo tababika amano ku mulimo wa kwa Yehova,
Kabili umulimo wa minwe yakwe tabaumona.
13 E ico abantu bandi bakaya muli bunkole
Pa mulandu wa kuti tabanjishiba;+
Bashimucindikwa babo bakaba ne nsala,+
Kabili abantu babo bonse bakomfwa icilaka.
14 E ico Inshiishi* nai-ikusha*
Kabili nayasamuna akanwa ka iko ukucila mu cipimo;+
Kabili bashimucindikwa bakwe, na bantu bakwe aba ciwowo, na bapanga icongo ilyo balesansamuka
Bakaya muli yena.
16 Yehova wa mabumba bakamulumbanya pa mulandu no bupingushi bwakwe;*
Lesa wa cine, Uwa Mushilo,+ akalanga ukuti wa mushilo ukupitila mu bulungami+ bwakwe.
17 Kabili utwana twa mpaanga tukalalya umulemfwe ukwabula ukutiina nangu cimo, kwati tulelya mu cifulo ca tuko;
Aba ku fyalo fimbi bakalalya mu fibolya umwaleikala inama ishaina.
18 We bulanda ku batiintila ifilubo fyabo ku ntambo sha bufi
Kabili abatiintila ulubembu lwabo ku ntambo she celeta;
19 Abatila: “Na-angufyanye ukubomba umulimo wakwe;
Umulimo wakwe nawise bwangu pa kuti tu-umone.
20 We bulanda ku balanda ati ubusuma bubi, no bubi abati busuma,+
Abalanda ati imfifi lubuuto, no lubuuto abati ni mfifi,
Abalanda ati icalula calilowa, ne calowa abati calilula!
22 We bulanda ku banwesha umwangashi
Na ku baume abakosa mu kusaakanya ubwalwa no ku bunwa,+
23 Abatila umubifi tali na mulandu pa mulandu wa mafisakanwa+
Kabili abafyenga uwalungama!+
24 E ico nga filya umulilo oca impimbili
Kabili nga filya icani icauma cipya mu mulilo,
Imishila yabo ikabola,
Kabili amaluba yabo yakasalangana ngo bunga,
Pantu balikene amafunde* ya kwa Yehova wa mabumba
Kabili nabasuula amashiwi ya Wa Mushilo wa kwa Israele.+
25 E mulandu wine ubukali bwa kwa Yehova bwaishila pa bantu bakwe,
Kabili akatambalika ukuboko kwakwe pali bena no kuboma.+
Impili shikatenta,
Kabili ifitumbi fyabo fikaba nge fisooso mu misebo.+
Pa mulandu wa ifi fyonse, ubukali bwakwe tabwapwa,
Lelo acili alitambalika ukuboko pa kuti abome.
26 Aimisha uluko+ ulwaba ukutali icishibilo;
Abalishisha umunsoli pa kuti bese ukufuma ku mpela sha pano isonde;+
Kabili moneni! bale-endesha+ sana pa kwisa.
27 Pali bena tapali uunakile nangu uuleipununa.
Tapali uuleshipula nangu uuleele.
Umushipi mu misana yabo taukakwike,
Kabili intambo sha pa ndyato shabo tashiputwike.
28 Imifwi yabo yonse yalitwa,
Kabili nabatiinta amata yabo yonse.
Amabondo ya bakabalwe babo yaba nge libwe ilyakosa,
Ne mipeto ya maceleta yabo ilebutukisha ngo mwela+ uukalamba.
Bakabuluma no kwikata ico balefwaya ukwikata
Kabili bakacisenda ukwabula nangu umo uwa kucipususha.
Onse uukalolesha pa calo akamona imfifi no bucushi;
No lubuuto talwakabeko pa mulandu wa makumbi.+
6 Mu mwaka Imfumu Usia yafwile,+ namwene Yehova naikala pa cipuna cakwe ica bufumu+ icasansuka, kabili ica kufwala afwele caiswile mwi tempele. 2 Baserafi balimushingulwike; cila serafi akwete amapindo 6. Yabili afimbile pa menso, na yambi yabili afimbile ku makasa, e lyo yambi yabili alepupukilako.
3 Kabili cila serafi ale-eba umunankwe ati:
“Wa mushilo, wa mushilo, wa mushilo Yehova wa mabumba.+
Pe sonde ponse paisula ubukata bwakwe.”
4 Kabili inceshi sha pa mwinshi shalisunkene pa mulandu ne fyo balebilikisha,* ne ng’anda yaiswilemo icushi.+
5 Lyena nalandile nati: “We bulanda kuli ine!
Ndi fye ngo wafwa,*
Pantu ndi muntu uwakowela imilomo,
Kabili njikala na bantu abakowela imilomo;+
Pantu amenso yandi yamona Imfumu, Yehova wa mabumba!”
6 Lyena serafi umo apupukile apo nali, kabili mu minwe yakwe mwali ilasha+ lya mulilo ilyo afumishe pa ciipailo+ ukubomfya ifya kumanikilako. 7 Ankumishe pa kanwa e lyo anjeba ati:
“Mona! Ili ilasha lyakumya imilomo yobe.
Ifilubo fyobe fyapwa,
Kabili waelelwa ulubembu lobe.”
8 Lyena naumfwile Yehova aleti: “Nani ndetuma, kabili nani alaba inkombe yesu?”+ E lyo nalandile nati: “E po ndi! Ntumeni!”+
9 E lyo anjebele ati: “Kabiye, kebe aba bantu auti:
10 Lenga imitima ya aba bantu ikunkume,+
Lenga amatwi yabo yakome,+
Kabili shibatika amenso yabo,
Pa kuti yemona,
Na matwi yabo yeumfwa,
Na pa kuti imitima yabo iyiluka
Kabili bealuka no kupola.”
11 E lyo nalandile nati: “Kufika lilali, mwe Yehova?” Na o anjebele ati:
“Mpaka imisumba ikabongoloke ica kuti tamwakabe aba kwikalamo,
Kabili mu mayanda tamwakabe abantu abakalaikalamo,
Ne calo cikonaike kabili cikabe icibolya;+
12 Mpaka Yehova akatamfishe abantu ukutali,+
Kabili icalo cikonaike sana.
13 Lelo mu calo mukashala abantu abanono,* kabili cikapya na kabili, nge cimuti icikalamba kabili nge cimuti icalulubala, ica kuti nga bacitema kwashala icishiki. Ulubuto* lwa mushilo e lukaba icishiki ca ciko.”
7 Nomba mu nshiku sha kwa Ahasi+ umwana wa kwa Yotamu, umwana wa kwa Usia, imfumu ya Yuda, e mo Resini imfumu ya Siria na Peka+ umwana wa kwa Remalia, imfumu ya Israele, baile ku musumba wa Yerusalemu mu kulwa na o, lelo alifililwe* uku-ucimfya.+ 2 Kwali abaile-eba aba mu ng’anda ya kwa Davidi abati: “Abena Siria nabomana akapi na bena Efraimu.”
Lyena umutima wa kwa Ahasi ne mitima ya bantu bakwe fyatendeke ukututuma, nga filya ifimuti fya mu mutengo fitenkana nga kuli umwela.
3 Lyena Yehova aebele Esaya ati: “Kabiye no mwana obe Sheari-yashubu,*+ mukumanye Ahasi, ku mpela ya mufoolo uukalamba uwa cishiba+ ca pa muulu, icabela mu musebo wa mu mpanga ya muntu uuwasha insalu. 4 Ufwile ukumweba ati, ‘Ucenjele kabili uteeke umutima. Witiina, kabili wileka umutima obe ututume pa mulandu wa utu utupimfya tubili utwa milando utusheleko ukupya utulefuuka icushi, pa mulandu wa cipyu ca kwa Resini imfumu ya Siria no mwana wa kwa Remalia.+ 5 Pantu abena Siria na bena Efraimu no mwana wa kwa Remalia nabakupangila ukukucita ifyabipa, baleti: 6 “Natuleya ku calo ca Yuda tuye cibongolola* kabili tucicimfye,* tusonte no mwana wa kwa Tabeele abe imfumu+ muli ici calo.”
7 “‘Shikulu Mulopwe Yehova atila:
“Ifi te fyo cikaba,
Kabili tafyakacitike.
8 Pantu umusumba uukalamba mu Siria ni Damaseke,
Ne mfumu ya mu Damaseke ni Resini.
Mu myaka fye 65
Abena Efraimu bakatobaulwa ica kuti tabakabe uluko.+
Nga tamukwete icitetekelo icakosa,
Tamwakacingililwe.”’”
10 Yehova akonkenyepo ukulanda na Ahasi, ati: 11 “Lomba icishibilo kuli Yehova Lesa obe,+ kuti caba icashika nge Nshiishi* nelyo kuti caba icasansama ngo muulu.” 12 Lelo Ahasi alandile ati: “Nshamulombe, kabili nshaeshe Yehova.”
13 Lyena Esaya alandile ati: “Umfweni mwe ba mu ng’anda ya kwa Davidi. Bushe tamwatendwa ukwesha abantu? Bushe mulefwaya ukwesha na Lesa?+ 14 E ico Yehova umwine akamupeela icishibilo: Moneni! Umukashana akemita kabili akafyala umwana umwaume,+ akamwinika ati Imanuele.*+ 15 Akalalya umukaka watikama* no buci ilyo ashilaishiba ifya kukaana ifyabipa ne fya kusala ifisuma. 16 Pantu ilyo umulumendo ashilaishiba ifya kukaana ifyabipa ne fya kusala ifisuma, icalo ca mfumu shibili isho uletiina cikalekeleshiwa+ nga nshi. 17 Yehova akaleta pali iwe na pa bantu bobe na pa ba mu ng’anda ya kwa wiso inshita iya-afya iishatala aibako ukutula pa bushiku abena Efraimu bapatukanine na baYuda,+ pantu akamuletela imfumu ya ku Asiria.+
18 “Muli bulya bushiku, Yehova akalishisha balunshi umunsoli ababa ukutali ku tumilonga twa mu mumana wa Naelo uwa ku Egupti, kabili akalishisha inshimu ishaba mu calo ca Asiria. 19 Kabili fyonse fikesa no kwikala mu mikonko, na pa milale iikalamba iya mabwe, na pa fimpusa fya myunga fyonse, e lyo na pa ncende shonse apo inama shinwena amenshi.
20 “Muli bulya bushiku Yehova akabomfya ica kubeyelako ica kwashima ica mu citungu ca Mumana.* Akabomfya imfumu ya bena Asiria+ pa kubeya ku mutwe no bupipi bwa ku molu, akabeyela kumo no mwefu.
21 “Muli bulya bushiku umuntu akasunga ing’ombe iyana iya pa mukuni ne mpaanga shibili. 22 Kabili pa mulandu wa kuti umukaka ukafula sana, akalalya umukaka watikama,* pantu umuntu onse uukashala mu calo akalalya umukaka watikama* no buci.
23 “Muli bulya bushiku, ponse apali ifimuti fya myangashi 1,000 ifyo bengashita mu ndalama sha silfere 1,000, pakaba ifimpusa fya myunga ne fyani. 24 Abaume bakayako ninshi nabasenda imifwi no buta, pantu mu calo conse mukaba fye ifimpusa fya myunga ne fyani. 25 Kabili pa mpili shonse apo baleseba ku lukasu tamwakayepo pantu mukalatiina ifimpusa fya myunga ne fyani. Pali ishi mpili epo ing’ombe ishilume shikalalya icani kabili e po impaanga shikalanyantaula.”
8 Yehova anjebele ati: “Buula ilibwe ilyapaapaatala+ ilikalamba kabili ulembepo ati, ‘Maheri-shalali-hashibashi,’* ubomfye akakulembelako akaseeka.* 2 Ndefwaya bakambone ba cishinka aba kulemba* ukuti nabamonako ifyo ulembele. Aba bakambone ni Uria+ shimapepo na Sekaria umwana wa kwa Yeberekia.”
3 Lyena naleele* na kasesema umwanakashi* kabili alimite. Mu kupita kwa nshita afyele umwana umwaume.+ Lyena Yehova anjebele ati: “Mwinike ati Maheri-shalali-hashibashi, 4 pantu ilyo uyu mwana ashilaishiba ukulanda ati, ‘Tata!’ na ‘Mayo!’ abantu bakasenda ifyuma fya mu Damaseke ne fyo bakapokolola mu Samaria, kabili bakafitwala pa ntanshi ya mfumu ya bena Asiria.”+
5 Yehova alandile na ine na kabili, atile:
6 “Apo aba bantu nabakaana amenshi ya mu Shiloa*+ ayapita panono panono
Kabili balitemwa Resini no mwana wa kwa Remalia,+
7 E ico mona! Yehova akaleta pali bena
Amenshi aya maka kabili ayengi aya mu Mumana,*
Imfumu ya bena Asiria+ no bucindami bwa iko bonse.
Ikeshila pa milonga ya iko yonse
Kabili ikapoosa mu lulamba lwa iko lonse
8 No kupita mu calo conse ica Yuda.
Akaba nge lyeshi ilikapita mu calo, likafika mu mukoshi;+
Kabili amapindo yakwe ayafungululwa yakakumana mu bwipi bwa calo cobe,
9 Baceneni, lelo bakamutobaula.
Umfweni bonse mwe ba mu fitungu fya pe sonde ifyaba ukutali!
Ipekanyeni ukulwa inkondo,* lelo bakamutobaula!+
Ipekanyeni ukulwa inkondo, lelo bakamutobaula!
10 Pangeni ipange, lelo bakalifulunganya!
11 Ifi e fyo Yehova anjebele ninshi ukuboko kwakwe ukwa maka kuli pali ine, pa kuti alenge ndeke ukwenda mu nshila sha aba bantu, atile:
12 “Fyonse ifyo aba bantu baletila mapange ayabipa, mwitila mapange ayabipa!
Mwitiina ico batiina;
Mwicitutuma.
13 Yehova wa mabumba e o mulemona ukuti wa mushilo,+
E o muletiina,
Kabili e ufwile ukulenga muletutuma.”+
14 Akaba icifulo ca mushilo,
Lelo akaba ilibwe lya kuipununako
Kabili cilibwe ca kuipununako+ no kuwa
Ku ba mu mayanda yonse yabili aya kwa Israele,
Akaba ulukose kabili iciteyo
Ku bekala mu Yerusalemu.
15 Abengi pali bena bakaipununa no kuwa kabili bakaicena;
Bakekatwa mu citeyo.
16 Funga ifyo bakambone balembele ifya kushininkishishako;
Kakatika amafunde* kabili upeele abasambi bandi!
17 Nkalalolela Yehova+ uulefisa icinso cakwe ku ba mu ng’anda ya kwa Yakobo,+ kabili e o nkacetekela.
18 Moneni! Ine na bana abo Yehova ampeela+ tuli fishibilo+ kabili tuli fipesha amano, ifyo Yehova wa mabumba uwikala mu lupili lwa Sione acita mu Israele.
19 Nga bamweba abati: “Ipusheni ku bomfwana ne mipashi nelyo ku basobela ifya ku ntanshi, abalanda ifishumfwika kabili abatepelesha,” bushe abantu bonse tabafwile ukweba Lesa ukuti abafwe? Bushe aba mweo+ kuti baeba abafwa ukuti babafwe? 20 Lelo bafwile ukumona ifyo amafunde yalanda no bushininkisho ubo bakambone balembele!
Nga balelanda ifyapusana ne fyo Lesa alanda, ninshi tabakwata ulubuuto.*+ 21 Kabili umuntu onse akapita mu calo ninshi alecula kabili ninshi ali ne nsala.+ Kabili pa mulandu wa kuti akaba ne nsala kabili akakalipa, akatiipa imfumu yakwe na Lesa wakwe ninshi alelolesha mu muulu. 22 Lyena akalolesha pa calo kabili akamonapo fye ubucushi ne mfifi, ukupelelwa ne nshita isha-afya, imfifi iyafitiisha kabili tapakabe ulubuuto.
9 Lelo imfifi tayakabe nga filya yali ilyo mu calo mwali ubucushi, filya yali kale ilyo icalo ca kwa Sebuluni ne calo ca kwa Naftali bafisaalwile.+ Lelo pa numa akalenga cilya calo ne nshila yaya kuli bemba, kumo ne citungu ca Yordani na Galili wa bena fyalo, fikacindikwe.
2 Abantu abale-enda mu mfifi
Nabamona ulubuuto ulukalamba.
Na bantu abaleikala mu calo umwali imfifi iyafiitisha,
Ulubuuto nalusanika.+
3 Naulenga abantu bafula mu luko;
Naulenga lwalasekelela nga nshi.
Balasekelela pa ntanshi yobe
Nga filya abantu basekelela mu nshita ya kusombola,
Nga filya abaleakana ifipe ifyo bapokolwele abo bacimfishe basekelela.
4 Pantu nauputaula ikoli ilyo basendelapo ifipe fyafina,
Inkonto iili pa mabeya yabo, inkonto ya kwa kapitao wabo,
Nga filya cali ilyo abena Midiani+ babacimfishe.
5 Insapato shonse ishinyantaula umushili pa kwenda
Ne fya kufwala fyonse ifyo batumpika mu mulopa,
Fikapya mu mulilo.
Bakamwinika ukuti, Mpanda Mano wa Kupapusha,+ Lesa wa Maka,+ Wishi wa pe, Kateka wa Mutende.
7 Ukuteka* kwakwe kukaba fye konse
Kabili umutende tawakapwe+
Pa cipuna ca kwa Davidi+ na mu bufumu bwakwe
Pa kuti umulinganya+ no bulungami+ fikalenge bukakose+
Kabili bukabeko umuyayaya,
Ukufuma nomba ukuya umuyayaya.
Ukucincila kwa kwa Yehova wa mabumba e kukalenga ifi fikacitike.
9 Kabili abantu bonse bakayeshiba,
Abena Efraimu na bekala mu Samaria,
Abo pa mulandu no kuitutumuna no musaalula mu mitima yabo balanda abati:
Ifimuti fya mikunyu nabafitema,
Lelo tukapyanikapo imikedari.”
11 Yehova akemisha Resini abalwani bakwe
Kabili akalenga bakamusanse.
12 Abena Siria bakafuma ku kabanga e lyo abaPelishiti bakafuma ku masamba,*+
Bakaasamuna utunwa+ twabo pa kulya abena Israele.
Pa mulandu wa ifi fyonse, ubukali bwakwe tabwapwa,
Lelo acili alitambalika ukuboko pa kuti abome.+
14 Yehova akaputula umutwe no mucila wa kwa Israele,
E kutila icilepuuka e lyo ne cani icitali,* mu bushiku bumo.+
16 Abatungulula aba bantu balalenga baluba,
Kabili abo batungulula, balipelenganishiwa.
17 E mulandu wine Yehova ashakasekelemo mu balumendo babo,
Kabili takabelele uluse abana babo abashakwata bashibo* na bamukamfwilwa babo,
Pantu bonse aba basangu kabili balacita ifyabipa.+
Kabili akanwa konse kalanda ifyabulamo amano.
Pa mulandu wa ifi fyonse, ubukali bwakwe tabwapwa,
Lelo acili alitambalika ukuboko pa kuti abome.+
18 Pantu ububifi bupya ngo mulilo,
Buloca ifimpusa fya myunga ne fyani.
Buloca ifimuti ifyatitikana mu mutengo,
Kabili icushi ca fiko cifutumukila mu muulu.
Takwakabe nangu umo uukafwilisha umunankwe, nangu fye ni munyina.
20 Umuntu akaputula umunofu wa ku kulyo,
Lelo akaba ne nsala;
Kabili umuntu akalya umunofu wa ku kuso,
Lelo takekute.
Bonse babili bakemina Yuda.+
Pa mulandu wa ifi fyonse, ubukali bwakwe tabwapwa,
Lelo acili alitambalika ukuboko pa kuti abome.+
10 We bulanda ku bapanga amafunde+ ayalenga abantu balacula,
Abatwalilila ukulemba ifipope ifilenga abantu balacula,
2 Pa kuti balenge abapiina belatwala imilandu ku cilye,
Pa kuti bafyenge abantu+ bandi abashakwata ba kubafwa,
Pa kuti basende ifipe fya bamukamfwilwa
Kabili pa kuti bapoke ifintu+ fya bana abashakwata bashibo!*
4 Tapali nangu cimo ico twingacita, kano fye ukufukama pa bafungwa
Nelyo ukuwila pamo nabo bepeye.
Pa mulandu wa ifi fyonse, ubukali bwakwe tabwapwa,
Lelo acili alitambalika ukuboko kwakwe pa kuti abome.+
Inkonto ya kulangilamo ubukali+ bwandi,
Kabili inkonto iili mu minwe yabo eyakukandilako!
6 Nkabatuma mu kuyalwisha uluko+ lwa basangu,
Ku kuyalwisha abantu abamfulwisha;
Nkabeba ukuyabapoka ifintu ifingi
No kuya banyantaula nga matipa ya mu musebo.+
7 Lelo tabakatontonkanye pa kucita ifi,
Kabili umutima wabo tawakapange ukucita ifi;
Pantu ico umutima wabo ufwaisha,
Kwipaya inko ishingi, te shinono iyo.
9 Bushe Kalno+ taba fye nga Karikemishi?+
Bushe Hamati+ taba fye nga Aripadi?+
Bushe Samaria+ taba fye nga Damaseke?+
10 Ukuboko kwandi kwalipoka amabufumu ya tulesa twa fye,
Uto ifimpashanya fya tuko fyafulile ukucila ifyali mu Yerusalemu na mu Samaria!+
11 Bushe ifyo nkacita Samaria na tulesa+ twakwe utwa fye
Te fyo nkacita Yerusalemu no tulubi twakwe?’
12 “Ilyo Yehova akapwisha imilimo yakwe yonse pa lupili lwa Sione na mu Yerusalemu, akakanda imfumu ya bena Asiria pa mulandu wa musaalula uwaba mu mutima wa iko, na pa mulandu wa kuti ilaitutumuna kabili amenso+ ya iko ya cilumba. 13 Pantu alanda ati,
‘Nkacita ifi ku kuboko kwandi ukwa maka
Kabili ku mano yandi, pantu ndi wa mano.
Nkafumyapo imipaka ya nko+
Kabili nkapoka ifyuma+ fyabo,
Kabili nkacimfya abekalamo nga filya uwa maka+ acimfya.
14 Nga filya fine umuntu afisha ukuboko kwakwe mu cinsa,
E fyo no kuboko kwandi kukekata ifyuma fya nko;
Kabili nga filya fine umuntu alonganika amani ayo balekelesha,
E fyo nkalonganika ifintu fyonse pe sonde!
Takwakabe nangu umo uukalapampaila amapindo yakwe nelyo uukasamuna akanwa nelyo uukalalanda ifishakaleumfwika.’”
15 Bushe isembe kuti lyaicindamika pa muntu uulibomfya ukutemenako?
Bushe soo kuti yaicindamika pa muntu uuibomfya ukuputwilako?
Bushe inkonto+ kuti yasunsha umuntu uuimishe?
Nelyo bushe inkonto kuti yaimya uushapangilwa ne cimuti?
16 E ico Shikulu wa cine, Yehova wa mabumba,
Akalenga abaina+ babo bakonde
Kabili mwi samba lya bukata bwabo, akakoshamo umulilo.+
17 Ulubuuto+ lwa bena Israele lukaba umulilo,+
Kabili Uwa Mushilo wabo akaba ulubingu;
Lukabilima no koca ifyani fya bena Asiria ne fimpusa fyabo ifya myunga mu bushiku bumo.
18 Akonaula ubukata bwa mutengo wabo no bwe bala lyabo ilya fisabo;
Cikaba nga filya amaka ya mulwele yaya yalepwa.+
19 Ifimuti ifikashala mu mutengo wabo
Fikaba ifinono sana ica kuti no mwaice kuti afipenda.
20 Muli bulya bushiku abakashalapo pa bena Israele
Na ba mu ng’anda ya kwa Yakobo abakapusuka
Bakaleka ukushintilila pa wabomine,+
Lelo bakashintilila pali Yehova,
Uwa Mushilo wa kwa Israele, kabili bakaba ne cishinka kuli ena.
22 Pantu nangu ca kuti abantu bobe, we Israele,
Baba ngo mucanga wa kuli bemba,
Banono fye abashalapo e bakabwela.+
23 Nangu cibe shani, ubupingushi Shikulu Mulopwe Yehova wa mabumba apingula ubwa kulofya abantu,
Bukacitika mu calo+ conse.
24 E ico Shikulu Mulopwe, Yehova wa mabumba alanda ati: “Mwitiina mwe bantu bandi abekala mu Sione, mwitiina abena Asiria abalemuumina ku nkonto,+ kabili abaleimya inkonto pa kumuuma nga filya abena Egupti balecita.+ 25 Pantu mu nshita fye iinono, nalaleka ukumukanda. Ubukali bwandi bukaba pa bena Asiria ica kuti nkabonaula.+ 26 Yehova wa mabumba akabemisha+ ubwembya nga filya acitile ilyo acimfishe abena Midiani pa cilibwe ca Orebu;+ kabili akatambalika inkonto yakwe pali bemba, kabili akaimya nga filya acitile ku bena Egupti.+
27 “Muli bulya bushiku icipe cabo icafina cikafuma pa mabeya+ yenu,
Kabili ikoli lyabo likafuma pa mikoshi+ yenu,
Kabili likaputuka+ pa mulandu na mafuta.”
29 Bayabukila umumana apashashika;
Balaala mu Geba;+
Abena Rama batutuma, abekala mu musumba wa Gibea+ uwa kwa Shauli babutuka.+
30 Punda mutuule we mwana mwanakashi Galimu!
Bikako amano Laisha!
We bulanda kuli Anatote!+
31 Abekala mu Mademena nababutuka.
Abekala mu Gebimu nabafwaya umwa kubelama.
32 Pali ubu bwine bushiku akeminina mu Nobu.+
Alemena ikofi ulupili lwa mwana mwanakashi Sione,
Akapili ka mu Yerusalemu.
33 Moneni! Shikulu wa cine, Yehova wa mabumba,
Aletema imisambo kabili ilepanga icongo icikalamba ilyo ilepona panshi;+
Ifimuti ifitali balefitema,
Ifimuti ifikalamba balefiwisha.
11 Aka musambo+ kakamena ku cishiki ca kwa Yese,+
Kabili akamuti+ akakamena ku mishila yakwe kakatwala ifisabo.
2 Kabili umupashi wa kwa Yehova ukaba pali ena,+
Umupashi wa mano+ kabili uwa kwiluka,
Umupashi wa kupanda amano kabili uwa maka,+
Umupashi wa kwishiba kabili uwa kutiina Yehova.
3 Kabili mu kutiina Yehova+ e mo akalasekelela.
Takalepingula ukulingana ne fyo akalamona fye,
Nelyo ukulungika umuntu ukulingana ne fyo amatwi yakwe yakalaumfwa.+
4 Akaba no mulinganya* pa kupingula abashakwata ba kubafwa,
Kabili akalungika abantu mu bulungami pa kuti ifintu fikawamine abafuuka aba pe sonde.
Akoma isonde ku mashiwi ya mu kanwa+ kakwe ayaba nge nkonto
6 Umumbulu na kana ka mpaanga+ fikekala pamo pa nshita imo,
Kabili akana ka mbushi ne mbwili fikalaala pamo,
No mwana wa ng’ombe ne nkalamo* ne nama iyaina fikaba pamo;*+
Kabili umwaice e ukalaficema.
7 Ing’ombe na bere fikaliila pamo,
Na bana ba fiko bakalaala pamo.
Inkalamo ikalya icani nge ng’ombe.+
8 Umwana uonka akangala pa bwendo bwa nsoka ya busungu sana;*
Kabili umwana uo basumuna akabika ukuboko kwakwe pa bwendo bwa nsoka ya busungu.
Nangu ukuleta ubonaushi mu lupili+ lwandi ulwa mushilo monse,
Pantu mwi sonde mukesula ukwishiba Yehova
Nga filya amenshi yaisula muli bemba.+
10 Muli bulya bushiku, umushila wa kwa Yese+ ukeminina nge cishibilo ca nko.+
Kuli ena e ko inko shikaya pa kuti ashipandeko amano,*+
Kabili icifulo cakwe ica kutuushishapo cikacindama.
11 Muli bulya bushiku Yehova akatambika ukuboko kwakwe pa muku walenga bubili, pa kuti abweshe abantu bakwe abashalapo ukufuma ku Asiria,+ ku Egupti,+ ku Patrose,+ ku Kushi,+ ku Elamu,+ ku Shinari,* ku Hamati na ku fishi fya pali bemba.+ 12 Akemisha inko icishibilo kabili akalonganika abena Israele+ abo bapasa, na baYuda abasalanganina ku mpela 4 ishe sonde,+ akabalonganika.
Efraimu takalefimbila Yuda,
Kabili Yuda na o takalecusha Efraimu.+
14 Kabili bwangu bwangu bakatentemukila* ku masamba ya mpili sha mu calo ca baPelishiti;
Bakaba pamo pa kupokolola abena Kabanga ifipe.
Ku mupu* wakwe uoca, akoma imilonga* 7 iya ulu lubali,
Kabili akalenga abantu bakalwabuke ninshi nabafwala indyato.
16 Kabili kukaba umusebo,+ umo abantu bakwe abashalapo+ bakapita ilyo bakafuma mu Asiria,
Nga filya fine kwali umusebo, umo abena Israele bapitile ilyo bafumine mu calo ca Egupti.
12 Nangu cibe shani muli bulya bushiku ukalanda ati:
“Ndemutasha mwe Yehova,
Pantu nangu ca kuti mwalimfuliilwe,
Panono panono ubukali bwenu bwalipwile, kabili mwalinsansamwishe.+
2 Moneni! Lesa e pusukilo+ lyandi.
Nkamucetekela kabili nshakatiine;+
Pantu Jah* Yehova e maka yandi kabili e uncingilila,
Kabili naba ipusukilo+ lyandi.”
4 Kabili muli bulya bushiku mukalanda amuti:
“Tooteleni Yehova, lilileni kwi shina lyakwe,
Lengeni abantu na bantu+ beshibe imilimo yakwe!
Bilisheni ukuti ishina lyakwe nalicindikwa.+
5 Imbileni Yehova+ inyimbo sha kumulumbanya,* pantu ifyo acita fikalamba.+
Bilisheni ifyo acita mwi sonde lyonse.
6 Welesha kabili sekelela we wikala* mu Sione,
Pantu Uwa Mushilo uwa kwa Israele uwaba na iwe mukalamba.”
13 Ubukombe bwa bupingushi pali Babiloni+ ubo Esaya+ umwana wa kwa Amose amwene mu cimonwa:
2 “Imyeni icishibilo+ pa lupili apaba fye amabwe yeka yeka.
Babilikisheni, imyeni ukuboko mubacebushe,
Pa kuti bengile mu mpongolo sha bashimucindikwa.
3 Nimpeela abo nasala*+ ifunde.
Ninjita abashilika bandi abasekelela kabili aba cilumba,
Pa kuti inangile ubukali bwandi muli bena.
4 Umfweni! Kuli ibumba mu mpili;
Icongo caliko cileumfwika nge congo ca bantu abengi nga nshi!
Umfweni! Ifimfulunganya fya mabufumu,
Ifya nko isho balonganike pamo!+
Yehova wa mabumba alelonganika abashilika pa kuti balwe inkondo.+
5 Yehova aleisa ne fyanso fya bukali bwakwe,
Alefuma ku calo+ ca kutali,
Ku mpela ya muulu,
Aleisa mu konaula isonde+ lyonse.
6 Loosheni mwe bantu, pantu ubushiku bwa kwa Yehova nabupalama!
Bukaba bushiku bwa bonaushi ubwa Wa Maka Yonse.+
Ubukali nabubekata,
Bali ngo mwanakashi uulepaapa.
Baleloleshanya ninshi bali no mwenso,
Ifinso fyabo filelanga fye ukuti balekalipwa.
9 Moneni! Ubushiku bwa kwa Yehova buleisa,
Bushiku bwa bunkalwe, ubwa cipyu kabili ubwa bukali ububilima ngo mulilo,
Bukalenga icalo cikonaike ica kuti abantu bakalapapa+ nga bacimona,
Kabili bukonaula ababembu ba mu calo.
10 Pantu intanda sha mu muulu na mabumba ya shiko*+
Tafyakasanike;
Ilyo akasuba kakatula, kakafiita,
Kabili umweshi tawakabalike.
Nkapwisha icilumba ca baituntumba,
Kabili nkacefya abankalwe+ aba matutumuko.
12 Nkalenga umuntu umwina kufwa akaafye ukumusanga ukucila golde+ iyo balopolola,
Kabili abantu bakaafya ukusanga ukucila golde ya ku Ofiri.+
13 E co nkalengela imyulu ikatutume,
Kabili isonde likatenta, likafume na pa cifulo+ ca liko
Pa mulandu wa bukali bwa kwa Yehova wa mabumba, mu bushiku ilyo ubukali bwakwe bukapya ngo mulilo.
14 Nge mpombo iyo balelunga kabili nge mpaanga ishishikwete uwa kushilonganika,
Cila muntu akabwelela ku bantu bakwe;
Cila muntu akafulumukila ku calo+ cakwe.
15 Onse uo bakasanga bakamulasa umufwi ica kuti ukapula no kupula,
Kabili onse uo bakekata bakamwipaila ku lupanga.+
16 Abana babo bakabasansaula ninshi balemonako,+
Bakasenda ne fipe fya mu mayanda yabo,
Kabili abaume bambi bakalaala na bakashi babo ku maka.
18 Amata yabo yakepaya abalumendo;+
Tabakomfwile uluse ifisabo fya mwi fumo
Kabili tabakomfwile uluse abana.
19 Kabili Babiloni, umusumba uwacindamisha uwa mabufumu,*+
Uo abena Kaldi+ basekelamo kabili uo bayumfwilapo,
Ukaba nga filya Sodomu na Gomora fyali ilyo Lesa afyonawile.+
No mwina Arabia takatanikemo itenti lyakwe,
Kabili takwakabe kacema uukaleka impaanga shakwe shikatuushishemo.
21 Inama sha mu fiswebebe e mo shikalalaala;
Mu mayanda yabo mukesula ifipululu.
22 Inama sha mu mpanga shikalalilila mu mpungu sha uko,
Kabili bamumbwe bakalalilila mu masano ya uko ayasuma.
Inshita ya uko naipalama, kabili inshiku sha uko tashakatantalile.”+
14 Pantu Yehova akabelela Yakobo+ uluse, kabili akasala Israele+ na kabili. Akalenga bakekale* mu calo+ cabo, na ba ku fyalo fimbi bakailunda kuli bena kabili bakekala na ba mu ng’anda ya kwa Yakobo.+ 2 Kabili abantu ba mu nko shimbi bakabwesesha abena Israele ku calo cabo, kabili aba mu ng’anda ya kwa Israele bakabuula aba mu nko shimbi, bakabe ababomfi babo abaume na babomfi+ babo abanakashi mu calo ca kwa Yehova; kabili bakekata ababekete, kabili abalebapatikisha ukubomba* bakalanakila abena Israele.
3 Mu bushiku Yehova akalenga ukatuushe ku kukalipwa kobe na ku bucushi na ku busha ubo walimo,+ 4 ukalanda ili ipinda pa kupumya imfumu ya ku Babiloni auti:
“Iye ifyo uwalepatikisha* abantu ukubomba aleka ukubapatikisha!
Iye ifyo ukucula kwapwa!+
5 Yehova akontola inkonto ya babifi,
Inkonto ya bakateka,+
6 Akontola inkonto ya utwalilila fye ukuuma abantu ninshi nakalipa,+
Uutwalilila fye ukucusha+ inko ninshi nakalipa pa kuti ashicimfye.
7 Isonde lyonse nalituusha, lili tondolo.
Abantu balesekelela.+
8 Ne mikupri ilesekelela pali iwe,
Kumo ne mikedari ya mu Lebanone,
Ileti, ‘Ukutula apo wawila,
Takwaba nangu umo uutema ifimuti uwisa mu kututema.’
Pa mulandu obe, yabuusha abafwa,
Intungulushi* shonse isha pe sonde ishalecusha abantu.
Yalenga imfumu shonse isha mu nko shaima pa fipuna fya shiko ifya bufumu.
10 Shonse shatendeka ukulanda kabili shalakweba ashiti,
‘Bushe na iwe naunaka nga ifwe?
Bushe uli nga ifwe?
Panshi yobe nabanshikapo imititi pa kuti ibe ica kusendamapo cobe,
Ne myambo e ca kufimbana cobe.’
12 Yangu ifyo wapona ukufuma mu muulu,
We ubengeshima, umwana wa macaca!
Ifyo bakuputula, waponena na pe sonde,
We walecimfya inko!+
13 Walandile mu mutima obe auti, ‘Nkaya ku muulu.+
Nkabika icipuna candi ica bufumu+ pa muulu wa ntanda sha kwa Lesa,
Kabili nkekala pa lupili lwa kukumaninapo,
Ku mpela ya kapinda ka ku kuso.+
14 Nkaya pa ncende iyasansuka iyaba pa muulu wa makumbi;
Nkaba ngo Wapulamo.’
16 Abakalakumona bakalakulolekesha;
Bakalakuceeceeta bwino bwino kabili bakalalanda abati,
‘Bushe e uyu uwaletensha isonde,
Uwalelenga amabufumu yalatutuma,+
17 Uwalengele isonde lyaba nga matololo
Kabili uwacimfishe imisumba+ ya liko,
Uushalefwaya ukuleka abafungwa baye ku mwabo?’+
19 Lelo bakupoosa fye ukwabula ukukushiika,
Ngo musambo uo bapata,
Ifitumbi fya bantu abo balashile ku lupanga,
Abaleya panshi ku mabwe ya mu cilindi fyalikufimba,
Waba nge citumbi ico banyantaula.
Abana ba bacita ifyabipa tabakabebukishe umuyayaya.
21 Pekanyeni apa kwipaila abana bakwe
Pa mulandu ne membu sha fikolwe fyabo,
Pa kuti bekema no kupoka isonde
Kabili bekesusha mu calo imisumba yabo.”
22 “Nkabemina,”+ e fyo Yehova wa mabumba alanda.
“Kabili nkalofya mu Babiloni ishina, abashalapo, abatuntuka muli bena na bana abakafyalwa,”+ e fyo Yehova alanda.
23 “Kabili nkamulenga akabe umwakwikala ifinungi* kabili akabe ilungu umwaba amenshi. Nkamupyangila ku cipyango ca bonaushi,”+ e fyo Yehova wa mabumba alanda.
24 Yehova wa mabumba nalapa ati:
“Ifyo mfwaya, e fyo cikaba,
Kabili ifyo nasalapo, e fikacitika,
Ikoli lyakwe likafuma pali bena,
Kabili icipe cakwe icafina cikafuma pa mabeya+ yabo.”
26 Ifi e fyo isonde lyonse balipingwile,*
Kabili uku e kuboko ukutambalikwe pa kuti kuume inko shonse.
Natambalika ukuboko kwakwe,
Nani uwingakubwesha?+
28 Mu mwaka Imfumu Ahasi yafwile,+ Lesa alitumine aya amashiwi ya bupingushi:
29 “Wisekelela we calo ca Pelishiti na bonse abekalamo,
Pa mulandu fye wa kuti inkonto ya ulekuuma naikontoka.
Pantu mu mani* ya nsoka+ mukafuma insoka ya busungu,+
Kabili abana ba iko bakaba ni nsoka iipupuka kabili iifumya umulilo.*
30 Ilyo amabeli ya bapiina yakalalya,
Kabili ilyo abapiina bakalaala mu mutende,
Nkaleta icipowe icikepaya umushila obe,
Kabili abakashalapo pa bantu bobe bakabepaya.+
31 Loosha we mpongolo! Loosha we musumba!
Bonse mwe baPelishiti mukanenuka!
Pantu icushi cilefuma ku kapinda ka ku kuso,
Kabili takuli uulefuma mwi bumba lyakwe ilya bashilika.”
32 Bushe bafwile ukwasuka shani inkombe sha luko?
Bafwile ukushasuka ati Yehova napanga umufula wa Sione,+
No kuti abapiina pa bantu bakwe e mo bakooba.
15 Aya e mashiwi ya bupingushi pali Moabu:+
Pantu nabamonaula ubushiku,
Ari+ uwa mu Moabu nabamutalalika.
Pantu nabamonaula ubushiku,
Kiri+ wa mu Moabu nabamutalalika.
Moabu aleloosha Nebo+ na Medeba.+
Bonse nabababeya amapala+ no mwefu.+
3 Abantu bali mu misebo yakwe ninshi nabafwala insamu.
Bali pa mitenge ya mayanda yabo kabili bali mu mansa sha musumba;
Bonse baleloosha, baletentemuka ninshi balelila.+
E mulandu wine abaume abena Moabu abaipangeshe ne fyanso balepundila.
Baletutuma.*
5 Umutima wandi uleloosha Moabu.
Abo aikete nababutuka, nabafika na ku Soari+ na ku Egelati-shelisha.+
Ilyo bale-enda mu nshila iyaya pa muulu iya Luhiti, balelila;
Ilyo baleya ku Horonaimu, baleloosha pa fyabipa ifibacitikiile.+
6 Pantu amenshi ya mu Nimrimu nayakama yonse.
Icani iciteku nacuuma,
Icani nacipwa; takuli icani iciteku nangu cimo icishele.
7 E mulandu wine balesendela ifipe ifyashelepo ne fyuma fyabo;
Baleabuka umupokapoka umwaba ifimuti fya miarabimu.
8 Pantu ukulila kuleumfwika mu calo conse ica Moabu.+
Ukuloosha kuleumfwika ku Eglaimu;
Ukuloosha kuleumfwika ku Beere-elimu.
9 Pantu amenshi ya mu Dimone yali fye umulopa weka weka,
Kabili nkaleta ubucushi na bumbi pali Dimone:
Abena Moabu abakabutuka nkabaletela inkalamo
Kumo nabakashala mu calo.+
16 Tumeni impaanga iilume kuli kateka wa mu calo,
Ukufuma ku Sela ukupita mu matololo,
Ukuya ku lupili lwa mwana mwanakashi Sione.
2 Nga filya fine ciba ku cuni ico batamfya pa cinsa,+
E fyo cikaba na ku bana banakashi ba kwa Moabu pa fyabu fya Arnone.+
3 “Pandeni amano, citeni ifyo musalilepo ukucita.
Ilyo akasuba kali pa kati ka mutwe, lengeni icinshingwa cenu cifiite ngo bushiku.
Fiseni abo bapasa kabili mwipondokela abalefulumuka.
4 Leka abantu bandi abo bapasa baleikala muli iwe we Moabu.
Ube icifulo ca kuti bafisamemo pa mulandu wa onaula.+
Uubacusha ali no kuloba,
Ubonaushi buli no kupwa,
Kabili abanyantaula abantu banabo bakaloba mwi sonde.
5 Lyena ukutemwa ukushipwa kukaba e mufula apo icipuna ca bufumu bakaciteka.
Kabili uwikalapo mwi tenti lya kwa Davidi akaba uwa cishinka;+
Akaba no mulinganya pa kupingula kabili akala-angufyanya ukucita icalungama.”+
6 Natumfwa ifyo Moabu aba ne cilumba, wa cilumba+ nga nshi.
Natumfwa amatutumuko yakwe, icilumba cakwe no bukali+ bwakwe;
Ifya fye ifyo alanda tafyakacitike.
Abo bauma bakalilila amakeke ya myangashi aya ku Kiri-haresete,+
8 Pantu amabala ya myangashi aya mu Heshebone+ nayoma, kumo ne myangashi,
Pamo ne myangashi ya mu Sibma,+
Bakateka ba nko nabanyantaula imisambo ya uko iyakashika;*
Yalifikile na ku Yasere;+
Yafikile na mu ciswebebe.
Utumisambo twa uko twalilepele kabili twafikile na kuli bemba.
9 E co nkaloosesha umwangashi wa mu Sibma nga filya ndoosha Yasere.
Nkakubomfya ku filamba fyandi we Heshebone na we Aleale,+
Pantu amashiwi ya kusekelela pa fisabo fyobe ifya mu lusuba na pa kusombola ifisabo nayaleka ukumfwika.*
10 Mwi bala lya fisabo tamuli ukusekelela no kusansamuka,
Mwi bala lya myangashi+ tamuli abaleimba nelyo abalesekelela.
Takuli nangu umo uulenyantaula imyangashi mu ca kukaminamo imyangashi,
Pantu ninenga ukusekelela kupwe.+
11 E mulandu wine mu kati ka mubili wandi mulelilila pa mulandu wa kumfwila ubulanda Moabu,+
Mulelila nge nsale sha pa nsango,
Kabili mu kati sana aka mubili wandi muli ubulanda pa mulandu wa kwa Kiri-haresete.+
12 Nangu Moabu akeshe na maka yakwe yonse ukuya ku cifulo cakwe ica kupepelapo, kabili akaye mu kupepa mu cifulo cakwe ica mushilo, akaicusha fye.+
13 Ifi e fyo Yehova alandile pali Moabu kale. 14 Kabili Yehova nomba alanda ati: “Mu myaka fye itatu, iyo bapenda nge myaka ya mubomfi, ubucindami bwa kwa Moabu bukapwa. Muli ena mukaba ifimfulunganya ifyalekanalekana, kabili abakashalamo bakaba abanono sana, kabili tabakakwate amaka.”+
17 Ubu e bukombe bwa bupingushi pali Damaseke:+
“Moneni! Damaseke takabe umusumba,
Kabili akaba umwina wa mabwe.+
2 Imisumba ya Aroere+ bakailekelesha;
Ikaba incende umo impaanga ne mbushi fikalalaala,
Kabili takwakabe nangu umo uukalafitiinya.
3 Imisumba ya malinga ikapwa mu Efraimu,+
No bufumu bukapwa mu Damaseke;+
Kabili ubucindami bwa bashalapo mu Siria bukapwa
Ngo bwa bena Israele,”* e fyo Yehova wa mabumba alanda.
5 Bulya bushiku bukaba ngo bushiku ubo umuntu alesombola ingano
No kushilonganika,
Bukaba ngo bushiku ubo umuntu aletolelesha ingano mu Mupokapoka* wa Refaimu.+
6 Mukashala fye ingano sha kutolelesha,
Nga filya ciba ku cimuti ca muolife nga bacikunta:
Ku musambo wa pa muulu sana kushala fye imiolife ibili nelyo itatu iyapya,
Ku misambo+ ya ciko iitwala ifisabo kushala fye imiolife 4 nelyo 5,” e fyo Yehova Lesa wa kwa Israele alanda.
7 Muli bulya bushiku, umuntu akalolesha kuli Kalenga wakwe, kabili amenso yakwe yakalolesha Uwa Mushilo uwa kwa Israele. 8 Takaloleshe ku fiipailo+ ifyo iminwe+ yakwe yapanga; kabili takaloleshe na fimbi ifyo iminwe yakwe yapanga, nangu fimuti fya kupepelapo* nelyo ifya kocelapo ububani.
9 Muli bulya bushiku, imisumba yakwe iya malinga ikaba ngo mushi uo balekelesha mu mutengo,+
Ikaba ngo musambo uo balekelesha pa mulandu wa bena Israele;
Ukaba icibolya.
E mulandu wine ulimiine amabala, wabyalamo ne fimuti ifisuma,
Kabili muli aya mabala naulimbamo no tumisambo twa mweni.*
11 Mu nshita ya kasuba ukashingulusha bwino bwino ulupango kwi bala lyobe,
Mu nshita ya lucelo ukalenga imbuto shobe shikamene,
Lelo mu bushiku bwa bulwele no bukali+ ubushingondapwa takwakabe ifyo ukasombola.
12 Umfweni! Kuli icimfulunganya ca bantu abengi,
Abaleilishanya ngo kululuma kwa bemba!
Kuli icimfulunganya ca nko,
Ishilepanga icongo ngo kupooma kwa menshi ya maka!
13 Inko shikapanga icongo ngo kupooma kwa menshi ayengi.
Akashikalipila kabili shikafulumukila ukutali,
Akashitamfya nge misungu ya pa mpili iyo umwela ululula.
Shikaba nge cani icauma ico umwela uukalamba usenda.
14 Mu nshita ya cungulo kuli ifya kutiinya!
Ilyo bushilaca, abalwani tabalipo.
Ici e cikacitikila abaletusansa
Kabili e cikacitikila abaletupoka ifipe.
18 We bulanda ku calo icabamo ifishiishi fya mapindo ayapanga icongo,
Icaba mu citungu ca mimana ya mu Etiopia!+
2 Cilatuma inkombe ishipita pali bemba,
Mu mato ya macinda, cisheba aciti:
“Kabiyeni mwe nkombe sha lubilo,
Ku luko lwa bantu abatali kabili abatelela inkanda,
Ku bantu abo batiina konse fye,+
Ku luko ulwakosa kabili ulucimfya,*
Ulo imimana yasenda icalo ca luko.”
3 Bonse mwe bekala mu calo na mwe bekala pe sonde,
Ico mulemona cileba nge cishibilo, ico bemishe pa mpili,
Kabili muleumfwa iciunda icaba ngo kulila kwe penga.
4 Pantu Yehova anjebele ati:
“Nkekala mu mutalalila kabili nkalalolesha icifulo candi icacingililwa kabili icikabako umuyayaya,
Nkekala mu mutalalila nge cikabilila icibako akasuba nga nakabalika,
Ngo mume uubako ilyo kuli icikabilila mu nshita ya kusombola.
5 Pantu ilyo kushilaba ukusombola,
Ilyo ubuluba bwapwa ne myangashi yaya mu kupya,
Utumisambo balatuputula ku fya kutungwilako ifimuti,
Kabili utumisambo ututaabilila balatuputula no kutupoosa.
6 Ifitumbi fyabo bakafilya ku fyuni fya mu mpili
Na ku finama fya pe sonde.
Ifyuni fikalya imibili yabo mu nshita ya lusuba yonse,
Ne finama fyonse ifya pe sonde fikalya imibili yabo mu nshita ya kusombola.
7 Pali ilya nshita abantu abatali kabili abatelela inkanda,
Bakaletela Yehova wa mabumba ubupe,
Aba bantu balabatiina konse fye,
Luko ulwakosa kabili lulacimfya,*
Imimana yalisenda icalo ca luko,
Yacitwala ku cifulo ukwaba ishina lya kwa Yehova wa mabumba, ku Lupili lwa Sione.”+
19 Ubu e bukombe bwa bupingushi pali Egupti:+
Moneni! Yehova nanina pe kumbi ililebutukisha, aleisa mu Egupti.
Tulesa twa fye utwa bena Egupti tukatutuma pa ntanshi yakwe,+
Kabili imitima ya bantu ba mu Egupti ikasunguluka.
2 “Nkalenga abena Egupti bakalelwisha abena Egupti banabo,
Kabili bakalalwishanya.
Cila muntu akalalwa na munyina no munankwe,
Umusumba ukalalwa no musumba unankwe, ubufumu bukalalwa no bufumu bunankwe.
Bakasalapo ukuya kuli tulesa twa fye,
Ku bacita ifinjelengwe, ku bomfwana ne mipashi na ku basobela ifya ku ntanshi.+
4 Nkalenga abena Egupti bakabe mu minwe ya kwa shikulu uwa-afya,
Kabili imfumu iya-afya e ikalabateka,”+ e fyo Shikulu wa cine Yehova wa mabumba alanda.
6 Kabili imimana ikanunka;
Ne milonga iyafuma mu mumana wa Naelo uwa mu Egupti ikakama kabili ikoma.
Amatete ne fyani fya mu mumana fikabola.+
7 Fyonse ifyamena mu lulamba lwa Mumana wa Naelo,
Pa mpela ya Mumana wa Naelo, na fyonse ifyo babyala mu lulamba lwa Naelo,+ fikooma.+
Bakafyululula kabili tafyakabeko.
8 Kabili abalondo bakaloosha,
Abapoosa indobo mu Mumana wa Naelo bakalila,
Na bafungulwila amasumbu yabo mu menshi bakacepa.
9 Abapanga insalu ku tumuti twa kolokondwe*+
Na bapikula insalu ishisuma ishabuuta pa ca kupikwilapo bakaseebana.
11 Intungulushi sha mu Soani+ shiwelewele.
Bampanda mano ba kwa Farao aba mano sana, tabamupanda amano ayasuma.+
Kuti waeba shani Farao auti:
“Natuntuka mu ba mano,
Natuntuka mu mfumu sha kale”?
Nga nabeshiba na bamwebe ifyo Yehova wa mabumba alefwaya ukucita Egupti.
13 Intungulushi sha mu Soani nashicita ifya buwelewele;
Intungulushi sha mu Nofu*+ nashi-ibepa,
Abakalamba ba mikowa yakwe nabalenga Egupti afuma mu nshila.
14 Yehova napongolwela pali ena umupashi wa kumupelenganya;+
Kabili nabalenga Egupti aluba muli fyonse ifyo acita,
Nga filya umuntu uukolelwe atalantanta pa malushi yakwe.
15 Kabili Egupti takakwate umulimo
Uo umutwe nelyo umucila, umusambo nangu ifyani fya mu mumana fingabomba.*
16 Muli bulya bushiku Egupti akaba nga banakashi, akatutuma kabili akaba no mwenso pa mulandu wa kuti Yehova wa mabumba akemisha ukuboko kwakwe ukwa kutiinya pali ena.+ 17 Kabili abena Egupti bakalatiina icalo ca baYuda. Bakalaumfwa umwenso ukucilandapo pa mulandu ne fyo Yehova wa mabumba alepanga ukucita abena Egupti.+
18 Muli bulya bushiku, mu calo ca Egupti mukaba imisumba 5 umo bakalalanda ululimi lwa ku Kanaani,+ kabili umo bakalalapa ukuti bakulaba aba cishinka kuli Yehova wa mabumba. Umusumba umo bakalawita abati Umusumba Uubongolola.
19 Muli bulya bushiku, pa kati ka calo ca Egupti pakaba iciipailo ca kwa Yehova, kabili mu mupaka wa ciko mukaba uluceshi lwa kucindikilako Yehova. 20 Cikaba cishibilo kabili kambone wa kwa Yehova wa mabumba mu calo ca Egupti; pantu bakalilila kuli Yehova pa mulandu wa babacusha, kabili akabatumina uwa kubapususha, umukalamba, uukabapususha. 21 Kabili Yehova akeshibikwa ku bena Egupti; muli bulya bushiku abena Egupti bakeshiba Yehova, kabili bakatuula amalambo kuli ena no kumupeela ubupe, kabili bakalapa imilapo kuli Yehova no kufikilisha. 22 Yehova akoma Egupti.+ Akamuuma e lyo akamundape; kabili abena Egupti bakabwelela kuli Yehova, akomfwa ukupaapaata kwabo kabili akabondapa.
23 Muli bulya bushiku kukaba umusebo uukalamba+ uukafuma mu Egupti ukuya ku Asiria, lyena abena Asiria bakesa mu Egupti, na bena Egupti bakaya mu Asiria; kabili abena Egupti bakabombela Lesa capamo na bena Asiria. 24 Muli bulya bushiku abena Israele bakaba ibumba lyalenga butatu ukulunda pa bena Egupti na bena Asiria,+ bakaba ipaalo mwi sonde, 25 pantu Yehova wa mabumba akabapaala, akatila: “Nababe abapaalwa abantu bandi abena Egupti, no mulimo wa minwe yandi, abena Asiria, e lyo no bupyani bwandi, abena Israele.”+
20 Mu mwaka imfumu Sarigone iya ku Asiria yatumine Tartani* ku Ashidode,+ ailelwisha umusumba wa Ashidode no ku-ucimfya.+ 2 Pali ilya nshita Yehova alandiile muli Esaya+ umwana wa kwa Amose ati: “Kabiye, fuula insamu mu ntungu shobe, kabili fuula indyato ku makasa yobe.” Ifi fine e fyo acitile, aendele ubwamba* kabili ukwabula indyato.
3 Lyena Yehova alandile ati: “Ifi fine umubomfi wandi Esaya endele ubwamba kabili ukwabula indyato imyaka itatu nge cishibilo+ kabili icilesobela ifikacitikila Egupti+ na Etiopia,+ 4 e fyo cikaba ilyo imfumu ya mu Asiria ikatungulula ibumba lya balumendo na bakote, bankole ba mu Egupti+ na bankole ba ku Etiopia. Bakenda ubwamba kabili ukwabula indyato, ku matako yabo takwakabe nangu cimo ico bakafimbako, Egupti akaba ubwamba.* 5 Kabili bakomfwa umwenso ne nsoni pali Etiopia uo bacetekele na pali Egupti uo baleitakishishapo.* 6 Muli bulya bushiku abekala muli ulu lulamba bakalanda abati, ‘Moneni ifyacitikila uo twacetekela, uo twafulumukileko ukuti atwafwe pa kuti tulubuke ku mfumu ya ku Asiria! Nomba twalafyuka shani?’”
21 Aya e mashiwi ya bupingushi pa matololo umwaba amenshi nga muli bemba:*+
Ubucushi buleisa ngo mwela uukalamba uupita ku kapinda ka ku kulyo,
Bulefuma mu matololo, mu calo+ icitiinya.
2 Ici e cimonwa ica-afya ico banjebele:
Incenjeshi ilecita ifya bucenjeshi,
Uonaula aleonaula.
Kabiye we Elamu! Shinga umusumba we Media!+
Ndi no kupwisha amacushi ayo aleta+ pa bantu.
3 E co ndeumfwila ubukali+ sana.*
Ubukali nabunjikata,
Nga bulya ubwikata umwanakashi uulepaapa.
Ninsakamikwa sana ica kuti nshileumfwa no kumfwa;
Nimpelenganishiwa ica kuti nshilemona no kumona.
4 Umutima wandi naunaka; ndetutuma pa mulandu no mwenso.
Icungulo bushiku ico nalefwaisha cilalenga ndetutuma.
5 Pekanyeni itebulo, tantikeni bwino ifipuna!
Lyeni no kunwa!+
Imeni mwe ntungulushi, subeni inkwela amafuta!
6 Pantu Yehova anjebele ati:
“Kabiye, kabike uwakulamona ifilecitika kabili alelanda ifyo amona.”
7 Amwene iceleta lya nkondo ilyo baletinta kwi bumba lya bakabalwe,
Amwene iceleta lya nkondo ilyo baletinta ku mpunda.
Amwene iceleta lya nkondo ilyo baletinta ku ngamila.
Alelolekesha kabili alibikileko sana amano.
8 Lyena alibilikishe, ishiwi lyakwe lyaleumfwika ngo kubuluma kwa nkalamo, abilikishe ati:
“Pa lupungu lwa kwa kalinda mwe Yehova, e po njiminina lyonse akasuba,
Kabili apo nondela, e po njiminina cila bushiku mu nshita ya bushiku.+
9 Moneni ifileisa:
Kuleisa iceleta lya nkondo umuli abaume, ilyo baletinta kwi bumba lya bakabalwe!”+
Lyena alandile ati:
“Nawa! Babiloni nawa!+
Ifimpashanya fyonse ifya tulesa twakwe nabafitobaula panshi!”+
10 Mwe bantu bandi abo bapumine,
Nge ngano* sha pa ca kupuminapo+ candi,
Namweba ifyo ng’umfwile kuli Yehova wa mabumba, Lesa wa kwa Israele.
11 Aya e mashiwi ya bupingushi pali Duma:*
Kuli uulenjita ukufuma ku Seiri+ aleti:
“We ulelonda, ni lilali bwalaca?
We ulelonda, ni lilali bwalaca?”
12 Uwalelonda ayaswike ati:
“Bwalaca kabili bwalaila.
Nga mulefwaya ukwipusha, ipusheni.
Mubwele na kabili!”
13 Aya e mashiwi ya bupingushi pa ciswebebe:
Mu fimuti fya mu ciswebebe e mo mukalaala ubushiku,
Mwe mabumba ya balendo ba ku Dedani.+
14 Mulesenda amenshi ilyo muleya mu kukumanya uuli ne cilaka,
Mwe bekala mu calo ca Tema,+
Uulefulumuka mulemusendela umukate.
15 Pantu nabafulumuka bapanga, nabafulumuka ulupanga ulo basomona,
Nabafulumuka ubuta ubo batintile, nabafulumuka inkondo iyabipisha.
16 Pantu Yehova anjebele ati: “Mu mwaka fye umo, uo bapenda nge myaka ya mubomfi, ubucindami bonse ubwa kwa Kedari+ bukapwa. 17 Abaume ba mata abakashalapo pa bashilika ba mu Kedari, bakaba abanono, pantu Yehova Lesa wa kwa Israele nalanda.”
22 Ubu e bukombe bwa bupingushi pa Mupokapoka wa Cimonwa:*+
Cinshi cicitike pa kuti bonse munine pa mitenge?
2 Waiswilemo icimfulumfulu,
We musumba uuitakisha kabili uwa cilumba.
Abantu bobe abafwile, tabafwile ku lupanga,
Nangu mu nkondo.+
3 Bakateka bobe bonse abankalwe bafulumukiile pamo.+
Babekete ukwabula ukubomfya amata, babasenda na bunkole.
Bonse abo basangile ba basendele bunkole,+
Nangu ca kuti babutukile ukutali sana.
5 Pantu bushiku bwa cimfulunganya, ubwa kucimfya kabili ubwa kusakamikwa sana,+
Ubo Shikulu Mulopwe, Yehova wa mabumba aletele,
Mu Mupokapoka wa Cimonwa.
Kuli ukubongolola icibumba+
Kabili ukulila kwa bantu kuleumfwika na mu lupili.
7 Mu mipokapoka* yobe iisuma nga nshi
Mukesula amaceleta ya nkondo,
Kabili bakabalwe* bakeminina pa mpongolo,
8 Kabili ica kucingilila abaYuda bakacifumyapo.
“Muli bulya bushiku, mukalolesha pa fyanso fya nkondo ifya mu Ng’anda ya mu Mutengo,+ 9 kabili mukamona ifipunda ifingi mu fibumba fya Musumba wa kwa Davidi.+ Mukasungila amenshi mu cishiba+ ca mwi samba. 10 Mukapenda amayanda ya mu Yerusalemu, kabili mukabongolola amayanda pa kuti mukakoshe icibumba. 11 Mukapanga pa kati ka fibumba fibili ica kusungilamo amenshi ayakalafuma mu cishiba ca kale, lelo tamwakacetekele Uwacipangile, kabili tamwakamone Uwacipangile kale sana.
12 Muli bulya bushiku, Shikulu Mulopwe, Yehova wa mabumba,
Akamweba ukuti mulile no kuloosha,+
Kabili mubeye amapala no kufwala insamu.
13 Lelo imwe mukalasefya no kusekelela,
Mukepaya ing’ombe ne mpaanga,
Mukalya inama no kunwa umwangashi.+
Mukalatila, ‘Natulye no kunwa, pantu mailo tukafwa.’”+
14 Lyena amatwi yandi yaumfwile ishiwi lya kwa Yehova wa mabumba lileti: “‘Takwakabe icifuta mulandu pali ici cilubo mucitile mpaka mukafwe,’+ e fyo Shikulu Mulopwe, Yehova wa mabumba alanda.”
15 Shikulu Mulopwe, Yehova wa mabumba atila: “Kabiye kuli uyu mubomfi Shebna,+ uwangalila ing’anda,* kabili uye mweba ati, 16 ‘Bushe kuno kwaliba ifintu fyobe, kabili nani uukupeele insambu sha kuipangila inshiishi kuno?’ Aleipangila inshiishi pa muulu; aleipangila icifulo ca kutuushishamo* mu cilibwe. 17 ‘Mona! Yehova akakupoosa panshi na maka, we muntu, kabili akakwikatisha. 18 Akakupomba nga nshi kabili akakupoosa ngo mupila mu calo icikalamba. Mulya e mo ukafwila, kabili e mo amaceleta ya bucindami bobe yakaba ica kuseebanya ing’anda ya kwa sokulu. 19 Kabili nkakufumya pa cifulo cobe; nkakupoka umulimo ubomba.
20 “‘Muli bulya bushiku nketa umubomfi wandi Eliakimu+ umwana wa kwa Hilkia, 21 kabili nkamufwika umwingila obe, no mushipi obe uwa nsalu uukalamba nkaukakisha mu musana wakwe,+ kabili nkamupeela umulimo ubomba. Kabili akaba wishi wa bekala mu Yerusalemu na ba mu ng’anda ya kwa Yuda. 22 Kabili nkabika amakii ya ng’anda ya kwa Davidi+ pa kubeya kwakwe. Akesulako kabili takwakabe nangu umo uukesala; akesalako, lelo takwakabe nangu umo uukesulako. 23 Nkamupampamina ngo lupoopo mu ncende ya muyayaya, kabili akaba icipuna ca bucindami ku ba mu ng’anda ya kwa wishi. 24 Kabili bakakobeka kuli ena ubucindami bonse* ubwa ng’anda ya kwa wishi, abatuntuka mu ng’anda ya kwa wishi na bana,* ifipe fyonse ifinono, imbale shafonka e lyo ne mitondo iikalamba.
25 “‘Muli bulya bushiku,’ e fyo Yehova wa mabumba alanda, ‘ulupoopo ulwapampamikwa mu ncende ya muyayaya bakalufumya,+ no kuluputula kabili lukapona, na conse icafina ico bakobekako cikapona no konaika, pantu Yehova umwine nalanda.’”
23 Ubu e bukombe bwa bupingushi pali Turi:+
Loosheni mwe mato ya ku Tarshishi!+
Pantu icabu nabaconaula; te kuti mwimininepo.
Ku calo ca Kitimu+ e ko babebeele ificitike.
2 Ikaleni tondolo mwe bekala mu lulamba lwa bemba.
Bashimakwebo ba ku Sidone+ ababuka bemba nabalenga mwakwatisha ifyuma.
3 Ingano* sha ku Shihore+ ne fyo balesombola ku citungu ca Naelo balefipisha pa menshi ayengi.
Ifi e fyo Turi alesangilamo indalama,
Kabili e fyo inko+ na sho shalesangilamo indalama.
4 Umfwa insoni we Sidone, we musumba uwacingililwa uwaba mu lulamba lwa bemba,
Pantu bemba nalanda ati:
“Nshaumfwapo ubukali bwa pa kupaapa, kabili nshafyalapo,
5 Nga filya cali ilyo baumfwile ifyacitikiile Egupti,+
Abantu bakomfwa ububi ilyo bakomfwa ifikacitikila Turi.+
6 Abukileni ku Tarshishi!
Loosheni mwe bekala mu lulamba lwa bemba.
7 Bushe uyu e musumba wenu uwaleanga ukutula kale sana?
Amakasa ya uko yaleutwala ku fyalo fya kutali mu kwikala.
8 Nani uupingwile ukuti ifi ficitikile Turi,
Uufwika abantu ifilongwe,
Uo bashimakwebo bakwe bali intungulushi,
Uo abantu bakwe abashitisha ifintu bacindike mwi sonde+ lyonse?
9 Yehova wa mabumba e upingwile,
Pa kuti amuseebanye pa fyo aba ne cilumba pa kuyemba kwakwe,
Pa kuti aseebanye bonse abo bacindika mwi sonde+ lyonse.
10 Abuka icalo cobe ngo Mumana wa Naelo, we mwana mwanakashi wa ku Tarshishi.
Takuli icabu+ apa kwiminina amato.
11 Natambalika ukuboko kwakwe pali bemba;
Nasunkanya amabufumu.
Yehova nalanda ukuti amalinga ayakosa+ aya musumba wa Foinike bayonaule.
12 Kabili alanda ati: “Tawakasekelele na kabili,+
We o bacusha, we mwana mwanakashi nacisungu uwa mu Sidone.
Ima, abukila ku Kitimu.+
Na ko kwine tawakatuushe.”
13 Moneni! Icalo ca bena Kaldi.+
Aba bantu e balengele ukuti abe icifulo ca nama sha mu fiswebebe,
Te bena Asiria+ iyo.
Nabakuula impungu pa kuti bashinge umusumba;
Nababongolola impungu shakwe ishakosa,+
Ukufika fye na pa mufula.
15 Muli bulya bushiku Turi bakamulaba pa myaka 70,+ ukulingana ne myaka ya mfumu imo.* Ilyo imyaka 70 ikapwa, ifyaba mu lwimbo lwa kwa cilende e fikacitika kuli Turi, lutila:
16 “Buula insango, shinguluka umusumba, we cilende uo balaba.
Lisha bwino insango yobe;
Imba inyimbo ishingi,
Pa kuti bakwibukishe.”
17 Ilyo imyaka 70 ikapwa, Yehova akebukisha Turi. Turi akatendeka ukupoka amalipilo yakwe na kabili, kabili akalacita ubucende na mabufumu yonse aya pe sonde. 18 Lelo indalama akasangamo ne sho bakalamulipila shikaba sha mushilo kuli Yehova. Takashisunge pantu sha bantu ba kwa Yehova, pa kuti balelya no kwikuta kabili balefwala ifisuma.+
24 Moneni! Yehova alefumyamo bonse mu calo* kabili alelenga cibe icibolya,+
Alecipilibula*+ kabili alesalanganya abekalamo.+
2 Ifintu fikaba fye cimo cine ku bantu bonse;
Ifyo fikaba ku bantu e fyo fikaba na kuli shimapepo,
Ifyo fikaba ku mubomfi e fyo fikaba na kuli shikulu wakwe,
Ifyo fikaba ku mubomfi e fyo fikaba na kuli nakulu wakwe,
Ifyo fikaba ku ushita e fyo fikaba na ku ushitisha;
Ifyo fikaba ku washimisha e fyo fikaba na ku washima,
Ifyo fikaba ku ukongwesha e fyo fikaba na ku ukongola.+
3 Abantu bonse bakabafumyamo mu calo;
Bakasenda+ ifipe fya ciko fyonse,
Pantu ifi e fyo Yehova alandile.
4 Icalo cileloosha,*+ cileonaika.
Icalo nacibonsa, cileonaika.
Abacindama ba mu calo nabacepa.
6 E mulandu wine icalo+ cileonaikila pa mulandu wa kuti calitiipwa,
Kabili abekalamo baliba no mulandu.
E mulandu wine abekala mu calo bacepeele,
Kabili banono sana abashelemo.+
8 Utuoma twa nsansa utwa nyenjele natuleka ukumfwika;
Abapanga icongo ilyo balesansamuka nabaleka ukumfwika;
Iciunda icisuma ica nsango nacipwa.+
9 Banwa umwangashi ukwabula ukwimba inyimbo,
Kabili ubwalwa bwalilula ku babunwa.
10 Umusumba uo balekelesha nabaubongolola;+
Amayanda yonse nabayesala pa kuti mwi-ingila umuntu nangu umo.
11 Abantu bali mu misebo balelila pa mulandu wa kuti mu musumba tamuli umwangashi.
Ukusekelela konse nakupwa;
Ukusekelela nakupwa+ mu calo.
13 Pantu ifi e fyo cikaba ku bantu bandi mu calo, na ku bantu ba mu nko shimbi:
Cikaba nga filya ciba umuolife nga baukunta,+
Nga filya ciba nga kuli ukutolelesha imyangashi nga bapwisha+ ukusombola.
14 Bakasansula amashiwi yabo,
Bakasekelela.
Ukufuma kuli bemba* bakabilisha ubucindami bwa kwa Yehova.+
15 E co bakacindikila Yehova mu citungu ca lubuuto;*+
Pa fishi fya pali bemba, bakacindika ishina lya kwa Yehova Lesa wa kwa Israele.+
16 Ukufuma ku mpela ye sonde tuleumfwa abantu baleimba inyimbo, baleti:
“Acindikwe Uwalungama!”+
Lelo ine ndelanda nati: “Amaka nayapwa, amaka nayapwa!
We bulanda kuli ine! Incenjeshi shilecita ifya bucenjeshi;
Mu bucenjeshi bwa shiko incenjeshi shilecita ifya bucenjeshi.”+
17 Ifya kutiinya ne cilindi ne fiteyo filelolela iwe, we wikala mu calo.+
18 Onse uukabutuka nga aumfwa icongo ca fya kutiinya akawila mu cilindi,
Kabili onse uukafuma mu cilindi akekatwa ku citeyo.+
Pantu ifipunda fya mu muulu bakafisula,
Kabili umufula wa calo ukatenta.
20 Icalo ciletalantanta ngo muntu uukolelwe,
Kabili cilesunkana nga filya insakwe isunkana nga kuli umwela uukalamba.
Imembu sha ciko nashicifinina,+
Kabili cikawa ica kuti tacakeme na kabili.
21 Muli bulya bushiku Yehova akapingula ibumba lya mu muulu,
Kabili akapingula ne mfumu sha pano isonde.
22 Kabili bakabalonganika
Nga filya balonganika abafungwa mu cilindi,
Kabili bakabesalila mu cifungo;
Kabili pa numa ya nshiku ishingi akabaceeceeta.
23 Umweshi ukafiita,
Kabili akasuba akabalike kakomfwa insoni,+
Pantu Yehova wa mabumba naba Imfumu+ mu Lupili lwa Sione+ na mu Yerusalemu,
25 Mwe Yehova, nimwe Lesa wandi.
Ndemutasha, ndelumbanya ishina lyenu,
Pantu mwalicita ifintu+ ifisuma sana,
Ifyo mwapangile* ukucita kale sana.+
Mwalicita ifyo mwalandile kabili mwalilanga ukuti muli ba cishinka.+
2 Pantu mwalenga umusumba waba umwiina wa mabwe,
Umusumba uunono uwe linga lyakosa baubongolola.
Mwalenga ulupungu lwa bena fyalo lwitwalilila ukuba umusumba;
Tabakalukuule na kabili.
4 Pantu namuba umwa kubelama abashakwata bakubafwa,
Umwa kubelama abapiina ilyo balecula,+
Umwa kuuba imfula iikalamba,
Icintelelwe ca kubacingilila ku kasuba,+
Ilyo icipyu ca bankalwe cili nge mfula iikalamba iilelokela ku cibumba.
5 Nga filya fine mupwisha icikabilila ca kasuba mu calo umushaba amenshi,
E fyo mupwisha icongo ca beni.
Nga filya fine icintelelwe ce kumbi cipwisha icikabilila ca kasuba,
E fyo mulenga ulwimbo lwa bankalwe lwaleka ukumfwika.
6 Muli ulu lupili,+ e mo Yehova wa mabumba akapekanishisha abantu bonse
Umutebeto wa fyanona,+
Umutebeto wa mwangashi uusuma,*
Umutebeto wa fyanona ifyaisulamo ubufyompo,
Umutebeto wa mwangashi uusuma, uwasuuswa.
7 Muli ulu lupili akafumyamo icafimba abantu bonse,
Akafumyapo ukuseebana kwa bantu bakwe pano isonde ponse,
Pantu Yehova umwine nalanda.
9 Muli bulya bushiku abantu bakalanda abati:
“Moneni! Uyu e Lesa wesu!+
Uyu ni Yehova!
E o twacetekela.
Natusekelele no kwanga pantu alatupususha.”+
10 Pantu ukuboko kwa kwa Yehova kukatuushisha pali ulu lupili,+
Kabili Moabu bakamunyantaula mu cifulo+ cakwe
Nga filya banyantaula impimbili pa mwina wa citindi.
11 Akoma Moabu amapi
Nga filya uuleowa oma pa menshi pa kuti owe,
Kabili akabomfya bwino amaboko
Pa kucefya amatutumuko+ yakwe.
12 Kabili umusumba uwacingililwa,
Na malinga yobe ayatali, akafiwisha;
Akabongolola umusumba, uku-ufisha na pa mufula.
26 Muli bulya bushiku, bakemba+ ulu lwimbo mu calo ca Yuda:+
“Twalikwta umusumba+ uwakosa.
Alenga ipusukilo lyaba ifibumba fya uko, kabili lyaba iloba ilyo batuulika mu mbali ya uko.+
3 Mukacingilila abantu abashintilila pali imwe ne mitima yabo yonse;*
Mukatwalilila ukubapeela umutende+
Pantu ni mwe bacetekela.+
5 Pantu nacefya abekala pa muulu, umusumba uwaba pa muulu.
Naikisha umusumba panshi,
Naikisha umusumba pe sonde;
Naupoosa mu lukungu.
6 Ulukasa lukaunyantaula,
Ulukasa lwa bo bacusha, amakasa ya bashakwata bakubafwa.”
7 Inshila ya walungama yalyololoka.*
Apo mwalilungama,
Mukawamya inshila ya balungama.
8 Ilyo tule-enda mu nshila yenu iya mulinganya mwe Yehova,
Tulamucetekela.
Twalicindika ishina lyenu* kabili tulafwaisha balelibukisha.*
9 Mu nshita ya bushiku ndamufwaisha no mweo wandi onse,
Umupashi wandi ulamufwaya;+
Pantu ilyo mwapingula isonde,
Abekala mu calo balasambilila ubulungami.+
11 Mwe Yehova, nangu ca kuti mwalimya ukuboko kwenu, tabakumona.+
Bakamona ifyo mwacincila pa bantu benu kabili bakomfwa insoni.
Umulilo wenu ukalya abalwani benu.
14 Balifwa; tabakabe no mweo.
Balifwa, tabakeme.+
Pantu mwalibakanda
Mwalibalofya pa kuti belabalandapo.
Namukusha sana imipaka yonse iya calo.+
16 Mwe Yehova, ilyo balecula baishile kuli imwe;
Bapongolwelele ipepo lyabo mu kantepentepe kuli imwe ilyo mwabasalapwile.+
17 Nga filya fine umwanakashi uuli mu kupaapa
Akalipwa kabili alila,
E fyo mulengele na ifwe tuleumfwa, mwe Yehova.
18 Twalimite kabili twaleumfwa ubukali pa kupaapa,
Lelo cali kwati twafyele umwela.
Tatwapuswishe icalo,
Takuli uwafyelwe uukekala mu calo.
19 “Abantu bobe abafwa bakaba no mweo.
Buukeni no kusekelela,
Mwe baba mu lukungu!+
21 Pantu moneni! Yehova aleisa ukufuma ku cifulo cakwe
Ku kulubulwisha abekala mu calo pa membu shabo,
Kabili icalo cikasokolola umulopa basuumishe muli cena,
Kabili tacakafise abo baipeye muli cena.”
27 Muli bulya bushiku, Yehova akemya ulupanga+ ulwatwa, ulukalamba kabili ulwa kutiinya,
Akakanda Levayatani* icisoka icikulika pa kwenda,
Akakanda Levayatani icisoka icinyongana pa kwenda,
Kabili akepaya cishimweshimwe ca muli bemba.
2 Muli bulya bushiku mukamwimbile* amuti:
“Uli bala lya myangashi ilyo bapangako umwangashi+ we fulo!
3 Ine ne Yehova ndemucingilila.+
Cila nshita ndamutapilila.+
Ndamucingilila ubushiku na kasuba,
Pa kuti umuntu nangu umo emusansa.+
Nani akesa ne fimpusa fya myunga ne fyani mu kulwa na ine?
Nkafinyantaula kabili nkafyoca fyonse.
5 Lelo lekeni ese mu cifulo candi umo engacingililwa,
Natendeke ukumfwana na ine;
Lekeni atendeke ukumfwana na ine.”
6 Mu nshiku ishileisa, Yakobo akalimba imishila,
Israele akabalula no kupuuka,+
Kabili mu calo bakesushamo ifisabo.+
7 Bushe bafwile ukumuuma bubi bubi?
Nelyo bushe bafwile ukumwipaya bunkalwe bunkalwe?
8 Akalwishanya nankwe pa kumutamfya ninshi alebilikisha ukubilikisha kwa kutiinya.
Akamutamfya ninshi ali ne cipyu icikalamba mu bushiku kukaba umwela+ wa ku kabanga.
9 Ifi e fyo ulubembu lwa kwa Yakobo lukelelwa,+
Kabili ifi e fisabo fyonse ifikabako ulubembu nga balufumyapo:
Akalenga amabwe yonse aya pa ciipailo
Yakabe nga mabwe ayabuuta ayo bafungaula,
Kabili ifimuti fyonse ifya kupepelapo,* e lyo ne fya kocelapo ububani, bakafifumyapo fyonse.+
10 Pantu umusumba uwacingililwa bakaulekelesha;
Impanga ya mulemfwe ikashala yeka, bakailekelesha kwati matololo.+
Muli iyi impanga e mo ing’ombe iyana ikaliila no kulaala
Kabili ikalya imisambo+ ya fimuti.
Pantu aba bantu tabeluka.+
E mulandu wine Kalenga wabo ashakababelele uluse,
Kabili uwababumbile takabomfwile uluse.+
12 Muli bulya bushiku, Yehova akalonganika ifisabo, ukufuma ku Mumana* ukufika ku mupokapoka wa mu Egupti,+ kabili bakamulonganika umo umo, mwe bena Israele.+ 13 Muli bulya bushiku bakalisha+ ipenga ilikalamba, kabili bonse abali mupepi no kufwa mu calo ca Asiria+ na bonse abasalanganina mu Egupti+ bakesakontamina Yehova mu lupili lwa mushilo mu Yerusalemu.+
28 We bulanda ku cilongwe* icayemba* ica bacakolwa ba mu Efraimu+
Na maluba ayalebonsa aya bucindami bwa ciko,
Ayaba pa mpela ya mupokapoka uwafunda uwa bantu abo bacimfya ku mwangashi!
2 Moneni! Yehova nakwata umuntu uwakosa kabili uwa maka.
Akapoosa icilongwe panshi na maka,
Nge mfula ya mabwe iibako ilyo kuli umwela uukalamba uonaula ifintu,
Ngo mwela uukalamba ne nkuba ifibako ilyo kuli amenshi ya maka kabili ayabunsha.
4 Kabili iluba ililebonsa ilya bucindami bwa fiko,
Ilili pa mpela ya mupokapoka uwafunda,
Likaba ngo mukunyu uusuma, uupya ilyo imikunyu itendeka ukupya.
Ilya kuti umuntu nga alimona, alalimina nga lyaba fye mu minwe yakwe.
5 Muli bulya bushiku, Yehova wa mabumba akaba ku bashalapo pa bantu+ bakwe nge cilongwe* ca bukata, kabili akaba nge cilongwe ico bapangila na maluba ayasuma. 6 Kabili akaba umupashi wa mulinganya ku ulepingula, kabili akaba intulo ya maka ku baletamfya abalwani pa mpongolo+ abeshile mu kusansa.
7 Aba nabo balafuma mu nshila pa mulandu wa mwangashi;
Ubwalwa bulalenga balatalantanta.
Bashimapepo na bakasesema balafuma mu nshila pa mulandu wa bwalwa;
Umwangashi ulabafulunganya,
Kabili balatalantanta nga banwa ubwalwa;
Ifimonwa ifyo bamona filalenga bafuma mu nshila,
Kabili tababa no mulinganya ilyo balepingula.+
8 Pantu pa matebulo yabo yonse peswile amalushi,
Tapali apo yashili.
9 Balelanda abati: “Ni bani abo akasambilisha,
Kabili ni bani abo akalondolwela ifyo omfwile?
Bushe ni balya abo basumwine fye,
Abo bafumishe ku mabele?
10 Ifunde likakonka pe funde linankwe, ifunde likakonka pe funde linankwe,
Icipope cikakonka pa cipope cinankwe, icipope cikakonka pa cipope cinankwe,*+
Ifinono pano, ifinono palya,”
11 E ico pa kulanda na bantu+ bakwe, akalandila muli balya ababulubusa,* kabili akabomfya ululimi lwa ku calo cimbi. 12 Pa nshita imo abebele ati: “Cino e cifulo ca kutuushishapo. Lekeni abanakile batuushe; cino e cifulo ca kupemwinapo,” lelo balikeene ukumfwa.+ 13 E ico bakalamona amashiwi ya kwa Yehova nge fi:
“Ifunde likakonka pe funde linankwe, ifunde likakonka pe funde linankwe,
Icipope cikakonka pa cipope cinankwe, icipope cikakonka pa cipope cinankwe,*+
Ifinono pano, ifinono palya,”
14 E ico umfweni amashiwi ya kwa Yehova, mwe bayumfwa,
Mwe bateka aba bantu ba mu Yerusalemu,
15 Pantu imwe mwe bantu mulanda amuti:
Ilyo ilyeshi lya maka likesa,
Talyakatonaule,
Pantu natulenga ubufi bwaba+ icubo cesu
Kabili natufisama mu bufi.”
16 E co Shikulu Mulopwe Yehova alanda ati:
“Moneni ndebika ilibwe+ ilyakosa mu Sione pa kuti libe umufula,
Ilibwe ilyacindama nga nshi ilya pa koona,+ ilya pa mufula wakosa,+
Onse uulitetekela takatiine.+
Imfula ya mabwe ikasenda icubo ca bufi,
Kabili amenshi yakabunsha icifulo ca kufisamamo.
Ilyo ilyeshi lya maka likesa,
Likamonaula.
Ifya kutiinya e fikalenga bakeluke ifyo baumfwile.”*
20 Pantu ubusanshi bwalipipa ica kuti umuntu te kuti ayololepo,
Kabili ica kufimbana ico bapikula te kuti cikumane ukuifimba.
21 Pantu Yehova akema nga filya aimine pa Lupili lwa Perasimu;
Akacitapo cimo mu mupokapoka* uwaba mupepi na Gibeone,+
Pa kuti abombe umulimo wakwe, umulimo wakwe uwa kupapusha,
Kabili pa kuti abombe umulimo+ wakwe uwaibela.
Pa kuti bemukakisha amaceni ayo bamukaka,
Pantu ning’umfwa kuli Shikulu Mulopwe Yehova wa mabumba
23 Umfweni ifyo ndelanda, bikeniko amano;
Kabili kutikeni ifyo ndelanda.
24 Bushe umulimi atwalilila fye ukulima akasuba konse ukwabula ukubyala imbuto?
Bushe atwalilila fye ukushima umushili+ no kukunta?
25 Nga alinganya umushili,
Bushe takuba kumini yafiita, kabili bushe tatanda kumini?
Bushe tatanda ingano, amale, na barle umo afwile ukufitanda?
Kabili bushe tatanda+ mu mbali ingano ishimoneka nge shapapa?
27 Pantu kumini yafiita tabaipumina ku ca kusokwelako,+
Kabili tabapisha umupeto wa ca kusokwelako pali kumini.
Lelo kumini yafiita baipumina ku nkonto,
Na kumini baipumina ku nkonto.
28 Bushe umuntu alapela ingano ilyo aleshisokola pa kuti apangemo umukate?
29 “We bulanda kuli Ariele.* Ariele umusumba umo Davidi apangile inkambi!+
Cila mwaka twalilileni ukusefya imitebeto+ yenu.
2 Lelo nkaleta ubucushi pali Ariele,+
Kabili akaloosha no kulila,+
Akaba kuli ine nge shiko lya ciipailo ca kwa Lesa.+
3 Nkapanga inkambi ukukushinguluka,
Kabili nkakushingulusha ulupango pa kukushinga
Nkatuulika iloba mu mbali yobe+ pa kukushinga.
4 Bakakuwisha panshi;
Panshi e po ukalalandila,
Kabili ifyo ukalalanda tafyakaleumfwika pa mulandu wa lukungu.
Ishiwi lyobe ilikafuma panshi,+
Likaba nge shiwi lya umfwana ne mipashi,
Kabili ukalalanda fye mu kantepentepe ninshi uli mu lukungu.
5 Ibumba lya balwani bobe* likaba ngo lukungu,+
Ibumba lya bankalwe likaba fye nge misungu+ iileululuka.
Kabili cikacitika mu kukapakapa kwe linso, mu kupumikisha.+
6 Yehova wa mabumba akakupokolola.
Ilyo akakupokolola kukaba icibulukutu, icinkukuma ne congo icikalamba.
Kukaba umwela uukalamba ne nkuuka no lubingu lwa mulilo+ uonaula.”
7 Lyena ibumba lya nko shonse ishilelwa inkondo na Ariele,+
Bonse abalelwa nankwe,
Impungu ishamushinguluka,
Nabaleleta ubucushi pali ena,
Bakaba nge ciloto, icimonwa ca bushiku.
8 Cikaba nga filya fine ciba nga ca kuti umuntu uuli ne nsala aleloota alelya,
Lelo ilyo ashibuuka, abuuka ne nsala,
Kabili cikaba nga filya fine uuli ne cilaka aleloota alenwa,
Lelo ilyo ashibuuka, abuuka nanaka kabili ali ne cilaka.
Ifi fine e fikacitikila ibumba lya nko shonse
Abalwa inkondo no Lupili lwa Sione.+
Nabakolwa, lelo te mwangashi uubakolele;
Baletalantanta, lelo te pa mulandu wa kuti na banwa ubwalwa.
10 Pantu Yehova napongolwela umupashi wa tulo utukalamba pali imwe;+
Nalenga amenso yenu yashibata, e kutila bakasesema,+
Kabili nafimba imitwe yenu, e kutila abamona ifimonwa.+
11 Icimonwa conse cikaba kuli imwe nga mashiwi ya mwi buuku+ ilyo bakakatika. Nga bapeela umuntu uwaishiba ukubelenga e lyo bamweba ati: “Tubelengele aya mashiwi tumfwe,” akalanda ati: “Te kuti mbelenge pantu ibuuku nalikakatikwa.” 12 Kabili nga bapeela uushaishiba ukubelenga, e lyo bamweba abati: “Belenga amashiwi yaba muli ili buuku,” akabeba ati: “Nshaishiba ukubelenga.”
13 Yehova atila: “Aba bantu besa kuli ine no tunwa twabo,
Kabili bancindikila ku milomo+ yabo,
Lelo imitima yabo yalitaluka sana kuli ine;
Kabili icilenga balentiina mafunde ya bantu ayo babasambilisha.+
14 E ico nkacita na kabili ifikapapusha aba bantu,+
Nkacita ifya kupapusha ifingi;
Kabili amano ya bantu babo aba mano yakaloba,
No kwiluka kwa bantu babo abeluka kukafisama.”+
15 We bulanda ku besha na maka yabo yonse ukufisa Yehova+ ifyo bafwaya ukucita.
Abacita ifyabipa mu mfifi,
E lyo balelanda abati: “Nani uutumona?
Kabili nani uwaishiba ifyo tucita?”+
16 Yangu ifyo munyonganya ifintu!
Bushe nakabumba kuti bamulinganya kwi loba?+
Bushe ico bapanga kuti calanda pa wacipangile ukuti:
“Te wampangile”?+
Bushe ico babumba kuti caeba uwacibumbile ukuti:
“Taishiba+ nangu cimo”?
17 Mu nshita fye iinono, Lebanone ali no kusanguka ibala lya fisabo,+
Kabili bakalalimona ngo mutengo.+
18 Muli bulya bushiku abakoma amatwi bakomfwa amashiwi ya mwi buuku,
Kabili amenso ya bashimona yakamona+ mu mfifi iyafiitisha.
19 Abafuuka bakasekelela nga nshi pa mulandu wa kwa Yehova,
Abapiina bakasekelela pa mulandu wa wa Mushilo uwa kwa Israele,+
20 Pantu uucusha abantu banankwe takabepo,
Uuyumfwa takabepo,
Kabili bonse abafwaya ukusansa abantu banabo bakabalofya.+
21 Abalenga abantu bambi baba no mulandu pa mulandu wa kuti balababepesha,
Abateya ifiteyo pa kuti uuleipokolola* mu mpongolo+ ya musumba ekatwemo,
Kabili abalenga umulungami+ bamufyenga pa mulandu wa kuti balamupeela imilandu ya bufi.
22 E ico Yehova uwalubwile Abrahamu,+ aeba aba mu ng’anda ya kwa Yakobo ati:
23 Pantu nga amona abana bakwe,
Abo nabumbile ne minwe yandi, nabalongana mu kati kakwe,+
Bakacindika ishina lyandi;
Bakacindika Uwa Mushilo wa kwa Yakobo,
Kabili bakatiina Lesa wa kwa Israele.+
24 Abalufyanya mu fyo batontonkanya bakalailuka.
Abailishanya bakasumina ukubasambilisha.”
30 “We bulanda ku bana+ bacintomfwa,” e fyo Yehova alanda,
“Abacita ifyo bapanga, lelo ifyo nshabebele,+
Abapangana ifipangano* ukwabula ukuti umupashi wandi ubatungulule,
Pa kuti balunde pa lubembu bacita.
2 Balaya ku Egupti+ ukwabula ukunjipusha,*+
Pa kuti Farao abacingilile
Kabili pa kuti boobe mu cintelelwe ca Egupti.
3 Lelo ukuya kuli Farao pa kuti amucingilile* kukalenga mukomfwe nsoni,
Ukuuba mu cintelelwe ca Egupti kukalenga mukaseebane.+
5 Bonse bakabaseebanya
Ku bantu abashingabacitila ifisuma,
Abashibafwa kabili abashingabacitila ifisuma,
Balenga fye baumfwa insoni kabili baseebana.”+
6 Ubu e bukombe bwa bupingushi pa finama fya ku kapinda ka ku kulyo:
Mu calo umwaba amacushi na mafya,
Umwaba inkalamo, inkalamo iibuluma,
Umwaba amafwafwa ne nsoka iipupuka kabili iifumya umulilo,*
Basendela ifyuma fyabo pa mpunda
Ne fya bupe fyabo bafisendela pa ntengele sha ngamila.
Lelo ifi fintu tafyakafwe abantu.
7 Pantu ukwafwa kwa kwa Egupti kwa fye.+
E co imwinikiile ati: “Rahabu+ uwikala fye ukwabula ukucita nangu cimo.”
8 “Nomba kabiye, kalembe ifi pe libwe lyapapaatala,
Kabili ufilembe na mwi buuku,+
Pa kuti ku ntanshi
Fikabe kambone+ wa muyayaya.
10 Beba abeluka ifimonwa abati, ‘Mwilailuka,’
Kabili beba abamona ifimonwa abati, ‘Mwilatweba ifimonwa+ fya cine.
Muletweba fye ifisuma;* mulemona ifimonwa+ fya bucenjeshi.
11 Pasukeni; fumeni mu nshila.
Lekeni ukubika pa ntanshi yesu Uwa Mushilo wa kwa Israele.’”+
12 E ico Uwa Mushilo wa kwa Israele alanda ati:
“Apo mwakaana ifyo nandile+
Kabili mwacetekela ubucenjeshi ne fya bufi
Kabili e fyo mwashintililapo,+
13 E ico pa mulandu wa cilubo mucitile, muli nge cibumba icalepuka,
Muli nge cibumba icitali icabeyama icili mu kuwa.
Cikawa bwangu bwangu mu kupumikisha.
14 Cikabongoloka nga filya umutondo uukalamba uwa kwa nakabumba utobaika,
Ulatobaika ica kuti takushala ne ci-inga nangu cimo
Ico umuntu engabomfya ukulapwilako umulilo pe shiko,
Nelyo ico engatapwilako amenshi mu cilindi.”*
15 Pantu Shikulu Mulopwe Yehova, Uwa Mushilo uwa kwa Israele, alanda ati:
“Nga mwabwelela kuli ine no kutuusha, mukapusuka;
Amaka yenu yakaba mu kuteka umutima na mu kucetekela.”+
Lelo tamwalefwaya.+
16 Mwalandile amuti: “Tatulefwaya, tukafulumuka ninshi natunina pali bakabalwe!”
Ca cine mukafulumuka.
Mwalandile no kuti: “Kabili tukanina+ pali bakabalwe ababutukisha!”
E ico abakalamupepeka bakalabutukisha.+
17 Abantu 1,000 bakatutuma umuntu umo+ nga abatiinya;
Abantu 5 nga bamutiinya mukafulumuka
Mpaka uukashalapo pali imwe akabe nge cimuti icitali ico baimika pa muulu wa lupili,
Kabili akabe nge cishibilo pa kapili.+
18 Lelo Yehova alitekanya kabili alalolela pa kuti amulange icikuuku,+
Kabili akema pa kuti akamubelele uluse.+
Pantu Yehova ni Lesa wa mulinganya.+
Ba nsansa bonse abatwalilila ukumulolela.+
19 Ilyo abantu bakekala mu Sione mu Yerusalemu,+ tawakalooshe.+ Nangu cibe shani akakumfwila uluse ilyo ukalilila kuli ena ukuti akwafwe; akakwasuka ilyo akomfwa+ fye ishiwi lyobe. 20 Nangu ca kuti Yehova akamupeela amafya nge fya kulya, no bucushi+ nga menshi, Kasambilisha wenu Uwapulamo takafisame na kabili, amenso yenu yakamona Kasambilisha wenu Uwapulamo.+ 21 Kabili nga mwafuma mu nshila mwaya ku kulyo nelyo ku kuso,+ amatwi yenu yakomfwa ishiwi ku numa yenu lileti: “Iyi e nshila.+ E mo mwende.”
22 Kabili mukakowesha ifilubi ifyo babikako silfere ne fimpashanya+ fya cela* ifyo babikako golde. Mukafipoosa nga filya umwanakashi apoosa insalu iyo abomfya nga ali ku mweshi, kabili mukafyeba amuti, “Namupoosa!”*+ 23 Kabili akalosha imfula pa kuti imbuto mwabyala+ shikamene, kabili ifya kulya ifyo mukasombola fikafula kabili fikaba ifisuma.*+ Muli bulya bushiku, ifitekwa fyenu fikalya umulemfwe+ mu ncende iikalamba. 24 Kabili ing’ombe ne mpunda ishilima shikalya ifya kulya ifisuma ifyo basaakanya, ifyo bafumyako amakapa ukubomfya fosholo ne ca kwelelako. 25 Kabili mu bushiku kukaba ukwipaya kukalamba, ilyo impungu shikawa, pa lupili lonse ulutali na pa kapili konse akatali pakaba imilonga ne mimana.+ 26 Kabili ulubuuto lwa mweshi uwabulungana lukaba ngo lubuuto lwa kasuba; kabili ulubuuto lwa kasuba lukabalikilako+ imiku 7, lukaba ngo lubuuto lwa nshiku 7, mu bushiku Yehova akakaka apo abantu+ bakwe baicena* kabili akaposha ifilonda fyabo ifyabipisha ifyo bakwete ilyo abomine.+
27 Moneni! Ishina lya kuti Yehova lileisa ukufuma ukutali,
Lilebilima ngo mulilo ku bukali kabili lileisa na makumbi ayafiita.
Imilomo yakwe iswilepo ubukali,
Kabili ululimi lwakwe luli ngo mulilo+ uonaula.
28 Umupashi* wakwe ukaba ngo mumana uwapoosa ica kuti amenshi yafika na mu mukoshi,
Pa kuti asunkanye inko pali seefa ya bonaushi;*
Kabili abantu bakakwata umukobelo mu nsekete+ shabo uukalabafumya mu nshila.
29 Lelo ulwimbo lwenu lukaba ngo lwimbo mwimba mu nshita ya bushiku
Kabili umutima wenu ukasekelela
Nga filya umuntu uule-enda ninshi alelisha umutoolilo* asekelela
Ilyo aleya ku lupili lwa kwa Yehova, ku Cilibwe ca kwa Israele.+
30 Yehova akalenga ishiwi+ lyakwe ilya maka nga nshi likomfwike
Kabili akalenga bakamone ukuboko+ kwakwe kuleisa no bukali+ ubukalamba,
No lubingu lwa mulilo+ uonaula,
32 Lyonse ilyo Yehova auma abena Asiria ne nkonto ya kukandilako,
Kukalaba iciunda ca tuoma twa nyenjele ne ca nsango,+
Ilyo aimya ukuboko kwakwe pa kuti alwe+ nabo.
Nalenga icilindi ca kubikamo inkuni cashika kabili cakula,
Muli inkuni ishingi no mulilo
Umupu wa kwa Yehova uwaba ngo mumana wa mingu,
Ukoca Tofete.
31 We bulanda ku baya ku Egupti pa kuti babafwe,+
Abashintilila pali bakabalwe,+
Abacetekela amaceleta ya nkondo pa mulandu wa kuti yalifula,
Kabili abacetekela bakabalwe ba nkondo* pa mulandu wa kuti ba maka.
Lelo tabacetekela Uwa Mushilo uwa kwa Israele,
Kabili tabaya kuli Yehova pa kuti abafwe.
2 Lelo na o wine wa mano kabili akaleta ubucushi,
Takafilwe ukucita ifyo alanda.
Akemina ing’anda ya babifi
Kabili akemina abafwilisha abacita ifyabipa.+
Ilyo Yehova akatambalika ukuboko kwakwe,
Onse uwafwilisha akaipununa,
Na onse uo bafwilisha akawa;
Bonse bakalobela pamo.
4 Pantu Yehova anjeba ati:
“Filya fine inkalamo ibuluma, inkalamo iyana iya maka* pa nama ikete,
Ilyo bakacema abengi babeta ukuti bese baitamfye,
Taitiina amashiwi yabo
Kabili taitiina nangu bapange shani icongo,
Ifi fine e fyo na Yehova wa mabumba akesa mu kulwa inkondo
Pa Lupili lwa Sione na pa kapili ka luko.
5 Nga filya ifyuni fifookela pa bana pa kubacingilila, e fyo Yehova wa mabumba akacingilila Yerusalemu.+
Akamucingilila no kumupususha.
Takamonaule, lelo akamupususha.”
6 “Bweleleni ku o mwapondokela nga nshi, mwe bena Israele.+ 7 Pantu muli bulya bushiku umuntu onse akapoosa tulesa twa fye utwa silfere no twa golde, uto iminwe yenu yapangile, kabili ifi mwacitile lubembu.
8 Kabili umwina Asiria akafwa ku lupanga, lelo te ku lupanga lwa muntu;
Kabili ulupanga ulushili lwa muntu lukamulya.+
Akafulumuka pa mulandu wa lupanga,
Kabili abalumendo bakwe bakabomba umulimo wa kupatikishiwa.
9 Icilibwe cakwe cikaleka ukubako pa mulandu wa mwenso,
Kabili intungulushi shakwe shikaba no mwenso pa mulandu wa cishibilo,” e fyo Yehova alanda,
Uo ulubuuto* lwakwe lwaba mu Sione kabili uo ilungu lyakwe ilya mulilo lyaba mu Yerusalemu.
32 Moneni! Imfumu+ ikatekela mu bulungami,+
Kabili intungulushi shikaba no mulinganya ilyo shikalateka.
2 Kabili umo na umo akaba ngo mwa kufisama ku mwela,
Kabili akaba nge cifulo ca kuubamo imfula iikalamba,
Akaba nge milonga mu calo+ umushaba amenshi,
Akaba nge cintelelwe ca cilibwe mu calo icauma.
3 Lyena amenso yabamona tayakaleke ukumona,
Na matwi yabomfwa tayakaleke ukumfwa.
4 Umutima wa bashatekanya ukabika amano ku kwishiba,
Kabili ululimi lwa babulubusa lukalanda ifikalaumfwika.+
5 Uushaba na mano tabakamwite na kabili ati kapekape,
No ushaba ne mibele iisuma tabakamwite ukuti uwalungama;
6 Pantu uushaba na mano akalanda ifyabula amano,
Kabili umutima wakwe ukapanga ukucita ifyabipa+ pa kuti kukabe ubusangu*
Kabili akalanda ifyabipa pali Yehova,
Pa kuti akalenge abakaba ne nsala bekakwata ifya kulya*
Kabili akalenge abakaba ne cilaka bekakwata ifya kunwa.
7 Amapange ya waba ne mibele yabipa, yabi;+
Alalenga abantu balacita ifya nsoni
Pa kuti onawile abacula ku bufi,+
Nangu abapiina balande ifya cine.
8 Lelo kapekape afwaya ukulapeela;
Kabili atwalilila fye ukuba kapekape.
9 “Mwe banakashi abailekelesha, imeni no kumfwa ifyo ndelanda!
Mwe bana abanakashi+ abaikala ku matwi tondolo, bikeni amano ku fyo ndelanda!
10 Ilyo umwaka umo ne nshiku fishilapwa, mwe baikala tondolo mukatutuma,
Pantu ilyo inshita ya kusombola imyangashi ikapwa+ tamwakalonganike icisabo nangu cimo.
11 Tutumeni mwe banakashi abailekelesha!
Tutumeni mwe banakashi abaikala ku matwi tondolo!
Fuuleni ifya kufwala fyenu mushale ubwamba,
Kabili fwaleni insamu mu ntungu+ shenu.
12 Yumeni pa fifuba kabili loosheni
Pa mulandu ne fyacitikila amabala ayasuma ne myangashi itwala ifisabo.
13 Pantu pa mushili wa bantu bandi ponse pakaba imyunga na ficilasa;
Fikaba pa mayanda ponse apaali ukusekelela,
Mu musumba umwali ukusansamuka.+
Ofele+ no lupungu lwa kwa kalinda nafiba icibolya umuyayaya,
E mo impunda sha mu mpaanga shatemwa ukwangala,
Kabili e mo impaanga+ shilya umulemfwe,
15 Mpaka bakapongolole umupashi pali ifwe ukufuma ku muulu,+
Kabili amatololo yakaba ibala lya fisabo,
Ne bala lya fisabo bakalalimona ngo mutengo.+
17 Ubulungami bwa cine bukalenga kukabe umutende,+
Kabili ifisabo fya bulungami bwa cine, mutende no mutelelwe+ ifikabako umuyayaya.
18 Abantu bandi bakekala mu cifulo ca mutende,
Mu ncende ishacingililwa na mu ncende sha kutuushishamo+ ishaba tondolo.
19 Lelo imfula ya mabwe ikonaula umutengo,
Kabili umusumba ukabongoloka onse.
33 We bulanda kuli iwe we onaula, lelo uo bashaonaula;+
Kuli iwe we upondoka, lelo uo bashapondokela!
Ilyo ukapwisha ukonaula, na iwe bakakonaula.+
Ilyo ukapwisha ukupondoka, na iwe bakakupondokela.
2 Mwe Yehova, beni ne cikuuku+ kuli ifwe.
Nimwe twacetekela.
3 Abantu balafulumuka ilyo baumfwa ifimfulunganya.
Nga mwaima, inko shilasalangana.+
4 Nga filya amapantankolo* yalongana pamo, e fyo bakalonganika ifyo bakamupokolola;
Abantu bakangufyanya ukufisenda nga filya makanta angufyanya ukuya pa fimenwa.
5 Yehova akacindamikwa,
Pantu ekala ku muulu.
Akesusha mu Sione umulinganya no bulungami.
6 E umucingilila mu nshita yenu;
Ukupususha+ ukukalamba, amano, ukwishiba no kutiina Yehova,+
E cuma cakwe.
7 Moneni! Abaume babo aba maka balelila mu musebo;
Inkombe sha mutende shileloosha nga nshi.
8 Imisebo iikalamba nabailekelesha;
Takuli nangu umo uulepita mu misebo.
9 Icalo cileloosha* kabili nacuma.
Lebanone naikatwa insoni;+ nabola.
Sharone ali nge ciswebebe,
Kabili Bashani na Karmele balelukusha amabula+ yabo.
11 Mwimita icani icauma kabili mufyala impimbili.
Umupashi wenu ukamonaula ngo mulilo.+
12 Kabili abantu bakaba nge mpemba iyo baoca.
Bakaboca nga filya boca+ ifimpusa fya myunga ifyo batema.
13 Mwe baba ukutali umfweni ifyo ndi no kucita!
Kabili mwe baba apepi ishibeni amaka yandi.
‘Nani pali ifwe uwingekala ukwaba umulilo+ uonaula?
Nani pali ifwe uwingekala no lubingu ulushingashima?’
15 Uutwalilila ukucita ifyalungama,+
Uulanda ifyalungama,+
Uukaana ifyuma fya mu bucenjeshi,
Uo amaboko yakwe yakaana ukupoka+ amafisakanwa,
Uucilika amatwi yakwe pa kuti e umfwa ifyo balelanda pa kusumya umulopa,
Kabili uushibata pa kuti emona ifyabipa.
16 Akekala pa muulu;
Icubo cakwe cikaba mu mabwe aya-afya ukufikako,
Lyonse akalakwata ifya kulya,
Kabili amenshi yakwe tayakapwe.”+
17 Amenso yobe yakamona imfumu ya bukata;
Yakamona icalo icaba ukutali sana.
18 Mu mutima obe ukebukisha* ifya kutiinya, ukalanda auti:
“Ali kwi kalemba?
Ali kwi uwalepima umutuulo?+
Ali kwi uwalependa impungu?”
19 Tawakamone na kabili abantu aba musaalula,
Abantu abalanda ululimi ulwa-afya ukumfwa,*
Ababulubusa pa kulanda ica kuti te kuti umfwe+ ifyo balelanda.
20 Moneni Sione, umusumba umubela imitebeto+ yesu!
Amenso yobe yakamona Yerusalemu, incende ya kwikalamo iyaba tondolo,
Itenti ilyo abantu bashakaseshe.+
Impoopo sha liko tabakashinukule,
Kabili pa ntambo shaliko tabakaputulepo nangu imo.
21 Lelo kulya e ko Uwapulamo Yehova,
Akaba kuli ifwe nge citungu umwaba imimana ne milonga iyapaabuka,
Amato ya nkondo tayakapitemo
Na mato ayakalamba tayakapitemo.
23 Intambo shobe shikakakuka;
Tashakekate ico bakakako amatanga kabili tashakafungulule amatanga.
Pali ilya nshita ifintu ifingi ifyo bakapokolola bakafyakanya;
Ica kuti nabalemana bakasenda ifintu ifingi.+
24 Kabili takuli uukekala mu calo uukalanda ati: “Nindwala.”+
Pantu abantu abakekalamo bakabelela imembu+ shabo.
34 Iseni mupepi mwe nko, pa kuti mumfwe,
Na imwe mwe bantu bonse, mubikeko amano ku fyo nalalanda.
Lekeni isonde na fyonse ifyabapo fikutike,
Kumo no mushili na fyonse ifyabapo.
Akabalofya;
Akabepaya.+
4 Ifya mu muulu fyonse fikabola,
Kabili imyulu bakaipomba nge buuku lyapombwa.
Ne fyabamo fyonse fikooma,
Nga filya ibula lyuma ku cimuti ca mwangashi no kupona
Kabili nga filya fine ikunyu libonsa no kupona ku cimuti ca mukunyu.
5 “Pantu mu muulu, ulupanga lwandi lukaba fye umulopa weka weka.+
Lukesa pali Edomu mu kumupingula,+
Pa bantu abo napingula ukuti bafwile ukonaulwa.
6 Yehova alikwata ulupanga; lukaba fye umulopa weka weka.
Lukaba fye amafuta+ yeka yeka,
Ku lupanga kukaba umulopa wa mpaanga ishana ishilume no wa mbushi,
Kukaba amafuta ya ku mfyo aya mpaanga ishilume.
Pantu Yehova nakwata ilambo mu Bosera,
Kukaba ukwipaya ukukalamba mu calo ca Edomu.+
7 Imboo shikaya pamo nabo,
Ing’ombe ishana ishilume shikaya pamo na ba maka.
Mu calo cabo mukaba fye umulopa weka weka,
Kabili umushili wa mu calo cabo ukaba fye amafuta yeka yeka.”
9 Imilonga yakwe* ikaba amanenekela,
No lukungu lwakwe lukaba ilibwe lya mingu,
Kabili icalo cakwe cikaba nga amanenekela ayalepya.
10 Takashime akasuba nelyo ubushiku;
Icushi cakwe cikalafutumuka umuyayaya.
Akatwalilila ukuba icibolya mu nkulo shonse;
Takwakabe nangu umo uukapita muli ena umuyayaya.+
11 Mukanga ne cinungi fikekala muli ena,
Ifipululu fya matwi ayatali na ba mwankole fikekala muli ena.
Kabili Lesa akapima icalo ku ntambo ya kupiminako
Na ku ntambo ya kupiminako ukwaba ilibwe pa kulanga ukuti tamwakashale nangu cimo, kabili cikonaulwa.
12 Takuli shimucindikwa nangu umo muli ena uo bakabika pa bufumu,
Kabili intungulushi shakwe shonse shikonaulwa.
13 Ifimpusa fya myunga fikamena pa mpungu shakwe ishakosa,
Kaenya na ficilasa fikamena mu misumba yakwe iya malinga.
Muli ena e mo bamumbwe+ bakalaikala,
Kabili akaba icifulo ca ba mwakatala.
14 Inama sha mu fiswebebe shikakumana pamo ne nama ishikuwa,
Kabili imbushi ya mu mpanga* iketa iinankwe.
Mulya e mo akambasa kakekala kabili e mo kakasanga icifulo ca kutuushishamo.
15 Mulya e mo insoka iibutukisha ikalaikala no kubikila amani,
Kabili ikatoota no kulonganika abana mu cintelelwe ca iko.
Kulya e ko bapungwa bakalongana, cila pungwa na pungwa munankwe.
16 Fwayeni mwi buuku lya kwa Yehova no kubelengamo ninshi namwikatisha ishiwi:
Takuli nangu imo iikabulilapo;
Yonse ikakwata umunankwe,
Pantu akanwa ka kwa Yehova e kafumya icipope,
Kabili umupashi wakwe e ushilonganike pamo.
Fikaba ififulo fya fiko umuyayaya.
Mulya e mo fikekala mu nkulo shonse.
35 Amatololo ne mpanga iyauma fikasekelela,+
Iciswebebe cikasansamuka kabili cikabalula nga maluba ya ntongola.+
Abantu bakamona ubukata bwa kwa Yehova, ubucindami bwa kwa Lesa wesu.
4 Ebeni abo imitima yabo isakamikwe amuti:
“Shipeni. Mwitiina.
Moneni! Lesa wenu akesa mu kulandula abalwani benu,
Lesa akesa mu kubakanda.+
Akesa mupususha.”+
6 Pali ilya nshita uwalemana akacilauka nge nsebula,+
Kabili ululimi lwa kwa cibulu lukaula akapundu.+
Mu matololo mukalafukauka amenshi,
Ne milonga ikalapita mu fiswebebe.
Umo bamumbwe baleikala,+
Mukamena icani iciteku, amatete na macinda.
Uwakowela takapitemo.+
Bakausungila abafwile ukwendamo;
Umuwelewele nangu umo takapitemo.
9 Tamwakabe inkalamo,
Ne fiswango tafyakabemo.
10 Abo Yehova akalubula bakabwelela+ ku Sione ninshi balesekelela.+
Ukusekelela kukaba pa mitwe+ yabo umuyayaya.
Bakala-anga no kusekelela,
Kabili ubulanda no kuteta fikafulumuka.+
36 Mu mwaka walenga 14 ukutula apo Imfumu Hisekia yatendekele ukuteka, e mo Sankeribu imfumu ya Asiria+ aishile mu kulwisha imisumba yonse iya malinga iya mu Yuda kabili ali-ipokele.+ 2 Ilyo abena Asiria bali ku Lakishi,+ imfumu ya ku Asiria yatumine Rabsake*+ ne bumba lya bashilika ilikalamba ku Yerusalemu ku Mfumu Hisekia. Ilyo bafikile ku Yerusalemu, baileiminina mupepi no mufoolo uukalamba uwa cishiba+ ca pa muulu, icabela mu musebo wa mu mpanga+ ya uwasha insalu. 3 Lyena Eliakimu+ umwana wa kwa Hilkia, uwaleangalila aba mu ng’anda ya mfumu,* Shebna+ kalemba na Yoa umwana wa kwa Asafi uwalelembela imfumu ifyebo, balifumine baya kuli ena.
4 E ico Rabsake abebele ati: “Muye-eba Hisekia amuti: ‘Imfumu nkalamba, imfumu ya Asiria yatila: “Cinshi ucetekelemo?+ 5 Iwe ulelanda auti, ‘Ninjishiba ifya kulwa kabili ninkwata na maka ya kulwa,’ lelo ayo malandakanwa fye. Nani ucetekele pa kuti umpondokele?+ 6 Mona! Wacetekela ukuti Egupti itete ilyafunika akakwafwa. Egupti litete ilya kuti umuntu nga alikata pa kuti ashintilileko kuti lyakontoka lyatula no lupi lwakwe. E fyo Farao imfumu ya Egupti aaba kuli bonse abamucetekela.+ 7 Kabili nga mwanjeba amuti, ‘Twacetekela Yehova Lesa wesu,’ bushe Hisekia taonaula+ ififulo fyakwe ifya kupepelapo ne fiipailo fyakwe, e lyo ninshi eba abaYuda na ba mu Yerusalemu ati, ‘Mulepepela pali ici ciipailo’?”’+ 8 E ico nomba panganeni na shikulu imfumu ya Asiria+ icipangano ca kuti, nkakupeela bakabalwe 2,000 nga kuti wakwanisha ukukwata abantu bakuninapo. 9 Apo ucetekele Egupti ukuti e ukakupeela amaceleta na banina pali bakabalwe, bushe kuti wakumanisha ukucimfya nangu fye ni ntungulushi iyacepesha pa babomfi ba kwa shikulu? 10 Bushe njishile mu konaula cino calo ukwabula ukuti Yehova ansuminishe? Yehova umwine anjebele ati, ‘Kabiye kalwishe ici calo kabili uconaule.’”
11 E lyo Eliakimu, Shebna+ na Yoa baebele Rabsake+ abati: “Landeni na fwe babomfi benu mu ciAramaiki*+ pantu tulomfwa; mwilanda na ifwe mu lulimi lwa baYuda, pantu abantu abali pe linga+ kuti baumfwako.” 12 Lelo Rabsake abebele ati: “Bushe shikulu antumine ukwisaeba fye shikulwinwe na imwe aya mashiwi? Bushe tantumine ukwisaeba na baume abekala pa cibumba, abakalya amafi yabo no kunwa imisu yabo pamo na imwe?”
13 Lyena Rabsake aliminine e lyo abilikisha mu lulimi lwa baYuda,+ ati: “Umfweni amashiwi ya mfumu nkalamba, imfumu ya Asiria.+ 14 Imfumu yatila, ‘Mwileka Hisekia amubepe, pantu te kuti amupusushe.+ 15 Kabili mwileka Hisekia alenge mucetekele Yehova,+ nga amweba ati: “Nangu cibe shani Yehova aletupokolola. Kabili taleke imfumu ya Asiria icimfye uno musumba.” 16 Mwiumfwila Hisekia, pantu imfumu ya Asiria yatila: “Cimbeni pa kuti muleikala umutende, kabili cila muntu akulalya ku cimuti cakwe ica mwangashi na ku mukunyu wakwe, kabili akulanwa amenshi mu cishima cakwe, 17 mpaka nkesemutwala ku calo icaba nge calo+ cenu, icalo umwaba ingano no mwangashi uupya, umwaba umukate na mabala ya myangashi. 18 Mwileka Hisekia amubepe, ifi amweba ati, ‘Yehova akatupususha.’ Bushe kwaliba balesa ba nko abapusushapo ifyalo fyabo ku mfumu ya Asiria?+ 19 Bushe balesa ba ku Hamati na ku Aripadi+ baba kwi? Inga balesa ba ku Sefarivaimu?+ Bushe balipuswishe Samaria mu kuboko+ kwandi? 20 Ni lesa nshi pali balesa bonse aba muli ifi fyalo uwapusushapo icalo cakwe kuli ine pa kuti Yehova apusushe Yerusalemu kuli ine?”’”+
21 Lelo baikele fye tondolo tabamwaswike nangu cimo, pantu imfumu yabebele aiti: “Mwimwasuka.”+ 22 Nomba Eliakimu umwana wa kwa Hilkia, uwaleangalila aba mu ng’anda ya mfumu,* Shebna+ kalemba na Yoa umwana wa kwa Asafi, uwalelembela imfumu ifyebo, baile kuli Hisekia ninshi nabalepula ifya kufwala fyabo, kabili bamwebele fyonse ifyo Rabsake alandile.
37 Ilyo fye Imfumu Hisekia yaumfwile aya mashiwi, yalepwile ifya kufwala fya iko, yafwala ne nsamu, e lyo yayaingila mu ng’anda ya kwa Yehova.+ 2 Lyena yatumine Eliakimu, uwaleangalila aba mu ng’anda ya mfumu,* Shebna kalemba na bashimapepo abakalamba kuli Esaya+ kasesema umwana wa kwa Amose, ninshi nabafwala insamu. 3 Bailemweba abati: “Hisekia atila, ‘Buno bushiku bwa bulanda, bwa kwebaulwa* kabili bwa kuseebana, pantu tuli ngo mwanakashi uuli mu kupaapa, nomba takwete amaka ya kupaapa.+ 4 Nalimo Yehova Lesa obe kuti aumfwa amashiwi yonse aya kwa Rabsake, uo shikulu wakwe imfumu ya Asiria atumine ku kusaalula Lesa+ wa mweo, kabili akamukanda pa mashiwi ayo Yehova Lesa obe omfwile. E ico pepelako+ abashalapo abapuswike.’”+
5 E ico ababomfi ba Mfumu Hisekia baile kuli Esaya,+ 6 kabili Esaya ailebeba ati: “Muye-eba shikulwinwe amuti, ‘Yehova atila: “Witiina+ pa mulandu wa fyo umfwile ifyo ababomfi ba mfumu ya ku Asiria+ bacilanda pa kunsaalula. 7 Mona, nalalenga itontonkanye pali fimo,* kabili ikomfwa ilyashi, lyena ikabwelela ku calo+ ca iko; kulya kwine+ e ko nkalenga bakayipaile ku lupanga.”’”
8 Ilyo Rabsake aumfwile ukuti imfumu ya Asiria yalifumine ku Lakishi, alibwelelemo ukwali imfumu kabili ailesanga ilelwa na Libna.+ 9 Nomba imfumu yaumfwile balelanda pali Tirhaka imfumu ya ku Etiopia abati: “Naisa mu ku kulwisha.” Ilyo yaumfwile ifi, yatumine na kabili bamo kuli Hisekia,+ yabebele ati: 10 “Muye-eba Hisekia imfumu ya Yuda amuti, ‘Wileka Lesa obe uo wacetekela akubepe, ati: “Imfumu ya Asiria+ tayakacimfye Yerusalemu.” 11 Mona! Walyumfwa ifyo imfumu sha Asiria shaonawile+ ifyalo fyonse. Bushe iwe ni we ukapusuka? 12 Bushe tulesa twa nko isho ifikolwe fyandi fyaonawile twalishipuswishe?+ Bushe Gosani, Harani,+ Resefe na bena Edene abali mu Telasari baba kwi? 13 Bushe imfumu ya Hamati, iya Aripadi ne mfumu ya misumba ya Sefarivaimu,+ ne ya Hena ne ya Iba shaba kwi?’”
14 Hisekia apokele amakalata ku nkombe e lyo ayabelenga. Lyena aile ku ng’anda ya kwa Yehova kabili ailefungulwila aya makalata pa cinso ca kwa Yehova.+ 15 Kabili Hisekia apepele kuli Yehova+ ati: 16 “Mwe Yehova wa mabumba,+ Lesa wa kwa Israele, mwe baikala pa cipuna ca bufumu pa muulu wa bakerubi,* imwe nimwe Lesa wa cine mweka mu mabufumu yonse aya pano isonde. Nimwe mwabumbile imyulu ne sonde. 17 Mwe Yehova kutikeni pa kuti mumfwe!+ Mwe Yehova isuleni amenso yenu pa kuti mumone!+ Umfweni amashiwi yonse ayo Sankeribu atumine pa kumuseebanya mwe Lesa+ wa mweo. 18 Mwe Yehova, kwena ca cine, imfumu sha Asiria shalyonaula ifyalo+ fyonse, ukubikako fye ne calo ca shiko. 19 Kabili shalyoca+ na tulesa twa shiko pantu tatwali tulesa twa cine, lelo abantu e batupangile+ ukubomfya ifimuti na mabwe. E co shatonawilile. 20 E ico nomba mwe Yehova Lesa wesu, tupususheni kuli ena, pa kuti amabufumu yonse aya pe sonde yeshibe ukuti imwe mwe Yehova+ ni mwe Lesa mweka.”
21 Lyena Esaya umwana wa kwa Amose atumiine Hisekia amashiwi ya kuti: “Yehova Lesa wa kwa Israele atila, ‘Ning’umfwa ipepo ilyo upepele pali Sankeribu imfumu ya Asiria,+ 22 aya e mashiwi ayo Yehova alanda pali ena:
“Nacisungu wa mu Sione akusuula, akupumya.
Umwana mwanakashi wa mu Yerusalemu apukunya umutwe pali iwe.
23 Nani uo waseebanya+ no kupontela?
Nani uo wasanswila ishiwi+
Kabili uo watulumwina amenso yobe aya cilumba?
Uwa Mushilo wa kwa Israele+ e o wacitila ifi!
24 Nauseebanya Yehova+ ukupitila mu babomfi bobe, kabili utile,
‘Nkanina pa muulu wa mpili+
Na maceleta yandi ayengi aya nkondo,
Ku ncende sha mu Lebanone ishaba ukutali sana.
Nkatema ifimuti fya uko ifya mikedari iitali.
Nkengila umwakutushisha mwa uko umwaba ukwalepesha, mu mutengo uusuma.
26 Bushe tawaumfwa? Ukutula fye na ku kale e fyo mfwaya ukucita.
Ukufuma ku nshiku sha ku kale nalipanga.+
Nomba nalacicita.+
Ukalenga imisumba ya malinga ayakosa ikabe ifitantaala.+
27 Abekalamo tabakakwate aba kubafwa;
Bakatiina nga nshi kabili bakaseebana.
Bakaba nge fimenwa fya mu mpanga kabili nge cani iciteku,
Bakaba nge cani ca pa mutenge icapya ku mwela wakaba uwa ku kabanga.
28 Lelo nalishiba bwino bwino ifyo ucita nga waikala, ifyo ucita nga wafuma, ne fyo ucita nga wabwela,+
Kabili nalishiba ifyo uba nga naumfulilwa,+
29 Pantu nalishiba ukuti ulamfulilwa+ kabili nalyumfwa+ ifyo ubuluma.
E ico nkakoba ica kulobelako+ candi ku myona yobe, kabili nkabika umukobelo wandi mu milomo yobe,
Kabili nkalenga ukabwelele mu nshila iyo waishilemo.”
30 “‘Kabili ifi e fyo ukeshibilako:* Uno mwaka mukalalya ifikaimenena fye, kabili mu mwaka walenga bubili mukalalya ifikapuuka ku fikaimenena fye;* lelo mu mwaka walenga butatu, mukabyala imbuto kabili mukasombola, mukalima ne myangashi kabili mukalya ifisabo+ fya iko. 31 Aba mu ng’anda ya kwa Yuda, abakapusuka, abakashalapo+ bakalimba imishila kabili bakatwala ifisabo. 32 Pantu abakashalapo bakafuma mu Yerusalemu, kabili abakapusuka bakafuma mu Lupili lwa Sione.+ Yehova akacita ifi+ pantu alicincila.
33 “‘E ico Yehova alanda pa mfumu ya Asiria+ ati:
“Tayakengile muli uno musumba,+
Tayakalasemo umufwi,
Tayakesemo ne nkwela,
Kabili tayakakuule ica kuninapo pa kusansa umusumba.”’+
34 ‘Mu nshila umo yapitile pa kwisa e mo ikapita na pa kubwelelamo;
Tayakese muli uno musumba,’ e fyo Yehova alanda.
35 ‘Nkacingilila uno musumba+ kabili nkaupususha pa mulandu we shina lyandi+
Na pa mulandu wa kwa Davidi+ umubomfi wandi.’”
36 Kabili malaika wa kwa Yehova aileipaya abaume 185,000 mu nkambi ya bena Asiria. Ilyo abantu babukile lucelocelo, bamwene ifitumbi+ fili fye mpanga yonse. 37 E ico Sankeribu imfumu ya Asiria alimine abwelelamo ku Ninebe,+ kabili kulya kwine+ e ko aileikala. 38 Nomba ilyo afukeme alepepa mu ng’anda* ya kwa Nisroke lesa wakwe, Adrameleke na Sharesere, abana bakwe balimwipeye ku lupanga,+ kabili bafulumukile ku calo ca Ararati.+ Lyena Esari-hadone+ umwana wakwe alimupyene pa bufumu.
38 Muli shilya nshiku Hisekia alilwele ica kuti ali fye mu kufwa.+ E ico kasesema Esaya+ umwana wa kwa Amose aile kuli ena e lyo amweba ati, “Yehova atila: ‘Eba aba mu ng’anda yobe ifya kucita, pantu tawakapole,+ uli no kufwa.’” 2 E ico Hisekia apilibukile ku cibumba, alapepa kuli Yehova ati: 3 “Napaapaata mwe Yehova, ibukisheni+ ifyo naba ne cishinka kuli imwe no mutima+ wandi onse kabili ndacita ifisuma mu menso yenu.” Lyena Hisekia alililile nga nshi.
4 Lyena Yehova aebele Esaya ati: 5 “Bwelelamo, kebe Hisekia+ auti: ‘Yehova Lesa wa kwa Davidi icikolwe cobe atila: “Ning’umfwa ipepo+ lyobe. Nimona ifilamba+ fyobe. Mona! Nalakulundilako imyaka 15.+ 6 Nkakupokolola, nkapokolole na uno musumba ku mfumu ya Asiria, nkacingilila uno umusumba.+ 7 Icishibilo ca kwa Yehova ica kukulanga ukuti Yehova ali no kucita ifyo alandile+ ni ci: 8 Mona, ndelenga icinshingwa ca pa matabo* ya kwa Ahasi cibwelele ku numa amatabo+ 10.”’” E ico alengele icinshingwa cabwelela ku numa amatabo 10.
9 Ifi e fyo Hisekia imfumu ya Yuda yalembele ilyo yalwele na lintu yapolele.
Bakampoka imyaka yandi iyashalako iya kuba no mweo.”
11 Nalandile nati: “Nshakamone Jah kabili nshakabe pa ba mweo+ abakalamona Jah.*
Nshakamone na kabili abantunse
Ilyo nkaba pamo na bekala mu cifulo umo fyonse filoba.
Nimfuunga umweo wandi nga filya uupikula insalu afunga insalu iyo apwisha ukupikula;
Alaputula umweo wandi nga filya baputula insalu ku ca kupikwilako.
Ukutula akasuba ukufika ubushiku atwalilila fye ukuntwala ku mpela.+
13 Ndatalalika umutima wandi mpaka ulucelo.
Nga filya inkalamo itobaula amafupa ya nama ikete, e fyo atobaula amafupa yandi yonse;
Ukutula akasuba ukufika ubushiku atwalilile fye ukuntwala ku mpela.+
Amenso yandi yalosha ku muulu;+
‘Mwe Yehova, ndecula nga nshi;
Ngafweni!’+
15 Inga finshi ningalanda?
Alinjeba kabili alicitapo cimo.
Nakulaenda bulanda bulanda imyaka yandi yonse
Pa mulandu wa kuti ndacula nga nshi.*
16 ‘Mwe Yehova, muli ifi fintu* e mo abantu bonse babela aba mweo,
Kabili muli fyena e mwaba ubumi bwa mupashi wandi.
Mukamposha kabili mukansunga uwa mweo.+
17 Moneni! Mu cifulo ca kuba no mutende, nalecula nga nshi;
Lelo apo mwalintemwa,*
Tamwalekele naya mu cilindi ca bonaushi.+
Mwalipoosa imembu shandi shonse ku numa yenu.*+
Abaya mu cilindi te kuti bamone ukuti muli ba cishinka+ mu fyo mucita.
19 Aba mweo fye e bengamulumbanya,
Nga fino ndemulumbanya buno bushiku.
Wishi kuti asambilisha abana bakwe ukuti muli ba cishinka.+
20 Mwe Yehova mpususheni,
Tukalisha inyimbo shandi pa filimba+ fya nsale
Inshiku shonse isha mweo wesu pa ng’anda ya kwa Yehova.’”+
21 Lyena Esaya abebele ati: “Leteni keke ya makunyu ayauma, muibike pa cipute pa kuti apole.”+ 22 Hisekia aipwishe ati: “Cinshi nalaishibilako ukuti nkaya ku ng’anda ya kwa Yehova?”+
39 Pali ilya nshita Merodakibaladani imfumu ya Babiloni, umwana wa kwa Baladani atumine abakutwalila Hisekia+ amakalata no bupe, pantu alyumfwile ukuti Hisekia alilwele kabili alipolele.+ 2 Hisekia alibapokelele bwino* kabili alibalangile ing’anda+ umo asungiile icuma, e kutila silfere, golde, amafuta ya balsamu na mafuta yambi ayasuma. Alibalangile umo alesungila ifyanso fyakwe fyonse na fyonse ifyali mu fipao. Takwali nangu cimo ico Hisekia ashabalangile mu ng’anda yakwe* na mu bufumu bwakwe bonse.
3 Pa numa kasesema Esaya aishile ku Mfumu Hisekia, e lyo ayipusha ati: “Finshi aba baume balandile, kabili bafumine kwi?” E ico Hisekia amwaswike ati: “Bafumine ku calo ca kutali, ku Babiloni.”+ 4 Na kabili ayipwishe ati: “Finshi bacimona mu ng’anda yobe?”* Hisekia amwaswike ati: “Bacimona fyonse ifyaba mu ng’anda yandi.* Takuli nangu cimo pa fyuma fyandi ico nshacibalanga.”
5 Nomba Esaya aebele Hisekia ati: “Umfwa ifyo Yehova wa mabumba alanda, 6 ‘Mona! Inshiku shileisa, kabili fyonse ifyaba mu ng’anda yobe* na fyonse ifyo ifikolwe fyobe fyalonganika ukufika na pali buno bushiku, bakafisenda ku Babiloni. Tabakashepo nangu cimo,’+ e fyo Yehova+ alanda. 7 ‘Kabili bamo pa bakatuntuka muli iwe, bakabasenda kabili bakayaba bacilolo mwi sano lya mfumu ya ku Babiloni.’”+
8 E lyo Hisekia aebele Esaya ati: “Ifi mwanjeba ifyo Yehova alandile fili fye bwino.” Alandile no kuti: “Pantu mu calo mukaba umutende no mutelelwe* ilyo ncili no mweo.”*+
40 “Sansamusheni, sansamusheni abantu bandi,” e fyo Lesa+ wenu alanda.
2 “Koselesheni Yerusalemu ilyo mulelanda nankwe,
Kabili mumwebe amuti inshita yakwe iya kubomba umulimo wa kumupatikisha naipwa,
Mumwebe no kuti nabamwelela+ ulubembu lwakwe.
Yehova namupeela icilingene ne membu+ shakwe shonse.”*
3 Umuntu alebilikisha mu matololo, aleti:
“Wamyeni* inshila ya kwa Yehova!+
Olweleleni Lesa+ wesu umusebo uukalamba+ uwapita mu ciswebebe.
4 Imipokapoka yonse nabailundumanike,
Kabili impili shonse no tupili nabafipase.
Ifyulu bafwile ukufipasa,
Ne mpanga iyalundumana ibatame.+
5 Ubukata bwa kwa Yehova bukasokololwa,+
Kabili iminofu yonse* ikabumwena pamo,+
Pantu akanwa ka kwa Yehova nakalanda.”
6 Umfweni, kuli uulelanda ati: “Bilisha!”
E lyo umbi aipusha ati: “Finshi nalabilisha?”
Bilisha auti, “Abantu bonse* cani iciteku.
Ukutemwa kwabo ukushipwa konse kwaba nge luba ilyabalula mu mpanga.+
Cine cine abantu cani iciteku.
8 Icani iciteku ciloma,
Iluba ilyabalula lilabonsa,
Lelo icebo ca kwa Lesa wesu, cikatwalilila ukubako.”+
Sansula ishiwi lyobe na maka,
We mwanakashi uuleletela Yerusalemu imbila nsuma.
Sansula ishiwi, Witiina.
Bilisha mu misumba ya mu Yuda auti: “Uyu e Lesa+ wenu.”
Moneni! Ali ne cilambu cakwe,
Kabili amalipilo apeela abantu bakwe yaba pa ntanshi yakwe.+
11 Nga filya kacema acita, akasakamana bwino impaanga+ shakwe.
Utwana twa mpaanga akatulonganikila ku kuboko kwakwe,
Kabili akatusendela pa cifuba cakwe.
Ishileonsha+ akashisakamana* bwino.
13 Nani uwapimapo* umupashi wa kwa Yehova,
Kabili nani uwingamweba ifya kucita kabili uwingaba impanda mano+ yakwe?
14 Nani aipwishe pa kuti aleiluka ifintu,
Nelyo nani uumusambilisha inshila ya mulinganya,
Nangu nani uumusambilisha pa kuti eshibe ifintu,
Nelyo nani uumulanga inshila ya kwilukilamo+ bwino bwino ifintu?
15 Moneni! Inko shaba nge toni lya menshi ililetona ku mbeketi,
Kabili ashimona+ ngo lukungu uluba pa masekelo.
Moneni! Emya ifishi ngo lukungu.
16 Nangu fye fimuti* fya mu Lebanone te kuti filenge umulilo watwalilila ukwaka,
Kabili inama shabamo te kuti shikumane ukushituula umutuulo wa koca.
18 Ni kuli nani mwingalinganya Lesa?+
Cinshi mwingalanda ukuti e co apalana na co?+
19 Uwaishiba ifya kupangapanga, apanga icilubi,*
Uufula ifyela abikako golde,+
Kabili apanga na maceni ya silfere.
Afwaya uwaishibisha ukubasa
Pa kuti apangemo icilubi icishingawa.+
21 Bushe tamwaishiba?
Bushe tamwaumfwa?
Bushe tabamweba ukutula pa kutendeka?
Bushe tamwaishiba ukutula apo imifula ye sonde baipangile?+
Afungulula imyulu nge nsalu iya-anguka,
Kabili aitanika nge tenti lya kwikalamo.+
23 Alafumya intungulushi pa fifulo fya shiko
Kabili alalenga bakapingula* ba pe sonde baba kwati tababa nako.
24 Tabalimbwa,
Tababyalwa,
Imishila yabo tayalimba mu mushili,
Umwela wapupila pali bena kabili bauma,
Kabili umwela wabasenda nga filya usenda impimbili.+
25 “Ni kuli nani mwingampashanya pa kuti ningane nankwe?” e fyo Uwa Mushilo alanda.
26 “Lolesheni mu muulu no kumona.
Nani uwabumbile ishi intanda?+
Ni uyo uutungulula ibumba lya shiko kabili uushipenda;
Shonse alashita amashina ya shiko.+
Pa mulandu wa kuti alikwatisha amaka, kabili amaka+ yakwe ya kutiinya,
Tapabulila nangu lumo.
27 Cinshi we Yakobo ulandila, kabili cinshi we Israele ulandila auti,
‘Inshila yandi yalifisama kuli Yehova,
Kabili Lesa+ tabika amano ku fyo bamfyenga’?
28 Bushe tawaishiba? Bushe tawaumfwa?
Yehova, Kabumba wa mpela she sonde, ni Lesa umuyayaya.+
Tanaka kabili tatompoka.+
Takuli nangu umo uwingeshiba+ bwino amano yakwe.
30 Abaice bakanaka kabili bakatompoka,
Na balumendo bakaipununa no kuwa,
31 Lelo abacetekela Yehova bakaba na maka na kabili.
Bakapupuka kwati bali na mapindo nga bakapumpe.+
Bakabutuka lelo tabakatompoke;
Bakenda lelo tabakanake.”+
Nashipalame; lyena shilande.+
Natukumane pamo pa kuti imupingule.
2 “Nani uwapeelapo uwafuma ukutulila akasuba*+ amaka,
Uumwita mu bulungami ukuti ese apo ali,*
Pa kuti amupeele inko
Kabili amulenge acimfye imfumu?+
Nani uumina inko ku lupanga ica kuti shaba ngo lukungu,
Uushisalanganishisha ku buta nga filya umwela uukalamba ululula impimbili?
3 Ashikonka kabili takuli nangu cimo icimucilikiile,
Apita mu nshila umo amakasa yakwe yashapitamo.
4 Nani uucitile ifi,
Uwita inkulo ne nkulo ukufuma pa kutendeka?
5 Ifishi nafimona kabili fili no mwenso.
Impela she sonde shatendeke ukututuma.
Bapalamina kabili baleisa fye.
6 Cila muntu aleafwa umunankwe
Kabili ale-eba munyina ati: “Kosa.”
7 E ico uwaishiba ifya kupangapanga alekoselesha uufula ifyela;+
Uulepapatalika ifyela kuli sando
Alekoselesha uulefula ifyela pa ca kufulilapo.
Alelanda pa kocelela ifyela ati: “Kusuma.”
Lyena bapampamina icilubi ne misomali pa kuti cipona.
8 “Lelo iwe we Israele uli mubomfi+ wandi,
Iwe we Yakobo, we o nasala,+
Umwana* wa kwa Abrahamu cibusa wandi,+
9 Iwe we o nafumishe ku mpela sha pano isonde,+
Kabili iwe we o naitile ukufuma ku ncende sha pe sonde ishaba ukutali sana.
Wilasakamana pantu nine Lesa+ obe.
Ndekukosha kabili ndekwafwa.+
Ukuboko kwandi ukwa ku kulyo ukucita ifyalungama kulekwikatilila.’
11 Mona! Bonse abakufulilwa bakekatwa insoni kabili bakaseebana.+
Abalwa na iwe bakaloba.+
12 Ukafwaya abalwa na iwe, lelo tawakabasange;
Abantu abalwa na iwe inkondo tabakabeko, bakaloba bonse.+
13 Pantu ine ne Yehova Lesa obe, ndeikata ukuboko kobe ukwa ku kulyo,
Ndekweba nati, ‘Witiina. Ndekwafwa.’+
14 Witiina we mwambo* Yakobo,+
Mwe baume ba mu Israele. Ndemwafwa,” e fyo Yehova, Kalubula+ wenu, Uwa Mushilo uwa kwa Israele alanda.
Ukanyantaula impili no kushishonaula
Kabili ukalenga utupili tukabe nge misungu.
Ukasekelela pa mulandu ne fyo Yehova+ acita,
Kabili ukaitakishisha pa fyo Uwa Mushilo uwa kwa Israele+ acita.”
17 “Abashakwata bakubafwa na bapiina balefwaya amenshi, lelo takuli nangu yamo.
Ululimi lwabo naluma ku cilaka.+
Ine ne Yehova nkabaasuka.+
Ine ne Lesa wa kwa Israele, nshakabalekeleshe.+
18 Nkalenga pa tupili+ apashaba ifimuti pakapite imimana
Kabili nkalenga mu mpanga iyabatama,+ mukabe utumfukumfuku.
Nkalenga amatololo yakabe icishiba umwaba amatete
Kabili nkalenga impanga umushaba amenshi, mukalefukauka amenshi.+
Mu mpanga iyabatama iya mu ciswebebe nkalimbamo umukupri,
Pamo no mutidari no mutashuri.+
20 Pa kuti abantu bonse bamone no kwishiba
Kabili babikeko amano no kwiluka
Ukuti ukuboko kwa kwa Yehova e kwacita ifi,
Kabili Uwa Mushilo uwa kwa Israele e ulengele ukuti ifi ficitike.”+
21 “Lubululeni umulandu wenu,” e fyo Yehova alanda.
“Leteni ubushininkisho mukwete,” e fyo Imfumu ya kwa Yakobo yalanda.
22 “Leteni ubushininkisho kabili twebeni ifikacitika.
Nelyo twebeni ifili no kucitika.+
Citeni icisuma nelyo icibi,
Pa kuti tupeshiwe amano nga twacimona.+
Onse uumusala wa bunani.+
25 Ninjimya umwaume ukufuma ku kapinda ka ku kuso, kabili akesa,+
Umwaume uukafuma ukutulila akasuba,*+ akalilila kwi shina lyandi.
26 Nani uwalandapo pali ici ukutula pa kutendeka, pa kuti twishibe,
Nelyo nani uwalandapo kale, pa kuti tulande atuti, ‘Nalungika’?+
Takuli nangu umo uwalandapo!
Takuli nangu umo uwabilishapo pali ifi!
Takuli nangu umo uo mwaebapo ifi!”+
27 Nine nabalilepo ukweba Sione nati: “Mona! E ifi!”+
Kabili nkatuma uwa kutwala imbila nsuma+ ku Yerusalemu.
28 Lelo nalitwalilile ukulolesha, kabili takwali nangu umo;
Takwali nangu umo pali bena uwalepanda amano.
Nangu ca kuti nalitwalilile ukubepusha, tabalenjasuka.
29 Moneni! Bonse tababa kantu.*
Imilimo yabo ya fye.
Ifilubi fyabo ifya cela,* fyaba fye ngo mwela kabili fya kwelenganya fye.+
42 Moneni! Umubomfi+ wandi uo ngafwilisha!
Uo nasala,+ uulenga ndesekelela!*+
Akaba uwa cishinka kabili akaleta umulinganya.+
4 Takashibantukile nelyo ukufunika, mpaka akalenge mwi sonde+ mukabe umulinganya;
Kabili ifishi filalolela amafunde* yakwe.
5 Lesa wa cine Yehova,
Uwabumbile imyulu kabili Uwakulisha, uwafungulwile+ imyulu,
Uwabumbile isonde ne fyabapo,+
Uupeela abantu ababamo+ umupu
Kabili uupeela abendamo+ umupashi, atila:
6 “Ine ne Yehova ninkwita mu bulungami;
Ninjikata ukuboko kobe.
Nkakucingilila kabili ukaba nge cipangano ico nkapangana na bantu+
Kabili ukaba ngo lubuuto ku nko,+
7 Pa kuti ukalenge amenso+ ya bashimona yakamone,
Pa kuti ukafumye umufungwa mu cifungo
Na pa kuti abaikala mu mfifi ukabafumye mu cifungo.+
8 Nine Yehova. Ili e shina lyandi;
Nshakapeele umbi ubukata bwandi,*
Kabili nshakapeele ifimpashanya+ amalumbo yandi.
9 Moneni, ifyo nabalilepo ukusobela fyalicitika;
Nomba ndemulondolwelako ifipya.
Ilyo fishilacitika, ndemwebako pali fyena.”+
10 Imbileni Yehova ulwimbo+ ulupya,
Mulumbanyeni ku mpela sha pano isonde,+
Imwe mwe baya pali bemba, na fyonse ifyaba muli bemba,
Mwe fishi na mwe baikalapo.+
Abekala mu ncende ya mabwe nabasekelele;
Nababilikishe pa muulu wa mpili.
13 Yehova akaya mu kulwa ngo mwaume+ wa maka.
Akalafwaisha ukucitapo cimo ngo mushilika.+
Akasansula ishiwi nga filya abaya mu kulwa inkondo basansula amashiwi yabo;
Akalanga ukuti wa maka ukucila abalwani+ bakwe.
14 “Nalikala tondolo pa nshita iitali.
Nshilandapo nangu cimo kabili nali-ilama.
Nkateta no kupemashika no kutusaila,
Ngo mwanakashi uulepaapa.
15 Nkonaula impili no tupili
Kabili nkalenga ifimenwa fyonse ifyabapo fikoome.
Nkalenga imimana ikabe ifishi
Kabili nkalenga ifishiba+ umwaba amatete fikakame.
16 Nkalenga abashimona bakende mu nshila iyo bashaishiba+
Kabili nkalenga amakasa yabo yakapite mu nshila+ isho bashapitamo.
Ifi e fyo nkabacitila, kabili nshakabalekeleshe.”
17 Bakabacimfya kabili bakekatwa insoni,
Abacetekela ifimpashanya,
19 Nani uwapofula ngo mubomfi wandi,
Uwakoma amatwi nge nkombe iyo ntuma?
Nani uwapofula ngo muntu uo balambula,
Uwapofula ngo mubomfi wa kwa Yehova?+
20 Ulamona ifintu ifingi, lelo taubikako amano.
Walikwata amatwi, lelo taumfwa.+
22 Lelo aba bantu abo baibila ifipe no kufisenda;+
Bonse balifilwa ukufuma mu ncengo, kabili baba mu fifungo.+
Balibapokolola ifipe kabili takwaba nangu umo uwa kubapususha,+
Balibasenda kabili takwaba nangu umo uulanda ati: “Babwesheni!”
23 Nani pali imwe uukakutika ifi?
Nani akabikako amano no kumfwa pa kuti ifintu fikamuwamine ku ntanshi?
24 Nani uwalengele Yakobo bamusende
Kabili Israele bamupokolole ifintu fyakwe?
Bushe te Yehova uo twabembukiile?
Bwalyonawile fyonse ifyali mupepi nankwe, lelo tabikileko amano.+
Ubukali bwakwe bwalibilime ngo mulilo pali ena, lelo tabikileko amano.+
“Witiina, pantu nalikulubula.+
Nalikwita mwi shina lyobe.
Uli wandi.
Nga wapita mu mulilo, tawakapye,
No lubingu talwakakubabule.
3 Pantu nine Yehova Lesa obe,
Uwa Mushilo wa kwa Israele, uukupususha.
Ninenga Egupti, Etiopia na Seba baba icilubula cobe.
E ico nkalenga abantu bakabe icilubula cobe,
Kabili inko nkashipeela pa bumi bobe.*
6 Nkeba akapinda ka ku kuso nati, ‘baleke baye!’+
Kabili nkeba akapinda ka ku kulyo nati, ‘Wibalesha ukuya.
Leta abana bandi abaume ukufuma ukutali, na bana bandi abanakashi ukufuma ku mpela she sonde,+
7 Onse uo betila kwi shina+ lyandi
Kabili uo nabumbile pa mulandu wa bukata bwandi,
Uo napangile.’+
8 Leteni abantu abashimona nangu ca kuti balikwata amenso,
Na bakoma amatwi nangu ca kuti balikwata amatwi.+
Nani pali bena uwingalanda ifi?
Nelyo nani uwingalenga twaishiba ifikabalilapo?*+
Lekeni balete bakambone pa kuti cishibikwe nga ca kuti balungami,
Nelyo bomfwe kabili balande abati, ‘Ifyo balelanda fya cine!’”+
10 “Muli nte+ shandi,” e fyo Yehova alanda,
“Ababomfi bandi abo nasala,+
Pa kuti munjishibe kabili muntetekele*
Na pa kuti mwishibe ukuti naba fye cimo cine.+
Takwali Lesa nangu umo uwabumbilwe uwantangilile,
Kabili ku ntanshi takwakabe nangu umo.+
11 Ine nine Yehova,+ kabili takwaba umbi uupususha.”+
12 “Nine namwebele ifikacitika, nine namupuswishe kabili nine nalengele fishibikwe
Ilyo muli imwe+ mushali lesa umbi.
E ico muli nte shandi,” e fyo Yehova alanda, “kabili nine Lesa.+
Nga nafwaya ukucita cimo, nani uwingandesha?”+
14 Yehova, Kalubula+ wenu, Uwa Mushilo uwa kwa Israele,+ alanda ati:
“Pa mulandu wenu nkabatuma ku Babiloni kukonaula imipindo yonse iya mpongolo,+
Kabili abena Kaldi bakaloosha ninshi bali mu mato yabo pa mulandu no bucushi.+
15 Nine Yehova, Uwa Mushilo+ wenu, Uwabumbile Israele,+ Imfumu+ yenu.”
16 Yehova uupanga inshila pali bemba
Kabili uupanga umusebo pa menshi+ ayalulunkene,
17 Uuleta iceleta lya nkondo na kabalwe,+
Ibumba lya bashilika na baume ba maka, alanda ati:
“Bakalambalala kabili tabakeme.+
Bakaloba; bakabashimya nge ciku.”*
18 “Mwilaibukisha ifya kale,
Kabili mwilatontonkanya pa fyapita.
Bushe tamufishibe?
20 Inama sha mu mpanga shikancindika,
Bamumbwe na bamwakatala,
Pantu nkalenga mu matololo mukabe amenshi,
Na mu ciswebebe+ mukabe imimana,
Pa kuti abantu bandi abo nasala+ bakalenwa,
21 Abantu abo naibumbiile,
Pa kuti balenumbanya.+
23 Tawandetela impaanga sha mutulo wa koca,
Kabili tawancindikila ku malambo yobe.
Nshakupatikisha ukundetela ubupe,
Nangu ukukupatikisha ukundetela ububani bwabuuta+ ica kuti watendwa no kutendwa.
24 Tawanshitiile icimenwa icanunkila* mu ndalama shobe,
Kabili amafuta ya malambo yobe nshayatemenwe.+
Lelo untulikila fye imembu shobe
Kabili naulenga natendwa ifilubo+ fyobe.
26 Njibukishako; natulubulule umulandu wesu;
Landa ifishinka ukwete ifilelanga ukuti tauli no mulandu.
28 E ico nkalamona intungulushi sha pa cifulo ca mushilo ukuti shalikowela,
Kabili nkaleka Yakobo bakamonaule
Na Israele nkaleka bakamusaalule.+
2 Yehova uwakupangile kabili uwakubumbile,+
Uukwafwa ukutula ilyo wali mwi fumo,* alanda ati:
‘Witiina we mubomfi wandi Yakobo,+
Na iwe Yeshuruni,*+ we o nasala.
3 Pantu nkapongolwela amenshi pa uli ne cilaka*+
Kabili nkalenga imilonga ikalepita mu mpanga iyauma.
5 Umuntu umo akalanda ati: “Ndi wa kwa Yehova.”+
E lyo na umbi akaita ishina lya kwa Yakobo,
Kabili umbi akalemba pa kuboko kwakwe ati: “Ndi wa kwa Yehova.”
Kabili akainika ishina lya kwa Israele.’
‘Nine wa ntanshi kabili uwa kulekelesha.+
Takwaba Lesa umbi kano ine.+
Lekeni alande kabili anjebe ubushininkisho!+
Ukutula kale ilyo nabikileko abantu,
Nani uwingalanda ifili no kucitika nomba line
E lyo ne fikacitika ku ntanshi?
Bushe nshamwebeele limo imwe bonse, kabili nshalengele mwishibe ifikacitika?
Muli nte shandi.+
Bushe kwaliba Lesa umbi uwacila pali ine?
Awe, takwaba Icilibwe cimbi. Nshaishibapo Icilibwe+ nangu cimo.’”
11 Moneni! Abanankwe bonse bakaseebana!+
Abaishiba ifya kupangapanga bantunse fye.
Nabalongane pamo kabili beminine.
Bakomfwa umwenso kabili bakaseebanina pamo.
12 Uufula ifyela alefula icela ico akafishe pa malasha,
Alebomfya ica kufulilako cakwe, alepangila ku masando yakwe.
Alebomfya ukuboko+ kwakwe ukwa maka pa kufula;
Lyena aumfwa insala na maka yapwa;
Talenwa amenshi kabili anaka.
13 Uubasa ifimuti atambulula intambo yakwe iya kupiminako,
Pa kuti apime icimuti,
Ashilapo ifishilwa ifyakashika,
Acibasa ukubomfya ica kubashilako,
Ashilamo ku ca kushililako, abasa icaba ngo muntu,+ icimoneka bwino ngo muntu pa kuti cileikala mu ng’anda.*+
14 Kwaliba uubomba umulimo wa kutema imikedari.
Asala umusango umo uwa cimuti, icimuti icikalamba,
Kabili acileka cakosa, ilyo cili pamo ne fimuti ifikalamba ifya mu mutengo.+
Abyala umuoreni kabili imfula yalenga wakula.
15 Lyena caba inkuni sha kuti umuntu alekoseshako umulilo.
Atemako inkuni isha kuti onte:
Akosha umulilo kabili apangapo umukate.
Lelo apangamo na ka lesa kabili alakapepa.
Abasamo ne cilubi kabili alacifukamina.+
16 Hafu ya cimuti aoca;
E lyo hafu imbi iya cimuti aocapo inama, alya no kwikuta aikuta.
Kabili ilyo aleonta alanda ati:
“Eya! Nakangabuka ilyo ndemona umulilo.”
17 Lelo icimuti icashalako apangamo ka lesa, abasamo icilubi.
Acifukamina kabili acipepa.
Apepa kuli cena no kulanda ati:
“Mpususha pantu niwe lesa+ wandi.”
18 Tabaishiba nangu cimo, tabeluka nangu cimo,+
Pantu amenso yabo yalishibata, kabili tayamona,
No mutima wabo tawiluka.
19 Takuli nangu umo uutontonkanyapo mu mutima wakwe
Nelyo uwiluka ukuti:
“Nalyoca hafu ya cimuti,
Kabili pa malasha ya ciko nalipangilapo umukate, naocelapo ne nama ya kulya.
Bushe mfwile ukupanga ica bunani+ ku cimuti cashalako?
Bushe mfwile ukupepa icimuti icauma?”
20 Alya imito.
Umutima wakwe uo babepa naumulufya.
Te kuti aipusushe,* kabili te kuti alande ati:
“Bushe mu minwe yandi iya ku kulyo tamuli ubufi?”
21 “Ibukisha ifi fintu we Yakobo, na iwe we Israele,
Pantu uli mubomfi wandi.
Nalikubumbile kabili uli mubomfi+ wandi.
We Israele, nshakakulabe.+
22 Nkafimba pa filubo fyobe kwati likumbi+ lifimbilepo
Kabili nkafimba pa membu shobe kwati likumbi ilyafiita lifimbilepo.
Bwelela kuli ine pantu nkakulubula.+
23 Auleni utupundu mwe myulu,
Pantu Yehova nacitapo cimo!
Welesheni ukuwelesha kwa kucimfya, mwe ncende sha panshi ishe sonde!
Sekeleleni mwe mpili,+
Mwe mitengo, na mwe fimuti fyonse ifyabamo!
Pantu Yehova nalubula Yakobo,
Kabili pali Israele e po alanga ubucindami+ bwakwe.”
“Nine Yehova, uwapangile ifintu fyonse.
Nani uwali na ine?
25 Ndafulunganya ifishibilo fya balanda ifishafwa kantu,*
Kabili nine nenga ababuka baba nga bawelewele;+
Nine mfulunganya aba mano
No kulenga amano yabo yaba ubuwelewele;+
26 Nine nenga ifyo umubomfi wakwe alanda ficitike,
Kabili ndafikilisha fyonse ifyo inkombe+ shakwe shisobela
Nine nanda pali Yerusalemu nati, ‘Abantu bakekalamo,’+
Na pa misumba ya mu Yuda ukuti, ‘Bakaikuula cipya cipya,+
Kabili nkalenga incende isho baonawile+ shikabe nge fyo shali kale’;
27 Nine njeba amenshi ayaba apashika nati, ‘Kama,
Kabili nkakamya imimana+ yonse’;
28 Nine nanda pali Sailasi+ nati, ‘Ni kacema uo nasala,
Akacita fyonse ifyo mfwaya’;+
Nine nanda pa musumba wa Yerusalemu nati, ‘bakaukuula cipya cipya,’
Na pe tempele nati, ‘Bakapanga+ umufula waliko.’”
45 Yehova aeba Sailasi+ uo asuba,
Uo aikata+ ku kuboko kwakwe ukwa ku kulyo
Pa kuti amucimfisheko+ inko,
Pa kuti apoke imfumu amaka,*
Pa kuti amwiswileko ifiibi fibili,
Ica kuti tabakesale impongolo, ati:
Nkonaula ifiibi fya mukuba,
Nkaputaula+ imipindo ya cela.
3 Nkakupeela ifyuma ifyaba mu mfifi
Ne fyuma ifyo bafisa ifyaba mu ncende+ ishaba ukwafisama,
Pa kuti ukeshibe ukuti nine Yehova,
Lesa wa kwa Israele uulekwita mwi shina+ lyobe.
4 Pa mulandu wa mubomfi wandi Yakobo, na pa mulandu wa kwa Israele uo nasala,
Ndekwita mwi shina lyobe.
Kabili ndekupeela ishina ilya mucinshi, nangu ca kuti tawanjishibe.
5 Nine Yehova, takwaba umbi.
Takwaba Lesa umbi kano fye ine.+
Nkakukosha, nangu ca kuti tawanjishibe,
6 Pa kuti abantu beshibe
Ukufuma uko akasuba katulila ukufika uko kawila*
Ukuti takwaba umbi, kano fye ine.+
Nine Yehova takwaba umbi.+
7 Ndapanga ulubuuto+ ne mfifi,+
Ndalenga kwaba umutende+ no bucushi;+
Ine ne Yehova, ndacita fyonse ifi.
Isonde naliisuke, limeshe ipusukilo,
Kabili pa nshita+ imo ine limeshe ubulungami.
Ine ne Yehova nine nalenga ukuti ifi ficitike.”
Bushe iloba kuti lyaipusha nakabumba* aliti: “Cinshi ulebumba?”+
Nelyo bushe umulimo obe kuti walanda ati: “Tawakwata amaboko”?*
10 We bulanda kuweba wishi ati: “Cinshi wafyala?”
Kabili uweba umwanakashi ati: “Cinshi ulefyala?”
11 Yehova, Uwa Mushilo uwa kwa Israele+ kabili Uwamubumbile alanda ati:
“Bushe ulentwishika pa fintu ifileisa
Kabili bushe ulenjeba ifya kucita pa bana+ bandi na pa milimo ya minwe yandi?
12 Nine napangile isonde+ kabili nine nabumbile umuntu uwikalamo.+
E ukakuula umusumba+ wandi
Kabili akalubula+ abantu bandi abo basenda mu kuba bankole, ukwabula ukumulipila nelyo ukumupeela amafisakanwa,”+ e fyo Yehova wa mabumba alanda.
14 Yehova alanda ati:
“Icuma* ca ku Egupti, ifintu fya kushitisha* ifya ku Etiopia na bena Seba abatali,
Bakesa kuli iwe kabili bakaba abantu bobe.
Bakalaenda ku numa yobe ninshi nababakaka amaceni.
Bakesa kuli iwe kabili bakakukontamina.+
Bakapepa kuli iwe abati, ‘Cine cine Lesa aba na iwe,+
Kabili takwaba umbi; takwaba Lesa umbi.’”
17 Lelo Yehova akapususha+ Israele umuyayaya.
Takalenge ukomfwe insoni kabili takakuseebanye umuyayaya.+
18 Pantu Yehova, Kabumba wa myulu,+ Lesa wa cine,
Uwapangile isonde kabili uwalikoseshe,+
Uushalipangile apa fye,* lelo uwalipangile ukuti abantu baleikalamo,+ alanda ati:
“Nine Yehova, takwaba umbi.
19 Nshalandiile mu cifulo+ icafisama ica mu calo ca mfifi;
Nshaebele abana* ba kwa Yakobo ati,
‘Mfwayeni, lelo muleicusha fye.’
Nine Yehova uulanda ifyalungama kabili ifya cine.+
20 Longaneni pamo kabili iseni.
Iseni bonse pamo, mwe balubulwa mu nko.+
Abasenda ifilubi fyabo, tabaishiba nangu cimo
Kabili bapepa kuli Lesa uushingabapususha.+
21 Landeni umulandu wenu, londololeni ubushininkisho.
Nabapandane amano pamo.
Nani uwasobele ifi kale sana?
Nani uwalandile ifi kale sana?
Bushe te ine, ne Yehova?
Ikufi lyonse likamfukamina,
Ululimi lonse lukalapa ukuti lukaba ulwa cishinka+
24 Kabili lukalanda aluti, ‘Cine cine muli Yehova e mwaba ubulungami bwa cine na maka.
Bonse abamufulilwa bakesa kuli ena ninshi nabekatwa insoni.
25 Abana* ba kwa Israele bonse bakamona ukuti balicitile bwino+ filya basalilepo ukubombela Yehova,
Kabili bakaitakisha pa fyo abacitila.’”
46 Lesa Bele akontama,+ lesa Nebo akontama.
Ifilubi fyabo bafininika pa nama, pa nama ishisenda ifipe ifyafina,+
Fili nge fipe ifyafina ifyo baninike pa nama ishinakile.
2 Bainama kabili bakontamina pamo;
Bafilwa ukupususha ifipe fyabo ifyafina,*
Kabili baya* mu kuba bankole.
3 “Umfweni kuli ine, mwe ba mu ng’anda ya kwa Yakobo, na imwe mwe bashalapo bonse pa ba mu ng’anda ya kwa Israele,+
Imwe mwebo naleafwilisha ukutula fye ilyo mwafyelwe, kabili mwebo nalesenda ukutula fye ilyo mwali mwi fumo.+
4 Na lintu mukakota, ine nkaba fye cimo cine;+
Na lintu umushishi wenu ukaba imfwi, nkatwalilila ukumwafwilisha.
Nga fintu ncita, nkamusenda, nkalamwafwilisha kabili nkamupususha.+
6 Kuli abalefukumuna golde iingi mu cola;
Bapima silfere pali sekelo.
Balipila uufula ifyela kabili apangamo ka lesa.+
Lyena balakakontamina kabili balakapepa.*+
7 Bakasendela pa mabeya+ yabo;
Balakasenda, bakatwala pa cifulo ca kako, kabili katwalilila fye ukwiminina palya pene.
Takasela.+
Balalilila kuli kena ukuti kabafwe, lelo takasuka;
Te kuti kapusushe umuntu nangu umo ku bucushi.+
8 Ibukisheni ifi, kabili shipeni.
Bikeniko umutima, mwe bampulamafunde.
Nine Lesa kabili takwaba uwaba nga ine.+
10 Ilyo kucili inshita iikalamba ndasobela ifikacitika ku ntanshi,
Kabili kale sana nalisobele ifintu ifishilacitika.+
11 Ndeita icuni icilya iminofu ukufuma ukutulila akasuba,*+
Ndeita umwaume ukufuma ku calo ca kutali pa kuti ese acite ifyo nsalilepo.*+
Ninanda, kabili nkaficita.
Nimpanga, kabili nkacita+ ifyo mpangile.
Nkapususha Sione, ubucindami bwandi bukaba pali Israele.”+
Ikala panshi apashili icipuna ca bufumu,+
We mwana mwanakashi wa bena Kaldi,
Pantu abantu tabakakwite na kabili ati namfumu.
2 Buula ilibwe lya kupelelapo, upele ubuunga.
Fuula icifimbo cobe.
Pimpula ilaya lyobe pa kuti amolu yobe yamoneke.
Abuka imimana.
3 Abantu bakamona ukuti uli ubwamba.
Bakamona ico ukabela ne nsoni.
Nkalandula+ kabili takuli umuntu nangu umo uukandesha.*
5 Ikala palya tondolo, kabiye mu mfifi,
We mwana mwanakashi wa bena Kaldi;+
Abantu tabakakwite na kabili abati Namfumu wa Mabufumu.+
Lelo tawabomfwilile uluse.+
Na pa bakote walebikapo ikoli+ ilyafina.
7 Walelanda auti: “Nkatwalilila+ fye ukuba Namfumu.”
Tawabikileko amano kuli ifi fintu;
Tawatontonkenyepo ifyo ifintu fikaba.
8 Nomba umfwa ifi we watemwa ukucita ifya kuisekesha,+
We wikala umutelelwe, we ulanda mu mutima auti:
“Nine fye neka, takwaba na umbi.+
Nshakabepo mukamfwilwa.
Kabili nshakeshibe ifyo cumfwika ukufwilwa abana.”+
9 Lelo ifi fintu fibili fikesa pali iwe mu kupumikisha, mu bushiku fye bumo:+
Ukafwilwa abana kabili ukaba mukamfwilwa.
10 Wacetekeele ifya bubifi ifyo ucita.
Walandile auti: “Takuli uumona.”
Amano yobe ne fyo waishiba e fyakulufishe,
Kabili ulanda mu mutima obe auti: “Nine fye neka, takwaba na umbi.”
Amafya yakesa pali iwe; kabili tawakayacilikile.
Ubonaushi ubo ushenekela+ bukesa pali iwe mu kupumikisha.
12 Twalilila ne fya kupandapanda fyobe, ne fya buloshi+ fyobe ifingi,
Ifyo waculiile ukutula ku bwaice pa kufikwata.
Nalimo kuti fyakwafwa;
Nalimo kuti wafibomfya ukutiinishako abantu.
13 Abakupanda amano abengi nabakunasha.
Nomba nabese bakupusushe,
Abapepa imyulu,* abalolesha intanda,+
Abasobela ifikakucitikila
Nga balolesha umweshi ilyo wamoneka.
14 Mona! Bali nge mpimbili.
Umulilo ukaboca.
Te kuti baipusushe abene* ku maka ya lubingu lwa mulilo.
Aya te malasha ya konta,
Kabili uyu te mulilo wa konta.
15 E fyo na baloshi banobe bakaba kuli iwe,
Abo waculiile pamo nabo ukutula ku bwaice pa kuti upande ifya kupandapanda.
Bakalalulumba fye kabili bonse bakaya ukwapusanapusana.*
Takwakabe nangu umo uukakupususha.+
48 Umfweni ifyo nalalanda mwe ba mu ng’anda ya kwa Yakobo,
Mwe bayita ishina lya kuti Israele+
Kabili mwe bafuma mu menshi ya kwa Yuda,*
Mwe balapila mwi shina lya kwa Yehova+
Kabili mwe bapepa kuli Lesa wa kwa Israele,
Nangu ca kuti tamuli ba cishinka, kabili tamucita ifyalungama.+
2 Pantu mulaitunga ukuti muli ba mu musumba+ wa mushilo
Kabili mulalomba Lesa wa kwa Israele+ ukuti alemwafwa,
Uo ishina lyakwe ni Yehova wa mabumba.
3 “Kale nalimwebele limo ifyali no kucitika.*
Fyafumine mu kanwa kandi,
Kabili nalengele mwafishiba.+
Mu kupumikisha nalicitilepo cimo, kabili fyalicitike.+
4 Apo nalishiba ukuti niwe cintomfwa,
Umushipa obe uwa mu mukoshi waba nge cela, ne mpumi yobe yaba ngo mukuba.+
5 Nalikwebele kale sana.
Ilyo ifi fishilacitika, nalilengele ufishibe,
Pa kuti wikalanda auti, ‘akalubi kandi e kacitile ifi;
Icilubi candi ne cimpashanya ica cela,* e filengele ukuti ifi ficitike.’
6 Mwalyumfwa kabili mwalimona fyonse ifi.
Bushe tamwakebeko abantu bambi?+
Nomba nalamweba+ ifintu ifipya,
Ifya nkama ifyo mushaishiba.
7 Ni pali ino nshita nalalenga ukuti ficitike, tafyacitika kale iyo,
Ifintu ifyo mushabala amumfwapo ukufika na lelo,
Pa kuti mwikalanda amuti, ‘Moneni! Twalifishiba kale.’
9 Lelo pa mulandu we shina lyandi nshakaleke ubukali+ bwandi bukese pali iwe;
Pa kuti nkacindamikwe, nkakutekanishisha.
Nshakakulofye.+
10 Mona! Nalikulopolola, lelo te filya balopolola silfere.+
Nalikwesha* mwi lungu lya bucushi.+
Nshipeela umbi ubukata bwandi.*
12 Umfwa ifyo ndekweba we Yakobo, na iwe we Israele we o naita.
Naba fye cimo cine.+ Nine uwa ntanshi; kabili nine uwa kulekelesha.+
13 Ukuboko kwandi e kwapangile umufula we sonde,+
Kabili ukuboko kwandi ukwa ku kulyo e kwafungulwile imyulu.+
Nga nafiita, filemina pamo.
14 Longaneni pamo imwe bonse, kabili umfweni ifyo nalalanda.
Nani pali bena uwabilisha ifi fintu?
Yehova alimutemwa.+
Ifyo afwaya e fyo akacita Babiloni,+
Kabili akabomfya ukuboko kwakwe ukwa maka pa kulwisha abena Kaldi.+
15 Ine ninanda kabili nimwita.+
Nimuleta kabili nkalenga ifintu fikamwendele bwino.+
16 Palameni kuli ine, umfweni ifyo nalalanda.
Ukutula pa kutendeka nshalandilapo mu bumfisolo.+
Ilyo fyatendeke ukucitika e po nali.”
Nomba Shikulu Mulopwe Yehova nantuma, no mupashi wakwe.*
17 Yehova Kalubula obe, Uwa Mushilo uwa kwa Israele,+ alanda ati:
“Ine ne Yehova nine Lesa obe,
Uukusambilisha ifingakuwamina,+
Uukutungulula mu nshila iyo ufwile ukwendamo.+
18 Nga wabika fye amano ku mafunde+ yandi!
Ishina lyabo talyakalobe kabili talyakonaulwe pa ntanshi yandi.”
Fulumukeni abena Kaldi.
Bilisheni ifi ninshi mulesekelela! Bilisheni!+
Lekeni cishibikwe na ku mpela sha pano isonde.+
Bilisheni amuti: “Yehova nalubula umubomfi wakwe Yakobo.+
21 Tabaumfwile icilaka ilyo alebatungulula mu fiswebebe.+
Alengele amenshi yafuma mu cilibwe pa kuti banwe;
Alepwile icilibwe pa kuti amenshi yafume muli cena.”+
22 “Ababifi+ tabali no mutende,” e fyo Yehova alanda.
Yehova alinjitile ilyo nshilafyalwa.*+
Ilyo nali mwi fumo muli mayo alilumbwile ishina lyandi.
Alengele naba umufwi uo banoona;
Alimfishile mu cola cakwe ica mifwi.
4 Lelo nalandile nati: “Nacucutikila apa fye.
Nabomfya amaka yandi ku fishaba kantu, naonawile fye amaka.
5 E ico nomba Yehova, uwampangile mwi fumo pa kuti mbe umubomfi wakwe,
Anjebele ukuti nkabweseshe Yakobo kuli ena,
Pa kuti nkalonganike Israele kuli ena.+
Nkacindamikwa mu menso ya kwa Yehova,
Kabili Lesa wandi akaba e maka yandi.
6 Kabili anjebele ati: “Taufwile fye ukuba umubomfi wandi
Uwakwimya imikowa ya kwa Yakobo
Kabili uwakubwesha abena Israele abacingililwe.
Lelo nakulenga no kuti ube ulubuuto ulwa nko,+
Pa kuti ukupususha kwandi kufike na ku mpela she sonde.”+
7 Yehova Kalubula wa kwa Israele, Uwa Mushilo+ wakwe, aeba uo basuula,*+ uo inko shapata, umubomfi wa bakateka ati:
“Imfumu shikamona no kwima,
Ne ntungulushi shikakontama
Pa mulandu wa kuti shikacindika Yehova uwaba ne cishinka,+
Uwa Mushilo uwa kwa Israele, uwakusala.”+
8 Yehova alanda ati:
“Mu nshita nali ne cikuuku kuli iwe* nalikwaswike,+
Kabili mu bushiku bwe pusukilo nalikwafwile;+
Nalekucingilila pa kuti ube icipangano pa kati ka ine na bantu,+
Pa kuti ukalenge icalo cikabe nge fyo cali kale,
Pa kuti ukabalenge bakekale mu mpanga yabo iya bupyani iyashala icibolya,+
Kabili ukebe ababa mu mfifi auti, ‘Fumeni mu mfifi+ pa kuti bamumone!
Mu mbali ya misebo e mo bakalalya umulemfwe,
Mu nshila shonse ishasebeka* mukaba umulemfwe uo bakalalya.
11 Nkalenga impili shandi shonse shikabe imisebo,
Kabili imisebo yandi iikalamba bakaipisha apasansuka.+
12 Moneni! Aba balefuma ukutali sana,+
Kabili moneni! aba balefuma ku kapinda ka ku kuso na ku masamba,
Kabili aba balefuma ku calo ca Sinimu.”+
13 Sekeleleni mwe myulu, kabili sansamuka we sonde.+
Impili nashisansamuke.+
14 Lelo Sione alanda ati:
“Yehova nandekelesha,+ kabili Yehova nandaba.”+
15 Bushe umwanakashi kuti alaba umwana wakwe uonka?
Nelyo bushe kuti afilwa ukumfwila uluse umwana wa mwi fumo lyakwe?
Nangu aba banakashi bengalaba abana babo, ine nshakakulabe.+
16 Mona! Nalikulemba mu ndupi shandi.
Ifibumba fyobe fiba lyonse pa ntanshi yandi.
17 Abana bobe ba-angufyanya ukubwela.
Aba kubongolola kabili abakonawile bakafuma kuli iwe.
18 Inuna amenso yobe no kulolesha konse konse.
Balelongana pamo.+
Baleisa kuli iwe.
“Na pali ne mwine,” e fyo Yehova alanda,
“Ukabafwala bonse nge fibekobeko
Kabili ukabakobeka pa mubili obe nga filya nabwinga aikobeka ifya kuiyemfeshako.
19 Nangu ca kuti ififulo fyobe balifyonawile kabili fyashele ifibolya,+
Kabili icalo cobe baliconawile, nomba cikacepela abekalamo,+
20 Abana abafyelwe ilyo wafwililwe abana bakalanda ninshi uleumfwako abati,
‘Cino cifulo nacitucepela.
Tukushisheniko pa kuti tuleikalamo.’+
21 Kabili ukalanda mu mutima obe auti,
‘Mwaume nshi uwamfyalila aba bana?
Apo nalifwilwa abana kabili nshikwata abana,
Balinsenda mu kuyaba nkole kabili ndi mufungwa,
Nani uwakusha aba abana?+
22 Shikulu Mulopwe Yehova alanda ati:
“Mona! Nkemisha inko ukuboko kwandi,
Kabili nkemisha inko icishibilo candi.
Shikaleta abana bobe abaume ninshi bali mu minwe ya shiko*+
Kabili shikasendela abana bobe abanakashi pa mabeya+ ya shiko.
Bakakukontamina, bakafishe ne mpumi shabo panshi+
Kabili bakamyanga ulukungu ku makasa+ yobe,
Kabili ukeshiba ukuti nine Yehova;
Abancetekela tabakekatwe insoni.”+
24 Bushe abo umwaume wa maka aikata kale, kuti babapokolola,
Nelyo bushe abo basenda bunkole ku munkalwe, kuti babapususha?
25 Lelo Yehova alanda ati:
“Na bo umwaume wa maka aikata nkabapokolola,+
Kabili abo basenda mu kuba bankole ku munkalwe, nkabapususha.+
Nkalwisha abakulwisha,+
Kabili nkapususha abana bobe.
26 Nkalenga abakucusha bakalye imibili yabo,
Kabili bakakolwa umulopa wabo, kwati banwene umwangashi uwalowa.
Kabili abantu bonse* bakeshiba ukuti nine Yehova,+
Uukupususha+ kabili Kalubula+ obe,
Uwa Maka nga nshi uwa kwa Yakobo.”+
50 Yehova alanda ati:
“Cili kwi icipepala ico napwishishepo icupo+ na nyinenwe uo natamfishe?
Nelyo nani pa bo nakongweleko indalama uo namushitisheko?
2 Cinshi nomba nshasangiilepo nangu umo ilyo naishile?
Cinshi kushabelele uwakunjasuka ilyo naitile?+
Bushe ukuboko kwandi kwalipipa ica kuti te kuti kupusushe,
Nelyo bushe nshakwata amaka aya kupususha?+
Ne sabi lyabamo lilabola, pantu tamuba amenshi,
Kabili lilafwa ku cilaka.
Alanshibusha cila lucelo;
Alashibusha ukutwi kwandi pa kuti kumfwe nge fyumfwa abo balesambilisha.+
Nalekonka fyonse ifyo alenjeba.+
6 Inuma yandi napeele abalenguma
Na matobo yandi napeele abalensusula umwefu.
Nshafishile icinso candi ku fya museebanya na ku kumfwishila amate.+
7 Lelo Shikulu Mulopwe Yehova akangafwa.+
E co nshakaseebanine.
E co nalengele icinso candi caba nge libwe ilyakosa,+
Kabili nalishiba ukuti nshakaseebane.
8 Uulanda ukuti ndi mulungami ali mupepi.
Lekeni eminine na ine tulubulule.*
Nani uulempeela umulandu?
Nampalame.
9 Moneni! Shikulu Mulopwe Yehova akangafwa.
Nani uukalanda ati ndi wa mulandu?
Moneni! Bakapwa nge ca kufwala.
Icipelebesha ca bushiku cikabalya.
Uwaendapo mu mfifi iyafiitisha ukwabula ulubuuto?
Nacetekele mwi shina lya kwa Yehova no kushintilila pali Lesa wakwe.
11 “Moneni! Imwe bonse mwebaleasha umulilo,
Mwe balelenga insase shilesabauka,
Endeni mu lubuuto lwa mulilo wenu,
Mu nsase sha mulilo uo mwashishe.
Ifi e fyo ukuboko kwandi kukamupeela:
Mukalaala panshi ninshi mulekalipwa nga nshi.
51 “Umfweni ifyo nalalanda mwe besha ukucita ifyalungama,
Mwe bafwaya Yehova.
Lolesheni ku cilibwe uko mwafumine
Na mu cilindi umo bamwimbile.
3 Pantu Yehova akasansamusha Sione.+
Akasansamusha ififulo fyakwe fyonse ifyo baonaula,+
Kabili akalenga amatololo yakwe yakabe nga Edeni,+
Ne ciswebebe cakwe akalenga cikabe nge bala lya kwa Yehova.+
Muli ena mukaba ukusekelela no kwanga,
No kutootela ne nyimbo ishisuma.+
5 Ubulungami bwandi nabupalama.+
6 Inwineni amenso yenu mu muulu,
Kabili lolesheni pe sonde.
Pantu imyulu ikasalangana nge cushi;
Kabili isonde likasapuka nge ca kufwala,
Kabili abekalapo bakafwa ngo tushiishi.
7 Umfweni ifyo nalalanda mwe baishiba ubulungami,
Mwitiina ukupumya kwa bantu abena kufwa,
Kabili mwitiina pa mulandu wa musaalula wabo.
8 Pantu icipelebesha ca bushiku cikabalya nga filya cilya ica kufwala;
Icipelebesha icilya ifya kufwala* cikabalya nga filya cilya ica kufwala ico bapangila na masako ya mpaanga.+
Lelo ubulungami bwandi bukabako umuyayaya,
Kabili ukupususha kwandi kukabako mu nkulo+ shonse.”
Shibuka nga filya washibwike mu nshiku sha kale sana, nga filya washibwike mu nkulo ishapita.
10 Bushe te iwe wakamishe bemba iyashika nga nshi?+
Bushe te iwe walengele apashika muli bemba pabe inshila iyo abalubwike bapitilemo pa kwabuka bemba?+
11 Abo Yehova akalubula bakabwela.+
Bakasekelela no kwanga,
Kabili ubulanda no kuteta fikapwa.+
Cinshi mwingalatiinina umuntu uukafwa+
No mwana wa muntu uukoma nge cani?
Kabili cila bushiku mwaleba no mwenso pa mulandu wa bukali bwa walemucusha,
Kwati alikwete amaka ya kumonaula.
Nomba ubukali bwa walemucusha* buli kwi?
14 Uukonteme ninshi nabamukaka amaceni bali no kumukakula+ nomba line;
Takafwe no kuya mu cilindi,
Kabili takabulishe umukate.
15 Lelo nine Yehova, Lesa obe,
Uusunkanya bemba no kulenga amabimbi yaiko yaima,+
Yehova wa mabumba e shina+ lyandi.
16 Nkabika amashiwi yandi mu kanwa kobe,
Kabili nkakubika mu cintelelwe ca kuboko kwandi,+
Pa kuti mfungulule imyulu kabili mpange umufula we sonde+
No kweba Sione ati, ‘Muli bantu bandi.’+
17 Shibuka, Shibuka! Ima we Yerusalemu,+
We wanwa muli kapu ya bukali bwa kwa Yehova iili mu minwe yakwe;
Wanwa ifili muli kapu;
Wapwisha ukunwa ifili muli kapu ifilenga umuntu alatalantanta.+
18 Pa bana bonse abo afyele tapali nangu umo uwa kumutungulula,
Kabili pa bana bonse abo akushishe, tapali nangu umo uwamwikata ku kuboko.
19 Ifintu fibili fikesa pali iwe.
Nani akakumfwila uluse?
Bakakonaula no ku kubongolola, ukaba ne nsala kabili ulupanga+ lukesa pali iwe!
Nani akakusansamusha?+
Balambalala pa makona yonse aya misebo*
Nge mpaanga ya mu mpanga iiketwe mwi sumbu.
Nabekuta ubukali bwa kwa Yehova, ubukali bwa kwa Lesa obe.”
21 E ico kutika ifyo nalalanda,
We mwanakashi uwacula kabili uwakolwa, nangu ca kuti te mwangashi wakolwa.
22 Sokulu Yehova Lesa obe, uucingilila abantu bakwe alanda ati:
“Mona! Nkafumya mu minwe yobe kapu iilenga walatalantanta.+
Kapu ya bukali bwandi;
Tawakanwemo na kabili+ muli yi kapu.
23 Nkabika iyi kapu mu minwe ya balekucusha,+
Abakwebele abati,* ‘Kontama pa kuti tupite pa numa yobe!’
E ico walengele inuma yobe yaba ngo mushili.
Walengele yaba ngo musebo umwa kuti bapite.”
52 Shibuka! shibuka! fwala amaka+ we Sione!+
Fwala ifya kufwala fyobe ifisuma+ we Yerusalemu, umusumba wa mushilo!
Pantu abashasembululwa na bakowela tabakengile muli iwe+ na kabili.
2 Ikunte ulukungu we Yerusalemu, ima wikale pa cipuna.
Ikakule amaceni* mu mukoshi obe, we mwana mwanakashi Sione+ we o basenda mu kuba nkole.
3 Pantu Yehova alanda ati:
4 Pantu Shikulu Mulopwe Yehova alanda ati:
“Pa kubala abantu bandi baileikala ku Egupti uko baileba abalebeshi;+
Lyena Asiria alebacusha apabula umulandu.”
5 “Nomba cinshi nalacitapo pali ifi?” e fyo Yehova alanda.
“Pantu abantu bandi balibasendele ukwabula ukulipilapo nangu lumo.
6 E cikalenga abantu bandi bakeshibe ishina+ lyandi;
E cikalenga bakeshibe muli bulya bushiku ukuti, nine ndelanda.
Moneni, nine ndelanda!”
7 Ifyo yayemba pa mpili amakasa ya uleta imbila nsuma,+
Uubilisha ukuti kuli umutende,+
Uuleta imbila ya fintu ifisuma,
Uubilisha ukuti kuli ukupusuka,
Uweba Sione ati: “Lesa obe naba Imfumu!”+
8 Umfwa! Abalinshi bobe basansula amashiwi yabo.
Ba-awila pamo utupundu,
Pantu bakamona bwino bwino* ilyo Yehova akabwesha Sione.
9 Sekeleleni, awileni pamo utupundu, mwe fitantaala fya mu Yerusalemu,+
Pantu Yehova nasansamusha abantu+ bakwe; nalubula Yerusalemu.+
10 Yehova apeta ica kufwala ca ku kuboko kwakwe ukwa mushilo ninshi inko+ shonse shilemonako;
Impela shonse ishe sonde shikamona ifyo Lesa wesu+ apususha.*
11 Kabiyeni, kabiyeni, fumeni muli iyo ncende,+ mwi-ikatako nangu cimo icishasanguluka!+
12 Pantu mukatekanya pa kufuma,
Tamwakafulumuke pa kuya,
Pantu Yehova akamutangilila,+
Kabili Lesa wa kwa Israele akaba ku numa yenu pa kuti akalemulinda.+
13 Moneni! Umubomfi+ wandi akaba na mano mu fyo akalacita.
Bakamupeela icifulo ca pa muulu,
Bakamucindamika nga nshi.+
14 Filya fine abengi balepapa nga bamulolesha,
Pantu ifyo alemoneka fyalibipile ukucila ifyo umuntu onse alemoneka,
Kabili umubili wakwe walibipile ukucila ifyo imibili ya bantu bambi yalemoneka,
Imfumu shikesala utunwa twa shiko* pa ntanshi yakwe,+
Pantu shikamona ifyo umuntu nangu umo ashashebapo
Kabili shikabika amano ku fyo shishaumfwapo.+
53 Nani uwacetekela ifyo aumfwile kuli ifwe?*+
Kabili nani uo Yehova+ asokolwela+ ukuboko kwakwe?
2 Akesa nga kamusambo+ pa ntanshi yakwe,* ngo mushila mu mpanga iyauma.
3 Abantu+ balimusuulile kabili balemukankamba,
Aleishiba ifyo umuntu aleumfwa nga alekalipwa kabili alishibe fyonse pa malwele.
Cali kwati icinso cakwe balicifishile pa kuti twimumona.*
Abantu balimusuulile kabili twalemumona ukuti tacindama.+
Lelo twalemumona ngo walwala, uo Lesa akanda kabili uwacula.
5 Lelo ico bamulashiile+ ni pa mulandu wa filubo fyesu;+
Aliculile nga nshi pa mulandu wa membu shesu.+
6 Bonse twalelulumba+ fye nge mpaanga,
Cila muntu aleya mu nshila yakwe,
Kabili Yehova alengele ulubembu lwesu lonse lube pali ena.+
Bamutwele nge mpaanga iyo baleya mu kwipaya,+
Ali nge mpaanga iikota iikala tondolo ilyo baleibeya amasako,
Taleasamuna akanwa kakwe.+
8 Pa mulandu wa kuti balimucushishe no kumufyenga, balimusendele;
Kabili nani ukabika amano ku kwishiba intuntuko yakwe?*
9 Kabili bamupeele icifulo ca kumushiikamo* pamo na babifi,+
Kabili ilyo afwile+ bamushikile pamo na bakankaala,*
Nangu ca kuti tacitilepo ifyabipa*
Kabili tatalile alandapo+ ifya bucenjeshi.
10 Lelo kwali kufwaya kwa kwa Yehova ukuti bamushonaule,* kabili alilekele alwala.
Nga mwatuula ubumi* bwakwe ngo mutuulo+ wa pa lubembu,
Akamona abana* bakwe, akatantalisha inshiku shakwe,+
Kabili Yehova akafikilisha+ ifyo afwaya ukupitila muli ena.
11 Pa numa ya kucula sana,* akatemwa ifyo akamona.
Umubomfi wandi+ uwalungama, akabomfya ifyo aishiba,
Pa kulenga abantu abengi+ bakabe abalungama,
Kabili akasenda+ imembu shabo nge cipe icafina.
12 Pa mulandu wa ifi nkamupeela icakaniko pamo na bengi,
Kabili akaakana na ba maka ifyo bapokolwele abo bacimfishe,
Pa mulandu wa kuti aitulwile ubumi* bwakwe ukufika fye na lintu afwile+
Kabili bamupeendele pamo na babembu;+
Asendele imembu sha bantu abengi,+
Kabili apapatileko ababembu.+
54 “Sekelela we mwanakashi uushikwata bana!+
Sansamuka+ kabili aula utupundu, we mwanakashi uushaumfwapo ubukali bwa pa kupaapa,+
Pantu abana ba mwanakashi uo balekelesha bengi nga nshi
Ukucila abana ba mwanakashi uwakwata umulume,”*+ e fyo Yehova alanda.
2 “Kusha+ incende apa kutanika itenti lyobe.
Tanika itenti lyobe ilikalamba.
Lefya intambo she tenti lyobe, wibika apa kupelela,
Kabili kosha+ impoopo she tenti lyobe.
3 Pantu ukasesha imipaka yobe ku kulyo na ku kuso.
Abana bobe bakateka inko,
Kabili bakekala mu misumba iyashala ifibolya.+
Pantu ukalaba ifyo waseebene ilyo wali umwaice,
Kabili ukalaba ukuseebana kobe, pa mulandu wa kuti uli mukamfwilwa.”
5 “Pantu uwakubumbile+ aba ngo mulume obe,*+
Yehova wa mabumba e shina lyakwe,
Kabili uwa Mushilo uwa kwa Israele e Kalubula obe.+
Bakalamwita ukuti Lesa wa pano isonde ponse.+
6 Pantu Yehova akwitile kwati uli mukashi uo balekelesha kabili uwaba no bulanda,*+
Ngo mwanakashi uwaupilwe ilyo ali umukashana e lyo pa numa bamukaana,” e fyo Lesa obe alanda.
8 Ilyo nakalipe nga nshi nalikufishile icinso candi pa nshita iinono,+
Lelo apo ukutemwa kwandi ukushipwa kwa muyayaya, nkakubelela uluse,”+ e fyo Kalubula obe+ Yehova alanda.
9 “Cili kwati ni mu nshiku sha kwa Noa.+
Nga filya fine nalapile ukuti amenshi ya kwa Noa tayakabunshe isonde+ na kabili,
E fyo ndelapa ukuti nshakakufulilwe na kabili nelyo ukukukalipila.+
10 Pantu impili kuti bashifumyapo
No tupili kuti twasunkana,
Lelo ukutemwa kwandi ukushipwa takwakafume pali iwe,+
Ne cipangano candi ica mutende tacakasunkane,”+ e fyo Yehova, uulemubelela uluse+ alanda.
11 “We mwanakashi+ uwacula, we o umwela uukalamba usenda, we o bashasansamusha,+
Amabwe yobe ndeyakuulila ne ndaka iyakosa
Kabili ndebomfya safiri+ pa kupanga umufula obe.
12 Nkabomfya amabwe ya rubi pa kukuula icibumbili pa muulu we linga lya musumba,
Impongolo shobe nkashipangila na mabwe ayabengeshima,*
Ne fibumba fyobe fyonse nkafikuulila na mabwe aya mutengo sana.
14 Ukalimba imishila mu bulungami.+
Bakakutalusha sana ku bucushi,+
Tawakatiine nangu panono kabili takwakabe nangu cimo icikalakutiinya,
Pantu fikataluka kuli iwe.+
15 Umuntu nga akusansa,
Ninshi te ine imwebele.
Onse uwakusansa akawa pa mulandu obe.”+
Nine napangile no muntu uwipaya.+
17 Icanso conse ico bakupangila tacakabombe,+
Kabili ululimi lonse ulukupeela umulandu ukalushinina ukuti lwa bufi.
Ubu bupyani bwa babomfi ba kwa Yehova,
Kabili mbamona ukuti balilungama,” e fyo Yehova alanda.+
55 Imwe bonse mwe bali ne cilaka,+ iseni ku menshi!+
Mwe bashikwete indalama, iseni musende ifya kulya, mulye!
Iseni mupoke umwangashi no mukaka+ ukwabula ukulipila.+
2 Cinshi mubomfesha indalama ku fishili fya kulya,
Kabili cinshi mubomfesha indalama ku fishimulenga mwaba ne nsansa?*
Bikeni amano ku fyo ndelanda, kabili lyeni ifisuma,+
3 Umfweni ifyo ndelanda kabili iseni kuli ine.+
Umfweni kabili mukaba no mweo,*
Nalapangana na imwe icipangano ca muyayaya+
Ukulingana no bulayo nalaile Davidi ubwa kumulanga ukutemwa ukushipwa. Ubu ubulayo bwa cishinka.*+
5 Mona! Uketa uluko ulo ushaishiba
Kabili aba mu luko abashakwishiba bakabutukila kuli iwe
Pa mulandu wa kwa Yehova Lesa obe,+ Uwa Mushilo uwa kwa Israele,
Pantu akakucindamika.+
6 Fwayeni Yehova ilyo mwingamusanga.+
Lilileni kuli ena ilyo ali mupepi.+
7 Umubifi naleke+ ukucita ifyabipa
Kabili uucita ifyabipa, naleke ukutontonkanya ifyabipa;
Nabwelele kuli Yehova, uukamubelela uluse,+
8 “Pantu ifyo ntontonkanya te fyo imwe mutontonkanya,+
Kabili ifyo mucita, te fyo ine ncita,” e fyo Yehova alanda.
9 “Pantu filya imyulu yasansama ukucila isonde,
E fyo ne fyo ncita fyacila ifyo mucita
Kabili e fyo no kutontonkanya kwandi kwacila ukutontonkanya kwenu.+
10 Pantu filya fine imfula, ne mfula ya bungululu bwabuuta iloka ukufuma ku muulu,
Kabili taibwelelamo mpaka yanasha umushili ica kuti wamesha ifilimwa,
Fyatwala ne fisabo, no ubyala akwata imbuto kabili uulya akwata ifya kulya,
Tayakabwelele kuli ine ukwabula ukucita nangu cimo,+
Lelo yakacita fyonse ifyo natemwa,*+
Kabili yakacita ifyo nayatumina.
Impili no tupili fikasansamuka pa ntanshi yenu, kabili fikala-aula utupundu,+
Kabili ifimuti fyonse ifya mu mpanga fikalatoota.+
13 Apafwile ukumena ifimpusa fya myunga pakamena+ imikupiri
Napafwile ukumena kaenya pakamena umuhadasi.
Kabili ifi fikalenga Yehova akalumbuke,+
Ici cikaba cishibilo ca muyayaya icishakalobe.”
56 Yehova alanda ati:
“Muleba no mulinganya+ kabili mulecita ifyalungama,
Pantu nomba line ndi no kuleta ipusukilo lyandi
Kabili nkalenga ubulungami bwandi bukamoneke.+
2 Wa nsansa umuntu uucita ifi
No mwana wa muntu uwatemwa ukucita ifi,
Uusunga Isabata kabili uushilisaalula+
Kabili uukanya ukuboko kwakwe pa kuti kwicita icabipa nangu cimo.
3 Uwa ku calo cimbi uwatendeka ukupepa Yehova+ tafwile ukulanda ati,
‘Nangu cibe shani Yehova akampaatulako ku bantu bakwe.’
Kabili mutungwi tafwile ukulanda ati, ‘Moneni! Ndi cimuti icauma.’”
4 Ifi e fyo Yehova aeba bamutungwi abasunga amasabata yakwe, abasalapo ukucita ifyo atemwa kabili abasunga icipangano cakwe:
5 “Nkabapeela ica kubebukishishako ne shina mu ng’anda yandi na mu fibumba fyandi,
Ifyo nkabapeela fikacila pa bana abaume na bana abanakashi.
Nkabenika ishina lya muyayaya,
Ilishakalobe.
6 Aba ku fyalo fimbi abaisa mu kupepa Yehova na mu kumubombela,
Abatemwa ishina lya kuti Yehova+
Kabili abasalapo ukuba ababomfi bakwe,
Bonse abasunga Isabata kabili abashilisaalula
Kabili abasunga icipangano candi,
7 Nkabaleta ku lupili+ lwandi ulwa mushilo
Kabili nkabalenga bakasekelele mu ng’anda yandi iya kupepelamo.
Imituulo yabo iya koca na malambo yabo nkayapokelela pa ciipailo candi.
Pantu ing’anda yandi bakaita ati ing’anda ya kupepelamo iya bantu bonse.”+
8 Shikulu Mulopwe Yehova, uulelonganika abena Israele+ abo bapasa, atila:
“Nkalonganikilapo na bambi pali aba nalonganika+ kale.”
10 Ba malonda bakwe balipofula,+ tapali nangu umo pali bena uumona ifilecitika.+
Bonse ni mbwa ishishibuluma kabili ishishibosa.+
Balepemashika fye kabili nabalaala; balitemwa ukushipula.
11 Ni mbwa ishabuuka;
Tabekuta.
Ni bakacema abashiiluka.+
Bonse baicitila fye ifyo balefwaya;
Bonse bafwaya ukunonka ifyuma mu bucenjeshi kabili balanda abati:
Ubushiku bwa mailo bukaba fye nga lelo, kabili bwena bukacilapo ukuwama!”
57 Uwalungama naloba,
Lelo takuli nangu umo uubikileko amano.
Abaume ba cishinka nababasenda,*+
Lelo takuli nangu umo uuleiluka ukuti uwalungama nabamusenda
Pa mulandu wa bucushi.*
2 Aingila umwaba umutende.
Bonse abacita ifyalungama balatuusha pa busanshi bwabo.*
3 “Lelo imwe palameni kuno, mwe bana ba mwanakashi umuloshi.
Mwe bana ba mwaume umucende,
Kabili mwe bana ba mwanakashi cilende:
4 Nani muleseka?
Nani muleasamwina akanwa kenu, no kufumisha ululimi?
Bushe tamuli bana ba lubembu,
Abana ba bufi,+
5 Ababa no lunkumbwa lwa kucita ubulalelale mu fimuti+ ifikalamba,
Mwi samba lya cimuti conse icalelema,+
Abepaila abana babo mu mipokapoka,+
Pa kati ka mabwe ayakalamba yabili?
6 Amabwe ayatelela aya mu mupokapoka e yo wasala.+
E bupyani bobe.
Na kuli yena uletulwilako umutuulo wa mwangashi kabili ulayapeela ubupe.+
Bushe ifi ucita kuti fyalenga nalasekelela?*
7 Pa muulu wa lupili ulutali e po wayanshike ubusanshi bobe,+
Kabili palya e po waile mu kutuula ilambo.+
8 Ku numa ya ciibi no luceshi e ko wabikile ica ku kwibukishishako.
Walinshile kabili wali-ifulile;
Walininine ulupili no kuyakusha ubusanshi bobe.
Kabili wapangene nabo icipangano
Watumine inkombe shobe ukutali,
Pa kuti wingile mu Nshiishi.*
10 Naufunshika pa mulandu wa kuti ulenda mu nshila shobe ishingi,
Lelo tawalandile auti, ‘Tamwaba icisuma nangu cimo!’
Naukwata amaka na kabili.
E co ushinenukila.*
Tawanjibukishe.+
Tawabikileko umutima.+
Bushe nshaikala tondolo no kulabako ku fyo wacita?*+
E ico tawantiinine.
Umwela ukafisenda fyonse,
No mupu fye ukafyululula,
Lelo uuba muli ine akekala mu calo
Kabili akekala mu lupili lwandi ulwa mushilo.+
14 Kukaba uukalanda ati, ‘Pangeni, pangeni umusebo! Wamyeni inshila!+
Mu nshila ya bantu bandi, fumyenimo ifyo bengaipununako.’”
“Njikala ukwasansuka kabili ukwa mushilo,+
Njikala pamo na bacula na baicefya,
Pa kuti nsansamushe ababa no bulanda
Kabili nsansamushe imitima ya bacula.+
16 Pantu nshakatwalilile ukubalwisha
Kabili nshakatwalilile ukubafulilwa;+
Pantu umupashi wa muntu kuti wanaka pa mulandu wandi,+
Ne fya mweo ifyo napanga na fyo kuti fyanaka.
17 Nalikalipe pa membu isho alecita pa kuti anonke ifyuma mu bucenjeshi,+
E ico nalimumine, nalifishile icinso candi, kabili nalikalipe.
Lelo atwalilile fye ukucita ifya bucipondoka,+ alekonkelela umutima wakwe.
19 “Ndepanga icisabo ca milomo.
Nkalenga uwaba ukutali no waba apepi+ bakatwalilile ukuba no mutende,” e fyo Yehova alanda.
“Kabili nkamundapa.”
20 “Lelo ababifi baba nga bemba iitwalilila fye ukululunkana,
Iishingaba tondolo, kabili amenshi ya iko yatwalilila fye ukwimya ifimenwa fya muli bemba na matipa.
21 Ababifi+ tabali no mutende,” e fyo Lesa wandi alanda.
58 “Bilikisha apapela amaka yobe; wifilwa!
Sansula ishiwi lyobe nge ntandala.
Bilisha ku bantu bandi bucipondoka+ bwabo,
Bilisha ku ba mu ng’anda ya kwa Yakobo imembu shabo.
2 Cila bushiku balamfwaya,
Kabili balanda abati balatemwa nga baishiba inshila shandi,
Bacita kwati luko ulwalecita ifyalungama
Kabili ulushashile umulinganya wa kwa Lesa wabo.+
Balenomba ukuti imbe no mulinganya pa kupingula,
Balefwaya ukupalama kuli Lesa:+
3 ‘Cinshi ico mushimwena ilyo tulefunga?+
Kabili cinshi ico mushimwena ilyo tulecusha imyeo yesu?’+
4 Ukufunga kwenu kulenga mwalaumana no kulwa,
Mulomana amakofi ya bubifi.
Ifyo mucita nga mulefunga te kuti filenge ishiwi lyenu lyaumfwika ku muulu.
5 Bushe ukufunga uko imweba ukulacita kufwile ukuba ifi,
Bushe kufwile ukuba ngo bushiku umuntu alecusha umweo wakwe,
Ngo bushiku ainamika umutwe wakwe nge cani ca mu mumana,
Ngo bushiku alaala pa nsamu na pa mito?
Bushe ifi mucita, e kufunga, kabili bushe ubu e bushiku ubwingalenga Yehova asekelela?
6 Awe, ukufunga uko namwebele ni uku:
Ukukakula abantu amaceni ya bubifi,
Ukubakakula ikoli,+
Ukuleka abo bacusha baba abantungwa,+
No kukontaula amakoli yonse;
7 Ukupeelako abali ne nsala+ ifya kulya,
Ukuleta mu ng’anda yenu abapiina na bashakwata umwakwikala,
Ukufwika uo mwamona+ ukuti ali ubwamba
No kukanapondokela lupwa lwenu.
Ubulungami bwenu bukamutangilila,
Kabili ubukata bwa kwa Yehova bukalamulinda ku numa.+
9 Muketa kabili Yehova akasuka;
Mukalilila kuli ena ukuti amwafwe, na o akalanda ati, ‘Nalamwafwa!’
Nga mwafumya ikoli pa bantu benu
Kabili mwaleka ukusontana iminwe no kulanda ifyabipa,+
10 Nga mwapeela abali ne nsala ifyo mwe bene mufwaya*+
Kabili mwapeela abo bacusha* ifyo balekabila,
Lyena ulubuuto lwenu lukasanika na mu mfifi,
Kabili imfifi yenu ikaba nga kasuba pa kati.+
11 Yehova akalamutungulula lyonse
Kabili akalamupeela fyonse ifyo mukabila* na mu calo+ umushaba amenshi;
Akapeela amafupa yenu amaka,
Kabili mukaba nge bala+ ilyo batapilila bwino,
Nga kamfukumfuku ka menshi ayashikama.
12 Bakakuula cipya cipya ifitantaala pa mulandu wenu,+
Kabili mukawamya imifula iya mu nkulo sha kale.+
Bakalamwita abati abawamya ifibumba+ ifya bongoloka,
Abawamya imisebo pa kuti abantu bakuule amayanda mu mbali ya iko.
13 Nga ca kuti pa mulandu we Sabata mwaleka ukucita ifyo mwe bene mulefwaya pa bushiku bwandi ubwa mushilo,+
Kabili mwalamona ubushiku bwe Sabata ukuti bulalenga mulesekelela, ubushiku bwa mushilo+ ubwa kwa Yehova,
Ubushiku ubo mulingile ukucindamika, kabili mwabucindamika ukucila ukulacita ifyo mulefwaya, kabili tamulelanda icilandelande,
14 Lyena mukalasekelela pa mulandu wa kwa Yehova,
Kabili nkalenga mukateke incende sha pa muulu isha pe sonde.+
59 Moneni! Ukuboko kwa kwa Yehova takwaipipa ica kutila kuti kwafilwa ukupususha,+
Kabili ukutwi kwakwe takwakoma* ica kutila kuti kwafilwa ukumfwa.+
2 Awe, ifilubo fyenu fyalimufumya kuli Lesa wenu,+
Imembu shenu shalilenga amufisa icinso cakwe,
Kabili alakaana ukukutika kuli imwe.+
Imilomo yenu ilanda ubufi,+ kabili ululimi lwenu lulanda ifishalungama.
Bacetekela ifishaba kantu+ kabili balanda ifya buwelewele.
Bemita amafya no kufyala ifyabipa.+
Onse uwalya amani yabo alafwa,
Kabili ilini nga lyatobeka mutotoka ifwafwa.
Ifyo bacita fibi,
Kabili ulukaakala lwaba mu minwe yabo.+
Ifyo batontonkanya fyalibipa;
Ubonaushi no bucushi fyaba mu nshila shabo.+
Balenga inshila shabo shashokana;
Kabili onse uwendamo takeshibe umutende.+
9 E co umulinganya watalukila sana kuli ifwe,
Kabili ubulungami tabutusanga.
Tulelolela ulubuuto, lelo moneni! kuli imfifi;
Tulelolela ulubuuto, lelo tutwalilila ukwenda mu mfifi.+
Ilyo akasuba kali pa kati, tulaipununa kwati tuli mu mfifi ya cungulo bushiku;
Nga tuli pa ba maka tuba fye nga bafwa.
11 Bonse fye tulila nga bere
Kabili tulila nge nkunda nga tuleloosha.
Tulolela ukuti kube umulinganya, lelo taubako;
Tulolela ipusukilo, lelo lyaba ukutali sana na ifwe.
12 Pantu twalimupondokela imiku iingi, kabili bucipondoka bwesu buli pa ntanshi yenu;+
Imembu shesu shonse shilatushinina.+
Pantu twalishiba ifyo twamupondokela;
Kabili twalishiba bwino ifilubo fyesu.+
13 Natubembuka kabili natukaana Yehova;
Natufutatila Lesa wesu.
Twalelanda pa kucusha abantu na pa kupondoka;+
Tulatontonkanya pa bufi ubo twalabepa, kabili tulalanda ifya bufi.+
Kabili ubulungami bwiminine akatalamukila;+
Pantu icine caipununa* mu lubansa lwa musumba,
Kabili icalungama nacifilwa ukwingilamo.
16 Alimwene ukuti takwali umwaume nangu umo uwakwafwa abantu,
Kabili alipapile pantu takwali nangu umo uwa kubapaapaatilako,
E ico ukuboko kwakwe kwalibapuswishe,*
Kabili ubulungami bwakwe bwalibafwile.
17 Lyena afwele ubulungami nge ca kucinga icifuba
Afwele ifya kufwala+ fya cilandushi
Kabili afwele ukucincila nge ca kufwala cabula amaboko.
18 Akabalambula pa fyo bacita;+
Abamulwisha akabafulilwa, akakanda abalwani bakwe.+
Kabili ifishi akafikanda ukulingana ne fyo ficita.
19 Abekala uko akasuba kawila bakatiina ishina lya kwa Yehova
Kabili abekala uko akasuba katulila bakatiina ubukata bwakwe,
Pantu akesa ngo mumana uululunkene,
Uo umupashi wa kwa Yehova ulesunka.
20 “Kalubula+ akesa+ ku Sione,
Akesa ku batuntuka muli Yakobo abashicita ifyabipa,”+ e fyo Yehova alanda.
21 “Lelo ine, ici e cipangano ico napangana nabo,”+ e fyo Yehova alanda. “Umupashi wandi uuli pali iwe na mashiwi yandi ayo nabika mu kanwa kobe, tafyakafume mu kanwa kobe, na mu tunwa twa bana bobe,* e lyo na mu tunwa twa beshikulu bobe,”* “ukufuma nomba ukuya umuyayaya,” e fyo Yehova alanda.
60 “Ima we mwanakashi,+ pantu ulubuuto lobe nalutendeka ukusanika.
Kabili ubukata bwa kwa Yehova nabukubalikila.+
2 Pantu mona! imfifi ikafimba isonde
Ne mfifi iyafiitisha ikafimba inko;
Lelo Yehova akakubalikila,
Kabili ubukata bwakwe bukamoneka pali iwe.
4 Inuna amenso yobe kabili lolesha konse konse!
Bonse nabalongana pamo; baleisa kuli iwe.
5 Pali ilya nshita ukamona kabili icinso cobe cikasekelela,+
Umutima obe ukalatunta sana kabili ukasekelela,
Pantu ifyuma fya muli bemba fikesa kuli iwe;
Ifyuma fya nko fikesa kuli iwe.+
6 Mu calo cobe* mukesula amabumba ya ngamila,
Ingamila ishana ishilume isha ku Midiani ne sha ku Efa.+
Shonse isha ku Sheba shikesa;
Shikesa nashisenda golde no bubani bwabuuta.
Bakalumbanya Yehova+ pa cintubwingi.
7 Imikuni yonse iya ku Kedari+ bakailonganika no kuileta kuli iwe.
Impaanga ishilume isha ku Nebayote+ shikakubombela.
8 Ni bani aba abaleisa balepupuka nga makumbi,
Abaleisa nge nkunda ishilepupukila pa fitele fya shiko?*
9 Pantu ifishi fikalasubila+ muli ine;
Amato ayakalamba aya ku Tarshishi yali pa ntanshi,
Yaleleta abana bobe ukufuma ukutali sana,+
Pamo na silfere na golde yabo,
Yalebaleta mu kulumbanya ishina lya kwa Yehova Lesa obe na mu kulumbanya Uwa Mushilo wa kwa Israele,
10 Aba ku fyalo fimbi bakakuula ifibumba fyobe,
Kabili imfumu shabo shikakubombela,+
Pantu ilyo nakalipe nalikukandile,
Lelo nkaba ne cikuuku kuli iwe kabili nkakubelela uluse.+
11 Impongolo shobe tashakesalwe;+
Tashakesalwe akasuba nelyo ubushiku,
Pa kuti bakakuletele ifyuma fya nko,
Kabili imfumu shabo shikaba pa ntanshi.+
13 Ubucindami bwa ku Lebanone bukesa kuli iwe,+
Bakakuletela ifimuti fya mukupri, umutidari pamo+ no mutashuri,
Pa kuti ukayemfye icifulo candi ica mushilo;
Nkacindamika icifulo apa kunyanta amakasa yandi.+
14 Abana ba balekucusha bakesakukontamina;
Bonse abakusaalula bafwile ukufukama mupepi na makasa yobe,
Kabili bakakwita ati umusumba wa kwa Yehova,
Sione wa Wa Mushilo uwa kwa Israele.+
15 Mu cifulo ca kuti ukabe uwalekeleshiwa kabili bakakupate, ica kuti takwakabe nangu umo uukalapita muli iwe,+
Nkalenga ukabe ico abantu bakalaitakishishapo umuyayaya,
Kabili icikalenga aba mu nkulo+ shonse bakalesekelela.
16 Kabili ukanwa umukaka wa nko,+
Ukoonka+ ibele lya mfumu;
Kabili ukeshiba ukuti ine ne Yehova, nine nkupususha,
Kabili Uwa Maka uwa kwa Yakobo e Kalubula obe.+
17 Apaba umukuba nkaletelapo golde,
Kabili apaba icela nkaletelapo silfere,
Apaba ifimuti nkaletelapo umukuba,
Kabili apaba amabwe nkaletelapo icela,
Nkasonta umutende ukabe kangalila obe
No bulungami bukabe kapitao+ obe.
18 Ulukaakala talwakomfwike na kabili mu calo cobe
Kabili ukutobaula no konaula tafyakomfwike mu mipaka+ yobe.
Uketa ifibumba fyobe ati Ipusukilo,+ kabili impongolo shobe ukashita ati Amalumbo.
19 Akasuba takakabe ulubuuto lobe na kabili mu nshita ya kasuba,
No kubalika kwa mweshi takwakabe ulubuuto lobe,
Pantu Yehova e ukaba ulubuuto+ lobe umuyayaya,
Kabili Lesa obe akaba ukuyemba+ kobe.
20 Akasuba kobe takakawe na kabili,
Kabili umweshi obe ukatwalilila fye ukubalika,
Pantu Yehova akaba ulubuuto+ lobe umuyayaya,
Ne nshiku shobe isha kuloosha shikapwa.+
21 Kabili abantu bobe bonse bakaba abalungama;
Bakekala mu calo umuyayaya.
22 Abantu abanono bakaba ikana limo (1,000)
Kabili abashakwata amaka bakaba uluko ulwa maka.
Ine ne Yehova nkalenga ifi fikacitike bwangu bwangu, pa nshita ya fiko.”
61 Umupashi wa kwa Shikulu Mulopwe Yehova uli pali ine,+
Pantu Yehova alinsuba pa kuti imbile imbila nsuma ku bafuuka.+
Alintuma mu kukakilila ifilonda fya baba no bulanda,
Mu kubila ukulubuka kuli bankole
No kubila pa kuti amenso ya bafungwa+ yesuke,
2 Mu kubila ukuti inshita ya kutila Yehova abelele uluse abafuuka naifika
No kuti ubushiku bwa kuti Lesa+ wesu alandule nabufika,
Mu kusansamusha bonse abaloosha,+
3 Mu kusakamana abaleloosha Sione,
Mu kubapeela ica kufwala ku mutwe icisuma, mu cifulo ca kubapeela imito,
Ukubapeela amafuta ya kusekelela, mu cifulo ca kulenga baleloosha,
Ukubapeela ico bafwile ukufwala pa kunumbanya, mu cifulo cakulenga imitima yabo yaba no bulanda.
4 Bakakuula cipya cipya ifibumba ifyashala ifitantaala pa nshita iitali;
Bakakuula pa ncende isho baonawile kale,+
Kabili bakakuula cipya cipya imisumba iyo baonawile,+
Bakakuula pa ncende ishashala ifibolya pa myaka iingi.+
5 “Abafuma ku fyalo fimbi bakesa mu kucema impaanga shenu,
Kabili abafuma ku fyalo fimbi+ e bakalamulimina no kusakamana amabala yenu aya myangashi.+
6 Lelo imwe, abantu bakalamwita ati bashimapepo ba kwa Yehova;+
Bakalamwita ati ababomfi ba kwa Lesa wesu.
7 Mu cifulo cakwikatwa insoni, nkapaala abantu bandi imiku ibili ukucila ifyo nabapaalile kale,
Mu cifulo ca kuseebana, bakalasekelela pa mulandu wa fyo nkabapeela.
Bakakwata incende+ iikalamba umo bakalaikala.
Bakalasekelela umuyayaya.+
Nkaba uwa cishinka kabili nkabapeela ifilambu fyabo,
Nkapangana nabo+ icipangano ca muyayaya.
10 Nkasekelela nga nshi muli Yehova.
Nkasekelela muli Lesa wandi+ no mweo wandi onse.
Pantu amfwika ifya kufwala fye pusukilo;+
Amfwika umwingila* wa bulungami,
Nga filya shibwinga aipomba insalu ku mutwe kwati ni shimapepo,+
Kabili nga filya nabwinga afwala ifibekobeko fya kuiyemfeshako.
11 Pantu filya fine isonde limesha ifimenwa fya liko,
Kabili filya fine ibala lilenga ifyo babyelemo fyamena,
E fyo na Shikulu Mulopwe Yehova akalenga ubulungami+ bukapuuke,+
Kabili e fyo akalenga abantu ba mu nko shonse bakalemulumbanya.
62 Pa mulandu wa kuti ndatontonkanya pali Sione nshakekale tondolo,+
Kabili pa mulandu wa kuti ndatontonkanya pali Yerusalemu nshakekale ukwabula ukulandapo nangu cimo
Mpaka ubulungami bwakwe bukasanike ngo lubuuto+
Kabili ipusukilo lyakwe likabilime ngo lubingu.+
Bakalakwita ishina ilipya,+
Ilyo Yehova umwine akakwinika.
3 Ukaba icisote ca bufumu icisuma mu kuboko kwa kwa Yehova,
Ukaba insalu ya kupomba ku mutwe iya bufumu mu minwe ya kwa Lesa obe.
4 Tabakakwite na kabili ati umwanakashi uo balekelesha,+
Kabili icalo cobe tabakaciite na kabili ati icibolya.+
Lelo bakalakwita ati uo Nsekelamo,+
Kabili icalo cobe bakalaciita ati Umwanakashi Uwaupwa.
Pantu Yehova akalasekelela pa mulandu obe,
Kabili icalo cobe cikaba ngo mwanakashi uwaupwa.
5 Pantu nga filya fine umulumendo opa nacisungu,
E fyo abana bobe abaume bakakuupa.
Kabili nga filya shibwinga asekelela pali nabwinga,
E fyo na Lesa obe akasekelela pali iwe.+
6 Pa fibumba fyobe we Yerusalemu, nimbikapo bamalonda.
Akasuba konse no bushiku bonse, tabafwile ukwikala tondolo.
Imwe mwe balumbula Yehova,
Mwituusha,
7 Kabili mwileka atuushe mpaka akalenge Yerusalemu ikabe ifyo yali,
Mpaka akalenge abantu mwi sonde+ lyonse bakalumbanye Yerusalemu.”
8 Yehova naimya ukuboko kwakwe ukwa ku kulyo, naimya ukuboko kwakwe ukwa maka, kabili alapa ati:
“Nshakabwekeshepo ukupeela abalwani bobe ingano shobe ukuti balye,
Kabili nshakaleke abafuma ku fyalo fimbi bakanwe umwangashi obe uupya, uo waculila.+
9 Lelo abalelonganika ingano e bakashilya, kabili bakalumbanya Yehova;
Nabalelonganika umwangashi e bakaunwa mu mansa+ shandi isha mushilo.”
10 Piteni, piteni pa mpongolo.
Wamyeni inshila ya kupitamo abantu.+
Pangeni umusebo, pangeni umusebo.
Fumyenimo amabwe.+
Imisheni abantu+ icishibilo.
11 Moneni! Yehova nabilisha ku mpela she sonde ati:
“Ebeni umwana mwanakashi Sione amuti,
‘Mona! Ipusukilo lyobe lileisa.+
Mona! Ali ne cilambu,
Kabili amalipilo alipila yali pa ntanshi yakwe.’”+
12 Bakalabeta ati abantu ba mushilo, abantu abo Yehova+ alubula,
Kabili iwe bakulakwita ati Umusumba uo Bafwaya, Umusumba uo Bashalekelesha.+
63 Nani uyu alefuma ku Edomu,+
Uulefuma ku Bosera+ ninshi nafwala ifya kufwala ifyabeeka,*
Uufwele ifya kufwala ifisuma nga nshi,
Uule-enda na maka ayengi?
“Nine ne ulanda ifyalungama,
Ne wakwata amaka ayengi aya kupususha.”
2 Mulandu nshi ifya kufwala fyobe fikashikiile,
Kabili mulandu nshi filemonekela kwati fya kufwala fya unyantaula umwa kukamina imyangashi?+
3 “Nalinyantaula umwa kukamina umwangashi neka.
Takwali nangu umo uwafumine mu nko uwaishile mu kungafwako.
Nalenyantaula abalwani bandi ninshi ninkalipa,
Kabili natwalilile ukubanyantaula ninshi nimfulwa.+
Umulopa wabo walesabukila ku fya kufwala fyandi,
Kabili ninkowesha ifya kufwala fyandi fyonse.
4 Pantu ubushiku bwa kulandula buli mu mutima wandi,+
Kabili umwaka wa kulubula abantu bandi naufika.
5 Naliloleshe, lelo takwali nangu umo uwa kungafwa;
Calimpapwishe ifi takwali nangu umo uwa kuntungilila.
E ico ukuboko kwandi kwalimpuswishe,+
Kabili ubukali bwandi bwalingafwile.
6 Nalinyantawile abantu ninshi ninkalipa,
Nalengele bakolwa ubukali bwandi+
Kabili napongolwelele umulopa wabo panshi.”
7 Nkalanda pa fyo Yehova acita ifilanga ukuti aliba no kutemwa ukushipwa,
Ifyo Yehova acita ifilenga tulemulumbanya,
Nkacite fi pa mulandu wa fintu fyonse ifyo Yehova atucitila,+
Ifintu ifingi ifisuma ifyo acitila aba mu ng’anda ya kwa Israele pa mulandu wa kuti wa luse,
Kabili aliba sana no kutemwa ukushipwa.
8 Pantu alandile ati: “Cine cine aba bantu bandi, abana abashakaleke ukuba ne cishinka.”*+
E ico aishileba Kalubula wabo.+
9 Lyonse ilyo balecula, na o alecula.+
Kabili inkombe yakwe* yalibapuswishe.+
Apo aliba no kutemwa kabili wa luse, alibalubwile,+
Kabili mu nshiku shonse isha ku kale, alibemishe no kubasenda.+
10 Lelo balimupondokeele+ kabili balengele umupashi wakwe uwa mushilo+ waba no bulanda.
11 Kabili baibukishe inshiku sha kale,
Inshiku sha kwa Mose umubomfi wakwe, abati:
“Ali kwi uwabafumishe muli bemba+ na bakacema ba mpaanga shakwe?+
Ali kwi uwabikile muli ena umupashi wakwe uwa mushilo,+
12 Uwalengele ukuboko kwakwe ukwa bukata kwatungulula ukuboko kwa ku kulyo ukwa kwa Mose,+
Uwapaatukenye amenshi ninshi balemonako+
Pa kuti aipangile+ ishina lya muyayaya,
13 Uwalengele bapita pa menshi ayengi,*
Ica kuti tabaipunwine ilyo bale-enda,
Nga filya kabalwe enda mu mpanga umushafula ifimuti?*
14 Nga filya fine ciba ifitekwa nga fyaya mwi lungu lya mu mupokapoka mu kutuusha,
E fyo no mupashi wa kwa Yehova walengele batuusha.”+
Ifi e fyo watungulwile abantu bobe
Pa kuti ishina lyobe ilisuma licindikwe.+
15 Lolesheni ninshi muli ku muulu kabili moneni
Lolesheni ninshi muli ku cifulo cenu icasansuka uko mwikala, ica mushilo kabili ica bukata.*
Cinshi mwalekela ukutubikako amano kabili cinshi mushibomfesha amaka yenu,
Mwalileka ukucita ifi fyonse.
Nangu ca kuti Abrahamu tatwishibe
Kabili Israele tatwibukishe,
Imwe mwe Yehova nimwe Shifwe.
Kalubula Wesu uwa kale sana e shina lyenu.+
17 Cinshi mwe Yehova mulekela twafuma mu nshila shenu?*
Cinshi mulekela imitima yesu yakosa,* ica kuti twaleka no kumutiina?+
Bweleni pa mulandu wa babomfi benu,
Imikowa ya bupyani bwenu.+
18 Abantu benu aba mushilo balikwete impanga pa nshita iinono.
Abalwani besu balinyantaula icifulo cenu ica mushilo.+
19 Pa nshita iitali twaba nga bantu abo mushatekapo,
Nga bantu abo bashaitapo ishina lyenu.
64 Kanshi nga mwalilepwile imyulu no kwikila,
Pa kuti impili shitente pa mulandu wenu,
2 Nga filya fine insansu shambuka nga paba umulilo,
Kabili umulilo walenga amenshi yabila,
Lyena abalwani benu nga balishibe ishina lyenu,
Kabili inko nga shiletutuma pa ntanshi yenu!
3 Ilyo mwacitile ifya kutiinya ifyo tushale-enekela,+ mwalikiile.
Kabili impili shalitentele pa ntanshi yenu.+
4 Ukufuma fye na kale takwaba nangu umo uwaumfwapo nelyo uwakutikapo,
Kuli Lesa umbi nangu uwamumonapo, kano fye imwe,
Moneni! Mwalikalipe ilyo twalebembuka,+
Twalibembwike pa nshita iitali.
Bushe nomba mwalatupususha?
6 Kabili ifwe bonse tuli ngo muntu uwakowela,
Na fyonse ifyalungama ifyo tucita fyaba nge nsalu iyo umwanakashi abomfya ngali ku mweshi.+
Ifwe bonse tukooma nge buula,
Kabili ifilubo fyesu fikatusenda ngo mwela.
7 Takwaba nangu umo uulilila kwi shina lyenu,
Takwaba nangu umo uwisa kuli imwe pa kuti mumwafwe,
Pantu mwalitufisa+ icinso cenu,
Kabili mwalilenga twasunguluka pa mulandu wa* filubo fyesu.
8 Nomba Mwe Yehova, nimwe Shifwe.+
Ifwe tuli loba, na imwe nimwe mwatubumbile;+
Bonse tuli milimo ya minwe yenu.
Tulolesheni, pantu bonse tuli bantu benu.
10 Imisumba yenu iya mushilo naiba amatololo.
Sione naiba amatololo,
Yerusalemu naiba icibolya.+
11 Ing’anda yesu* iya mushilo kabili iya bukata,*
Umo ifikolwe fyesu fyalemulumbanishisha,
Baliyoca,+
Kabili ifintu fyonse ifyo twatemenwe balifyonaula.
12 Pa mulandu ne fi, bushe mwalatwalilila fye ukwikala ukwabula ukucitapo nangu cimo, mwe Yehova?
Bushe mwalatwalilila fye ukwikala tondolo no kuleka tucule nga nshi?+
Njebele uluko ulushalelilila kwi shina lyandi+ nati, ‘Ndi pano, ndi pano!’
2 “Nafungulwila amaboko yandi kuli bacintomfwa+ akasuba konse,
Ku benda mu nshila iyabipa,+
Abakonka fye ifyo batontonkanya;+
3 Abantu abashileka ukunkalifya pa cinso candi,+
Abatuula amalambo mu mabala+ no kufutumwina icushi ce lambo pa njelwa,
Aba bantu cushi mu myona yandi, mulilo uulepya akasuba konse.
6 Mona! Fyalilembwa pa ntanshi yandi;
Nshakekale fye ukwabula ukucitapo nangu cimo,
Lelo nkabakanda,+
Nkabakanda pali fyonse ifyo bacita*
7 Pa filubo fyabo na pa filubo fya bashibo,”+ e fyo Yehova alanda.
“Pa mulandu wa kuti balifutumwina icushi ce lambo pa mpili,
Kabili banseebanishisha pa tupili,+
Nkabalilapo ukubakanda pali fyonse ifyo bacita.”*
8 Yehova alanda ati:
“Nga filya fine mu cisansangu ca myangashi mwingaba umwangashi uupya
E lyo umuntu umo alanda ati, ‘Mwionaula icisansangu, pantu muli ifintu ifisuma,’*
Ifi fine e fyo nkacita pa mulandu wa babomfi bandi;
Nshakabalofye bonse.+
9 Muli Yakobo nkabuulamo umwana*
Na muli Yuda nkabuulamo uukapyana impili shandi;+
Kabili abo nasala bakekala mu calo ca mpili,
Na babomfi bandi e mo bakekala.+
10 Sharone+ ikaba impanga ya mulemfwe, e mo impaanga shikalalya
Na mu mupokapoka* wa Akore+ e mo ing’ombe shikalatuushisha,
Ifi e fyo nkacitila abantu bandi abamfwaya.
11 Lelo mwaba pa bantu abasha Yehova,+
Abalaba ulupili lwandi ulwa mushilo,+
Abapekanishisha lesa we Shuko itebulo,
Kabili abesusha umwangashi uukali mu makapu no ku-utuula kuli lesa uo bamona kwati alishiba ifikacitikila umuntu onse.
12 E ico nkalenga bakamwipaye ku lupanga,+
Kabili imwe bonse mukakontama pa kuti bakamwipaye,+
Pantu nalimwitile, lelo tamwayaswike,
Nalilandile, lelo tamwaumfwile;+
Mwatwalilile ukucita ifyabipa mu menso yandi,
Kabili mwasalilepo ukucita ifyo napata.”+
13 E ico Shikulu Mulopwe Yehova alanda ati:
“Moneni! Ababomfi bandi bakalya, lelo imwe mukaba ne nsala.+
Moneni! Ababomfi bandi bakanwa,+ lelo imwe mukaba ne cilaka.
Moneni! Ababomfi bandi bakasekelela,+ lelo imwe mukekatwa insoni.+
14 Moneni! Ababomfi bandi bakaula utupundu pa mulandu wa kuti umutima ukasansamuka,
Lelo imwe mukalila pa mulandu wa kuti umutima ukakalipa
Kabili mukaloosha pa mulandu wa kuti mukaba no bulanda nga nshi.
15 Mukasha ishina ilyo abo nasala bakalabomfya nge citiipu,
Kabili Shikulu Mulopwe Yehova akepaya imwe bonse,
Lelo ababomfi bakwe akabenika ishina limbi;+
16 Pa kuti onse uukalafwaya ukuti bamupaale mwi sonde,
Lesa wa cine* akamupaala,
Kabili onse uukalapa umulapo mwi sonde
17 Pantu moneni! ndepanga imyulu iipya ne sonde+ ilipya;
Kabili ifya kale mukafilaba,*
Kabili tafyakese na mu mutima+ wenu.
18 E ico sansamukeni kabili mulesekelela umuyayaya pa mulandu ne fyo ndepanga.
Pantu moneni! ndelenga Yerusalemu abe ica kulalenga mulesekelela
Kabili abantu ba mu Yerusalemu ndelenga babe ica kulalenga mulesansamuka.+
19 Kabili nkasekelela pa mulandu wa Yerusalemu, no kwanga pa mulandu wa bantu bandi;+
Mu Yerusalemu tamwakomfwike na kabili ukuloosha pa mulandu no bucushi.”+
20 “Mulya tamwakabe na kabili akanya akakekala fye inshiku ishinono,
Nangu umukote uukafwa ilyo inshiku shakwe tashilapwa.
Pantu onse uukafwa ninshi ali ne myaka 100 bakamumona fye ngo mulumendo,
Kabili umubembu akatiipwa nangu ca kuti akaba ne myaka 100.*
21 Bakakuula amayanda no kwikalamo,+
Kabili bakalima amabala ya myangashi no kulya ifisabo fya yako.+
22 Tabakakuule amayanda e lyo abantu bambi bakekalemo,
Kabili tabakalimbe ifimuti fya myangashi e lyo abantu bambi bakalye ifisabo fya iko.
Pantu inshiku sha bantu bandi shikaba nge nshiku sha cimuti,+
Kabili abantu bandi abo nasala bakasekelamo nga nshi mu mulimo wa minwe yabo.
Kabili tabakafyale abana abakaponenwa no bucushi,
Pantu bena bana* abo Yehova+ apaala,
Kabili abatuntuka muli bena bakaba pamo nabo.+
24 Na lintu bashilaita, nkasuka;
Ilyo bacili balelanda, nkomfwa.
25 “Umumbulu na kana ka mpaanga fikaliila pamo,
Inkalamo ikalya icani nge ng’ombe iilume,+
Kabili insoka ikalalya ulukungu.
Tafyakacite ifyabipa kabili tafyakonaule nangu cimo mu lupili lwandi lonse ulwa mushilo,”+ e fyo Yehova alanda.
66 Yehova alanda ati:
“Imyulu e cipuna candi ica bufumu, kabili isonde cipuna candi ico nyantapo amakasa.+
2 “Ukuboko kwandi e kwapanga ifi fyonse,
Kabili ifi e fyo ifintu fyonse fyaishilebako,” e fyo Yehova+ alanda.
3 Uuleipaya ing’ombe iilume ali ngo uleipaya umuntu.+
Uuletuula impaanga ali ngo ulefuna umukoshi wa mbwa.+
Uuletuula ubupe ali ngo uletuula umulopa wa nkumba!+
Uuletuula ububani bwabuuta+ ubwa cibukisho, ali ngo ulepaala uku ninshi alelanda amashiwi ya buloshi.*+
Balisalapo ukukonka inshila shabo abene,
Kabili balitemwa* ukucita ifya bunani.
Pantu ilyo naitile takwali uwayaswike;
Ilyo nalandile takwali uwaumfwile.+
Batwalilile ukucita ifyabipa mu menso yandi,
Kabili basalilepo ukucita ifyo napata.”+
5 Umfweni ifyo Yehova alelanda, mwe batutuma* nga mwaumfwa ishiwi lyakwe:
“Bamunyinenwe abamupata, kabili abamukankamba pa mulandu we shina lyandi, balanda abati, ‘Yehova nacindikwe!’+
Lelo akamoneka kabili akalenga mukasekelele, kabili bena e bakaseebana.”+
6 Mu musumba muli icongo ca fimfulunganya, mwi tempele muli icongo!
Pantu Yehova alekanda abalwani bakwe pa fyo bacita.
7 Ilyo ashilaya mu kupaapa, alipaapile.+
Ilyo ubukali bwa pa kupaapa bushilamwikata, alipaapile umwana umwaume.
8 Nani uwaumfwapo ica musango yu?
Nani uwamonapo ifya musango yu?
Bushe icalo kuti cafyalwa mu bushiku bumo?
Nelyo bushe uluko lonse kuti lwafyalwa pa muku umo?
Lelo Sione ena ilyo aile fye mu kupaapa, alifyele abana abaume.
9 “Bushe kuti nalenga umwana aba mupepi no kufyalwa e lyo nalenga afilwa ukufuma?” e fyo Yehova alanda.
“Nelyo bushe kuti nalenga umwana afyalwa e lyo naisala ifumo?” e fyo Lesa wenu alanda.
10 Sekeleleni pamo na Yerusalemu kabili angileni pamo nankwe,+ imwe bonse mwe bamutemwa.+
Sansamukeni nga nshi pamo nankwe, mwe bamuloosha,
11 Pantu mukoonka ibele lyakwe ilya cisansamushi kabili mukekuta,
Mukanwa sana kabili mukasekelamo mu bucindami bwakwe ubwingi.
12 Pantu Yehova alanda ati:
Mukoonka ibele kabili bakamusendela pa lutungu,
Kabili bakalamwangashisha pa makufi.
13 Nga filya nyina asansamusha umwana wakwe umwaume,
E fyo nkatwalilila ukumusansamusha;+
Kabili nkamusansamusha+ pa mulandu wa Yerusalemu.
14 Mukamona ifi ne mitima yenu ikasekelela,
Amafupa yenu yakalelema nge cani iciteku.
15 “Pantu Yehova akesa ngo mulilo,+
Na maceleta yakwe yaba ngo mwela uukalamba,+
Akesa mu kubakanda ninshi nakalipa,
Akesa no lubingu lwa mulilo+ mu kubakalipila.
16 Pantu Yehova akesa no mulilo mu kubapingula,
Akesa no lupanga mu kukanda iminofu yonse;*
Kabili abo Yehova akepaya bakaba abengi.
17 “Abaleisangulula no kuiwamya pa kuti baye mu mabala*+ balekonka uuli pa kati, abalelya iminofu ya nkumba,+ bakoswe, ne fintu fimbi ifyakowela,+ bonse bakalobela pamo,” e fyo Yehova alanda. 18 “Apo nalishiba ifyo bacita ne fyo batontonkanya, ndeisa mu kulonganika aba mu nko shonse na balanda indimi ishalekanalekana, kabili baleisamona ubukata bwandi.”
19 “Nkabika icishibilo pali bena, kabili nkatuma bamo pa bakapusuka ku nko, nkabatuma ku bantu abaishiba bwino ukutinta ubuta ku Tarshishi,+ ku Puli, na Ludi.+ Nkabatuma na kubekala ku Tubali, ku Yabani,+ na ku bekala pa fishi ifyaba ukutali sana, nelyo abashamona ubukata bwandi; kabili bakabilisha ubukata bwandi mu nko.+ 20 Bakaleta bamunyinenwe bonse ukufuma mu nko+ shonse pa kuti bakabe ubupe kuli Yehova. Bakabasendela pali bakabalwe, mu maceleta, mu maceleta ya mutenge, pa mfalashi na pa ngamila ishibutukisha. Bakabaleta ku lupili lwandi ulwa mushilo, Yerusalemu,” e fyo Yehova alanda, “nga filya fine abena Israele baleta ubupe ku ng’anda ya kwa Yehova mu fipe fya busaka.”
21 “Nkabuulapo bamo pa kuti bakabe bashimapepo, e lyo bambi bakabe abena Lebi,” e fyo Yehova alanda.
22 “Pantu nga filya fine imyulu ipya ne sonde lipya+ ifyo ndepanga fikatwalilila ukuba pa ntanshi yandi,” e fyo Yehova alanda, e fyo na bana* benu ne shina lyenu fikatwalilila ukubako.+
23 “Kabili lyonse umweshi nga wamoneka na cila Sabata,
Iminofu yonse* ikalaisa mu kunkontamina,”*+ e fyo Yehova alanda.
24 “Kabili bakaya mu kumona ifitumbi fya bantu abamupondokeele;
Pantu imititi ikaba pali fyena tayakafwe,
Kabili umulilo uukalafyoca tawakashime,+
Kabili ifitumbi fyabo fikaba ifya bunani ku bantu bonse.”*
Ilyalola mu kuti “Ipusukilo lya kwa Yehova.”
Nelyo “tabaishiba shikulu wabo.”
Mu ciHebere, “Tabafitina.”
Nelyo “bakateka.”
Nelyo “ifya kukonka.”
Nelyo “umweo wandi naupata.”
Nelyo “umwana wa nshiwa.”
Nelyo “ubwalwa bwa ngano.”
Nelyo “abana ba nshiwa.”
Nalimo ifi ifimuti na mabala balefibomfya mu kupepa kwa bufi.
Nelyo “Mu nshiku sha kulekelesha.”
Nelyo “ifya kukonka.”
Nelyo “bakacicefya.”
Nelyo “bakacicefya.”
Utu, tunama utunono utulya sana.
Nelyo “Uo umupu wakwe waba mu myona yakwe.”
Nelyo “Nshabe uwa kundapa ifilonda fyobe.”
Mu ciHebere, “mu menso ya bukata bwakwe.”
Mu ciHebere, “bakalya ifisabo fya milimo yabo.”
Mu ciHebere, “ninshi nabatongomona imikoshi yabo.”
E kutila, ifya kuiyemfeshako ifyo abanakashi balefwala mu nkolokoso.
Mu ciHebere, “Amayanda ya mweo.”
Nelyo “Mira.”
Nelyo “ifya kufwala fya mu kati.”
E kutila, umuseebanya wa kukanaupwa no wa kukanakwata abana.
Mu ciHebere, “amafi.”
Nelyo “uusangulula.”
Moneni Ifyebo Fyalundwako pa B14.
Moneni Ifyebo Fyalundwako pa B14.
Moneni Ifyebo Fyalundwako pa B14.
Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
Nelyo “naikusha umweo wa iko.”
Nelyo “umulinganya wakwe.”
Nelyo “Ifyo asalapo ukucita; ukupanda amano kwakwe.”
Nelyo “ifya kukonka.”
Nelyo “imisepela ya nkalamo.”
Mu ciHebere, “pa mulandu ne shiwi lya walebilikisha.”
Mu ciHebere, “Bantalalika.”
Nelyo “pa bantu 10 pakashala umo.”
Nelyo “Umwana.”
Nelyo kuti yapilibula no kuti, “balifililwe.”
Ilipilibula ukuti “Abashalapo fye e Bakabwela.”
Nelyo kuti yapilibula no kuti, “tuye cisansa.”
Nelyo “tuyetula ifibumba fya ciko.” Mu ciHebere, “tuye cipandula.”
Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
Ilipilibula ukuti “Lesa Aba na Ifwe.”
E kutila, Bata.
E kutila, Umumana wa Yufrate.
E kutila, Bata.
E kutila, Bata.
Nalimo lipilibula ukuti “Angufyanya ukuyasenda ifintu fya bantu abo bacimfishe, ukwisa bwangu mu kusenda ifipe ifyo bapokele abo bacimfishe.”
Mu ciHebere, “akakulembelako aka muntunse.”
Nelyo “abakushinina; abakushininkisha.”
Mu ciHebere, “napaleme kuli.”
E kutila, umukashi wa kwa Esaya.
Shiloa wali mufoolo wa menshi.
E kutila, Umumana wa Yufrate.
Moneni Esaya 7:14.
Nelyo “Ikakeni ifyanso mu misana.”
Ishiwi lya ciHebere ilyo bapilibula ukuti “Lesa aba na ifwe” ni Imanuele. Moneni Esaya 7:14; 8:8.
Nelyo “ifya kukonka.”
Mu ciHebere, “amacaca.”
Nelyo “ubuteko.”
Nelyo “ubuteko.”
Mu ciHebere, “ku numa.”
Nelyo kuti yapilibula no kuti, “umusambo wa kancindu ne tete.”
Nelyo “abana ba nshiwa.”
Nelyo “abana ba nshiwa.”
Nelyo “ilyo bakamukanda.”
Nelyo “ubukata bwenu.”
Nelyo “ukukanda.”
Nelyo “isembe.”
Nelyo “ubulungami.”
Nelyo “umupashi.”
Nelyo “inkalamo iyana iya masense.”
Nelyo kuti yapilibula no kuti, “kabili umwana wa ng’ombe ne nkalamo fikaliila pamo.”
Iyi insoka imoneka nga kafi.
Nelyo “inko shikamufwaya.”
E kutila, “Babiloni.”
Mu ciHebere, “bakatentemukila pa cipeya.”
Nelyo “Bakakwata amaka pa.”
Nelyo kuti yapilibula no kuti, “akakamya.”
Mu ciHebere, “ululimi.”
E kutila, Umumana wa Yufrate.
Nelyo “umupashi.”
Nelyo kuti yapilibula no kuti, “akooma ulubali.”
“Jah” e fyo balemba ishina lya kuti Yehova mu kwipifya.
Nelyo “mushikileni inyimbo.”
Mu ciHebere, “we mwanakashi uwikala.” Aba, bantu bonse abaleikala mu Sione abo balandapo ngo mwanakashi.
Mu ciHebere, “aba mushilo.”
Mu ciHebere, “na mabumba ya ntanda sha Kesili.” Nalimo aya mabumba ya ntanda ni yalya beta ukuti Orion na mabumba yambi aya ntanda ayaba mupepi na sho.
Nelyo “ubusuma bwa mabufumu.”
Nelyo kuti yapilibula no kuti, “kabili ifibanda ifyaba nge mbushi.”
Nelyo “Akalenga bakatuushe.”
Nelyo “bakapitao wabo.”
Nelyo “kapitao.”
Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
Mu ciHebere, “Imbushi ishilume.”
Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
Mu ciHebere, “mu ng’anda.”
Nelyo “inungi.”
Mu ciHebere, “balipangiile.”
Mu ciHebere, “mu mushila.”
Nelyo “insoka iyangufyanya pa kwenda kabili iya busungu.”
Nelyo “kwi tempele.”
Nelyo “Umweo wakwe uletutuma.”
Nelyo “imisambo ya uko iyatwele imyangashi yakashika.”
Nelyo kuti yapilibula ukuti, “Pantu ukuwelesha kwa nkondo nakwisa pa fisabo fyobe ifya mu lusuba na pa fyo usombwele.”
Mu ciHebere, “abana ba kwa Israele.”
Mu ciHebere, “amafuta ya munofu wakwe.”
Nelyo “Impanga Iyabatama.”
Nelyo “utumisambo twa ka lesa ka ku calo cimbi.”
Nelyo “Luko ulwa maka sana ulunyantaula.”
Nelyo “Luko ulwa maka sana ulunyantaula.”
Ubushishi bwa utu tumuti e bo balepangako insalu.
Nelyo “umweo wabo ukaba no bulanda.”
Nelyo “Memfisi.”
Nelyo kuti yapilibula no kuti, “umusambo wa kancindu nelyo itete.”
Nelyo “umukalamba wa bashilika.”
Nelyo “ashele fye ne fya kufwala fya mu kati.”
Nelyo “akaseebana.”
Nelyo “uo balekumbwa ukuyemba kwakwe.”
Aya amatololo yafwile yali citungu ca mu Babiloni.
Mu ciHebere, “mu ntungu shandi mwiswile ubukali.”
Mu ciHebere, “Ngo mwana.”
Ilyalola mu kuti “Tondolo.”
Uyu umupokapoka ufwile ukuba ni Yerusalemu.
Uyu umwana umwanakashi te muntu iyo, lelo ni nsoselo iilelangilila ukumfwa uluse nelyo ukulangulukilako.
Nelyo “Bali pamo nabanina pali bakabalwe.”
Nelyo “bapekanya inkwela.”
Nelyo “impanga ishabatama.”
Nelyo “abanina pali bakabalwe.”
Nelyo “isano.”
Mu ciHebere, “icifulo ca kwikalamo.”
Mu ciHebere, “ifyafina fyonse.”
Nelyo “utumisambo.”
Mu ciHebere, “Imbuto.”
Mu ciHebere, “banacisungu.”
Mu ciHebere, “inshiku sha mfumu imo.”
Nelyo “isonde.”
Nelyo “Alealula ifyo cimoneka.”
Nelyo kuti yapilibula no kuti, “nacuma.”
Nelyo “icipangano ca kale.”
Nelyo kuti yapilibula no kuti, “nauma.”
Nelyo “Ukufuma ku masamba.”
Nelyo “mu citungu ca ku kabanga.”
Mu ciHebere, “pa ntanshi ya bakalamba bakwe.”
Nelyo “Ifyo mwalefwaya.”
Nelyo “Umutebeto wa mwanganshi uo basungila pa fiseekwa.”
Mu ciHebere, “akamina.”
Nelyo “icifimbo.”
Nelyo “Akafumyapo.”
Nelyo kuti yapilibula no kuti, “abashaluka mu fyo bafwaisha ukucita.”
“Jah” e fyo balemba ishina lya kuti Yehova mu kwipifya.
Nelyo “bali-ilinganya.”
Nelyo “Ifwe ne myeo yesu twalicindika ishina lyenu.”
E kutila, baleibukisha Lesa ne shina lyakwe, balenge abantu balishibe.
Nelyo “umo bacita ifyaololoka.”
Mu ciHebere, “Icitumbi candi.”
Nelyo kuti yapilibula no kuti, “umume wa ku fimpusa, umume wa ku fimenwa.”
Nelyo “likafumya abafwa.”
Nelyo “ubukali bwa kwa Lesa.”
Nalimo uo balelandapo pano ni Israele, bamulumbula ngo mwanakashi kabili bamulinganya kwi bala lya myangashi.
E kutila, umumana wa Yufrate.
Nalimo ico balelandapo musumba uukalamba uwa Samaria.
Nelyo “ica matutumuko, ica cilumba.”
Nelyo “ifya matutumuko, ifya cilumba.”
Nelyo “icisote ca bufumu.”
Nelyo “Ica kupiminako pa ca kupiminako cinankwe, ica kupiminako pa ca kupiminako cinankwe.”
Mu ciHebere, “abo imilomo yabo ibulubusa.”
Nelyo “Ica kupiminako pa ca kupiminako cinankwe, ica kupiminako pa ca kupiminako cinankwe.”
Nelyo kuti yapilibula no kuti, “natumona icimonwa.”
Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
Nelyo “intambo ya kupiminako.”
Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
Nelyo kuti yapilibula no kuti, “ilyo bakeluka e lyo bakatiina nga nshi.”
Nelyo “impanga iyabatama.”
Nelyo “isonde lyonse.”
Nelyo “alamusalapula.”
Nelyo “Uo ubufwayo bwakwe busuma nga nshi.”
Nelyo “Kabili uwakwatisha amano yene yene.”
Nalimo lipilibula ukuti “Ishiko lya Cipailo ca kwa Lesa,” ili ishiko nalimo ni Yerusalemu.
Mu ciHebere, “abantu abo ushaishiba.”
Mu ciHebere, “uulelungika.”
E kutila, tacakabe ne nsoni.
Mu ciHebere, “Abapongolola umutuulo wa fya kunwa,” ifi nalimo fyaleimininako ukupangana icipangano.
Nelyo “ukwabula ukwipusha akanwa kandi.”
Mu ciHebere, “pa kuti boobe mu cifulo icacingililwa ica kwa Farao.”
Nelyo “insoka iyangufyanya pa kwenda kabili iya busungu.”
Nelyo “ifya kukonka.”
Mu ciHebere, “Muletweba fye ifyatelela.”
Nelyo kuti yapilibula no kuti, “icishima.”
Nelyo “ifimpashanya ifyaengwa.”
Nelyo kuti yapilibula no kuti, “kabili mukafiita ukuti fiko.”
Mu ciHebere, “fikaba ifya mafuta kabili ifyanona.”
Nelyo “apo baifuna.”
Nelyo “Umupu.”
Mu ciHebere, “seefa ya kuseefelako ifisooso.”
Nelyo “Ilyo muleisangulula pa kuti mukwate umutebeto.”
Nelyo “uwenda ninshi balelisha umutoolilo.”
Iyi Tofete balandilepo muli ici cikomo, cifulo ca mampalanya ica kocelamo ifintu, icimininako ubonaushi.
Nelyo “abanina pali bakabalwe.”
Nelyo “inkalamo iyana iya masense.”
Nelyo “umulilo.”
Nelyo “Pa kuti amusaalule.”
Nelyo “alenge umweo wa bakaba ne nsala wikakwata ifya kulya.”
Nelyo “Mwe bakakula.”
Nelyo “amaka.”
Amapantankolo musango wa makanta uulya sana ifimenwa.
E kutila, umulwani.
Nelyo kuti yapilibula no kuti, “Icalo nacuma.”
Nelyo “ukatontonkanya pa.”
Mu ciHebere, “ululimi ulwashika.”
Nelyo “shikalakonkoloka umulopa.”
Uo balelandapo, musumba wa Bosera, umusumba uukalamba uwa mu Edomu.
Nelyo kuti yapilibula no kuti, “icibanda icapala imbushi.”
Mu ciHebere, “nafyakanya ififulo ukubomfya intambo ya kupiminako.”
Ifi e fyo baleita umukalamba wa balepeela imfumu ifya kunwa.
Nelyo “isano.”
Nelyo “mu lulimi lwa bena Siria.”
Nelyo “isano.”
Nelyo “isano.”
Nelyo “bwa kutukwa.”
Mu ciHebere, “nkabika umupashi muli yena.”
Nelyo kuti yapilibula no kuti, “pa kati ka bakerubi.”
Nelyo “imifoolo iyafuma mu mumana wa Naelo.”
E kutila, Hisekia.
Nelyo “ifikamena ku mbuto ishikapona.”
Nelyo “mwi tempele.”
Nalimo aya matabo baleyabomfya pa kupima inshita, nga bamona apo icinshingwa cibelele.
Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
“Jah,” e fyo balemba ishina lya kuti Yehova mu kwipifya.
Nelyo “umweo wandi ulacula nga nshi.”
E kutila, ifyo Lesa alanda ne fyo acita.
Nelyo “mwalitemwa umweo wandi.”
Nelyo “Mwalifumishe imembu shandi shonse pa cinso cenu.”
Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
Mu ciHebere, “alisekelele pa kubapokelela.”
Nelyo “isano lyakwe.”
Nelyo “mwi sano lyobe.”
Nelyo “mwi sano lyandi.”
Nelyo “mwi sano lyobe.”
Nelyo “icine.”
Mu ciHebere, “mu nshiku shandi.”
Nelyo “napokelela imiku ibili ifilingene ne membu shakwe shonse.”
Nelyo “Pekanyeni.”
Nelyo “abantu bonse.”
Mu ciHebere, “Iminofu yonse.”
Nelyo “umupashi.”
Nelyo “akashicema.”
Mu nshita balelemba Baibo, ubutali bwa cisansa bwaleba ukufuma pa cikumo ukufika pa ka munwe akanono. Moneni Ifyebo Fyalundwako pa B14.
Nelyo kuti yapilibula no kuti, “uwaishiba.”
Nelyo “inkuni.”
Nelyo “apanga icimpashanya ca kwenga.”
Nelyo “bakateka.”
Nelyo “Beni tondolo pa ntanshi yandi.”
Nelyo “uwafuma ku kabanga.”
E kutila, ese mu kumubombela.
Mu ciHebere, “Ulubuto.”
E kutila, uushakwata wa kumucingilila kabili uwa kumwafwa.
Mu ciHebere, “ifya ntanshi.”
Nelyo “Pa kuti tubikepo umutima wesu.”
Nelyo “ku kabanga.”
Nelyo “Akanyantaula inkonkani sha ntungulushi.”
Nelyo “tababako.”
Nelyo “Ifimpashanya fyabo ifya kwenga.”
Nelyo “uulenga umweo wandi ulesekelela.”
Iciku, ni ntambo ya nsalu iyo babika mu nyali pa kuti inyali ileaka.
Nelyo “ifya kukonka.”
Nelyo “Nshakakanyeko umbi ubukata bwandi.”
Nelyo “ifimpashanya ifyaengwa.”
Nelyo “ifya kukonka.”
Nelyo “ifya kukonka.”
Nelyo “umweo obe.”
Mu ciHebere, “ulubuto.”
Ifi nalimo fintu fikabalilapo ukucitika ku ntanshi.
Nelyo “kabili muncetekele.”
Iciku ni ntambo ya nsalu iyo babika mu nyali pa kuti inyali ileaka.
Itete ilyanunkila.
Nelyo “ifyo ucita ifya bucipondoka.”
Nalimo aba balelandapo bantu balesambilisha amafunde.
Nelyo “ilyo wafyelwe.”
Ilyalola mu kuti “Uwalungama,” ili lishina lya kucindikilako Israele.
Nelyo “impanga iya cilaka.”
Mu ciHebere, “ulubuto.”
E kutila, ifilubi.
Nelyo “icimpashanya ca kwenga.”
Nelyo “imfuba.”
Nelyo “Te kuti apusushe umweo wakwe.”
Nelyo “bakasesema ba bufi.”
Mu ciHebere, “akakule ulupanga mu ntungu sha mfumu.”
Nelyo “Ukufuma ku kabanga ukufika ku masamba.”
Nelyo “ku umana.”
Nelyo “uwalipangile.”
Nelyo kuti yapilibula no kuti, “Nelyo bushe iloba kuti lyalanda aliti: ‘Umulimo obe tawakwata ifya kwikatilako’?”
Nelyo kuti yapilibula no kuti, “Ababomfi.”
Nelyo kuti yapilibula no kuti, “aba makwebo.”
Nelyo kuti yapilibula no kuti, “Uushalipangile ukuti mwiba nangu cimo.”
Mu ciHebere, “ulubuto.”
Mu ciHebere, “Ulubuto.”
E kutila, ifilubi ifyo baninike pa nama.
Nelyo “imyeo yabo yaya.”
Mu ciHebere, “balakafukamina.”
Mu ciHebere, “ifya ntanshi.”
Nelyo “ubufwayo bwandi bukacitika.”
Nelyo “ku kabanga.”
Nelyo “ubufwayo bwandi.”
Mu ciHebere, “mwe bakosa umutima.”
Nelyo kuti yapilibula no kuti, “kabili nshakabe ne cikuuku ku o nkakumanya.”
Nelyo “Tawakeshibe ifya kubomfya ifyo wapanda pa kubucilikila.”
Nelyo kuti yapilibula no kuti, “Abakanya imyulu; Ababukila ku ntanda.”
Nelyo “Te kuti bapusushe imyeo yabo.”
Mu ciHebere, “cila muntu akaya ku citungu cakwe.”
Nelyo kuti yapilibula no kuti, “mwe batuntuka muli Yuda.”
Mu ciHebere, “ifya ntanshi.”
Nelyo “icimpashanya ca kwenga.”
Nelyo “Nalikuceeceeta.” Nelyo kuti lyapilibula no kuti, “nalikusala.”
Nelyo “Nshakanyako umbi ubukata bwandi.”
Nelyo “pamo no mupashi wakwe.”
Mu ciHebere, “ulubuto.”
Mu ciHebere, “ilyo nali mwi fumo.”
Nelyo “Yehova akaba no mulinganya pa kumpingula.”
Nelyo “icilambu candi.”
Nelyo “uo basuula umweo wakwe.”
Nelyo “Mu nshita nalekucitila ifisuma.”
Nelyo kuti yapilibula no kuti, “pa tupili tonse apashaba ifimenwa.”
Mu ciHebere, “ninshi bali pa cifuba ca shiko.”
Mu ciHebere, “iminofu yonse.”
Nelyo “ululimi ulo basambilisha bwino.”
Mu ciHebere, “kwi shiwi.”
Nelyo kuti yapilibula no kuti, “ukukosha.”
Nelyo “Nani uwingalwishanya na ine?”
Nelyo “Natuloshanye ifinso.”
Nelyo “uwamufyele ninshi alekalipwa.”
Nelyo “amaka yandi.”
Nelyo “tabwakonaulwe.”
Nelyo “ifya kukonka.”
Nelyo kuti yapilibula no kuti, “umwambo.”
Mu ciHebere, “ukusansamuka ukushipwa kukaba pa mitwe yabo.”
Nelyo “uwalemwisalila.”
Mu ciHebere, “pa mpela ya misebo yonse.”
Nelyo “abaebele umweo obe abati.”
Nelyo “intambo.”
Nelyo “bakamona ilinso ne linso.”
Nelyo “ifyo acimfya.”
Nelyo “tashakalande nangu cimo.”
Nelyo kuti yapilibula no kuti, “ifyo twaumfwile.”
Uyu afwile muntu onse uulemumona nelyo ni Lesa.
Nelyo “tamoneka bwino ica kuti tatumufwaya no kumufwaya.”
Nelyo kuti yapilibula no kuti, “Ali ngo muntu uo abantu bashalefwaya ukulolesha.”
Nelyo “ku nkulilo yakwe.”
Nelyo “balimumine imfwila.”
Nelyo “Kabili umo akamupeela icifulo ca kumushiikamo.”
Mu ciHebere, “umukankaala.”
Nelyo “tali no lukakaala.”
Nelyo “Lelo Yehova alitemenwe ukuti bamushonaule.”
Nelyo “umweo.”
Mu ciHebere, “ulubuto.”
Nelyo “pa numa umweo wakwe wacula sana.”
Nelyo “apongolwele umweo wakwe.”
Nelyo “shikulu.”
Nelyo “nga shikulu obe.”
Mu ciHebere, “kabili uo bakalifya umupashi.”
Nelyo “amabwe aya mulilo.”
Nelyo “cinshi mubomfesha indalama isho mucuulila pa kushikwata ku fintu ifishimulenga mwaba ne nsansa.”
Nelyo “Kabili imyeo yenu ikaipakisha.”
Mu ciHebere, “ifyanona.”
Nelyo “imyeo yenu tayakafwe.”
Nelyo “bwalicetekelwa.”
Nelyo “akamwelela umupwilapo.”
Nelyo “yakacita ukufwaya kwandi.”
E kutila, nababasenda mu mfwa.
Nelyo kuti yapilibula no kuti, “Nabamusenda ukumufumya ku bucushi.”
E kutila, balatuusha mu nshiishi.
Nelyo “Bushe ifi ucita kuti fyansansamusha.”
Nalimo ico balelandapo cimpashanya ca bwamba bwa mwaume ico balebomfya mu kupepa kwa bufi.
Nelyo kuti yapilibula no kuti, “imfumu.”
Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
Mu ciHebere, “E co ushinakila.”
Nelyo “no kufisa ifyo wacita?”
Nelyo “mucita fye ifya kuisekesha.”
Nelyo “ifyo imyeo yenu ifwaya.”
Nelyo “abo imyeo yabo icula.”
Nelyo “ifyo imyeo yenu ikabila.”
Nelyo “mukaipakishe.”
Mu ciHebere, “takwafina.”
Nelyo “ubufumacumi bwaipununa.”
Nelyo “Ubufumacumi nabupwa.”
Mu ciHebere, “calibipile mu menso yakwe.”
Nelyo “kwalimucimfisheko.”
Nelyo “ica kucimfya.”
Mu ciHebere, “ulubuto lobe.”
Mu ciHebere, “ulubuto lwa lubuto lobe.”
Nelyo “shikaya ku lubuuto lwa macaca yobe.”
Mu ciHebere, “Muli iwe.”
Nelyo “ing’anda yandi iisuma.”
Nelyo “ishilepupukila pa fipunda fya citele ca shiko?”
Nelyo “akakuyemfya.”
Nelyo “filemucindika.”
Nelyo “pa fyuma fya shiko.”
Mu ciHebere, “ulubuto.”
Mu ciHebere, “ulubuto.”
Nelyo “ica kufwala icabula amaboko.”
Nelyo kuti yapilibula no kuti, “ifya kufwala ifyakashika ce.”
Nelyo “abashakabepe.”
Nelyo “malaika uwafumine pa cinso cakwe.”
Nelyo “amenshi ayaba apashika.”
Nelyo “mu matololo.”
Nelyo “icisuma.”
Nelyo “mulengela twafuma mu nshila shenu.”
Mu ciHebere, “mulengela imitima yesu yakosa.”
Nelyo “abatekanya ilyo balemulolela.”
Mu ciHebere, “ukuboko kwa.”
Nelyo “Itempele lyesu.”
Nelyo “iyayemba.”
Nelyo kuti yapilibula no kuti, “mu nsakwe sha bamalonda.”
Nelyo “muba umuto uwa fyakowela.”
Nelyo kuti yapilibula no kuti, “Pantu nkakupeela bumushilo bwandi.”
Mu ciHebere, “Nkabalambwila pa fifuba fyabo.”
Mu ciHebere, “Nkabalilapo ukupima amalipilo yabo pa fifuba fyabo.”
Mu ciHebere, “muli ipaalo.”
Mu ciHebere, “ulubuto.”
Nelyo “impanga iyabatama.”
Nelyo “uwa cishinka.” Mu ciHebere, “Ameni.”
Nelyo “uwa cishinka.” Mu ciHebere, “Ameni.”
Nelyo “amafya.”
Nelyo “tamwakafibukishe.”
Nelyo kuti yapilibula no kuti, “Kabili onse uukafwa ninshi talafisha imyaka 100 bakamumona ukuti alitiipwa.”
Nelyo “Tabakabombeshe apa fye.”
Mu ciHebere, “ulubuto.”
Nelyo “uusakamikwa.”
Nelyo kuti yapilibula no kuti, “uku ninshi alelumbanya akalubi.”
Nelyo “imyeo yabo yalitemwa.”
Nelyo “mwe basakamikwa.”
Nelyo “amaka yakwe.”
Nelyo “abantu bonse.”
E kutila, amabala yaibela umo bapepela ifilubi.
Mu ciHebere, “ulubuto.”
Nelyo “Abantu bonse.”
Nelyo “mu kumpepa.”
Mu ciHebere, “ku minofu yonse.”