Ènyaa?
(Àte ŋu akpɔ nyabiabia siawo ƒe ŋuɖoɖo le Biblia ƒe kpukpui siwo woyɔ me, eye wota ŋuɖoɖoawo katã ɖe axa 16. Àte ŋu akpɔ wo ŋuti nyatakaka bubuwo le agbalẽ si nye “Insight on the Scriptures,” si Watchtower Bible and Tract Society of New York, Inc. ta la me.)
1. Israel-to ka ƒe ame siwo dze ayi aʋa dzie ɖe kpɔtɔ wu ɖesiaɖe—wo dzi ɖe kpɔtɔ wòwu alafa memama 60—le esi wogaxlẽ wo zi evelia le ƒe 39 megbe le gbeadzi? (Mose IV, 1:23; 26:14)
2. Nukae Yesu gblɔ be amesiwo woafɔ tso ame kukuwo dome mawɔ o? (Luka 20:35)
3. Amekae Agur gblɔ nya siwo dze le Lododowo ta 30 me na? (Lododowo 30:1, NW )
4. Nukae Paulo gblɔ be ele be míawɔ yeyee bene míate ŋu awɔ Mawu ƒe lɔlɔ̃nu? (Romatɔwo 12:2)
5. Amekawoe Gamaliel tsɔ wɔ kpɔɖeŋui tsɔ ƒoe ɖe Sanhedrin la nu be woagaɖe fu na Kristotɔwo o? (Dɔwɔwɔwo 5:34-40)
6. Nukae Yosef ɖo tame be yeawɔ ale be ‘yemado ŋukpe’ Maria o? (Mateo 1:19)
7. Nukae na ‘amesiwo nɔ Lida kple Saron la trɔ va Aƒetɔ la gbɔ’? (Dɔwɔwɔwo 9:35)
8. Aleke Farisitɔwo kple Zadukitɔwo dze agbagba be yewoate Yesu kpɔe? (Mateo 16:1)
9. Nukae Yehowa wɔ na mawudɔla vɔ̃ɖi siwo gblẽ woƒe nɔƒe ɖi la? ( Yuda 6)
10. Nukae amewɔwɔ ɖe Mawu ƒe nɔnɔme nu fia? (Mose I, 1:27)
11. Nukae Mawu wɔnɛ esi wògblɔ be anyigba nye yeƒe afɔɖodzinu? ( Yesaya 66:1)
12. Afikae Kleopa kple ehati nusrɔ̃la aɖe yina esime Yesu do amegbetɔ ŋutilã hezɔ kpli wo? (Luka 24:13)
13. Nuka ƒe kakaɖedzie wona mí ne míezɔ ‘le fɔmaɖimaɖi’ me? (Psalmo 84:12)
14. Nu ɖeka ka wɔlae Paulo kple Akwila siaa nye? (Dɔwɔwɔwo 18:3)
15. Viŋutsu nenie Mawu gblɔ ɖi be Abraham vi Ismael adzi? (Mose I, 17:20; 25:16)
16. Ame nenie nye “Yakob vi, siwo katã” ʋu yi Egipte le Farao ƒe mɔɖeɖe nu? (Mose I, 46:27)
17. Nukae Yesu tsɔ amesiwo wɔa nyui na nɔvia sueawo sɔ kplii? (Mateo 25:31-45)
18. Dzesideŋkɔ kae woyɔ na Mawu, si woɖe tso Helagbe me nuŋlɔdzesiwo ƒe gbãtɔ kple mamlɛtɔ me? (Nyaɖeɖefia 1:8)
[Nɔnɔmetata si le axa 16]
Biabiaawo ƒe Ŋuɖoɖowo
1. Simeon ƒe toa
2. Womaɖe srɔ̃ o
3. Itiel kple Ukal
4. Míaƒe tamesusu
5. Teuda kple Yuda, Galileatɔ la
6. Eɖoe be yeagbee
7. Wokpɔe be Petro da gbe le Ainea ŋu le Yesu ƒe ŋkɔa me
8. ‘Wobiae be wòafia dzesi yewo tso dziƒo’
9. Woxɔ ŋusẽ le wo si eye ‘wotsɔ kɔsɔkɔsɔ mavɔwo bla wo ɖe viviti tsiɖitsiɖi me hena ŋkeke gã la ƒe ʋɔnudɔdrɔ̃’
10. Amenyenye siwo ɖi eƒe Wɔla tɔ, si na wòto vovo tso lãwo gbɔ le esi
11. Efia le kpɔɖeŋunyagbɔgblɔ nu be, eƒe fiazikpui si le dziƒo la le dzime boo wu anyigba
12. Emaus
13. Be Yehowa ‘mate nu nyui’ mí o
14. Wonye “avɔgbadɔwɔlawo”
15. Wuieve
16. Blaadre
17. Alẽwo
18. “Alfa kple Omega”