TATA SI MÍESRƆ̃NA

NUSƆSRƆ̃NYATIAWO

▪ Kpɔ Ŋudzedze Ðe Yehowa Ƒe Nɔnɔmewo Ŋu Bliboe

▪ Kpɔ Ŋudzedze Ðe Yehowa Ƒe Dɔmenyonyo Kple Nugɔmesename Ŋu

▪ Kpɔ Ŋudzedze Ðe Yehowa Ƒe Nuteƒewɔwɔ Kple Tsɔtsɔke Ŋu

Ne Kristotɔ geɖewo le ŋugble dem tso Yehowa ŋu la, eƒe nɔnɔme vevi eneawoe vaa susu me na wo zi geɖe. Gake nyati etɔ̃ siawo ana míagakpɔ ŋudzedze ɖe Yehowa ƒe nɔnɔme bubu siwo ŋu míebuna edziedzi o la ŋu geɖe wu. Le wo dometɔ ɖe sia ɖe gome la, míaɖo biabia siawo ŋu: Nu kae nɔnɔme sia fia? Aleke Yehowa ɖenɛ fianae? Eye aleke míate ŋu asrɔ̃ Yehowa le nɔnɔme sia ɖeɖe fia me?

▪ Na Yehowa Namla Wò

Esi Ŋɔŋlɔawo nɔ ŋusẽ si gbegbe Yehowa kpɔ ɖe amegbetɔwo dzi ɖɔm la, eyɔ Yehowa be “mía mèla.” (Yes. 64:7) Nyati sia ana míakpɔ nufiame si le ale si Zemela Gã la trɔ asi le ame ɖekaɖekawo kple dukɔwo ŋu le blema la me na mí. Egadzro ale si eƒe amehehe ate ŋu aɖe vi na mí egbeae hã me.