Nya si Míagblɔ le Magazineawo Ŋu

Gbetakpɔxɔ Sept. 15

“Nyateƒelɔ̃lawo le subɔsubɔha ɖesiaɖe kloe me. Ke hã subɔsubɔhawo lɔ̃a mama dede amewo me. Nukae ana dzianukwaretɔwo nawɔ ɖeka? [Ne eɖo eŋu vɔ la, xlẽ Zefanya 3:9.] Magazine sia fia alesi sidzedze Mawu vavã la na amewo le ɖeka wɔm le afisiafi.”

Nyɔ! Oct. 8

“Mía dometɔ akpa gãtɔ tsɔe ko be nuɖuɖu abɔ ɣeawokatãɣi. Gake fifia amewo va le dzi tsim be dzɔdzɔmeŋutinunya anɔ miaƒe nuɖuɖutsoƒe dem afɔku me. Magazine sia ɖe dzitsitsi mawo dometɔ aɖewo kpakple Biblia me mɔkpɔkpɔ si ku ɖe kuxia ɖeɖeɖa ŋutɔŋutɔ ŋu me.”

Gbetakpɔxɔ Oct. 1

“Ðewohĩ àlɔ̃ ɖe edzi be xɔse va zu nusi me amewo megatsɔa ɖeke le kura o, eye be ame ʋɛ aɖewo koe lɔ̃a nuƒoƒo le eŋu. Gake nukatae wòle alea? [Ne eɖo eŋu vɔ la, xlẽ Hebritɔwo 11:1.] Magazine sia dzro nusi xɔse vavãtɔ nye kple nusi wòfia na mí nenye be xɔse le mia si alo meli o me.”

Nyɔ! Oct. 8

“Abe alesi nènyae ene la, Halloween nye azã xɔŋkɔ aɖe, eye ɖevi geɖewo doa vivi ɖe eŋu. Ðe mɔnukpɔkpɔ su asiwò kpɔ be nàsrɔ̃ nu atso eƒe dzɔtsoƒe ŋua? [Na wòaɖo eŋu.] Meka ɖe edzi be magazine sia xexlẽ adzɔ dzi na wò ŋutɔ, vevietɔ ne dzila si tsɔa ɖe le viawo mee nènye.”