Nya si Míagblɔ le Magazineawo Ŋu

Gbetakpɔxɔ Jan. 15

“Ame geɖe zãa nɔnɔmewɔwɔwo le woƒe tadedeagu me. Èsusu be ŋusẽ le nu mawo ŋu be woana ɖeɖe amea? [Na wòaɖo eŋu.] Taflatse na míakpɔ nusi Mawu vavã la awɔ na mí ɖa. [Xlẽ Nyaɖeɖefia 21:3, 4.] Mawu vavã si li la koe ate ŋu awɔ esia. Magazine sia afia wò amesi wònye kple viɖe siwo míakpɔ le edzixɔxɔse me.”

Nyɔ! Feb. 8

“Ðewohĩ míekpɔ aƒe aɖe le eme eye míegatsia dzi ɖe nɔƒe ŋu fũ o. Gake sitsoƒedila miliɔn geɖe le tsaglãla tsam nublanuitɔe le xexeame godoo, teƒe si woanɔ dedie le makpɔmakpɔe. Nyɔ! sia ƒo nu tso nusi ta kuxi sia li ɖo, kpakple Biblia ƒe ŋugbe si wòdo be aƒe anɔ amesiame si wòayɔ be ye tɔ le etsɔme ŋu.”

Gbetakpɔxɔ Feb. 1

B“Amewo tsi dzi vevie ɖe alesi wole ɖi ƒom míaƒe nutoa mee ŋu. Gake woate ŋu aƒo ɖi míaƒe susu hã; èbu eŋu nenema kpɔa? [Na wòaɖo eŋu.] Biblia la te gbe ɖe alesi wòle vevie be míanɔ dzadzɛ le ŋutilã kple gbɔgbɔ me siaa dzi. [Xlẽ Korintotɔwo II, 7:1.] Meka ɖe edzi be nya si wogblɔ le magazine sia me akpe ɖe ŋuwò.”

Nyɔ! Feb. 8

“Meka ɖe edzi be nède dzesii be togbɔ be srɔ̃ɖeɖewo dzea egɔme kple dzidzɔ hã la, wo dometɔ geɖe me va gblẽna. Medi be Nyɔ! sia, si dzro Biblia ƒe nukpɔsusu ku ɖe alesi woawɔ be srɔ̃ɖeɖe nanɔ anyi ɖaa eye dzidzɔ nanɔ emee la me, nanye tɔwò.”