Nya si Míagblɔ le Magazineawo Ŋu

Gbetakpɔxɔ Jan. 15

“Ðe ʋukɔkɔɖi siwo katã le dzɔdzɔm la na nèbui be vɔ̃ ɖu nyui dzia? [Na wòaɖo eŋu.] Se nusi Biblia gblɔ tso Mawu ŋu ɖa. [Xlẽ Psalmo 83:19b.] Esi Mawue nye Amesi Ðo Kpo ɖe anyigba bliboa dzi ta la, ɖe vɔ̃ ate ŋu aɖu nyui dzi vavã? [Na wòaɖo eŋu.] Gbetakpɔxɔ sia ɖo nyabiase ma ŋu eme kɔ ƒã.”

Nyɔ! Jan. 22

“Míaƒe dedienɔnɔ meɖo afɔku me ɣeaɖekeɣi kpɔ wu fifia o. Nusi ŋu ame geɖe le dzi tsim ɖo enye woƒe ɖaseɖigbalẽviwo kple wo ŋu nya ɣaɣlawo fifi le adzame. Èse nya ma kpɔa? [Na wòaɖo eŋu.] Biblia do ŋugbe be ɣeyiɣi aɖe ava si me nusiwo katã gblẽa nu le míaƒe dedienɔnɔ ŋu la nu ayi tegbee le anyigba dzi. [Xlẽ Yesaya 11:9.] Magazine sia ɖe alesi esia ava emee me.”

Gbetakpɔxɔ Feb. 1

“Egbea ame geɖe tsia dzi ɖe dɔmakpɔwɔe ŋu, eye ame bubuwo hã wɔa dɔ le ameteteɖeanyi kple nyaƒoɖeamenu sesẽwo te. Ðe nèsusu be woate ŋu akpɔ dzidzɔ eye woanɔ dedie hã le dɔwɔƒea? [Na wòaɖo eŋu. Emegbe xlẽ Yesaya 65:21-23.] Gbetakpɔxɔ sia dzro ɣeyiɣi si me amesiame akpɔ dɔ si me viɖe le awɔ la me.”

Nyɔ! Feb. 8

“Nyɔ! sia ka nya ta ku ɖe nu wɔnublanui aɖe si le dzɔdzɔm le míaƒe ɣeyiɣia me ŋu—eyae nye ɖeviwo kpɔkplɔ de gbolowɔwɔ me. Biblia do ŋugbe be eteƒe madidi o nu nyɔŋu sia si nye ŋutasẽnuwɔwɔ ɖe ɖeviwo ŋu nu ayi. [Xlẽ Lododowo 2:21, 22.] Magazine sia ɖe nusi he ɖeviwo dome gbegblẽ alea vɛ kple alesi woava ɖee ɖae me.”