Nya si Míagblɔ le Magazineawo Ŋu

Gbetakpɔxɔ Mar. 15

“Ðe nàlɔ̃ ɖe edzi be dziɖuɖu dzɔdzɔe kpɔkpɔ ana xexe sia nanyo ɖe edzi wua? [Na wòaɖo eŋu.] Taflatse kpɔ nusi ƒe ŋugbe Biblia do ɖa. [Xlẽ Psalm 37:11.] Míate ŋu akpɔ ŋutifafa sia tɔgbe si ava eme ŋutɔŋutɔ le Kplɔla nyuitɔ, si wofia asii le magazine sia me, la ƒe dziɖuɖu te.”

Nyɔ! Apr. 8

“Anyigbaʋuʋuwo wɔnɛ be ame gbogbowo kuna eye nunɔamesi geɖe dome gblẽna. Zi geɖe la, agbetsilawo zua aƒemanɔsitɔ siwo megate ŋu ɖoa woƒe tsã nɔnɔmewo me o. Nyɔ! sia gblɔ alesi fukpela aɖewo te ŋu nɔ te ɖe anyigbaʋuʋu aɖe me tsonuwo nui. Eɖe alesi anyigbaʋuʋuwo nye Biblia ƒe nyagblɔɖi vevi aɖe me vava hã me.”

Gbetakpɔxɔ Apr. 1

“Na maxlẽ Biblia me nya dodzidzɔname aɖe na wò. [Xlẽ Mateo 22:37.] Nukae nèsusu be nya siawo fia? [Na wòaɖo eŋu.] De dzesi nyati sia si nye, ‘Di Mawu tso Dzi Kple Susu Blibo Me.’ Ðe xɔse vavãtɔ nye dzime ƒe nya dzro koa, alo ɖe wòle be míaƒe susu hã nawɔ akpa aɖea? Ŋuɖoɖo si nàkpɔ ado dzidzɔ na wò.”

Nyɔ! Apr. 8

“Meka ɖe edzi be àlɔ̃ ɖe edzi be ƒomea ƒe nuhiahiãwo gbɔ kpɔkpɔ va le sesẽm ŋutɔ le ŋkeke siawo me, eye vidadanyenye mele bɔbɔe kura o. Nyɔ! sia dzro nyati si nye ‘Vidadanyenye—Ðe Wòbia Be Woanye Kutrikula Ŋutɔa?’ me. Madi be matsɔe ana wò.”