Nya si Míagblɔ le Magazineawo Ŋu

Gbetakpɔxɔ Mar. 1

“Ɣeaɖeɣi ame aɖe bia nya sia Yesu Kristo be: ‘Seawo katã dome la kae nye gbãtɔ mahã?’ Se alesi wòɖo eŋui ɖa. [Xlẽ Marko 12:29, 30.] Èbu nusi Yesu ƒe nya mawo fia ŋu kpɔa? [Na wòaɖo eŋu.] Nyati sia si nye ‘Alesi Míeɖea Míaƒe Lɔlɔ̃ Na Mawu Fianae’ dzro gɔmesese si le eƒe nya ma si ame geɖe nya ŋu me.”

Nyɔ! Mar. 8

“Ɣeaɖeɣi va yi la, ame geɖe vɔ̃na ŋutɔ be nukliaʋa adzɔ. Èbu be vɔvɔ̃ gali egbea be nukliaʋa ate ŋu adzɔa? [Na wòaɖo eŋu.] Magazine sia dzro nudzɔdzɔ yeye aɖewo siwo ka mí katã me. Eɖe ŋugbe si Biblia do ku ɖe xexe si me amewo magavɔ̃ le azɔ o hã me.” Xlẽ Zefanya 3:13.

Gbetakpɔxɔ Mar. 15

“Míele kpewòm be nàva wɔ ɖeka kpli mí le Aƒetɔ ƒe Fiẽnuɖuɖu ƒe wɔnaa me, si dze Kwasiɖagbe, April 4 lia dzi. [Zã magazinea ƒe megbekpa alo Ŋkuɖodzi ƒe amekpegbalẽvia dzi nyawo nàtsɔ aɖe wɔnaa me nɛ. Emegbe xlẽ Luka 22:19.] Nyati siwo le Gbetakpɔxɔ sia ƒe gɔmedzedze dzro gɔmesese si le azã sia ŋu kple alesi wòle be woaɖui me.”

Nyɔ! Apr. 8

Ne èƒo nu tso afɔku aɖe si le susu me na amewo ŋu vɔ la, bia be: “Èbu nusita Mawu ɖea mɔ nusiawo tɔgbe dzɔna ŋu kpɔa? [Na wòaɖo eŋu. Emegbe xlẽ Yakobo 1:13.] Nyati sia si woŋlɔ na sɔhɛwo koŋ tsɔ ɖo woƒe biabia ŋu ɖe nusita mía Wɔla lɔlɔ̃a mehe fu si kpem ameƒomea le la va nuwuwui haɖe o me.”