Nya si Míagblɔ le Magazineawo Ŋu

Gbetakpɔxɔ Aug. 15

“Nukae nèbu be eyae nye nuteƒewɔwɔ si ƒo ɖesiaɖe ta? [Na wòaɖo eŋu.] Nyati sia te gbe ɖe nuteƒewɔwɔ na Mawu vavã la dzi. [Ʋu axa 5 lia fiae, eye nàxlẽ Samuel II, 22:26.] Ènyae be nuteƒewɔwɔ na Mawu ate ŋu akpe ɖe amewo ŋu be woaƒo asa na ŋutasẽnuwo wɔwɔ ɖe ame bubuwo ŋua? Menya be nuxexlẽ tso eŋu ado dzidzɔ na wò.”

Nyɔ! Sept. 8

“Ðe wòte ɖe dziwò kpɔ be ameƒomea ƒe ɖiƒoƒo anyigba ƒe kuxia va gbɔ emea?” [Na wòaɖo eŋu.] Nu vevitɔ si hea kuxia vɛ enye nuwo dome gbegblẽ. Yesu fia eyomedzelawo be woaganye nudomegblẽlawo o. [Xlẽ Yohanes 6:12.] Magazine sia gblɔ alesi Biblia ƒe gɔmeɖosewo ŋudɔwɔwɔ ate ŋu akpe ɖe ƒomewo ŋu be woaƒo asa na nuwo tsɔtsɔ ƒu gbe yakayaka ƒe nɔnɔmea.”

Gbetakpɔxɔ Sept. 1

“Ède dzesii be le teƒe geɖe la, aƒelikawo menya wo nɔewo abe alesi wònɔ tsã ene oa? [Na wòaɖo eŋu.] Yesu gblɔ gɔmeɖose vevi si ate ŋu akpe ɖe ame ŋu wòanye aƒelika nyui. [Xlẽ Mateo 7:12.] Nyati siawo gblɔ alesi míawɔ anye aƒelika nyuiwo kple alesi míade dzi ƒo na ame bubuwo be woawo hã nazu aƒelika nyuiwoe.”

Nyɔ! Sept. 8

“Agbemenyawo na ame geɖe tɔtɔ egbea. [Xlẽ Nyagblɔla 9:11.] Afikae woate ŋu akpɔ mɔfiafia si ŋu kakaɖedzi le la tsoe? [Na wòaɖo eŋu.] Ame aɖewo trɔna ɖe afakadzesiwo ŋu. Ðe esia nye mɔ si dzi nàto anya wò etsɔmea? Afikae nàte ŋu akpɔ nyatakaka si ŋu kakaɖedzi le ku ɖe etsɔme ŋu le? Nyɔ! sia na biabia siawo ƒe ŋuɖoɖowo.”