Nya Si Míagblɔ Le Magazineawo Ŋu

Gbetakpɔxɔ Aug. 1

“Èlɔ̃ ɖe edzi be wɔwɔ ɖe Yesu ƒe sedede sia dzi ana be dzidzɔ si le ƒomea me nadzi ɖe edzia? [Xlẽ Yohanes 13:34. Ðe mɔ wòaɖo eŋu.] Nyati sia ɖe ale si Yesu ƒe nufiafiawo kple kpɔɖeŋu si wòɖo ɖi la ku ɖe ƒomea me tɔ ɖe sia ɖe ŋui la fia.” Tsɔ nyati si dze egɔme tso axa 16 kple 17 lia la fiae.

Awake! Aug.

“Èbu be amegbetɔwo ƒe dziɖuɖuwo ate ŋu akpɔ xexea me katã ƒe dzoxɔxɔ ƒe kuxia gbɔ dzidzedzetɔea? [Ðe mɔ wòaɖo eŋu. Emegbe xlẽ Yeremiya 10:23.] Nyati sia xexlẽ ado dzidzɔ na wò. Eƒo nu tso ale si Mawu ava kpɔ kuxi siwo le nu gblẽm le míaƒe anyigba ŋu la gbɔe ŋu.”

Gbetakpɔxɔ Sept. 1

“Ame geɖe nya Yesu ƒe nya siwo dze le Mateo 6:9. [Xlẽe.] Gake esesẽna na ame geɖe be woate ɖe Mawu ŋu abe Fofo ene. Le wò susu nu la, aleke míate ŋu awɔ ate ɖe Mawu ŋu? [Ðe mɔ wòaɖo eŋu.] Magazine sia dzro mía Fofo si le dziƒo la ƒe nɔnɔme vovovowo kple ale si míawɔ anyae nyuie la me.”

Awake! Sept.

“Le ƒe alafa siwo katã va yi me la, wohe glãka le nukpɔsusu si nye be amewo ganɔa agbe le ku megbe la ŋu. Nu kae wò ya nèsusu? [Ðe mɔ wòaɖo eŋu.] Se ale si Hiob ɖe nu si dzi wòxɔ se gblɔe la ɖa. [Xlẽ Hiob 14:14, 15.] Nyati siawo ƒo nu tso Biblia ƒe nukpɔsusu ku ɖe agbenɔnɔ le ku megbe ŋu la ŋu.”