Nya si Míagblɔ le Magazineawo Ŋu

Gbetakpɔxɔ July 15

“Ame geɖe de dzesii be amewo va le wo ɖokui ɖem ɖe aga eye womegadina be yewoade ha kple amewo o. Èsusu be nunya le ema wɔwɔ mea? [Ðe mɔ wòaƒo nu.] Se nya nyui sia si wogblɔ tso viɖe si nɔa xɔlɔ̃wɔwɔ ŋu ɖa. [Xlẽ Nyagblɔla 4:9, 10.] Magazine sia ƒo nu tso nusita mí katã míehiã mía nɔewo kple alesi míate ŋu akpɔ ameɖokui ɖeɖe ɖe aga ƒe kuxia gbɔe ŋu.”

Nyɔ! Aug. 8

“Ame geɖe tsi dzi vevie le alesi amamaɖeɖenuwɔna va bɔ ɖe afisiafii ta. Èbu be enye nya si ŋu wòle be míatsi dzi ɖoa? [Ðe mɔ wòaƒo nu.] Aɖaŋuɖoɖo nyui aɖe si dze le Biblia me ate ŋu akpɔ mía ta. [Xlẽ Efesotɔwo 5:3, 4.] Magazine sia fia alesi míate ŋu akpɔ mía ɖokui ta tso ayemefɔku sia ŋui.”

Gbetakpɔxɔ Aug. 1

“Ènya be le nyatakaka aɖe nu la, ga si mede dɔla 2 o nue anyigbadzinɔlawo ƒe xexlẽme ƒe afã kple edzivɔ nɔa agbe ɖo gbesiagbea? Èsusu be nane li woawɔ atsɔ aɖɔ nɔnɔme sia ɖoea? [Ðe mɔ wòaƒo nu.] Gbetakpɔxɔ sia ƒo nu tso nusi akpɔ hiãkame ƒe kuxia gbɔ tegbee ŋu abe alesi wòle Biblia mee ene.”—Xlẽ Psalmo 72:12, 13, 16.

Nyɔ! Aug. 8

“Le ƒe siawo me la, afɔku siwo yame ƒe nɔnɔme manyomanyowo he vɛ la gblẽ nu vevie le xexeame godoo. Nukae nèsusu be woate ŋu awɔ atsɔ aɖe fukpekpe siwo esia hena vɛ dzi akpɔtɔ? [Ðe mɔ wòaƒo nu.] Magazine sia ƒo nu tso yame ƒe nɔnɔme ƒe tɔtrɔ kple kuxia gbɔ kpɔnu si ŋu Biblia ƒo nu tsoe la ŋu.”—Xlẽ Yesaya 35:1.