Nya Si Míagblɔ Le Magazineawo Ŋu

Gbetakpɔxɔ July 1

“Èbia ɖokuiwò kpɔ be nu ka tae wowɔa ŋlɔmi le amewo ŋu le esi woƒe ŋutigbalẽ to vovo alo wonye dukɔ bubu me tɔwo alo esi wodoa gbe bubuwo ta ɖo mahã? [Ðe mɔ wòaɖo eŋu.] Kpɔ susu aɖe si ta wowɔa esia ɖo la ɖa. [Xlẽ Yohanes I, 4:20.] Magazine sia ɖo biabia si nye, Ðe ɖekawɔwɔ le gbe vovo dolawo dome anya wɔa?”

Awake! July

“To vovo na lã, siwo wɔa nu ɖe dzɔdzɔme seselelãme nu la, ŋutete le amegbetɔwo ya si be woatia dzidzenu si nu woanɔ agbe ɖo. Afi kae nèsusu be míakpɔ mɔfiame si ŋu kakaɖedzi le la le? [Ðe mɔ wòaɖo eŋu. Emegbe xlẽ Psalmo 119:105.] Magazine sia ɖe ale si mɔfiame siwo le Biblia me de ŋgɔ wue la me.”

Gbetakpɔxɔ July 15

“Ame vevi aɖe ƒe ku ate ŋu ana woaxa nu vevie. Èsusu be ame siwo ku ƒe akpa aɖe yia edzi nɔa agbe le ku megbea? [Ðe mɔ wòaɖo eŋu.] Yesu do ŋugbe dedziƒoname sia na mí. [Xlẽ Yohanes 5:28, 29.] Esi wònye be Yesu gblɔ be tsitretsitsia ‘gbɔna’ ta la, magazine sia ɖe nu si Biblia gblɔ ku ɖe afi si ame kukuwo le fifia ŋu la me.”

Awake! July

“Ame geɖewo dzea agbagba nɔa agbe ale si woate ŋui, eye wosusunɛ be ele vevie be woanye ame nyui. Nenemae wò hã èsusuna? [Ðe mɔ wòaɖo eŋu.] Kpɔ afɔku si wòate ŋu anye ne nu si míebuna be enye nu nyui la to vovo na Mawu tɔ la ɖa. [Xlẽ Lododowo 14:12.] Nyati sia ɖe nu si wòfia be woanye ame nyui le Mawu ƒe ŋkume la me.” Tsɔ nyati si dze egɔme tso axa 20 lia la fiae.