Nya si Míagblɔ le Magazineawo Ŋu

Gbetakpɔxɔ July 1

“Ne afɔkuwo dzɔ la, ame geɖe biaa wo ɖokuiwo be ɖe Mawu tsɔa ɖe le eme na amewo hekpɔa fu siwo kpem wole ŋutɔŋutɔ hã. Wò hã èbu eŋu nenema kpɔa? [Na wòaɖo eŋu.] Magazine sia dzro alesi Mawu tsɔa ɖe le eme na míi egbea kple alesi wòwɔ ɖoɖo be yeaɖe fukpekpewo katã ɖa me.” Xlẽ Yohanes 3:16.

Nyɔ! July 8

“Ame geɖe buna ƒewuimenɔɣiwo be wonye dzidzɔ kple kuxiwo siaa ƒe ɣeyiɣi, alo mèlɔ̃ ɖe edzi oa? [Na wòaɖo eŋu.] Magazine sia dzro tɔtrɔ siwo vana ƒewuiviwo ƒe agbenɔnɔ me la me. Edzro aɖaŋuɖoɖo nyui aɖewo siwo ate ŋu akpe ɖe wo ŋu woakpɔ viɖe gãtɔ kekeake tso woƒe ƒewuiwo me hã me.” Xlẽ Nyagblɔla 12:1.

Gbetakpɔxɔ July 15

“Ne woƒo nu tso nudzɔdzɔ sia tɔgbe [esi dze le akpaa dzi] ŋu le nyadzɔdzɔgbalẽwo me egbea la, ɖewohĩ ame akpa gãtɔ maka ɖe edzi o. Nukae wò ya nèsusu? [Ðe mɔ nɛ wòaƒo. Emegbe xlẽ Marko 4:39.] Kpeɖodzi kae li be nu ŋutɔŋutɔe nukunu siwo Yesu wɔ la nye? Gbetakpɔxɔ ƒe tata sia dzro nyabiabia sia me.”

Nyɔ! July 22

“Le xexeame egbea la, nuvlowɔlawo va le mɔnu yeyewo ŋudɔ wɔm edziedzi be yewoatsɔ ada dzo amesiwo mele ŋudzɔ ɖe wo ɖokuiwo ŋu o. Ðe nya sia ka wò hã? [Na wòaɖo eŋu.] Nyɔ! ƒe tata sia dzro aɖaŋuɖoɖo ʋɛ aɖewo siwo ate ŋu akpe ɖe mía ŋu míakpɔ mía ɖokui ta tso adzodalawo si me.” Xlẽ Lododowo 22:3.