Nya si Míagblɔ le Magazineawo Ŋu

Gbetakpɔxɔ Aug. 1

“Esi ameƒomea me ma kakɛkakɛ alea gbegbe ta la, ame aɖewo susu be mɔ ɖeka kolia si dzi woato ŋutifafa nanɔ xexeamee nye be woaɖo xexeame katã ƒe dziɖuɖu aɖe. Èsusu be nusia anya wɔa? [Na wòaɖo eŋu. Emegbe nàxlẽ Daniel 2:44.] Magazine sia dzro nusi Mawu ƒe Fiaɖuƒea le wɔwɔm fifia kple alesi madidi o wòahe xexeame katã ƒe ŋutifafa vɛ me.”

Nyɔ! Aug. 8

“Etena ɖe mí katã mía dzi ne míese alesi wole ɖeviwo zãm kluviwoe. Ðewohĩ èbu eŋu kpɔ be, ‘Ðe Mawu tsɔ ɖe ele eme vavã?’ [Na wòaɖo eŋu. Emegbe nàxlẽ Psalmo 72:12-14.] Nyati sia dzro alesi Mawu sena le eɖokui me ɖe ɖeviwo ŋu kple alesi wòahe gbɔdzɔe mavɔ vɛ na amesiwo katã wole fu wɔmee kpuie la me.”

Gbetakpɔxɔ Aug. 15

“Egbea ame geɖe dia aɖaŋuɖoɖo tsoa teƒe vovovowo ku ɖe srɔ̃ɖeɖe kple vihehe ŋu. Afikae nèsusu be woate ŋu akpɔ aɖaŋuɖoɖo nyuitɔ kekeake le? [Na wòaɖo eŋu.] Gbetakpɔxɔ sia ƒo nu tso ameƒomea Wɔla ƒe aɖaŋuɖoɖo aɖewo siwo me nunya le ku ɖe ƒomegbenɔnɔ ŋu la ŋu.” Xlẽ Psalmo 32:8.

Nyɔ! Aug. 22

“Ðe nèsusu be ele vevie be vifofowo nakpɔ gome le wo viwo hehe mea? [Na wòaɖo eŋu.] Nyɔ! sia ƒo nu tso vifofowo ƒe woƒe ƒomewo gbɔ manɔmanɔ ƒe kuxi si le dzidzim ɖe edzi la ŋu. Eƒo nu tso alesi vifofowo ate ŋu ahe wo viwo nyuie hã ŋu.” Xlẽ Lododowo 13:1.