Nya si Míagblɔ le Magazineawo Ŋu

Gbetakpɔxɔ Feb. 1

“Mí katã míehiã na ga ale be agbea nanya nɔ na mí. Gake abe alesi wogblɔe le afisia ene la, ɖe màlɔ̃ ɖe edzi be ehiã be míaɖɔ ŋu ɖo le afɔku sia ŋu oa? [Xlẽ Timoteo I, 6:10, eye ɖe mɔ wòaɖo eŋu.] Gbetakpɔxɔ ƒe tata sia kpe ɖe mía ŋu be míade dzesi afɔku siwo ŋutilã me dzidzedzekpɔkpɔ te ŋu hena vɛ, eye wòɖo aɖaŋu na mí tso alesi míawɔ aƒo asa na woe ŋu.”

Nyɔ! Feb.

“Mía dometɔ geɖe siwo si ƒometɔ alo xɔlɔ̃ tsitsiwo le dea ŋugble le kpekpeɖeŋu si tututu míate ŋu ana wo be woate ŋu akpe akɔ kple gbetɔame siwo tsitsi hena vɛ ŋu. Alo menye nenemae oa? [Ðe mɔ wòaɖo eŋu.] Magazine sia ɖo aɖaŋu le nusi míate ŋu awɔ be tsitsi me kuxiwo nate ŋu anya tsɔ na mí ŋu. Eɖe alesi nyagblɔɖi sia ava emee hã me na mí.” Xlẽ Hiob 33:25.

Gbetakpɔxɔ Feb. 15

“Ne wobia tso asiwò be nàtia amesi aɖu xexeame dzi la, amekae nàtia? [Ðe mɔ wòaɖo eŋu.] Gbetakpɔxɔ ƒe tata sia ƒo nu tso nusiwo ɖee fia be Mesia, amesi Mawu tia, lae dze be wòaɖu xexeame dzi ŋu. Eɖe nusi eƒe dziɖuɖu awɔ na amegbetɔƒomea hã me.” Xlẽ Yesaya 9:5, 6.

Nyɔ! Feb.

“Amewo subɔna mawu geɖewo egbea. Gake se nya si Yesu gblɔ le gbedodoɖa me na Fofoa si le dziƒo la ɖa. [Xlẽ Yohanes 17:3.] Ne Mawu vavã ɖeka koe li ɖe, ke nya kae míagblɔ le mawu bubuawo katã ya ŋu? [Ðe mɔ wòaɖo eŋu.] Nyati sia gblɔ Biblia ƒe nukpɔsusu le nyaa ŋu.” Tsɔ nyati si le axa 28-9 la fiae.