Nya Si Míagblɔ Le Magazineawo Ŋu

Gbetakpɔxɔ Feb. 1

“Ŋusẽ kae nèbu be aɖaŋuɖoɖo sia dzi wɔwɔ akpɔ ɖe ƒomewo dzi? [Xlẽ Efesotɔwo 4:31. Emegbe ɖe mɔ wòaɖo eŋu.] Nyati sia na Biblia me ɖaŋuɖoɖo nyui aɖewo mí ku ɖe ale si míakpɔ masɔmasɔwo gbɔ ahana dzidzɔ nayi edzi anɔ ƒomea me la ŋu.” Tsɔ nyati si dze egɔme tso axa 18 lia la fiae.

Awake! Feb.

“Ame aɖewo xɔe se be Mawu léa míaƒe vodada ɖe sia ɖe ɖi. Gake ame bubuwo ya susunɛ be etsɔa nu vɔ̃wo katã kena, aleke kee woɖaloloe o. Nu kae nèsusu? [Ðe mɔ wòaɖo eŋu. Emegbe xlẽ Dɔwɔwɔwo 3:19.] Nyati sia dzro nu etɔ̃ siwo Biblia gblɔ be ame nawɔ hafi Mawu nakpɔ nublanui nɛ la me.” Tsɔ nyati si dze egɔme tso axa 10 lia la fiae.

Gbetakpɔxɔ Mar. 1

“Madi be manya wò nukpɔsusu ku ɖe mawunyakpukpui nyanyɛ sia ŋu. [Xlẽ Yohanes 3:16.] Èbia ɖokuiwò se be, aleke ame ɖeka ƒe ku ate ŋu ana ame bubuwo nakpɔ agbe mavɔ mahã kpɔa? [Ðe mɔ wòaɖo eŋu.] Magazine sia na numeɖeɖe fadziname si me kɔ ku ɖe nu si míawɔ be Yesu ƒe kua naɖe vi na mí la ŋu.”

Awake! Mar.

“Èsusu be subɔsubɔhawo katãe nyoa? [Ðe mɔ wòaɖo eŋu.] Kpɔ nya si Biblia gblɔ ku ɖe ame aɖewo ƒe tadedeagu ŋu ɖa. [Xlẽ Marko 7:7.] Aleke ame ate ŋu awɔ anya ne nyateƒea fiamee subɔsubɔha aɖe le ke menye ‘amegbetɔwo ƒe sededewoe’ o? Ðe míate ŋu ake ɖe mawusubɔsubɔ me nyateƒea ŋu vavã? Magazine sia ɖo nyabiase siawo ŋu.”