Nya Si Míagblɔ Le Magazineawo Ŋu

Gbetakpɔxɔ Apr. 1

“Lãmesẽnyawo, ƒome kuxiwo, kple míaƒe dɔwɔɖui ŋu nyawo dzea ŋgɔ mí gbe sia gbe kloe. Afi kae nèbu be míate ŋu akpɔ ŋuɖoɖo nyuiwo le atsɔ akpɔ kuxi siawo gbɔe? [Ðe mɔ wòaɖo eŋu.] Se nya si Biblia gblɔ la ɖa le Timoteo II, 3:16. [Xlẽe.] Magazine sia ɖe ale si Biblia ate ŋu akpe ɖe mía ŋu le mɔ siwo ade mía dzi nu me.”

Awake! Apr.

“Le xexea ƒe akpa geɖe la, amewo de dzesii be agbenyuinɔnɔ le to yim ŋutɔ. Wò hã ède dzesi esia? [Ðe mɔ wòaɖo eŋu.] Nɔnɔme siwo kpɔm míele egbea la nye Biblia ƒe nyagblɔɖi aɖe me vava. [Xlẽ Timoteo II, 3:2-4.] Magazine sia ɖe ale si agbenyuinɔnɔ ƒe dzidzenuwo le to yimee kple afi si wòkplɔ ameƒomea ɖo tae la me.”

Gbetakpɔxɔ Apr. 15

“Edze abe ŋutasẽnuwɔnawo va le bɔbɔm ŋutɔ ene. [Gblɔ esiwo dzɔ le miaƒe nutoa me la dometɔ ɖeka alo gblɔ ɖe tso magazinea me.] Èbu ale si gbegbe amewo te ŋu sẽa ŋuta vevie la ŋu kpɔa? [Ðe mɔ wòaɖo eŋu.] Biblia gblɔ ŋutasẽnuwɔnawo ƒe dzidziɖedzi ŋu nya ɖi. [Xlẽ Timoteo II, 3:1-5.] Magazine sia ɖo nyabiase si nye, ‘Ðe Ŋutasẽnuwo Wɔwɔ Nu Ava Yia?’ ŋu.”

Awake! Apr.

“Ame geɖewo gblɔna be Kristotɔwoe yewonye. Nu kae nèbu be Kristotɔnyenye fia? [Ðe mɔ wòaɖo eŋu.] Se nya si Yesu gblɔ le afi sia la ɖa. [Xlẽ Yohanes 15:14.] Nyati sia ɖee fia be Kristotɔnyenye lɔ nu geɖe ŋutɔ ɖe eme wu gbɔgblɔ ko be yenye Kristotɔ.” Tsɔ nyati si dze egɔme tso axa 26 la fiae.