Nya Si Míagblɔ Le Magazineawo Ŋu

Gbetakpɔxɔ Sept. 1

“Afi kae nèsusu be míate ŋu atrɔ ɖo hena aɖaŋuɖoɖo si ŋu kakaɖedzi le la xɔxɔ ne míedze ŋgɔ nyametsotso veviwo wɔwɔ? [Ðe mɔ wòaɖo eŋu. Xlẽ Lododowo 3:5, 6.] Nyati sia te gbe ɖe Mawu me nunya si nye be míabu nu siwo ava do tso nyametsotso aɖe wɔwɔ me ŋu do ŋgɔ hafi awɔe la dzi.” Ƒo nu tso nyati si le axa 8 lia la ŋu nɛ kpuie.

Awake! Sept.

“Èsusu be Mawu ƒe tameɖoɖoe wònye be amegbetɔwo nanɔ nuɖuɖu ƒe veve si le edzi yim le anyigba katã dzi egbea la ƒe fu kpema? [Ðe mɔ wòaɖo eŋu.] De dzesi nu si wòava wɔ atsɔ akpɔ kuxi sia gbɔe. [Xlẽ Psalmo 72:16.] Nyati sia ƒo nu tso ale si Mawu agbugbɔ Paradiso la aɖo anyi le anyigba dzi la ŋu.” Tsɔ nyati si dze le axa 7 lia la fiae.

Gbetakpɔxɔ Oct. 1

“Le ɣeyiɣi siawo siwo me nuwo tea ŋu trɔna kpata me la, ame geɖe tsi dzi ɖe woƒe etsɔme ŋu. Nu kae kpe ɖe ŋuwò be nukpɔsusu nyui gakpɔtɔ le asiwò? [Ðe mɔ wòaɖo eŋu.] Se Biblia me ŋugbedodo sia ɖa. [Xlẽ Yesaya 65:17.] Magazine sia gblɔ susu vevi aɖewo siwo ta míakpɔ mɔ be nuwo anyo le etsɔme.”

Awake! Oct.

“Internet nye dɔwɔnu aɖe si ŋu viɖe le, gake ate ŋu anye afɔku na ɖeviwo koŋ. Nu kae míate ŋu awɔ atsɔ akpɔ wo tae? [Ðe mɔ wòaɖo eŋu.] Taflatsɛ se nya sia ɖa. [Xlẽ Lododowo 18:1 eye nàgblɔ ale si woawɔ eŋudɔe.] Esia nye Biblia me gɔmeɖose ade siwo ŋu nyati sia ƒo nu tsoe la dometɔ ɖeka si akpe ɖe dzilawo ŋu be woakpɔ wo viwo ta.” Tsɔ nyati si dze le axa 8 lia la fiae.