Nya Si Míagblɔ Le Magazineawo Ŋu

Gbetakpɔxɔ October 1

“Ame geɖe biaa wo ɖokuiwo be, ɖe Mawu tsɔa ɖe le míaƒe dzimaɖitsitsiwo kple nuxaxawo me mahã. Nu kae nye wò susu? [Ðe mɔ wòaɖo eŋu. Eyome xlẽ Psalmo 34:19.] Nyati si dze egɔme tso axa 19 la dzro ale si Mawu kpena ɖe mía ŋu be míaɖu seselelãme manyomanyowo, abe sese le ame ɖokui me be yemele ɖeke me o, blanuiléle si gbɔ eme, kple fɔbuameɖokui si gbɔ eme ene, dzi.”

Awake! October

“Ame aɖewo bua Mawu be ŋusẽ aɖe koe wònye li. Ame bubuwo bunɛ be enye ame ŋutɔŋutɔ si si seselelãme le. Nu kae nye wò susu? [Ðe mɔ wòaɖo eŋu.] Se nya dodzidzɔname sia ɖa. [Xlẽ 1 Petro 5:6, 7.] Nyati si dze egɔme tso axa 29 la ɖo nyabiase si nye, Ame ŋutɔŋutɔe Mawu nyea? ŋu tso Biblia me.”

Gbetakpɔxɔ November 1

“Mía dometɔ ɖe sia ɖe dina be yeakpɔ dzidzeme le agbe me. Èsusu be ele be ga nanɔ mía si hafi míase le mía ɖokui me be nu dze edzi na mía? [Ðe mɔ wòaɖo eŋu.] Biblia ŋlɔla aɖe srɔ̃ ale si wòakpɔ ŋudzedze ɖe nu si le esi la ŋu, ne nu ʋɛ aɖewo koe le esi gɔ̃ hã. [Xlẽ Filipitɔwo 4:11, 12.] Magazine sia gblɔ nu vevi atɔ̃ siwo dze le Biblia me siwo nana nu si le ame si dzea eŋu.”

Awake! November

“Mawudzimaxɔsela aɖewo hea susu yia nu gbegblẽ siwo amewo wɔna le Mawu ƒe ŋkɔme la dzi hegblɔna be, xexea me anya nɔ wu ne subɔsubɔhawo meli o. Nu kae nye wò susu? [Ðe mɔ wòaɖo eŋu.] Kpɔ nu siwo gbɔ wòtsɔ be subɔsubɔhawo wɔa nu gbegblẽwo la dometɔ ɖeka ɖa. [Xlẽ 2 Timoteo 4:3, 4.] Magazine sia tɔ asi vodada aɖewo siwo le mawudzimaxɔselawo ƒe nuŋububua me la dzi.”