Kpɔɖeŋudzeɖonyawo

Esi Míatsɔ Adze Biblia Nusɔsrɔ̃wo Gɔme Le Memleɖa Gbãtɔ Dzi Le April Me

“Kristotɔ geɖewo nyrɔa ame siwo di be yewoazu woƒe hameviwo. Ðe wòle kokoko be woanyrɔ amewoa? Nu kae nye wò susu? [Ðe mɔ wòaɖo eŋu.] Woɖe nya vevi aɖewo me le nyati sia me.” Eyome tsɔ April 1 ƒe Gbetakpɔxɔ la na aƒemenɔlaa, eye midzro numeɖeɖe si le tanya sue gbãtɔ si le axa 16 lia te la me ɖekae eye mixlẽ mawunyakpukpuiawo dometɔ ɖeka ya teti. Tsɔ magazineawo nae eye nàwɔ ɖoɖo be yeatrɔ ava dzro nyabiase si kplɔe ɖo la me kplii.

The Watchtower April 1

“Nukpɔsusu vovovowo le amewo si ku ɖe Yesu ŋu. Ame aɖewo susuna be eyae nye Mesia si ŋugbe wodo la. Ame bubuwo susuna be ame nyui aɖe ko wònye. Eye ame bubuwo hã xɔe se be menɔ anyi kpɔ gɔ̃ hã o. Nu kae nye wò susu? [Ðe mɔ wòaɖo eŋu.] Le Biblia ƒe nya nu la, ele vevie be míanya nyateƒe si ku ɖe Yesu ŋu. [Xlẽ Yohanes 17:3.] Ale si Biblia ɖo nya siwo amewo biana tso Yesu ŋu zi geɖe la dometɔ aɖewo ŋui la dze le magazine sia me.”

Awake! April

“Míele ƒomewo srãm kpɔ hele kpekpeɖeŋu nam wo. Ðe èlɔ̃ ɖe edzi be ƒomewo le kuxi geɖewo me tom egbea? [Ðe mɔ wòaɖo eŋu.] Kpɔ afi si ƒome geɖe kpɔ aɖaŋuɖoɖo nyuiwo le ɖa. [Xlẽ Psalmo 119:105.] Magazine sia dzro ale si atikɔmeƒomewo wɔa Biblia me gɔmeɖosewo ŋu dɔ tsɔ kpɔa kuxi siwo ɖea fu na woƒe ƒomea gbɔ dzidzedzetɔe la me.”