Kpɔɖeŋudzeɖonyawo

Esi Míatsɔ Adze Biblia Nusɔsrɔ̃wo Gɔme Le Memleɖa Gbãtɔ Dzi Le December Me

“Le ƒea ƒe ɣeyiɣi sia me la, ame geɖe ƒe susu le Yesu ŋu. Le wò susu nu la, nu kae nye nu gãtɔ kekeake si Yesu wɔ? [Ðe mɔ wòaɖo eŋu.] Kpɔ nyati si le magazine sia ƒe axa 16 lia ƒe tanya ɖa.” Tsɔ December 1 ƒe Gbetakpɔxɔ la na aƒemenɔlaa, eye midzro numeɖeɖe si le tanya sueawo dometɔ ɖeka te me eye mixlẽ mawunyakpukpuiawo dometɔ ɖeka ya teti eye miadzro eme. Tsɔ magazineawo nae, eye nàwɔ ɖoɖo be yeatrɔ ava dzro nyabiase si kplɔe ɖo la me kplii.

The Watchtower December 1

“Le ɣeyiɣi siawo me la, ame geɖe kpɔa mɔ na Kristmas-zã la vevie. [Tsɔ nya siwo woɖo ɖe axa 3 lia la fiae eye nàbiae be:] Nya siawo dometɔ kae nèsusu be eyae nye susu vevitɔ si tae amewo ɖua Kristmas ɖo? [Ðe mɔ wòaɖo eŋu. Eyome trɔ ɖe nyati si ƒo nu tso esi wòtia la ŋu eye nàxlẽ mawunyakpukpui si dzi wotui ɖo nɛ.] Magazine sia ƒo nu tso mɔ nyui aɖewo siwo dzi míate ŋu ato aɖo ŋku Yesu dzi le ƒe bliboa katã me, ke menye le Kristmasɖuɣi ko o, la ŋu.”

Awake! December

“Míele amewo srãm kpɔ, elabena míekpɔe be nu te ɖe ame geɖe dzi eye woxaxa. Ðe nède dzesii be ewɔ abe amewo le dziku dom kabakaba le ŋkeke siawo me enea? [Ðe mɔ wòaɖo eŋu.] Ame aɖewo xɔe se be míele ɣeyiɣi sesẽ siwo ŋu nya wogblɔ ɖi le 2 Timoteo 3:1 la me. [Xlẽe] Magazine sia ɖe nu si tae afɔku le dzimagbɔɖi me la me eye eɖo aɖaŋu geɖe tso nu si míawɔ be míanɔ dzi gbɔm ɖi geɖe wu la ŋu.”