Kpɔɖeŋudzeɖonyawo

Esi Míatsɔ Adze Biblia Nusɔsrɔ̃wo Gɔme Le Memleɖa Gbãtɔ Dzi Le October Me

“Míele dze ɖom kple míaƒe aƒelikawo tso dziɖuɖu nyui ŋu. Èsusu be dziɖuɖu aɖe li si ate ŋu aɖe kuxi sesẽwo abe ŋutasẽnuwɔwɔ kple nu madzɔmadzɔ wɔwɔ ene ɖa?” Ðe mɔ wòaɖo eŋu. Ðo ŋku edzi na aƒemenɔlaa be le Aƒetɔ Ƒe Gbedodoɖaa me la, Yesu fia eyomedzelawo be woado gbe ɖa abia be dziɖuɖu ma tɔgbi, si nye Mawu Fiaɖuƒea nava. Tsɔ nyati si le October 1 ƒe Gbetakpɔxɔ ƒe megbekpaa dzi fiae; midzro numeɖeɖe si le nyabiase gbãtɔa te la me, eye miaxlẽ mawunyakpukpuiawo dometɔ ɖeka ya teti. Tsɔ magazineawo nɛ eye nàwɔ ɖoɖo be yeatrɔ ava dzro nyabiase si kplɔe ɖo la me kplii.

Gbetakpɔxɔ October 1

“Míele dze kpui aɖe ɖom kple míaƒe aƒelikawo tso nya siwo dze le gbedodoɖa xɔŋkɔ sia si Yesu fia eyomedzelawo me la ŋu. [Xlẽ Mateo 6:9, 10.] Ðe wòɖe nu si Mawu Fiaɖuƒea nye kple nu si tae Yesu te gbe ɖe edzi nenema gbegbe le eƒe nufiafiawo me la me nyuie nèse kpɔa? [Ðe mɔ wòaɖo eŋu.] Magazine sia dzro nu si Biblia gblɔ tso Mawu Fiaɖuƒea ŋu kple yayra gã siwo wòana míakpɔ le anyigba dzi la dometɔ aɖewo me.”

Nyɔ! October

“Míele nu me dzrom kple amewo kpuie tso biabia sia ŋu. [Tsɔ magazinea ƒe akpaa dzi fiae.] Èsusu be gakpɔkpɔe afia be ame kpɔ dzidzedze le agbe mea? [Ðe mɔ wòaɖo eŋu.] Biblia ƒo nu tso susu nyuitɔ si wòle be wòanɔ mía si ku ɖe nunɔamesiwo ŋu. [Xlẽ Luka 12:15.] Biblia ɖee fia be ame sia ame ate ŋu akpɔ dzidzedze le agbe me. Magazine sia gblɔ ale si wòanya wɔe.”