iTuvatuva ni Soqoni ni Cakacaka
Macawa me Tekivu ena 9 Julai
Sere 4
8 min: Veika me kacivaki. Kena e digitaki mai na Noda Cakacaka Vakaitalatala ni Matanitu.
17 min: “Soqo ni Tikina—Gauna ni Marau!” Me dua na vosa. Vakamacalataka na vu ni nodra dau soqo vakalewe levu na tamata i Jiova ena gauna vakaivolatabu, e tautauvata vakacava na kena yaga kei na noda soqo edaidai. Na soqo vaka oqo e vaqaqacotaka na veimaliwai vakamataveitacini qai vakasavuya tale ga na bibi ni kakana vakayalo. Vakabibitaka na bibi ni noda tiko kece ena siga tolutolu ni soqo oqo.
20 min: “O Rawa Beka ni Veiqaravi Ena Vanua e Gadrevi Kina Vakalevu na Veivuke?”a Okati kina na nodra vakasavuirogorogo veivakauqeti era sotava ena yalava ribayawa se yalava tarai vakavudua na dautukutuku.—Raica na ivola Cokonaki, taqana 112-13.
Sere 42 kei na masu.
Macawa me Tekivu ena 16 Julai
Sere 10
10 min: Veika me kacivaki. Ripote ni akaude.
15 min: Ra iTabagone—Ni Vakasamataka Vinaka na Nomuni Cakacaka. Rau lai raica e dua na qase sa dede na nona cakacaka saumi tu mai e dua na tama kei na luvena itabagone. Ni vakasamataka na ikarua ni itavi ena Soqoni ni Cakacaka ena macawa rua sa oti me baleta na nona digitaka nona cakacaka, e vakasamataka sara vakabibi na itabagone oqo na cakacaka vakapainia, ia e sega tiko ni kila se me na qaravi koya rawa vakacava vakailavo. Me vakabibitaka na qase me veiraurau na noda rai. (Na Vale ni Vakatawa, 1 Sepiteba, 1999, taqana 11, parakaravu 13) E ka vakayalomatua meda vulica e dua na cakacaka ena rawa kina vei keda meda na qaravi keda ga. Le levu sa yaga tiko na nodra vulica e so na cakacaka e sega ni kania na gauna kei na ilavo. (Na Vale ni Vakatawa, 1 Feperueri, 1996, taqana 14; Young People Ask, taqana 178) Me ratou veivosakitaka vata na Awake!, 8 Maji, 1996, taqana 9-11, kei na so na itukutuku veiganiti e tiko kina ena noda cakava ga na cakacaka veiganiti qai rawarawa.
20 min: “Caka Sara Vaka Vinaka ka Tuvalaki Vakamatau.”b Vakamacalataka e so na ka e dau caka me tuvanaki vinaka kina na soqo. Vakabibitaka na yaga ni noda tokona vinaka na ituvatuva e vakarautaki me baleti keda. Veivosakitaka na sala eda na vakaraitaka kece kina na noda doka na ituvatuva oqo da qai kua ni cakava na ka e rawa ni veivakaleqai.
Sere 50 kei na masu.
Macawa me Tekivu ena 23 Julai
Sere 19
10 min: Veika me kacivaki.
15 min: ‘Vakarorogo Ena Tubucake Kina na Nomu Vuku.’ Me dua na vosa, ra vakaitavi kina na vakarorogo. Vakamacalataka na vuna eda gadreva kina na bibi ni veidusimaki vakayalo e dau talaucaki ena soqo ni tikina. Vakavinavinakataka na gauna kei na sasaga vakaitamera e caka me tuvanaki kina na porokaramu. Sureti ira na vakarorogo mera tukuna na ka era rawa ni cakava yadua me vakadeitaka ni yaga vakalevu vua kei ira tale na so na porokaramu oqo. Vakabibitaka se cava na vuna meda sa dabe rawa toka kina ni bera ni tekivu na porokaramu yadua.
20 min: “Vakarau me Vulici na Parofisai i Aisea!”c Vakamacalataka vakalekaleka na yaga ni noda vulica na ivola i Aisea. (Raica na wase 1, parakaravu 10-12, ena Parofisai i Aisea I.) Uqeti ira kece mera tiko wasoma ena Vulivola ni iVavakoso.
Sere 53 kei na masu.
Macawa me Tekivu ena 30 Julai
Sere 22
10 min: Veika me kacivaki. Vakadreti ira na dautukutuku mera solia na nodra ivolatukutuku ni cakacaka vakavunau ni Julai.
20 min: Ra iTabagone—Ni Vakasamataka Vakayalomatua na Nomuni Vuli. Me vosa e dua na qase vei iratou e vica na itubutubu kei ira na luvedra itabagone me baleta na ikuri ni nodra vuli na luvedra. Me liutaka na qase na veivosakitaki ni Vale ni Vakatawa, 1 Sepiteba, 1999, taqana 16-17, parakaravu 11-13, me vakabibitaka na vuna me vakaliuci duadua kina na cakacaka vakaitalatala vakatabakidua. (Na Vale ni Vakatawa, 1 Tiseba, 1996, taqana 18-19, parakaravu 13-15) Me ratou railesuva na ivakasala ena Awake!, 8 Maji, 1998, taqana 20-1, e vakabibitaka meda vakasamataka vakabibi na vinaka kei na ca ni ikuri ni vuli, me yalani ga ena kena ena vukea e dua me qaravi koya rawa kina ena nona gumatuataka tiko na cakacaka vakavunau. Me ratou duavata kece ena vosa i Jisu me vakaliuci na Matanitu ni Kalou.—Maciu 6:33.
15 min: “Noda iTovo Rakorako Eda na Vakacaucautaki Kina!”d Vakamacalataka na vu ni noda kilai tani nida tiko ena dua na soqo ni tikina. Na nodra vosa ni veivakacaucautaki na vakararai tu e ikuri ni ivakadinadina ni dina na Matanitu ni Kalou, ia na vakalelewa me baleti keda eda na sega ni taleitaki kina. Vakamacalataka e so na tikina bibi meda cakava meda vakaraitaka kina na itovo vakarisito e tu vei keda, wili kina na noda kauaitaki ira dina e so tale.
Sere 57 kei na masu.
Macawa me Tekivu ena 6 Okosita
Sere 25
15 min: Veika me kacivaki. Sureti ira na vakarorogo mera vakamacalataka na nodra vunau tawalokuci nira lako ina soqo ni tikina, nira gade, se ra sikovi ira na wekadra era sega ni iVakadinadina.
10 min: “Porokaramu Vou ni Soqo ni Tabacakacaka.” Dua na vosa. Kacivaki na tikinisiga ni soqo ni tabacakacaka e tarava. O keda kece meda sureti ira noda vuli iVolatabu. Uqeti ira na dautukutuku bera ni papitaiso mera vakasamataka vakabibi na nodra vakaraitaka e matanalevu na nodra yalataki ira vei Jiova ena soqo ni tabacakacaka e tarava. Uqeti ira kece mera na tiko ruarua ena siga oya.
20 min: “Kua ni Madua ni Vunau!”e Ke levu na gauna, vakamacalataka e so na vakasavuirogorogo ena Vale ni Vakatawa, 15 Tiseba, 1999, taqana 25.
Sere 63 kei na masu.
[iVakamacala e ra]
a Me kua ni sivia na dua na miniti na ikau ni vosa, veitarotarogi sara.
b Me kua ni sivia na dua na miniti na ikau ni vosa, veitarotarogi sara.
c Me kua ni sivia na dua na miniti na ikau ni vosa, veitarotarogi sara.
d Me kua ni sivia na dua na miniti na ikau ni vosa, veitarotarogi sara.
e Me kua ni sivia na dua na miniti na ikau ni vosa, veitarotarogi sara.