Bɔ Ni Ooofee Oje Sanegbaa Lɛ Shishi Kɛji Oku Osɛɛ Otee
1 Kɛji ooonyɛ okɛ mɔ ko ni na wiemɔ lɛ he miishɛɛ beni otee eŋɔɔ klɛŋklɛŋ lɛ aje sanegbaa shishi ni emɔ shi lɛ, no lɛ esa akɛ obɔ mɔdɛŋ ni otsa nɔ ni nyɛje shishi momo lɛ nɔ. Oti ni ma ohiɛ ji ni oye obua mɔ lɛ ni ehiɛ asɔ sɛɛnamɔ ni yɔɔ sane ni nyɛgba lɛ kɛ wolo ni okɛha lɛ lɛ he.
2 Taomɔ be ni okɛsaa ohe kɛha sɛɛsaramɔ lɛ feemɔ. Halamɔ wolo ni okɛtsuɔ nii lɛ mli wiemɔi komɛi ni baatee miishɛɛ shi. Okɛ sɛɛyoomɔ atsu nii ni okɛna wolo lɛ mli saji abɔ ni nyɛbaasusu he kɛ be falɛ ni sa akɛ oye. Bei pii lɛ, oti kome too enyɔ ko ni nyɛaasusu he lɛ kɛkɛ fa, ja mɔ lɛ jie miishɛɛ ni efɔɔɔ kaa kpo. Susumɔ saneyitsei ni nyiɛ sɛɛ nɛɛ ahe:
3 Mɛɛ wɔsɛɛ shihilɛi wɔɔkpa gbɛ akɛ akɛbaaba shikpɔŋ nɔ kɛji eeeya nɔ efee adesai anaanɔ shia? Nɛkɛ sanegbaa nɛɛ damɔ Yesaia 11:6-9 kɛ 65:25 nɔ, taakɛ agbala mli ni afee he mfoniri yɛ Worldwide Security wolo lɛ baafai 172-5 lɛ.
Obaanyɛ oje sanegbaa lɛ shishi akɛ:
◼ “Nyɛsɛɛ ni miba biɛ lɛ, wɔgba bɔ ni Nyɔŋmɔ eto eyiŋ akɛ shikpɔŋ lɛ ahi shi kɛya naanɔ lɛ he sane. Shi mishi sanebimɔ ko miha bo ni osusu he: Mɛɛ shihilɛi esa akɛ ehi shi yɛ nakai beaŋ? Eŋɔɔ minaa akɛ miku misɛɛ miba ni wɔgba Biblia lɛ hetoo he sane kuku.”
4 Nɔ ni esa akɛ wɔfee ni wɔna wala mli ŋɔɔmɔ yɛ Nyɔŋmɔ Maŋtsɛyeli lɛ shishi. Abaanyɛ akɛ Yohane 17:3 kɛ Yeremia 31:34 atsu nii ni akɛwie saneyitso nɛɛ he, taakɛ atsɔɔ mli yɛ Worldwide Security wolo lɛ baafai 119-20 lɛ.
Klɛŋklɛŋ lɛ, obaanyɛ okɛɛ akɛ:
◼ “Mina sane ni wɔgba ni tsɔɔ Nyɔŋmɔ shiwoo akɛ ebaafo efɔŋfeemɔ sɛɛ lɛ he miishɛɛ waa. [Kɛɛmɔ mɔ lɛ ni ekɔ e-Worldwide Security wolo lɛ.] Sanebimɔ ko ni esa akɛ wɔteŋ mɔ fɛɛ mɔ asusu he ji, Mɛni wɔbaanyɛ wɔfee ni wɔhi shi ni wɔna tsakemɔ nɛɛ he sɛɛ? Kadimɔ nɔ ni Yesu wie yɛ Yohane 17:3, taakɛ atsɛ yisɛɛ yɛ owolo lɛ baafa 120 lɛ.”
5 Mɛɛ hiamɔ nibii abaatsu he nii yɛ Paradeiso shikpɔŋ lɛ nɔ? Obaanyɛ okɛ Lala 65:10-14 kɛ 72:16 loo Yesaia 11:6-9 kɛ 65:25 atsu nii. Akɛ mligbalamɔ ni sa eha yɛ Worldwide Security wolo lɛ baafai 174-5.
Oshishijee wiemɔi lɛ baanyɛ afee akɛ:
◼ “Nyɛsɛɛ beni miba biɛ lɛ [tsɔɔmɔ gbi lɛ], wɔkadi shiwoo ni Nyɔŋmɔ kɛha kɛtsɔ e-Bi lɛ nɔ akɛ ebaatee wɔsuɔlɔi ni egboi lɛ ashi kɛba Paradeiso shikpɔŋ nɔ lɛ. Mɛni ji jɔɔmɔi ni abaana mli ŋɔɔmɔ yɛ nakai beaŋ lɛ ekomɛi? Owolo lɛ damɔɔ Ŋmalɛi lɛ anɔ etsɔɔ nɔ ni enɛɛmɛi ateŋ ekomɛi baaji.” Obaanyɛ odamɔ hei ni atsɔɔ yɛ ŋwɛigbɛ lɛ anɔ okane ŋmalɛi ni atsɛ lɛ ekome loo enyɔ kɛjɛ Biblia lɛ mli kɛ emligbalamɔ kɛjɛ wolo le mli, ekolɛ kukuji 7-10.
6 Mɛi pii ejie miishɛɛ kpo yɛ Maŋtsɛyeli lɛ he sane ni wɔshiɛɔ lɛ he. Bei pii lɛ, amɛheɔ wɔwoji lɛ eko. Bei krokomɛi hu, wɔkadiɔ hiɛsɔɔ ni amɛyɔɔ kɛhaa Ŋmalɛ mli sane ni wɔkɛ amɛ gbaa klɛŋklɛŋ kwraa lɛ. No hewɔ lɛ, kuu osɛɛ oyasara mɛi fɛɛ ni ena he miishɛɛ lɛ, ni obɔ mɔdɛŋ otsɔɔ amɛ anɔkwale lɛ.—Mat. 10:11; 28:19, 20, Yoh. 21:17; Kpoi 22:17.