Sɔɔmɔ Kpeei Kɛha October
Otsi ni Jeɔ Shishi October 4
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
17 min: “Ní Aaajie Yehowa Yi Gbi Fɛɛ Gbi.” Sanebimɔ kɛ hetoo ni akɛaasusu he. Kɛ be yɛ lɛ, too gbɛjianɔ koni afee nɔkwɛmɔnɔ ni sɛɛ kɛɛɛ ni damɔ kuku 3 loo 4 lɛ nɔ. Wó toibolɔi lɛ hewalɛ koni amɛkɛ gbɛtsɔɔmɔi ni akɛha lɛ atsu nii.
18 min: Ha Ohiɛ Ahi Ohe Nɔ yɛ Woji Tɛtrɛbii lɛ Ahe! Tsɔɔmɔ woji tɛtrɛbii abɔ ni asafo lɛ kɛha yɛ nyɛsɛɛ nyɔŋ lɛ nɔ. Kɛ akɛ enɛ to woji tɛtrɛbii abɔ ni Asafo lɛ kɛhaa lɛ he lɛ, te anaa lɛ tɛŋŋ? Kɛ srɔtofeemɔ agbo yɛ mli lɛ, belɛ mɛni ji nɔ ni ehe hiaa koni afee? Ha toibolɔi lɛ awie saji ni nyiɛ sɛɛ nɛɛ ahe nɔ ko: (1) Esa akɛ shiɛlɔ fɛɛ shiɛlɔ ashɛ woji tɛtrɛbii lɛ yifalɛ ko bɔ ni sa. (2) Buu daa Hɔɔ akɛ Woji Tɛtrɛbii Kɛhamɔ Gbi. (3) Too ogbɛjianɔ kɛha shiɛmɔ nitsumɔ lɛ, koni okɛ woji tɛtrɛbii kɛhamɔ nitsumɔ afata he daa nyɔŋ. (4) Too gbɛjianɔ koni okɛ woji tɛtrɛbii lɛ atsu nii okɛje sanegbaa shishi, ni okɛye trukaa odase babaoo. (5) Okɛ amɛmli saji krɛdɛɛi ni bei pii lɛ jarayeli nitsulɔi kɛ mɛi ni yɔɔ nitsumɔi wuji amli lɛ baanya he waa, ní ekɔɔ amɛhe lɛ ayatsɔɔ. (6) Ŋmalamɔ woji abɔ ni okɛha lɛ jogbaŋŋ, ni ofee koni oná mɛi ni obaayaha amɛ woji tɛtrɛbii daa, ni okɛ eheei ni baa lɛ ayaha amɛ daa. (7) Okɛ ememeji fɛɛ ni yɔɔ lɛ atsu nii jogbaŋŋ koni eko kwraa akatĩa yɛ oŋɔɔ. Okɛ woji tɛtrɛbii heei lɛ atsɔɔ, ní otsɔɔ emli saji ni baanyɛ atee miishɛɛ shi lɛ. Ha mɔ ni hiɛ efã kɛ oblanyo fioo ko afee woji tɛtrɛbii kɛhamɔ he shiɛmɔ wiemɔ kuku ni gbekɛ hu afee nakai nɔŋŋ.—Kwɛmɔ nɔ ni aŋma ahɔ September 1995 Wɔ Maŋtsɛyeli Sɔɔmɔ lɛ mli lɛ.
Lala 105 kɛ naagbee sɔlemɔ.
Otsi ni Jeɔ Shishi October 11
Lala 194
10 min: Asafoŋ adafitswai. Shika he akɔntaabuu.
15 min: Asafoŋ hiamɔ nii.
20 min: “Bɔ ni Aaafee Aná Miishɛɛ Babaoo Kɛjɛ Kpeei Amli.” Sanebimɔi kɛ hetooi. Tsɔɔmɔ nɔkwɛmɔnii pɔtɛɛ ni tsɔɔ bɔ ni wɔɔnyɛ wɔsusu mɛi ahe ni wɔwowoo wɔhe hewalɛ yɛ kpeei ashishi lɛ mli. Ha toibolɔi agba nɔkwɛmɔnii ni jɛ amɛ diɛŋtsɛ amɛ niiashikpamɔi amli lɛ he sane amɛtsɔɔ.
Lala 152 kɛ naagbee sɔlemɔ.
Otsi ni Jeɔ Shishi October 18
Lala 196
10 min: Asafoŋ adafitswai kɛ shiɛmɔyaa mli niiashikpamɔi.
13 min: “Ani Oofã Kɛya?” Hewalɛwoo wiemɔ ni woloŋmalɔ lɛ kɛbaaha. Kɛ shiɛlɔi na akɛ ehe miihia ni amɛfã kɛya asafo kroko mli lɛ, belɛ ehe miihia ni amɛná he ko jogbaŋŋ amɛhi yɛ akutso hee ni amɛtee mli lɛ mli bɔni afee ni amɛkakpalaŋ kɔkɔɔkɔ kɛmiiya sɛɛ yɛ mumɔŋ. Maa bɔ ni ehe hiaa ni aha onukpai lɛ ale gbɛjianɔtoi ni tamɔ nɛkɛ he sane lɛ nɔ mi koni abi ni amɛye amɛbua koni akɛna asafo hee lɛ.
22 min: “Mɛni Obaakɛɛ Yudanyo?” Sanebimɔi kɛ hetooi. Tsɔɔmɔ srɔtofeemɔi ni yɔɔ Ortodɔks, Yuda Jamɔ, Yuda Jamɔ ni Atsake Lɛ kɛ Yuda Jamɔ ni Tsakeee teŋ. (Kwɛmɔ Nyɔŋmɔ Sɛɛ Gbɛ ni Adesai Taoɔ, baafai 226 kɛyashi 227.) Tsɔɔmɔ saji ni baanyɛ aha gbeekpamɔ aba wɔ kɛ Yudanyo teŋ. Ha afee shiɛmɔ wiemɔ ni asaa he jogbaŋŋ yɛ mli. Kɛha saji babaoo ni kɔɔ Yuda jamɔ he lɛ, kwɛmɔ nɔ ni aŋma ahɔ February 1998 Wɔ Maŋtsɛyeli Sɔɔmɔ lɛ mli; Bɔ ni Ajeɔ Biblia Mli Sanegbaa Shishi ni Atsaa Nɔ wolo bibioo lɛ, baafai 14 kɛ 15; kɛ Nyɔŋmɔ Sɛɛ Gbɛ ni Adesai Taoɔ lɛ yitso 9.
Lala 142 kɛ naagbee sɔlemɔ.
Otsi ni Jeɔ Shishi October 25
Lala 179
15 min: Asafoŋ adafitswai. Ye obua mɛi fɛɛ koni amɛsaa amɛhe ni amɛkɛ Taoɔ wolo bibioo lɛ loo Nilee wolo lɛ aha yɛ November mli. Tsɔɔmɔ bɔ ni abaafee shiɛmɔ wiemɔ ni gbalaa jwɛŋmɔ kɛyaa sanebimɔ ni ji, “Ani Nyɔŋmɔ haa sɔlemɔi ahetoo?” lɛ nɔ. Okɛ saji otii ni jɛ nikasemɔ 7 ni yɔɔ wolo bibioo lɛ mli loo wolo lɛ yitso 16 lɛ mli kuku 12 kɛyashi 14 lɛ atsu nii. Feemɔ shiɛmɔ wiemɔ kuku ni tsɛ́ɔ ŋmalɛ kome sɛɛ kɛwoɔ mli.
15 min: Biblia Mli Sanebimɔi Ahetooi ni Aaatao. Shiɛlɔ ko ni yana mɔ ko ni yɔɔ wiemɔ lɛ he miishɛɛ, ní bi lɛ Biblia mli sane ko lɛ tee asafoŋ sɔɔlɔ ko ŋɔɔ. Yɛ nɔ najiaŋ ni asafoŋ sɔɔlɔ lɛ aaaha lɛ hetoo lɛ, etsɔɔ lɛ bɔ ni afeɔ ataoɔ hetooi lɛ. Klɛŋklɛŋ lɛ, etĩ gbɛtsɔɔmɔi ni yɔɔ School Guidebook lɛ mli nikasemɔ 7 lɛ kuku 8 kɛyashi 9 lɛ mli. No sɛɛ lɛ, amɛfee ekome kɛtao sane ko ni afɔɔ bimɔ waa yɛ amɛ shikpɔŋkuku lɛ mli lɛ mli. Amɛtao saji pɔtɛɛi ni wieɔ sane lɛ he, ni amɛtao saji otii ni kɔneɔ mɔ yiŋ ni haa yiŋtoo titri hewɔ ni Biblia lɛ kɛ hetoo lɛ haa lɛ feɔ faŋŋ. Wó toibolɔi lɛ hewalɛ koni amɛfee nikasemɔ ni nyɔmɔwoo yɔɔ mli nɛɛ koni amɛtao Biblia mli sanebimɔi amli.
15 min: Otii ni Wɔbaanyɛ Wɔkɛmamɔ Wɔhiɛ. Wiemɔ kɛ toibolɔi ni akɛaagba sane. Tĩi otii ni anyɛɔ akɛtsuɔ nii ni yɔɔ March 15, 1997 Buu-Mɔɔ lɛ baafa 11 lɛ mli. Okɛ hewalɛwoo ni baaha akɛ he awo gbɛgbalɔi awalɔ loo daa gbɛgbamɔ nitsumɔ lɛ mli lɛ afata he. Tsɔɔmɔ bɔ ni otii nɛɛ ni wɔnine baanyɛ ashɛ nɔ nɛɛ he baanyɛ aba sɛɛnamɔ aha wɔ. Ha toibolɔi agba miishɛɛ nibii komɛi ni amɛná beni amɛnine shɛ teokrase otii komɛi anɔ lɛ amɛtsɔɔ.
Lala 151 kɛ naagbee sɔlemɔ.