Sɔɔmɔ Kpee He Gbɛjianɔtoo
Otsi ni Jeɔ Shishi January 8
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
15 min: “Nyɛhaa Nyɛla Atsoa.” Okɛ saji ni jɛ June 1, 1997 Buu-Mɔɔ lɛ baafa 14-15, kuku 12-13 lɛ afata he. Wó mɛi fɛɛ hewalɛ koni amɛkɛ hegbɛ fɛɛ hegbɛ ni amɛaaná ni amɛkɛye odase lɛ atsu nii jogbaŋŋ.
20 min: “Ani Onaa Teemɔŋ Nikasemɔ Mli Ŋɔɔmɔ?” Wiemɔ ni asaa he jogbaŋŋ yɛ mli ni onukpa kɛbaaha, ní damɔ sane ni yɔɔ June 15, 1994 Buu-Mɔɔ lɛ baafa 8-11 lɛ nɔ. Maa bɔ ni ehe hiaa akɛ Yehowa sɔɔlɔi fɛɛ aaakase nii daa lɛ nɔ mi.
Lala 42 kɛ naagbee sɔlemɔ.
Otsi ni Jeɔ Shishi January 15
13 min: Asafoŋ adafitswai. Shika he akɔntaabuu. Asusu “Kpokpaa Nɔ Kpee He Gbɛjianɔtoo Hee” lɛ he, ni awo mɛi fɛɛ hewalɛ ni amɛya kpee lɛ fɛɛ.
12 min: Asafoŋ hiamɔ nii.
20 min: Ani Okwɛɔ Ŋmalɛi lɛ Amli Daa? Wiemɔ kɛ saji ni abaabibii. Asusu December 15, 1996 Buu-Mɔɔ lɛ baafa 17-18, kuku 12-14 lɛ ní maa nilee ni yɔɔ daa gbi ŋmalɛ lɛ he susumɔ akɛ weku lɛ nɔ mi lɛ he. Bi weku mli bii ní amɛteŋ mɔ fɛɛ mɔ kaiɔ nyɛsɛɛ nɛɛ daa gbi ŋmalɛ lɛ mli kwɛmɔ he sanegbaa ni he ba sɛɛnamɔ waa kɛha lɛ lɛ sane, ní etsɔɔ nɔ hewɔ. Maa nɔ mi akɛ esa akɛ enɛ afee weku nikasemɔ lɛ he gbɛjianɔ ni atoɔ daa koni ewo wɔ shiabii lɛ hewalɛ ní eha weku lɛ afee ekãa daa yɛ sɔɔmɔ nitsumɔ lɛ mli lɛ fã.
Lala 67 kɛ naagbee sɔlemɔ.
Otsi ni Jeɔ Shishi January 22
7 min: Asafoŋ adafitswai.
18 min: Bɔ ni Afeɔ Hiɛkpamɔ Wiemɔi. Wiemɔ kɛ nɔkwɛmɔnii. Tĩi saji otii ni yɔɔ Reasoning wolo lɛ baafa 9 ni jeɔ kpo yɛ Bɔ ni Ajeɔ Biblia Mli Sanegbaa Shishi ni Atsaa Nɔ wolo bibioo lɛ baafa 2 lɛ mli lɛ. Tsɔɔmɔ bɔ ni wɔɔfee wɔhala hiɛkpamɔ wiemɔi ni wɔbaanyɛ wɔkɛtsu nii ni hi fe fɛɛ kɛha wɔnifeemɔ sui kɛ shikpɔŋkuku lɛ. Tĩi hiɛkpamɔ wiemɔ he nɔkwɛmɔnii komɛi ni abaanyɛ akɛtsu nii beni akɛ Taoɔ wolo bibioo lɛ tsuɔ nii lɛ mli, ni oha afee ekome loo enyɔ he nɔkwɛmɔnɔ. (Kwɛmɔ April 1997 Wɔ Maŋtsɛyeli Sɔɔmɔ lɛ baafa 8.) Wó mɔ fɛɛ mɔ hewalɛ koni ekɛ gbɛtsɔɔmɔi ni akɛha yɛ Reasoning wolo lɛ mli lɛ ni anaa yɛ Bɔ ni Ajeɔ Biblia Mli Sanegbaa Shishi ni Atsaa Nɔ wolo bibioo lɛ kɛ Wɔ Maŋtsɛyeli Sɔɔmɔ lɛ mli lɛ atsu nii jogbaŋŋ yɛ eshiɛmɔ nitsumɔ lɛ mli.
20 min: “Feemɔ Toibolɔ Kpakpa.” Wiemɔ kɛ toibolɔi ni akɛaagba sane. Tĩi saji otii ni jɛ School Guidebook lɛ baafa 27-28, kuku 15-17 lɛ mli. Sane toiboo sui he kaa ni hi fe fɛɛ ji nibii abɔ ni wɔbaanyɛ wɔkai. Ha toibolɔi atsɔɔ saji otii komɛi ni mɛi ni kɛ amɛhe wo gbɛkɛ nɛɛ Teokrase Sɔɔmɔ Skul lɛ mli lɛ tsu he nii lɛ ekomɛi.
Lala 96 kɛ naagbee sɔlemɔ.
Otsi ni Jeɔ Shishi January 29
10 min: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha January aha. Tsɔɔmɔ woji ni akɛbaaha yɛ February, ni oma woji ni asafo lɛ yɔɔ eko lɛ mli saji anɔ mi.
15 min: “Dii Nyɔŋmɔ Toiŋjɔlɛ Sɛɛ yɛ Weku Shihilɛ Mli.” Wiemɔ ni damɔ June 15, 1997 Buu-Mɔɔ lɛ baafa 20-25 lɛ nɔ, ní tswaa gbɛkpamɔ kɛha wolo ni ji Nɔ Diɛŋtsɛ ni Kɛ Weku Miishɛɛ Baa lɛ kasemɔ yɛ asafo woloŋ nikasemɔ lɛ shishi he adafi. Wó oblahii kɛ oblayei hewalɛ koni amɛkɛ amɛhe awo ekasemɔ mli daa otsi yɛ woloŋ nikasemɔ lɛ shishi. Mɛi fɛɛ baasumɔ ni amɛya daa, ni amɛná he miishɛɛ akɛ amɛaakase nɔ diɛŋtsɛ ni kɛ weku miishɛɛ baa lɛ he nii babaoo bɔ ni amɛaanyɛ.
20 min: “Fɔlɔi—Nyɛtɛoa Subaŋi Kpakpai yɛ Nyɛbii Amli.” Wiemɔi kɛ saji ni abaabibii fɔlɔi ni amɛbii bɔɔ mɔdɛŋ waa yɛ mumɔŋ lɛ. Fɔlɔi lɛ agbala jwɛŋmɔ kɛya nibii kpakpai ni amɛfee ni ha amɛbii lɛ kɛ amɛhe wo shiɛmɔ nitsumɔ lɛ mli lɛ nɔ. Kɛ be yɛ lɛ, akɛ gbɛtsɔɔmɔi ni jɛ Weku Miishɛɛ wolo lɛ mli baafa 55-59 lɛ afata he.
Lala 149 kɛ naagbee sɔlemɔ.
Otsi ni Jeɔ Shishi February 5
Lala 168
10 min: Asafoŋ adafitswai.
15 min: “Feemɔ Mɔ ni Kɛ Miishɛɛ Yeɔ Wiemɔ Nɔ.” Tsɔɔmɔ nɔ ni haa miishɛɛ ni wɔyɔɔ yɛ Nyɔŋmɔ sɔɔmɔ mli lɛ yaa hiɛ, taakɛ atsɔɔ yɛ Insight wolo lɛ Kpo 2, baafa 120, kuku 6-8 lɛ.
20 min: Obaanyɛ Oná Hiɛtserɛjiemɔ Kpakpa. Weku ko baagba ŋaawoo ni akɛha yɛ May 22, 1997 Awake! lɛ mli lɛ he sane ákɛ kuu. Tsɛ lɛ miisusu nibii ni weku lɛ tiuɔ sɛɛ kɛjieɔ amɛ hiɛtserɛ lɛ he waa diɛŋtsɛ. Beni amɛkɛ be kuku etĩ “What Has Happened to Entertainment?” (Mɛni Eba Hiɛtserɛjiemɔ Nɔ?) (baafa 4-7) lɛ mli amɛgbe naa lɛ, amɛgbala jwɛŋmɔ kɛya hiɛtserɛjiemɔ nifeemɔi srɔtoi ni baanyɛ afee nɔ ni hi kɛ nɔ ni he baa sɛɛnamɔ lɛ nɔ. Amɛsusu Our Ministry wolo lɛ mli nikasemɔ ni yɔɔ “Recreation” (Hiɛtserɛjiemɔ) shishi yɛ baafa 131-132 kɛ nɔ ni yɔɔ “Do All Things for God’s Glory” (Nyɛfea Nɔ Fɛɛ Nɔ Nyɛkɛwoa Nyɔŋmɔ Hiɛ Nyam) shishi yɛ baafa 135-136 lɛ he. Maa nitsumɔ ni esa akɛ fɔlɔi atsu yɛ hiɛnyiɛmɔ mli kɛ bɔ ni ehe hiaa ni weku lɛ mli bii fɛɛ afee ekome ni shia lɛ mli bii fɛɛ aná he sɛɛ lɛ nɔ mi.
Lala 190 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.