Sɔɔmɔ Kpee He Gbɛjianɔtoo
Otsi ni Jeɔ Shishi June 9
Lala 81
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Okɛ gbɛtsɔɔmɔi ni yɔɔ baafa 8 lɛ atsu nii ni oha akɛfee nɔkwɛmɔnii srɔtoi enyɔ ni tsɔɔ bɔ ni abaafee ni akɛ June 15 Buu-Mɔɔ lɛ kɛ June 22 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli moŋ akɛ ekome pɛ akɛaatsɔɔ. Akɛ ŋmalɛ atsu nii yɛ eko fɛɛ eko mli.
15 min: “Kristofoi Asɔɔmɔ Nitsumɔ Lɛ—Wɔnitsumɔ Titri.” Wó oblahii kɛ oblayei lɛ hewalɛ ni amɛsusu jɔɔmɔi ni amɛbaanyɛ amɛná mli ŋɔɔmɔ kɛtsɔ amɛhe ni amɛkɛaawo be fɛɛ sɔɔmɔ nitsumɔ lɛ mli lɛ nɔ. Okɛ saji ni yɔɔ saneyitso bibioo ni ji “Beni Kusum kɛ Henilee Ekpe,” ni je kpo yɛ November 1, 2000 Buu-Mɔɔ lɛ baafa 19-20 lɛ mli lɛ afata he.
20 min: “Ani Obaanyɛ Okɛ Oshia Aha?” Wiemɔ ni woloŋ nikasemɔ nɔkwɛlɔ ko baaha. Okɛ saji ni yɔɔ Sanebimɔ He ni je kpo yɛ April 2001 kɛ March 1990 Wɔ Maŋtsɛyeli Sɔɔmɔ srɔtoi lɛ amli lɛ afata he. Tsɔɔmɔ woloŋ nikasemɔ kui abɔ ni yɔɔ asafo lɛ mli kɛ mɛi abɔ ni baa kpeei kɛji aja mli lɛ. Ha shiɛlɔ kome loo mɛi enyɔ agba sɛɛnamɔ ni amɛkɛ amɛwekui lɛ ená kɛjɛ woloŋ nikasemɔ ni afeɔ yɛ amɛshiai amli lɛ amɛtsɔɔ.
Lala 190 kɛ naagbee sɔlemɔ.
Otsi ni Jeɔ Shishi June 16
Lala 55
8 min: Asafoŋ adafitswai. Shika he akɔntaabuu.
12 min: Asafoŋ hiamɔ nii.
25 min: “Afi 2003 ‘Okɛ Anunyam Aha Nyɔŋmɔ Yehowa Odasefoi a-Kpokpaa Wulu nɔ Kpee.’” Asafoŋ woloŋmalɔ lɛ baatsu he nii. Kɛ aasusu kuku 9 lɛ he lɛ, maa asafoŋ woloŋmalɔ lɛ nitsumɔ ákɛ nyɛ asafo lɛ kpee lɛ he gbɛjianɔtoo nɔkwɛlɔ (convention coordinator) lɛ nɔ mi. Maa bɔ ni ehe hiaa akɛ mɔ ko akaya majimaji ateŋ kpee lɛ eko kɛji akɛ kpokpaa nɔ ni eyɔɔ lɛ fataaa kpokpai ni atsɔɔ ni baaya eko lɛ he lɛ nɔ mi. Okɛ miishɛɛ ajie mɔ fɛɛ mɔ yi yɛ gbɛjianɔ ni amɛjeɔ shishi mra amɛtoɔ kɛha kpee lɛ hewɔ.
Lala 147 kɛ naagbee sɔlemɔ.
Otsi ni Jeɔ Shishi June 23
Lala 95
10 min: Asafoŋ adafitswai. Okɛ gbɛtsɔɔmɔi ni yɔɔ baafa 8 lɛ atsu nii ni oha akɛfee nɔkwɛmɔnii srɔtoi enyɔ ni tsɔɔ bɔ ni abaafee ni akɛ July 1 Buu-Mɔɔ lɛ kɛ July 8 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli moŋ akɛ ekome pɛ akɛaatsɔɔ. Aha nɔkwɛmɔnii lɛ ekome akɔ shiɛlɔ ko ni kɛ ehe miiwo gbɛjegbɛ nɔ odaseyeli mli lɛ he.
20 min: Mɛni Abaanyɛ Afee yɛ Nijiaŋwujee He? Wiemɔ kɛ toibolɔi ni akɛaagba sane ni damɔ November 15, 1999 Buu-Mɔɔ lɛ baafa 28-29 lɛ nɔ, ní saneyitso bibioo ni ji “Jwɛŋmɔ Kpakpa ni Aaaná” lɛ fata he. Tĩi gbɛtsɔɔmɔi kɛ Ŋmalɛ mli ŋaawoo ni anyɛɔ atsuɔ he nii lɛ mli. Too gbɛjianɔ kɛtsɔ hiɛ koni shiɛlɔ kome loo mɛi enyɔ ni he esa atsɔɔ nɔ ni ye ebua amɛ ní amɛhiɛ miishɛɛ ni amɛyɔɔ yɛ sɔɔmɔ nitsumɔ lɛ mli lɛ mli.
15 min: “Jeŋ ni Tsakeɔ Be Fɛɛ Be lɛ Mli Shiɛmɔ.” Kɛ́ aasusu kuku 2-3 lɛ he lɛ, bi toibolɔi lɛ ni amɛtsɔɔ saji ni yaa nɔ bianɛ ni abaanyɛ akɛtsu nii kɛje sanegbaai ashishi yɛ nyɛshikpɔŋkuku lɛ mli. Kɛ́ aasusu kuku 4 lɛ he lɛ, ha afee shiɛmɔ wiemɔi ni atsĩ tã lɛ ateŋ ekome he nɔkwɛmɔnɔ kuku.
Lala 15 kɛ naagbee sɔlemɔ.
Otsi ni Jeɔ Shishi June 30
Lala 3
10 min: Asafoŋ adafitswai. Kaimɔ shiɛlɔi fɛɛ koni amɛkɛ shiɛmɔyaa he akɔntaabui kɛha June aha. Tĩi woji ni akɛbaaha yɛ July kɛ August lɛ mli. Maa woji bibii enyɔ ni nyɛyɔɔ yɛ nyɛ asafo lɛ mli lɛ mli saji otii lɛ anɔ mi. Ha afee nɔkwɛmɔnii ni asaa he jogbaŋŋ yɛ mli ní tsɔɔ bɔ ni aaafee akɛha yɛ sɔɔmɔ nitsumɔ lɛ mli. Kɛha shiɛmɔ wiemɔi ni akɛha lɛ, kwɛmɔ July 1998 Wɔ Maŋtsɛyeli Sɔɔmɔ lɛ, baafa 8 lɛ mli. Abaanyɛ aná shiɛmɔ wiemɔi krokomɛi hu yɛ Watch Tower Publications Index lɛ mli yɛ saneyitso ni ji “Presentations” kɛ saneyitso bibioo ni ji “List by Publication” lɛ shishi.
15 min: “Amɛje Kpa—Ni Kɛlɛ, Amɛmiiwo Yibii.” Okɛ saji ni tsɔɔ bɔ ni mɛi krokomɛi baanyɛ aye abua ni yɔɔ saneyitso bibioo ni ji “What Can Be Done?” ni jeɔ kpo yɛ August 22, 1990 Awake! lɛ baafa 22-23 lɛ afata he.
20 min: Okɛ Nyɔŋmɔ Wiemɔ lɛ Atsu Nii Jogbaŋŋ Kɛmɔ Shi Koni Okɛshiɛ Maŋtsɛyeli lɛ He Sane. Toibolɔi ni akɛaagba sane ni sɔɔmɔ nitsumɔ nɔkwɛlɔ lɛ baatsu he nii. Wɔbɔɔ mɔdɛŋ akɛ wɔkɛ mɔ fɛɛ mɔ ni wɔkɛkpeɔ yɛ wɔshiɛmɔ nitsumɔ lɛ mli lɛ agba Maŋtsɛyeli lɛ he Ŋmalɛ mli sane ko ni tswaa mɔ emaa shi. Shi kɛlɛ, ehe miihia ni wɔfee babaoo fe Biblia mli ŋmalɛi lɛ ní wɔɔkane kɛkɛ. Esa akɛ wɔgbála mli, wɔfee emli otii lɛ ahe nɔkwɛmɔnɔ, koni wɔkɛto sane ni wɔsusuɔ he lɛ he. Okɛ Reasoning wolo lɛ baafa 154-155 ní yɔɔ saneyitso bibioo ni akpa lɛ afã, ni ji “Human rulers are not providing what mankind urgently needs” lɛ shishi lɛ mli ŋmalɛi ni aŋmalako mli wiemɔi lɛ ateŋ ekomɛi atsu nii akɛ nɔkwɛmɔnii ni okɛtsɔɔ bɔ ni abaanyɛ atsu enɛ he nii aha. Yɛ sanegbaa lɛ sɛɛ lɛ, ha shiɛlɔ ko ni esaa ehe jogbaŋŋ afee bɔ ni aaafee ni akɛ ŋmalɛ ko atsu nii jogbaŋŋ kɛmɔ shi yɛ sɛɛsaramɔ mli lɛ he nɔkwɛmɔnɔ, ekɛ sane mlitsɔɔmɔ ni yɔɔ tɛ̃ɛ atsu nii, efee nɔkwɛmɔnɔ kuku ko, ni ekɛ ŋmalɛ lɛ ato sane ni amɛsusuɔ he lɛ he kuku ní ekɛtsɔɔ shiatsɛ lɛ bɔ ni Maŋtsɛyeli nɔyeli lɛ he baaba sɛɛnamɔ kɛha lɛ diɛŋtsɛ. Ha aje nɔkwɛmɔnɔ lɛ shishi kɛ shiɛlɔ lɛ ní eekane ŋmalɛ lɛ. Kɛ afee nɔkwɛmɔnɔ lɛ agbe naa lɛ, tĩi bɔ ni agbála ŋmalɛ lɛ mli, afee emli otii lɛ ahe nɔkwɛmɔnɔ, kɛ bɔ ni akɛto sane ni asusuɔ he lɛ he aha lɛ mli. Wó mɛi fɛɛ hewalɛ ni amɛha hesaa ni amɛyɔɔ yɛ Nyɔŋmɔ Wiemɔ lɛ ni akɛtsuɔ nii jogbaŋŋ kɛmɔɔ shi lɛ mli lɛ aya hiɛ.
Lala 171 kɛ naagbee sɔlemɔ.
Otsi ni Jeɔ Shishi July 7
Lala 165
5 min: Asafoŋ adafitswai.
15 min: Asafoŋ niiashikpamɔi. Gbaa niiashikpamɔi ni asafoŋ shiɛlɔi lɛ ená loo afee niiashikpamɔ lɛ he nɔkwɛmɔnɔ ni tsɔɔ (1) odase ni ayeɔ gbɔmɛi akui srɔtoi loo gbɔmɛi ni wieɔ wiemɔi krokomɛi loo (2) odase ni ayeɔ yɛ shihilɛi ni jeee shia kɛ shia loo gbɛjegbɛ nɔ odaseyeli nitsumɔ lɛ mli. Wó mɛi fɛɛ hewalɛ koni amɛkɛ wolo bibioo ni ji Good News for All Nations kɛ “Please Follow Up” (S-43) wolo lɛ atsu nii jogbaŋŋ kɛmɔ shi kɛji amɛkɛ mɛi ni wieɔ wiemɔ kroko kpe.—Kwɛmɔ Adafitswai ni yɔɔ September 1999 Wɔ Maŋtsɛyeli Sɔɔmɔ lɛ baafa 7 lɛ mli.
25 min: “Nyɔŋmɔ Gbɛi lɛ ni Aaaha Ale.” Okɛ sanebimɔi ni akɛha lɛ atsu nii. Kɛ́ aasusu baafa 4 lɛ he lɛ, okɛ saji ni yɔɔ akrabatsa ni ji “Making Known the Name of God” ni jeɔ kpo yɛ Proclaimers wolo lɛ baafa 124 lɛ afata he. Ha shiɛlɔ ko ni he esa afee sɛɛsaramɔ he nɔkwɛmɔnɔ. Okɛ ŋmalɛi enyɔ loo etɛ ni jeɔ kpo yɛ Reasoning wolo lɛ baafa 196-197 lɛ atsu nii ni okɛtsɔɔ nɔ hewɔ ni ehe hiaa akɛ ale Nyɔŋmɔ diɛŋtsɛ gbɛi lɛ koni akɛtsu nii hu lɛ.
Lala 197 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.