Mga Miting sa Serbisyo para sa Nobiembre
Semana sang Nobiembre 8-14
Ambahanon 225
10 min: Lokal nga mga pahibalo kag Mga Pahibalo gikan sa Ang Aton Ministeryo sa Ginharian. Magpanugda sing mga paagi nga mahimo magamit ang bag-o nga mga magasin sa lokal nga teritoryo. Ipadaku ang importansia sang pagduaw liwat sa tanan nga napahamtangan sing magasin sa tuyo nga makasugod sing mga ruta sa magasin. Kon ang mga tagbalay interesado gid, mahimo matanyag ang suskripsion.
15 min: “Pagbulig sa Iban nga Makilala ang Daku nga Bahandi.” Pamangkot kag sabat nga pagtuptop. Palig-una ang tanan nga itanyag sing mapagsik ang Mabuhi sing Dayon nga libro sa Nobiembre kag manikasog nga makasugod sing mga pagtuon sa Biblia. Ipaathag ang lainlain nga mga pagpalapit nga ginpanugda sa artikulo. Kon nagabinagbinag sang parapo 4, maghatag sing pasundayag tuhoy sa isa ka manugbantala nga nagatanyag sing Mabuhi sing Dayon nga libro sa isa ka ginikanan nga nagagamit sang ginpanugda nga presentasyon.
20 min: “Ginatahod Bala Ninyo ang Inyo Duog sa Pagsimba?” Pamulongpulong sang gulang pasad sa artikulo sa Hunyo 15, 1993, Lalantawan. Iaplikar ang impormasyon sa lokal nga mga kahimtangan. Kon may ginapatuhuyan nga isa ka partikular nga problema, mataktikanhon nga maghatag sing nagakaigo nga laygay.
Ambahanon 42 kag nagatakop nga pangamuyo.
Semana sang Nobiembre 15-21
Ambahanon 4
10 min: Lokal nga mga pahibalo. Report sa kwenta. Basaha ang mga pasalamat sa donasyon, kag hatagi sing komendasyon ang kongregasyon tungod sang maalwan nga pagsupurta sa bug-os kalibutan nga hilikuton subong man sa pag-atipan sa materyal nga mga kinahanglanon sang lokal nga kongregasyon. Repasuha sa malip-ot ang mga kahimusan sa pag-alagad sa latagon para sa semana, kag pasalamati ang makugi nga pagsupurta sang mga manugbantala.
15 min: “Mag-auxiliary Payunir sa Disiembre.” Mainit kag mapagsik nga tuptupi ang materyal paagi sa pamangkot kag sabat. Ipahibalo ang lokal nga mga kahimusan para sa pag-alagad sa latagon kag ang pinasahi nga mga kahimusan nga himuon para sa grupo nga pagpanaksi sa Disiembre. Interbyuha ang pila nga nag-auxiliary payunir sang nagligad kag nagaplano nga himuon ini liwat sa Disiembre. Pangabaya yadtong nagaplano nga mag-auxiliary payunir sa dason-bulan nga ibayaw ang ila mga kamot. Magapalig-on ini sa iban nga magbuylog sa ila.
20 min: “Ang Balaan nga Panudlo May Makusog nga Epekto.” Pamangkot kag sabat nga pagtuptop sa artikulo. Basaha ang mga parapo kag ang ginsitar nga mga kasulatan kon may oras pa. Magpakomento sing malip-ot nga nagapabutyag sing personal nga apresasyon tungod sa mga benepisyo nga nabaton gikan sa pagtambong sa mga kombension, sirkito nga mga asambleya, kag pinasahi nga mga adlaw nga asambleya, ayhan ginainterbyu ang pila sa kongregasyon nga ang kabuhi naimpluwensiahan sing maayo sang balaan nga panudlo.
Ambahanon 41 kag nagatakop nga pangamuyo.
Semana sang Nobiembre 22-28
Ambahanon 65
5 min: Lokal nga mga pahibalo. Mga Balita Teokratiko. Pahanumduma yadtong ayhan nagabinagbinag nga mag-auxiliary payunir sa Disiembre nga dapat nila ihatag ang ila mga aplikasyon sini nga semana antes matapos ang Nobiembre.
15 min: “Mangin Bug-os Kalag sa Inyo Pag-alagad.” Pamangkot kag sabat. Kon nagahinun-anon sang parapo 2, maghatag sing nagakaigo nga mga komento sa reperensia gikan sa Disiembre 1, 1992 nga Lalantawan, nagahatag sing pila ka dugang pa nga paathag nahanungod sa kahulugan sang ikapulo para sa aton karon. Basaha kag iaplikar ang Malaquias 3:10 sa konklusion.
15 min: “Malipayon nga Magbalik sa Pagbulig sa mga Interesado.” Paghinun-anon sang tumalambong kag mga pasundayag. Ipadaku ang kinahanglanon nga maghupot sing maayong mga rekord sang interes nga masapwan. Sa parapo 3-5, maghimos sing duha ka pasundayag. Dapat ini magpakita sang lokal nga mga kahimtangan kag dapat ibagay kon kinahanglanon.
10 min: Lokal nga mga kinahanglanon ukon isa ka makapapagsik nga pamulongpulong sa “Ang Unang mga Cristiano kag ang Kalibutan,” pasad sa unang artikulo sa Hulyo 1, 1993, nga guwa sang Ang Lalantawan. Ipadaku ang kinahanglanon para sa aton karon nga ilugon ang halimbawa sang unang mga Cristiano.
Ambahanon 60 kag nagatakop nga pangamuyo.
Semana sang Nob. 29–Dis. 5
Ambahanon 75
10 min: Lokal nga mga pahibalo. Ilakip ang mga kahimusan sa pag-alagad sa latagon para sa semana, kag ipatalupangod ang mga punto sa bag-o nga mga magasin nga sarang magamit sang mga manugbantala sa pag-alagad sa latagon sa masunod nga mga adlaw. Kon may oras pa, malip-ot nga ipasundayag ang isa ukon duha ka presentasyon nga nagakaigo sa lokal nga teritoryo. Ipahanumdom ang kinahanglanon nga balikan ang tanan nga nagpakita sing interes.
15 min: Pagtanyag sing New World Translation kag sing The Bible—God’s Word or Man’s? sa Disiembre. Pamulongpulong kag pasundayag. Repasuha ang talalupangdon nga mga punto sa materyal tuhoy sa “New World Translation” sa Reasoning nga libro, pahina 276-9. Ipasundayag dayon kon paano ang ikaduhang panugda sa pahina 10 sang Reasoning nga libro sa ubos sang “Bible/God” mahimo magamit sa pagpakigsugilanon sa tagbalay sa Disiembre.
20 min: “Pagdumala sing Pagtuon sa Biblia sa Puluy-an.” Pamangkot kag sabat nga pagtuptop sa artikulo. Maghatag sing naensayo sing maayo nga pasundayag tuhoy sa manugbantala nga nagabulig sa estudyante sa paghangop kon paano ang ginsitar nga kasulatan nagasupurta sa impormasyon sa parapo nga ginabinagbinag. Sa sini man nga pasundayag ang manugbantala nagagamit sing dugang pa nga mga pamangkot sa pagbulig sa estudyante nga himuon ang kamatuoran nga iya kaugalingon. Gamita ang pinili nga bahin sang United in Worship ukon Mabuhi sing Dayon nga libro.
Ambahanon 78 kag nagatakop nga pangamuyo.