Mga Miting sa Serbisyo para sa Pebrero
Semana sang Pebrero 7-13
Ambahanon 131
15 min: Lokal nga mga pahibalo kag Mga Pahibalo gikan sa Ang Aton Ministeryo sa Ginharian. Repasuha ang pangunang mga punto sa “Pamangkot.”
18 min: “Palambua ang Interes sa Ginharian sang Dios sang Paghidait.” Paghinun-anon sa artikulo upod sa tumalambong. Duha ka pasundayag. Sa tapos mabinagbinag ang parapo 2, ipakita kon paano itanyag ang tract sa masako nga tagbalay. Ang manugbantala magapamangkot agod makapasad sing pundasyon para sa pagduaw liwat. Ipasundayag ang presentasyon sa parapo 3 diin ginagamit sang manugbantala ang brosyur.
12 min: Manginpulos Gikan sa 1994 Yearbook. Nagakuha sing impormasyon sa 1994 Yearbook, pahina 10-18, hambalan sang gulang kag sang ministeryal nga alagad ang mga punto nga sarang magamit sa pagpabakod sang apresasyon para sa teokratikong organisasyon.
Ambahanon 137 kag nagatakop nga pangamuyo.
Semana sang Pebrero 14-20
Ambahanon 126
10 min: Lokal nga mga pahibalo, report sang kwenta, kag “Bag-ong Programa sang Pinasahi nga Adlaw nga Asambleya.” Pahanumduma ang tanan tuhoy sa miting upod sa mga magaauxiliary payunir sini nga Domingo, Pebrero 20.
20 min: “Papagsika ang Pagtubo Paagi sa Makahulugan nga mga Pagduaw Liwat.” Pamangkot kag sabat nga paghinun-anon. Ipasundayag ang presentasyon sa parapo 3. Ipatalupangod ang kinahanglanon nga paghantop sa indi pagtuptop sang tuman kadamo nga materyal sa tion sang pagduaw, kag ipadaku ang kinahanglanon nga ipatudok ang interes sa palaabuton nga pagduaw.
15 min: “Daw Ano ka Mapuslanon nga Isugid Kon Ano ang Nahimo ni Jehova!” Pamangkot kag sabat nga paghinun-anon sa parapo 1-11 sang suplemento. Pakumentuha ang duha ka nakahanda na nga daan nga mga utod nga lalaki nga may yara personal ukon pamilya nga programa sang pagbasa sa libro. Pangabaya sila nga sambiton ang pila ka butang nga gin-apresyar nila nga natun-an.
Ambahanon 122 kag nagatakop nga pangamuyo.
Semana sang Pebrero 21-27
Ambahanon 198
5 min: Lokal nga mga pahibalo.
15 min: “Dayawa Ninyo ang Panganay ni Jehova!” Pamangkot kag sabat nga pagtuptop sa artikulo. Palig-una ang tanan nga maghimo sing listahan sang mga indibiduwal nga agdahon nila sa pagtambong sa Memoryal kag sa masunod nga regular nga pamulongpulong publiko. Ipasundayag ang mga punto nga ginhatag sa parapo 7. Ginapalapitan sang manugbantala ang tawo nga nagasulod sa Kingdom Hall kag nagapanghulonghulong. Nahibal-an sang manugbantala nga napalig-on ang tawo sa pagtambong sang paryente nga nagaistar sa lain nga siudad. Ginaagda sang manugbantala ang tawo nga maglingkod upod sa iya kag sa iya pamilya agod magasaluhay sila sa Biblia kag songbook. Ang manugbantala nagasiling nga mahimo niya sabton ang iya mga pamangkot pagkatapos sang miting. Hinakpan ang bahin paagi sa pagpahibalo sang oras nga saulugon sang kongregasyon ang Memoryal.
10 min: Ang Biblia—Ang Aton Labing Maayo nga Tuburan sang Pagpalig-on. Reasoning nga libro, pahina 117-21. Pamulongpulong sang gulang. Ipakita kon paano magamit sang kada manugbantala sang kongregasyon ang Pulong sang Dios agod mapalig-on ang iban.
15 min: “Puntariya sang Pagdumot sang Tanan nga mga Pungsod.” Pamulongpulong sang gulang.
Ambahanon 208 kag nagatakop nga pangamuyo.
Semana sang Peb. 28–Mar. 6
Ambahanon 219
5 min: Lokal nga mga pahibalo. Mga Balita Teokratiko.
15 min: “Daw Ano ka Mapuslanon nga Isugid Kon Ano ang Nahimo ni Jehova! ” Pamangkot kag sabat nga pagbinagbinag sa parapo 12-20 sang suplemento. Pakumentuha ang nakahanda na nga daan nga mga manugbantala nga nakabenepisyo gikan sa pagbasa sa libro.
15 min: “Sakdaga sing Bug-os ang Miting Publiko nga Programa sang Inyo Kongregasyon.” Isa ka pamulongpulong, apang mahimo malakip ang isa ukon duha ka pamangkot sa tumalambong. Ipaathag kon paano makabatyag nga ginaabiabi ang mga interesado nga nagatambong sa nahauna nga tion sa Miting Publiko. Pakumentuha ang nakahanda na nga daan nga manugbantala kon paano sia nakabenepisyo gikan sa pagtambong sa Miting Publiko sing tayuyon.
10 min: “Mag-andam Batok sa Sayop nga Kalulo.” Isa ka pamulongpulong.
Ambahanon 197 kag nagatakop nga pangamuyo.