Iskedyul sa Miting sa Serbisyo
Semana sang Hunyo 11
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Palig-una ang tanan nga tan-awon ang video nga Jehovah’s Witnesses Stand Firm Against Nazi Assault bilang paghanda para sa pagbinagbinag sa Miting sa Serbisyo sa semana sang Hunyo 25.
15 min: “Padayuna Ninyo ang ‘Paghimo Sing Maayo.’” Makapalig-on nga Makasulatanhon nga pamulongpulong sang isa ka gulang.
20 min: “Lab-uta ang Tagipusuon sang Imo Estudyante.”a Ilakip ang praktikal nga mga panugda kon paano buligan ang mga bag-uhan nga mapalambo ang pagtuo kag gugma kay Jehova kag kay Jesus sa ila tagipusuon. Gamita ang importante nga mga punto sa Hulyo 15, 1999, Lalantawan, pahina 14, parapo 18-20.
Ambahanon 184 kag nagatakop nga pangamuyo.
Semana sang Hunyo 18
5 min: Lokal nga mga pahibalo. Report sa kuwenta.
10 min: Pagsabat sa Posible nga mga Pagpamatok. Pagbinagbinag upod sa tumalambong. Repasuha ang “Comments” sa Reasoning nga libro, pahina 15-16. Halin sa pahina 16-20, pilia ang pila ka pagpamatok nga nasumalang sa inyo teritoryo. Agdaha ang tumalambong sa pagsaysay kon diin nga mga sabat ang epektibo para sa ila kag kon ngaa.
30 min: “Nakahanda Ka Bala Pirme?” Makapalig-on nga pamulongpulong kag mga komento gikan sa tumalambong bilang sabat sa ginhanda nga mga pamangkot sa mga parapo 13 kag 18-24. Palig-una ang mga ginikanan nga buligan ang ila mga anak nga binagbinagon ang pag-alagad sa Bethel subong karera. Irekomendar nga tun-an sing tingob sang mga pamilya ini nga suplemento sa ila pamilya nga pagtuon.
Ambahanon 197 kag nagatakop nga pangamuyo.
Semana sang Hunyo 25
15 min: Lokal nga mga pahibalo. Repasuha ang tanyag nga literatura sa Hulyo kag Agosto. Ipatalupangod ang duha ka brosyur nga may suplay kamo. Maghatag sing duha ka nahanda-sing-maayo nga pasundayag kon paano ini itanyag sa ministeryo. Para sa ginpanugda nga mga presentasyon, tan-awa ang likod nga pahina sang Hulyo kag Agosto 1995 tubtob 1998 nga guwa sang Ang Aton Ministeryo sa Ginharian.
30 min: “Nagatindog Ako nga Malig-on! Nagatindog Ako nga Malig-on! Nagatindog Ako nga Malig-on!” Pagbinagbinag upod sa tumalambong sa Stand Firm nga video, nga nagagamit sang mga pamangkot sa parapo 2. Nian binagbinaga ang parapo 3-4. Maghinakop paagi sa eksperiensia sa Disiembre 8, 1999, Magmata!, pahina 31. (Patalupangod: Sa mga kongregasyon nga wala sing video, mahimo ihatag ang pamulongpulong nga “Kon Bugana ang Kaalwan,” pasad sa Nobiembre 1, 1999, Lalantawan, pahina 20-23.) Sa Agosto repasuhon naton ang video nga The New World Society in Action.
Ambahanon 29 kag nagatakop nga pangamuyo.
Semana sang Hulyo 2
13 min: Lokal nga mga pahibalo. Repasuha ang kahon nga “May Kulang Bala nga mga Yearbook sa Inyo Librarya?” Isaysay ang malip-ot nga mga binalikwat nga mga eksperiensia gikan sa Yearbook para sa 1994, 1995, 1996, ukon 1997 agod ipakita ang kapuslanan sang kaundan sini.
15 min: Mga Pamatan-on—Mangin Maalam sa Pagpili Sang Inyo Karera. Amo ini ang una sa tatlo ka bahin sang Miting sa Serbisyo nga nagarepaso sang Makasulatanhon nga mga prinsipio may kaangtanan sa dugang pa nga edukasyon. Ang iban nga Cristianong mga pamatan-on nagahimud-os nga matigayon ang sekular nga mga karera paagi sa mas mataas nga edukasyon, nga may indi maayo nga epekto sa ila espirituwalidad. Ini nga bahin isa ka paghinun-anon sa ulot sang duha ka ginikanan kag sang ila tin-edyer nga anak nga lalaki ukon babayi. Ang pamatan-on dapat na maghimo sing serioso nga desisyon tuhoy sa palaabuton nga mga tulumuron. Bisan pa mahimo nga luyag sang iban nga himud-usan nga matigayon ang pinansial nga mga bentaha, kabantugan, ukon mga kasulhayan sa kabuhi, ginausisa sang pamilya ang Biblia agod tan-awon kon ano ang ginarekomendar sini. (Tan-awa ang Young People Ask, pahina 174-5, Ang Lalantawan, Agosto 15, 1997, pahina 21, kag Septiembre 1, 1999, pahina 19-21, parapo 1-3 kag 5-6.) Ang pamatan-on nagaugyon nga maalamon nga himud-usan nga maglakat sa dalanon sang kabuhi nga makabulig sa ila sa pagtigayon sing teokratikong mga tulumuron agod mapauswag ang mga intereses sang Ginharian.
17 min: “Mangin Alisto sa Pagpangita sa mga Bungol sa Inyo Teritoryo.”b Kon matigayon ang estadistika, sambita kon pila ka bungol ang masapwan sa teritoryo sang inyo kongregasyon.
Ambahanon 32 kag nagatakop nga pangamuyo.
[Mga nota]
a Limitehi ang introduksion sa kubos sa isa ka minuto, kag sundan sang pamangkot-kag-sabat nga paghinun-anon.
b Limitehi ang introduksion sa kubos sa isa ka minuto, kag sundan sang pamangkot-kag-sabat nga paghinun-anon.