Iskedyul sa Miting sa Serbisyo
Semana sang Septiembre 9
13 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Ginagamit ang mga panugda sa pahina 8, ilakip ang duha ka pasundayag kon paano ipresentar ang Septiembre 15 nga Lalantawan kag ang Septiembre 22 nga Awake!
17 min: “Pagbulig sa Iban nga Himayaon si Jehova.”a
15 min: Ngaa Kulang Sing Pagtuo? Paghinun-anon sa tumalambong. Masami kita makasumalang sing mga tawo nga diutay sing pagtuo. (2 Tes. 3:2) Agod mapaambit naton sa ila ang kamatuoran, kinahanglan mahibaluan naton kon ngaa wala sila sing pagtuo. Binagbinaga ang apat ka rason nga ginsambit sa Reasoning nga libro, pahina 129-30, nga makasablag sa mga tawo nga makatigayon sing pagtuo. Agdaha ang mga tumalambong nga magkomento kon ano nga paagi ang magamit sa tagsa ka kaso.
Ambahanon 122 kag nagatakop nga pangamuyo.
Semana sang Septiembre 16
10 min: Lokal nga mga pahibalo. Report sa kuwenta. Ilakip ang “‘Makugi nga mga Manugbantala Sang Ginharian’ Distrito nga mga Kombension.”
18 min: Ano ang Aton Nahimo Sang Nagligad nga Tuig? Pamulongpulong sang manugtatap sa pag-alagad. Ipadaku ang pila ka dalagku nga mga punto sa report sang kongregasyon sang 2002 nga tuig sang pag-alagad. Dayawa ang tanan bangod sang maayong mga butang nga nahimo. Ipadaku ang nahimo sang kongregasyon sa kadamuon sang nagtambong sa miting, sa pagduaw liwat kag pagtuon sang Biblia, kag sa pag-auxiliary payunir. Magpahamtang sing mga tulumuron nga sarang malab-ot para sa masunod nga tuig.
17 min: Ang mga Hangkat nga Ginaatubang Sang Nagasolo nga mga Ginikanan. Interbyuhon sang isa ka gulang ang isa ukon duha ka nagasolo nga ginikanan (ukon yadtong may mga tiayon nga indi Saksi) kon paano nila nahanas kag natuytuyan sa espirituwal ang ila kabataan samtang ginaatipan man nila ang mga responsabilidad sa pamilya kag makatambong man sa mga miting kag makabantala sing regular. Ipadaku ang pila ka panugda nga ginpresentar sa Kalipay sa Pamilya nga libro, pahina 104-10.
Ambahanon 149 kag nagatakop nga pangamuyo.
Semana sang Septiembre 23
10 min: Lokal nga mga pahibalo. Ginagamit ang mga panugda sa pahina 8, pangabaya ang isa ka gulang nga magpasundayag kon paano ipresentar ang Oktubre 1 nga Lalantawan kag ang isa ka ministeryal nga alagad kon paano ipresentar ang Oktubre 8 nga Magmata!
15 min: Pagdampig sa Kamatuoran sa Eskwelahan. Interbyuha ang isa ukon duha ka lamharon nga manugbantala nga nagaeskwela. Paano nila ginaatubang ang mga problema kag mga pagsulay bangod sang nasyonalistiko nga mga seremonya, mga rally, mga isport nga ginaorganisar sang eskwelahan, kag indi matinlo nga paggawi? Ilakip ang mga komento kon paano sila nakapanaksi sa eskwelahan.
20 min: “Likawi ang Pagtinguha sa ‘Walay Pulos nga mga Butang.’”b Pagkatapos mahambalan ang parapo 4, ilakip ang mga komento sa suplemento sang Enero 2000 nga Ang Aton Ministeryo sa Ginharian, parapo 30-2. Upod sa parapo 6, basaha ang parapo 18 sa suplemento sang Enero 2000.
Ambahanon 105 kag nagatakop nga pangamuyo.
Semana sang Septiembre 30
15 min: Lokal nga mga pahibalo. Hambali ang “Nagapadayon ang Programa sa Pagtukod Sing mga Kingdom Hall.”
15 min: Ngaa Pinasahi ang Aton mga Magasin? Hambali ang mga rason kon ngaa pinasahi ang mga magasin: (1) Ginahimaya sini ang ngalan ni Jehova. (2) Ginapalig-on sini ang pagtuo kay Jesus. (3) Ginabantala sini ang Ginharian sang Dios. (4) Ginapatuhoy sini ang atension sa Biblia subong ang katapusan nga awtoridad. (5) Ginapaathag sini ang katumanan sang mga tagna sa Biblia. (6) Ginapaathag sini ang matuod nga kahulugan sang mga hitabo sa kalibutan. (7) Ginapakita sini kon paano atubangon ang mga problema karon. (8) Ginapukaw sini ang interes sang mga tawo sa tanan nga sahi sang pagkabuhi. (9) Wala ini sing ginadampigan sa politika. Ipasundayag ang duha ka malip-ot nga presentasyon, ang tagsa nagapakita sing isa sining mga punto nga sarang magamit sa pagsugod sing paghambalanay.
15 min: “Apresyaha ang mga Galamiton sa Teokratikong mga Hilikuton.”c Dumalahan sang isa ka gulang. Palig-una ang tanan nga limitehan ang ila ginaorder nga literatura suno lamang sa kinahanglanon gid. Pahanumduma ang tanan sang pribilehiyo nga mag-amot sa pinansial agod sakdagon ang bug-os kalibutan nga hilikuton.
Ambahanon 21 kag nagatakop nga pangamuyo.
Semana sang Oktubre 7
10 min: Lokal nga mga pahibalo.
10 min: Lokal nga mga kinahanglanon.
25 min: “Kahadluki ang Dios kag Hatagi Sia Sing Himaya.” (Bug. 14:7) Pamulongpulong kag pagrepaso kaupod sa tumalambong tuhoy sa programa sang sirkito nga asambleya para sa sini nga tuig. Agdaha ang mga kauturan nga magkomento sa panguna nga mga punto nga natun-an nila kag kon paano nila iaplikar ini. (Ang mga bahin sarang maasayn sing abanse.) Ipadaku ining mga bahin sang programa: (1) “Buligi ang mga Bag-uhan nga Magpalambo Sing Kahadlok sa Dios.” Paano naton mabuligan nga mag-uswag kag mangin aktibo nga mga alagad ni Jehova ang mga interesado nga nagtambong sa Memoryal? (2) “Ang Kahadlok kay Jehova Nagakahulugan Sang Pagdumot sa Malaut.” Paano ang Hulubaton 6:16-19 makabulig sa aton nga malikawan ang mga butang nga ginadumtan ni Jehova—bugal, pagbutig, materyalistiko nga mga panikasog, malaw-ay nga kalingawan, sayop nga paggamit sang Internet? (3) “Mangin Suod Pa Gid sa Imo mga Ginahigugma.” Paano ang pagsuod kay Jehova, kay Jesus, sa mga katapo sang pamilya, kag sa iban sa kongregasyon makaamlig sa aton gikan sa kalibutan? (4) “Kahadluki si Jehova, Indi ang mga Tawo.” Paano ang kahadlok nga indi mapahamut-an si Jehova nakabulig sa imo nga madaug ang kahuya sa pagbantala, sa pagsunod sa diosnon nga mga prinsipio sa trabaho ukon sa eskwelahan, ukon sa pagbato sa pag-ipit gikan sa imo amo nga indi makatambong sa mga miting, mga asambleya, kag sa mga kombension? (5) “Himua ang Tanan nga Butang sa Himaya Sang Dios.” (Sal. 119:37; Heb. 4:13) Ngaa makapugong sa aton ang diosnon nga kahadlok sa pag-inom sing lakas, pagtan-aw sing pornograpiya, ukon paghimo sing natago nga mga sala? (6) “Padayon nga Maglakat nga May Kahadlok kay Jehova.” Paano ka ginpakamaayo ni Jehova bangod sang pagtugot mo nga magpanghikot sing bug-os ang iya espiritu sa imo kabuhi?—Sal. 31:19; 33:18; 34:9, 17; 145:19.
Ambahanon 171 kag nagatakop nga pangamuyo.
[Mga nota]
a Indi pagpasobrahi ang introduksion sa isa ka minuto, kag sundan ini sang pamangkot-kag-sabat nga paghinun-anon.
b Indi pagpasobrahi ang introduksion sa isa ka minuto, kag sundan ini sang pamangkot-kag-sabat nga paghinun-anon.
c Indi pagpasobrahi ang introduksion sa isa ka minuto, kag sundan ini sang pamangkot-kag-sabat nga paghinun-anon.