December Ena Hesiai Hebou

December 2 Purana

Ane 134

10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.

15 min: “Daika ese Iseda Haroro Sivaraina Do Ia Kamonai?” Henanadai bona haere. March 22, 1987, Awake!, rau 5 amo iseda haroro sivaraina idia ura kamonai ena badina haida gwauraia.

20 min: “Dirava Ena Hereva ese Ita Ia Hakaua.” (Paragraf 1-6) Paragraf 1-2 ena hereva amo inai kahana hamatamaia. (Herevalaia bukana ena rau 53-​55 ai idia noho “Baibel ita tahua ena badina” hani oi herevalaia danu.) Pablisa namodia abia hidi paragraf 3-6 edia haroro herevadia idia haheitalaia totona. Helai taudia noia idia ese (1) henanadai ese ruma tauna ena lalona ia veria dalana, (2) Baibel siri ese idia herevalaia gauna idia hamomokania dalana, (3) lou henia lalonai idia herevalaia gaudia ese guna idia herevalaia gaudia idia badinaia dalana, bona (4) Baibel stadi idia herevalaia dalana do idia gwauraia.

Ane 75 bona guriguri.

December 9 Purana

Ane 100

10 min: Kongregesen ena hadibaia herevadia. Akauns ripotina.

15 min: Haroro Gaukara Lalonai Buruka Taudia Ita Durua. Abidadama pablisa taudia burukadia idia ura bada haroro gaukara lalonai kongregesen idia bamoa, to idia buruka bona gorere dainai nega haida ia auka. Dala haida dekenai hemataurai ita hahedinaraia bena haroro grup lalonai idia vareai diba: Ia hegeregere neganai oi gwau motuka amo idia oi abia diba; oi hegaegae idia vareai ruma dekenai vadavada momo idia daekau lasi bona tano ia palaka; oi hegaegae idia hesiku neganai, dina ia siahu lasi gabuna ai, do idia helai bona laga-ani diba; bema oi be mai emu motuka, oi hamaoroa edia lou henia karaia totona do oi abidia lao diba; oi hadibaia idia hesiku momokani neganai, ruma dekenai oi abia lao diba. Buruka taudia ese idia abia heduruna idia moalelaia bada. Ma heduru daladia haida oi gwauraia emui kongregesen totona. July 1, 1986, Gima Kohorona, rau 28-9 ai ia noho herevana “Taunimanima Burukadia Ita Moale Henidia!” ena hereva badadia gwauraia.

20 min: “Dirava Ena Hereva ese Ita Ia Hakaua.” (Paragraf 7-9) May 1, 1993, Gima Kohorona, rau 3 ena hereva “Ta ese Ita Do Ia Hakaua be Namo” herevalaia sisina. Heduru ena badina​—Dirava​—amo heduru ita tahua be mai anina bada, unai be iseda haroro herevana lalonai ia hedinarai goevagoeva be namo ena badina hahedinaraia. Pablisa ta abia hidi paragraf 7-8 edia haroro herevadia ia haheitalaia totona. Oi hahedinaraia Diba bukana amo Baibel stadi do ita hamatamaia be iseda tahua gauna badana.

Ane 197 bona guriguri.

December 16 Purana

Ane 209

15 min: Kongregesen ena hadibaia herevadia. Ta be Kerisimasi hanamoa herevana ia gwauraia neganai, mai aonega ida haere daladia haida gwauraia. December 25 ena haroro gaukarana gwauraia. “Hebouhebou Edia Program Matamata” herevalaia.

30 min: Sibodia Edia Ruma Taudia Idia Naridia. October 1, 1996, Gima Kohorona, rau 29-​31 ena hereva amo. Elda ta ese ia hegaegaelaia namonamo bona hereva ia henia. Emui gabu dekenai hereva badadia badinaia daladia haida herevalaia. Rau 30-31 ai idia noho futnout ese idia gwauraia magasin gunadia edia hereva herevalaia sisina.

Ane 41 bona guriguri.

December 23 Purana

Ane 93

10 min: Kongregesen ena hadibaia herevadia. Idia udaia pepana ena hereva “Dirava ese Gaukara Ia Hanamoa Dainai Ita Moale” ena hereva badadia herevalaia. January 1 ena haroro gaukarana gwauraia.

15 min: Kongregesen durua herevana. Eiava elda ese hereva ta ia henia, July 15, 1996, Gima Kohorona, rau 24-​5 ena hereva ladana, “Ritaea Negana​—Tiokratik Gaukara Habadaia Iduarana Ia Kehoa, A?” amo.​—Insight, Volume 2, rau 794, paragraf 2-3 itaia.

20 min: “Haroro Sikuli Lalonai Oi Vareai.” Sikuli naria tauna ena hereva. Sikuli lalonai idia noho taudia edia namba gwauraia, bona iboudiai hagoadaia do idia vareai totona. Stiuden edia hereva karaia dalana “Lagani 1997 Ena Haroro Sikuli Ena Sediual” amo herevalaia.

Ane 166 bona guriguri.

December 30 Purana

Ane 223

10 min: Kongregesen ena hadibaia herevadia. Nega hegeregerena haroro gaukara lalonai idia abia ekspiriens matamatadia gwauraia.

15 min: “Nega Maorona ai Heduru Ita Abia.” Henanadai bona haere. Buka bona buklet matamata edia hereva badadia gwauraia.

20 min: January Ena Henia Gauna herevalaia. Ena davana idia hamaragia rau 192 bukana ta hariharilaia. Kongregesen dekenai idia noho bukadia hahedinaraia. Nega sisina buka ta ta hegeregerena hamatamaia herevadia be Herevalaia bukana ena rau 10-16 amo gwauraia. Haroro hereva tamona eiava rua haheitalaia.

Ane 137 bona guriguri.