Hesiai Hebou Ena Sediual

August 11 Purana

Ane 101

10 min: Kongregesen ena hadibaia herevadia. Iseda Basileia Gaukara amo Hadibaia Hereva haida abia hidi. Haheitalai rua hegaegaelaia, rau 8 ai idia noho magasin herevalaia daladia amo August 1 Watchtower bona July 22 Awake! magasin idia hariharilaia. Unai haheitalai ta ta dekenai, namona be Watchtower bona Awake! magasin ruaosi idia henia nega tamona, herevana magasin tamona sibona idia herevalaia. Unai haheitalai ta lalonai, ura lasi herevana “Lau bisi” hanaia dalana hahedinaraia.​—Herevalaia bukana, rau 23 itaia.

15 min: “Iehova Ena Namo Ita Tohotohoa.”a Helai taudia noia ekspiriens kwadogina amo idia hahedinaraia edena dala ai hebogahisi karadia ese dala ia kehoa idia haroro totona. Kongregesen hanamoa badina idia hekwarahi tadikaka ma haida idia durua totona.

20 min: “Painia Gaukara Ena Hahenamo Idauidau.”b Idia torea henanadai gaukaralaia. Painia ta eiava rua boiria bona painia gaukara amo idia abia hahenamo idauidau idia kikilaia. Oi hadibadia, Papua New Guinea dekenai regula painia taudia 74 pesen be taihu. Ita ura bada tadikaka momo ese regula painia gaukara idia karaia be gau badana! Painia tadikaka ese pura lalonai haroro grup idia hakaua neganai namo ia vara. Danu, nega momo painia taihudia be dika idia davaria garina idia gari dainai, teritori haida dekenai idia sibona idia haroro eiava unuseniai lou henia idia karaia be auka. Bema ta ia ura painia gaukara ia karaia, seketere amo aplikeisen pepana ia abia diba.

Ane 11 bona guriguri.

August 18 Purana

Ane 82

10 min: Kongregesen ena hadibaia herevadia. Akaun ripotina.

15 min: “Ita Ia Hagoadaia Gaukarana.”c Tadikaka o taihu rua eiava toi abia hegaegae guna, bena Keristani haroro gaukara ese idia ia hagoadadia dalana idia herevalaia totona.

20 min: “Namona be Iseda Tomadiho Gabuna Ena Toana Ia Namo.”d (Paragraf 1-5) Idia torea henanadai gaukaralaia. Paragraf 3 bona 4 oi herevalaia neganai, Kingdom Hall hagoevaia totona idia hegaegaelaia sediual gwauraia. Idia karaia diba gaukara idauidau gwauraia hedinarai. Kongregesen hanamoa, badina idia hekwarahi gabu idia naria namonamo tomadiho momokanina totona.

Ane 114 bona guriguri.

August 25 Purana

Ane 175

10 min: Kongregesen ena hadibaia herevadia. Haheitalai ta hegaegaelaia, rau 8 ai idia noho magasin herevalaia daladia amo August 8 Awake! bona Gima Kohorona matamatana ta hariharilaia. Namona be magasin ruaosi idia henia nega tamona, herevana magasin tamona sibona idia herevalaia. Unai haheitalai ta ta ai, tama eiava sina bona natuna mero eiava kekeni ta be magasin gaukara totona magasin hariharilaia dalana idia hegaegaelaia toho. Nega sisina lalonai edia kiki herevadia ta ta idia tohoa guna bena idia haheitalaia.

15 min: “Kongregesen Ena Lauma Dalana Hagoadaia Karana.”e Ia manada vadaeni elda ta ese do ia karaia.

20 min: Mai Gari Lasi Danu Haroro. (1 Tes. 2:2) Hereva henia bona helai taudia ida kikilaia. Oi hahedinaraia dahaka dainai momo idia gari Basileia ena sivarai be ma haida dekenai idia gwauraia totona. Unai be momokani, herevana haida be lagani momo lalonai haroro gaukara idia karaia. December 1, 1999, Gima Kohorona, rau 25; December 15, 1999, Gima Kohorona, rau 25; bona April 1, 1996, Gima Kohorona, rau 31 amo ekspiriens haida kikilaia. Helai taudia noia idia hahedinaraia gari mamina idia abia neganai, edena dala ai idia koua bena sivarai namona idia harorolaia. Dokonai, December 15, 1999, Gima Kohorona, rau 23-4 amo idia oi hagoadaia Iehova dekena amo goada idia abia be namo.

Ane 125 bona guriguri.

September 1 Purana

Ane 84

10 min: Kongregesen ena hadibaia herevadia. Pablisa taudia hadibaia lou August ena haroro ripoti idia henia totona. September ena henia gauna gwauraia. Tadikaka eiava taihu ta eiava rua abia hegaegae guna, bena nega bona dala idauidau ai haroro gaukara idia karaia neganai idia davaria hagoadaia ekspiriens haida idia gwauraia totona.

15 min: Do Oi Giroa Lou Gwauhamatana be Oi Hagugurua, A? Hereva henia bona helai taudia ida September 15, 1999, Gima Kohorona, rau 10-11 ai ia noho hereva kwarana “Iseda Gwauhamata Ita Hagugurua Daladia Ma Haida” ena henuna herevadia kikilaia. Iseda haroro gaukara ai kamonai taudia ita davaria neganai, nega momo dala ita karaia nega ma ta ai eda herevahereva ita habadaia totona. Ita gwauhamata hegeregerena, ita giroa lou, a? Baibel ena hakaua herevadia riviulaia, unai ese ita ia hagoadaia iseda gwauhamata ita hagugurua totona. Helai taudia noia ekspiriens haida amo idia hahedinaraia idia giroa lou haraga dainai dahaka hahenamo idia abia idia kikilaia.

20 min: “Namona be Iseda Tomadiho Gabuna Ena Toana Ia Namo.”f (Paragraf 6-​11) Idia torea henanadai gaukaralaia. Hahedinaraia Kingdom Hall ita naria namonamo be gau badana, rau 5 ai ia noho mauana herevalaia. Emui Kingdom Hall ia namo eiava dika ena ripoti kwadogina gwauraia, bona bema gau ta ia dika bona hanamoa totona palani umui karaia, namona be oi gwauraia hedinarai.

Ane 41 bona guriguri.

[Footnotes]