Պէտք Է Մարդոց Կրկին ու Կրկին Այցելենք

¹ Երբ անհատ մը առաջին անգամ ձեզի հետ խօսեցաւ բարի լուրին մասին, նպաստաւոր կերպով ընդառաջեցի՞ք։ Եթէ ոչ, երախտապարտ պէտք է զգաք որ Եհովայի Վկաները կրկին ու կրկին այցելեցին ձեզի, մինչեւ որ վերջապէս ընդունեցիք Աստուածաշունչի ուսումնասիրութեան մը առաջարկը։ Յարմար է որ ասոր մասին մտածէք, երբ ձեզի նշանակուած թաղամասը կրկին կը ծառայէք։

² Մարդոց կեանքը յարատեւ փոփոխութեան կ’ենթարկուի։ Անոնք նոր դժուարութիւններ կամ կացութիւններ կը դիմագրաւեն, ընկերութեան կամ աշխարհին մէջ պատահած խռովեցուցիչ դէպքերու մասին կը լսեն, կը տառապին տնտեսական տագնապներէ, կամ ընտանիքին մէջ հիւանդութեան կամ մահուան պարագաներ կ’ունենան։ Թերեւս այսպիսի բաներ կրնան առիթ տալ իրենց որ ուզեն գիտնալ այս տառապանքներուն պատճառը։ Պէտք է մարդոց մտքերը մտահոգող ազդակները բնորոշենք եւ ապա ընդառաջենք՝ մխիթարական պատգամ մը տալով։

³ Ասիկա Փրկարար Գործ մըն Է. Պահ մը խորհեցէք աղէտ պատահած վայրի մը մէջ փրկագործութեամբ զբաղող աշխատաւորներու մասին։ Եթէ նոյնիսկ անոնցմէ ոմանք կը փնտռեն շրջանի մը մէջ ուր քիչ վերապրողներ կը գտնուին, անոնք չեն դանդաղիր ու կանգ առներ, պարզապէս անոր համար որ իրենց ընկերակիցները այլուր աւելի վերապրողներ կը գտնեն։ Մեր փրկութեան գործողութիւնը տակաւին վերջ գտած չէ։ Ամէն տարի, հարիւր հազարաւորներ կը գտնենք, որոնք կ’ուզեն վերապրիլ «մեծ նեղութենէն»։—Յայտ. 7։9, 14

⁴ «Ով որ Տէրոջը անունը կը կանչէ՝ պիտի փրկուի»։ (Հռովմ. 10։13-15) Այս բառերը իւրաքանչիւրիս մէջ քարոզչութիւնը շարունակելու կարեւորութիւնը պէտք է շեշտեն։ Մեր թաղամասը առաջին անգամ աշխատցուելէն ի վեր, երախաները մեծցան եւ հիմա անոնք բաւական չափահաս են, ու կրնան լրջօրէն մտածել իրենց ապագային եւ կեանքի նպատակին մասին։ Իրականութեան մէջ, չենք կրնար գիտնալ թէ ի վերջոյ որո՛նք պիտի լսեն։ (Ժող. 11։6) Նախկին հակառակորդներէն շատեր ճշմարտութիւնը ընդունած են։ Մեր գործը մարդիկը դատել չէ, հապա՝ շարունակաբար անոնց պատեհութիւն տալ, որ լսեն բարի լուրը եւ փրկուին այս հին աշխարհէն։ Ինչպէս որ Յիսուսի նախկին աշակերտները ըրին, պէտք է ‘շարունակենք երթալ’, փորձելով Թագաւորութեան պատգամին հանդէպ անոնց հետաքրքրութիւնը արթնցնել։—Մատթ. 10։6, 7, ՆԱ։

⁵ Տակաւին մեր դիմաց քարոզելու պատեհութիւն ունենալը Եհովայի ողորմութեան մէկ արտայայտութիւնն է։ (Բ. Պետ. 3։9) Մինչ առիթ կու տանք ուրիշներու որ պատգամը կրկին ու կրկին լսեն, Աստուծոյ սէրը ուշագրաւ կը դարձնենք եւ այս կերպով կը փառաբանենք զինք։