Gimong ti Serbisio iti Oktubre
Lawas ti Oktubre 5-11
10 min: Lokal nga anunsio ken Dagiti Pakaammo manipud Ti Ministeriotayo iti Pagarian.
15 min: “Panangipateg iti Kaipapanan ti Agdama a Paspasamak.” Saludsod ken sungbat a panangkobre iti artikulo. Kalpasan a mausig ti parapo 6, iparang iti maysa a demostrasion a mangipakita no kasano a ti benneg a “Apay a Maipabpablaak ti Agriingkayo!” iti panid 4 ket mausar a pangiyammo ti magasina. Ipakita iti bumalay ti masinnunuo nga artikulo wenno punto iti magasina bayat ti demostrasion.
20 min: “Panangiparang a Makaallukoy iti Interes.” Mailawlawag kadagiti timmabuno no kasano a maalagad dagiti singasing idiay lokal a teritoriayo. Maiyurnos ti dua a nakapapati, naimbag iti pannakaisaganada a demostrasion, a mausar ti Oktubre 8 wenno Oktubre 22 nga Agriingkayo!
Kanta 96 ken pangserra a kararag.
Lawas ti Oktubre 12-18
15 min: Lokal nga anunsio. Iraman ti report iti kuenta ken pakaammo ti donasion. Komendaran ti kongregasion iti nabuslon a suportarda a maipaay ti lokal a kasapulan ken iti trabaho ti Sosiedad iti sangalubongan. Pagsaritaan dagiti lawag manipud kaudian a magasina ken maidemostra no kasano a ti kaudian a Pagwanawanan ket maitukon iti ngudo ti lawas.
15 min: No kasano a ti Agriingkayo! a magasina ket nagunggonaannatayo a personal. Saludsodan ti makabael a kabsat dagiti tallo wenno uppat nga agibumbunannag iti masinnunuo a wagas no kasanoda a natulongan babaen dagiti artikulo ti Agriingkayo! Iraman uray maysa laeng nga agtutubo a madama iti pagadalan a nagunggonaan manipud kadagiti artikulo nga “Agimtuod Dagiti Agtutubo.” Dagitoy a kapadasan ti mabalin a mausar no itukon ti suskripsion iti Agriingkayo! idiay tay-ak.
15 min: “Ti Kadi Interes ket Mapasgedan Manen?” Saludsod ken sungbat a diskusion iti artikulo, a sarunuen ti maysa a demostrasion no kasano a masarungkaran manen dagidiay dati a naadalan ngem naisardeng gapu iti nagduduma a rason.
Kanta 10 ken pangserra a kararag.
Lawas ti Oktubre 19-25
5 min: Lokal nga anunsio. Maistoria ti maysa nga ababa a lokal a kapadasan iti tay-ak wenno mapagsaritaan a puntos a mabalin a mausar idiay tay-ak ti serbisio iti daytoy a lawas.
15 min: “Bautismo,” manipud Panakirinnason a libro, pinanid 59-63. Pangirugi a palawag a naibasar iti “Kayuloganna.” Idemostra no kasano a ti maysa a panglakayen ket makisao iti maysa nga agkedked pay laeng iti bautismo. Mailawlawag ti impormasion iti panid 59. Maigunamgunam ti pateg iti dedikasion ken ti panangisimbolo iti daytoy babaen ti bautismo iti danum. Ingudo ti ispiker babaen iti ababa a panangusig ti bautismo iti nasantuan nga espiritu, bautismo nga agpaay kadagiti natay, ken bautismo iti apoy.
15 min: “Ag-Auxiliary Payunirkayo Kadi iti Nobiembre ken Disiembre?” Saludsod ken sungbat. Patanoren ti kinarayray iti auxiliary payunir a trabaho bayat dagitoy dua a bulan. Masaludsodan dagiti sumagmamano a madama nga auxiliary payunir wenno dagidiay naragsakan iti dayta kadagiti naglabas, tapno matignay dagiti dadduma a kumuyog kadakuada.
10 min: Panangrepaso iti Aktibidad ti Kongregasion. Bayat a mausar dagiti numero nga agminar idiay Congregation Analysis Report (S-10) a naipatulod iti Sosiedad idi napan a bulan, ti mangidaulo a manangaywan ken manangaywan iti serbisio ket ibinsabinsada dagiti lawag iti aktibidad ti kongregasion iti napalabas a tawen. Sibabara a komendaran dagiti agibumbunannag ken payunir iti panagsakripisioda a maipaay ti serbisio ken iti kinamatalekda a tumabuno ti gimong. Masinnunuo a madakamat dagiti nagrang-ayanda. Maaramid ti panamagdilig iti gapuanan kadagiti napalabas no adda pay dagiti naidulin a report. Kasta met a maitudo no ania a benneg ti masapul a maparang-ay pay bayat iti 1993 a tawen ti serbisio.
Kanta 43 ken pangserra a kararag.
Lawas ti Okt. 26–Nob. 1
10 min: Lokal nga anunsio. Teokratiko a Damdamag. Maiyanunsio no ania a magasina ti mabalin a maala nga usaren iti tay-ak ti serbisio, ken maisingasing iti maysa wenno dua a puntos a makaawis ti lokal. Idemostra no kasano a dagiti agdama a magasina ket maiparang babaen ti Nainkasuratan a presentasion, kas iti maysa kadagiti naibalabala idiay ngato ti artikulo iti makinlikud a panid.
15 min: “Panangitukon iti Panangbiruk ti Sangatauan iti Dios.” Ilawlawag ken idemsotra dagiti sumagmamano a singasing iti artikulo. Ipakita no kasano a dagiti sangapulo a wagas ti panangilasin iti pudno a relihion idiay panid 377 ket mausar nga epektibo no itukon daytoy a libro bayat ti Nobiembre.
20 min: “1992 a ‘Manangawit iti Lawag’ a Kombension ti Distrito”—Paset 1. Diskusion dagiti timmabuno iti parapo 1-11. Nalabit a kayat dagiti agibumbunannag nga ilawlawag dagiti maitutop a puntos kadagidiay estudianteda ti Biblia isuda a naawis a tumabuno iti kombension.
Kanta 48 ken pangserra a kararag.
Lawas ti Nobiembre 2-8
10 min: Lokal nga anunsio. Isarita ti ababa a lokal a kapadasan iti tay-ak wenno madakamat dagiti mapagsaritaan a puntos a mausar iti daytoy a lawas idiay tay-ak ti serbisio.
20 min: “1992 a ‘Manangawit iti Lawag’ a Kombension ti Distrito”—Paset 2. Diskusion dagiti timmabuno iti parapo 12 aginggat’ 19 ken ababa a repaso idiay “Dagiti Palagip iti Kombension ti Distrito” kas ipalubos ti tiempo. Iraman dagiti maitutop a palagip a naibasar iti Ti Pagwanawanan a Hunio 15, 1989, pinanid 10-20. Paregtaen dagiti grupo ti pamilia a repasuenda dagiti puntos kadagitoy nga artikulo sakbay a tumabunoda iti kombension.
15 min: Diskusion ken demostrasion ti panangiparang iti Panangbiruk ti Sangatauan iti Dios, a mausar ti Isaias 55:6, 7 ken Aramid 17:26, 27. Ipakita no kasano a dagiti agdadamo ken agtutubo ket mausarda ti napalaka a presentasion, nga usarenda laeng ti Isaias 55:6, 7. Ti kabsat a mangimaton iti daytoy ti makaala kadagiti puntos manipud artikulo a “Panangitukon iti Panangbiruk ti Sangatauan iti Dios” iti panid 8.
Kanta 109 ken pangserra a kararag.