Gimong ti Serbisio iti Oktubre
Lawas ti Oktubre 4-10
10 min: Lokal nga anunsio ken napili a Dagiti Pakaammo manipud iti Ti Ministeriotayo iti Pagarian.
15 min: “Ania ti Maibanagtayo Bayat Daytoy a Tawen ti Serbisio?” Palawag ken diskusion kadagiti dumdumngeg. Isango ti mangidaulo a manangaywan. Repasuen iti napalabas a tawen a serbisio ti kongregasion ken paregtaen dagiti amin nga agplano a maipaay iti naparang-ay nga aktibidad bayat iti 1994 a tawen ti serbisio.
20 min: “Usaren a Naimbag Dagiti Magasina.” Saludsod ken sungbat a panangkobre. Agpositibokayo a mangparegta iti kakabsat a mangitukon ti suskripsion a maipaay iti Agriingkayo! No saan a maala ti suskripsion ngem ipakita iti tao ti interes, paregtaen dagiti kakabsat a mangipasdekda iti rota ti magasina: a mangidulinda iti nasayaat a house-to-house record; a tignayen ti interes a maipaay iti sumaruno a ruar babaen ti panangdakamat kadagiti mapasungad a suheto; mapataud dagiti saludsod a masungbatan babaen dagiti artikulo; kalpasanna siguruen iti sumarungkar a maitugot dagiti ruar.
Kanta 108 ken pangserra a kararag.
Lawas ti Oktubre 11-17
10 min: Lokal nga anunsio. Mairaman dagiti report iti kuenta ken subalit ti donasion. Komendaran ti kongregasion iti nabuslon a suportarda iti lokal a kasapulan ken ti sangalubongan a trabaho iti Sosiedad.
20 min: Salaknibanyo Dagiti Annakyo iti Pagadalan. Palawag nga addaan interbio ken demostrasion. Naipasango kadagiti Kristiano nga agtutubo ita dagiti isyu a kaaduan iti kongregasion ket saanda a mapanunot. Dagiti nagannak ti nangruna a makaammo maipapan kadagitoy a karit tapno masalaknibanda dagiti annakda a mangparukma iti suot ti kinatarnawda. Mainterbio dagiti tallo nga agtutubo a nagduduma ti edadda. Ania dagiti masinunuo a pakagipitan iti pagadalan a masapul a sanguenda ti inaldaw? Ania ti tumulong kadakuada a mangtaginayon iti naimbag a relasionda ken Jehova? Maiyurnos ti demostrasion iti maysa a pamilia a mausig ti parapo 2 ken 3 iti panid 11 ti School a broshur. Ipudno dagiti annak a mauyaw ken mariknada a maitaltalikudda gapu ti panangitandudoda iti nangato a pagalagadan ti Biblia iti moralidad. Paregtaen ti ulo iti pamilia dagiti annak babaen ti panangiyebkasna a ragsakenna iti ehemploda ken palagipanna ida a maragsakan met ni Jehova iti konduktada. (Prov. 27:11) Ingudo ti kabsat a mangimaton iti daytoy a paset babaen ti panangpadayawna kadagiti agtutubo ti kongregasion iti naimbag nga aramidda ken bagbagaanna ida a makiumanda kadagiti nagannakda tapno mapabilegda iti naespirituan las-ud ti tawen a panagadalda.
15 min: “Adalen ti Agbiag nga Agnanayon ken Nagkaykaysa a Panagdayaw a Libro.” Kalpasan a mairepaso ti artikulo kadagiti timmabuno, maadda ti nakasagana a naimbag nga agibumbunannag a mangidemostra no kasano a maiyallatiw ti panagadal iti Katan-okan a Tao a libro iti Agbiag nga Agnanayon a libro.
Kanta 17 ken pangserra a kararag.
Lawas ti Oktubre 18-24
10 min: Lokal nga anunsio. Mailawlawag dagiti artikulo ti agdama a magasina a mabalin a madakamat iti daytoy a lawas idiay tay-ak ti serbisio.
20 min: “Naan-anay a Magunggonaan iti 1993 a ‘Nadiosan a Sursuro’ a Kombension ti Distrito”—Paset 1. Diskusion dagiti dumdumngeg iti parapo 1-15. Ilawlawag dagiti agibumbunannag dagidiay maitutop a puntos kadagiti estudianteda ti Biblia isuda a maawis a tumabuno iti kombension.
15 min: “Panangirugi iti Panagadal ti Biblia iti Pagtaengan.” Saludsod ken sungbat. Kalpasan ti parapo 4, iparang ti maysa a nabiag a demostrasion iti panagsarungkar a Biblia laeng ti mausar, ngem naibasar iti paset ti Agbiag nga Agnanayon wenno Panakirinnason a libro, kas naisingasing.
Kanta 84 ken pangserra a kararag.
Lawas ti Oktubre 25-31
10 min: Lokal nga anunsio. Teokratiko a Damdamag.
20 min: “Naan-anay a Magunggonaan iti 1993 a ‘Nadiosan a Sursuro’ a Kombension ti Distrito”—Paset 2. Diskusion dagiti timmabuno iti parapo 16-18 ken naannad a repaso iti “Dagiti Palagip iti Kombension ti Distrito” kas ipalubos ti tiempo. Mairaman dagiti maitutop a palagip a naibasar iti pakaammo ti Pagwanawanan a Hunio 15, 1989, pinanid 10-20, wenno paregtaen dagiti grupo ti pamilia a repasuenda dagiti puntos kadagitoy nga artikulo sakbay a tumabunoda iti kombension.
15 min: “Tulongan Dagiti Marakarnero a Tattao a Maibangon iti Natibker a Pundasion.” Malawagan a kadua dagiti dumdumngeg. Maipanayag ti kasapulan nga agsagana a maipaay iti kada sarungkar. Maiyurnos nga idemostra ti makabael nga agibumbunannag ti panagsarungkar iti maysa a tao nga iti napalabas ket nangala iti Agbiag nga Agnanayon a libro, nga usaren ti salaysay manipud iti uray parapo 3 wenno 5.
Kanta 21 ken pangserra a kararag.
Lawas ti Nobiembre 1-7
10 min: Lokal nga anunsio.
15 min: “Gunggonaan Dagiti Dadduma iti Panangusar Kadagiti Magasina.” Palawag nga adda demostrasionna. Mailawlawag ti pateg iti naan-anay a panangusar nga agpadpada dagiti agdama ken dadaan a ruar dagiti magasina. Maadda ti dua a demostrasion, maysa ti agpaay iti agdama a magasina ken ti maysa a mangipakita no kasano a mausar dagiti daan a ruar a pangsabet iti masnup a kasapulan ti bumalay.
20 min: Sadino ti Ayan Dagiti Ingo-ngoten a Pimmusay? Diskusion ti pamilia. Pilien dagiti napili a material manipud pinanid 166-169 iti Panakirinnason a libro, nga usigen ti ulo iti pamilia maipapan ti pannakaikawa gapu ti ipupusay iti nadekket a gayyem ti pamilia. Iturongna ti panangtulong kadagiti annakna a mangawat iti panangmatmat ti Biblia. Agsaludsod tapno masigurona a naawatanda no ania ti kaipapanan iti ipapatay ken maiyebkasda ti bagbagida a nalawag maitunos iti edadda. Kasta met nga ipakitana kadakuada no kasano a mausar ti Panakirinnason a libro a mangliwliwa iti sabsabali.
Kanta 15 ken pangserra a kararag.