Gimong ti Serbisio iti Disiembre
TANDAANAN: Mangyeskediul Ti Ministeriotayo iti Pagarian iti Gimong ti Serbisio iti kada lawas iti Disiembre ken Enero. Mabalin a mangaramid dagiti kongregasion iti panagbalbaliw no kasapulan tapno makatabuno iti “Dagiti Mensahero ti Nadiosan a Talna” a Kombension Distrito ket kalpasanna adda 30-minuto a panangrepaso kadagiti tampok a paset ti programa iti Gimong ti Serbisio iti sumaruno a lawas. Ti repaso iti tunggal aldaw ti programa ti kombension ket maituding koma a nasaksakbay iti dua wenno tallo a kualipikado a kakabsat a makaipamaysa kadagiti kangrunaan a punto. Makatulong daytoy a repaso iti kongregasion a manglagip kadagiti kangrunaan a punto a personal a mayaplikar ken mausar iti tay-ak. Ababa ken saan koma nga agpalpalikaw ti komento dagiti dumdumngeg ken dagiti kapadasan.
Lawas ti Disiembre 2-8
10 min: Dagiti lokal a pakaammo ken Dagiti Pakaammo iti Ti Ministeriotayo iti Pagarian. Ipaganetget a naimbag ti maikatlo a pakaammo iti panid 7 maipapan iti panangsierto a mayawat dagiti report iti Disiembre sakbay a pumanaw a mapan iti kombension distrito.
15 min: “Siasino ti Dumngeg iti Mensahetayo?” Saludsod ken sungbat.
20 min: “Ti Sao ti Dios Mangiwanwan.” (Parapo 1-6) Iruangan ti paset babaen ti parapo 1 ken 2. Paidemostra kadagiti makabael nga agibumbunannag dagiti naisingasing a presentasion iti parapo 3-6. Awisen dagiti dumdumngeg nga agkomento (1) no kasano a mangtukay iti interes dagiti napataud a saludsod, (2) no kasano a dagiti kasuratan a nausar ket maitutop iti suheto a mapagsasaritaan, (3) no kasano a maikanatad a sinurnadan iti panagsarungkar daydi damo a panagsarita, ken (4) no kasano a naitukon ti panagadal.
Kanta 75 ken pangserra a kararag.
Lawas ti Disiembre 9-15
10 min: Dagiti lokal a pakaammo. Report ti kuenta.
15 min: Panangtulong Kadagiti Natataengan a Makiraman iti Serbisio. Adu a matalek a natataengan nga agibumbunannag ti nasged ti tarigagayda a makiraman a mangasaba a kadua ti kongregasion, ngem addaanda iti pisikal a limitasion gapu iti edad ken nakapuy a salun-at. Addada pamay-an a maipakitatayo ti konsiderasion kadakuada tapno mairamanda iti grupo iti serbisio: Itukon a maipaayanda iti transportasion; iyurnos ti isasarungkarda kadagiti pagtaengan a bassit laeng dagiti tukad nga ulienda; palubosan ida nga aginana no nabannogda; no adda luganyo, itukon nga itulodyo ida kadagiti sarungkaranda; ipakaammo kadakuada nga iyawidyo ida no mariknada a saandan a makapagtultuloy. Yamanen dagiti natataengan ti tulong a maipaay kadakuada. Dakamaten dagiti dadduma pay a wagas a maipakita ti kasta a konsiderasion sigun iti lokal a kasasaad. Repasuen dagiti kangrunaan a punto iti artikulo a “Patpatgentayo Dagiti Natataengan!” a masarakan iti Pebrero 1, 1986, Pagwanawanan, panid 28-9.
20 min: “Ti Sao ti Dios Mangiwanwan.” (Parapo 7-9) Komentuan “Ti Panagkasapulan iti Bagnos” iti Mayo 1, 1993, Pagwanawanan, panid 3. Ilawlawag no apay a rumbeng nga ipaganetget ti presentasiontayo ti kinapateg ti panagpatarabay iti natantan-ok a Gubuayan—ti Dios. Paidemostra iti agibumbunannag dagiti presentasion iti parapo 7-8. Ipaganetget a ti kalattayo inton agangay isu ti panangirugi iti panagadal iti Biblia iti libro a Pannakaammo.
Kanta 197 ken pangserra a kararag.
Lawas ti Disiembre 16-22
10 min: Dagiti lokal a pakaammo. Mangipaay iti sumagmamano a singasing no kasano a sungbatan a sitataktika dagiti kablaaw iti piesta opisial. Dakamaten dagiti urnos iti espesial a panangasaba iti Disiembre 25.
10 min: “Baro a Programa iti Asamblea Sirkito.” Saludsod ken sungbat. Repasuen dagiti gunggona kadagiti napalabas nga asamblea sirkito ken patanoren ti panaggagar iti serye ti 1997.
25 min: “Panagrag-o iti Irarang-ay nga Ipaay ti Dios.” Narayray a palawag ti panglakayen. Mangdakamat kadagiti kapadasan wenno ebidensia ti panagrang-ay kadagiti nairepresentar a pagilian, kas naipakita kadagiti kallabes a Yearbook.
Kanta 41 ken pangserra a kararag.
Lawas ti Disiembre 23-29
10 min: Dagiti lokal a pakaammo. Mangdakamat kadagiti punto a pagsasaritaan kadagiti agdama a magasin a mausar iti serbisio ita a lawas. Dakamaten dagiti urnos iti espesial a panangasaba iti Enero 1.
15 min: Dagiti lokal a kasapulan. Wenno, ipalawag ti maysa a panglakayen ti “Panagretiro—Maysa Kadi a Silulukat a Ruangan iti Nateokratikuan nga Aramid?” iti Hulio 15, 1996, Pagwanawanan, panid 24-5.—Kitaenyo ti Insight, Tomo 2, panid 794, parapo 2-3.
20 min: “Panagpalista iti Teokratiko nga Eskuelaan ti Panagministro.” Palawag ti manangaywan iti eskuelaan. Dakamaten ti bilang dagiti nagpalista, ken paregtaen dagiti amin a mabalin nga agpalista. Repasuen dagiti instruksion kadagiti paset ti estudiante iti “Eskediul iti Teokratiko nga Eskuelaan ti Panagministro Para iti 1997.”
Kanta 166 ken pangserra a kararag.
Lawas ti Dis. 30–Ene. 5
10 min: Dagiti lokal a pakaammo.
20 min: “Natimbengkay Aya a Payunir?” Palawag ti maysa a panglakayen a naibatay iti artikulo iti Mayo 15, 1996 a Pagwanawanan, panid 29-31.
15 min: Repasuen ti Literatura a Tukon iti Enero. Itukon ti bassit nga edision ti libro nga Agbiag nga Agnanayon iti nalaklaka a kontribusion a ₱20.00. Maysa daytoy nga ekselente a libro nga itukon kadagiti tattao. Dakamaten ti dadduma kadagiti mapagsasaritaan a punto ken dagiti ilustrasion a mausar. Babaen ti panangusar iti libro a Panakirinnason, panid 9-14, repasuen iti apagbiit dagiti maitutop nga introduksion. Idemostra ti maysa wenno dua a presentasion.
Kanta 137 ken pangserra a kararag.