Pagtuladan a Presentasion

Ti Pagwanawanan Oktubre 1

“Kayatmi nga ipakita iti amin daytoy makapainteres a ruar Ti Pagwanawanan. [Ipakitayo ti akkub.] Ibagbaga ti dadduma a mangibus laeng iti tiempo ti panagkararag ta awan met ti dumdumngeg. Mamati met ti dadduma a denggen ti Dios dagiti kararagda. Ania ti makunayo? [Palubosanyo a sumungbat.] Kastoy ti ibagbaga ti Biblia maipapan iti kararag. [Basaen ti Isaias 30:19.] Mangted daytoy a magasin kadagiti pammaneknek a denggen ken sungbatan ti Dios dagidiay umiso ti panagkararag ken ikarkararagda.”

Agriingkayo! Oktubre

“Bumisbisitakami iti apagbiit ta adu ti agsalsaludsod no apay nga ipalpalubos ti Dios ti panagrigrigat. Panagkunayo, kinaawan ngata iti panagraem iti Dios no isaludsodtayo dayta kenkuana? [Palubosanyo a sumungbat.] Inyebkas ti nalinteg a tao a ni Job a kayatna ti agsaludsod iti Dios. [Basaen ti Job 23:3-5.] Usigen daytoy a magasin ti tallo a saludsod a kayat a damagen ti adu a tattao iti Dios, no maikkanda koma iti gundaway. Mabasayo met ditoy dagiti makapnek a sungbat nga adda iti Biblia.”