იეჰოვას მოწმეთა 2000 წლის საოლქო კონგრესი „ღვთის სიტყვის შემსრულებლები“

¹ „მადლობას გეტყვი დიდ კრებულში, მირიად ხალხში შეგასხამ ხოტბას“ (ფსალმ. 34:18). წარმოიდგინეთ, როგორი აღფრთოვანებული იქნებოდა დღეს დავითი, ჩვენს კონგრესებზე ღვთიური სწავლების მისაღებად მშვიდობიანად შეკრებილი ათასობით ადამიანი რომ ენახა! იყავით თუ არა იმ ათასობით ადამიანს შორის, რომლებიც დაესწრნენ საოლქო კონგრესს „ღვთის წინასწარმეტყველური სიტყვა“? 1999 წლის ივნისის ბოლოდან დაწყებული ოქტომბრის დასაწყისის ჩათვლით ბელორუსიის, რუსეთის ფედერაციის, საქართველოს, ყაზახეთისა და ყირგიზეთის 50 ქალაქში მთლიანობაში 56 საოლქო კონგრესი ჩატარდა. 2000 წლისთვის დაგეგმილი ჩვენი საოლქო კონგრესები ახალ შესაძლებლობას მოგვცემს, შევიკრიბოთ იეჰოვას იმ განმადიდებლებთან ერთად, რომლებსაც ‘შეგნებული აქვთ თავიანთი სულიერი მოთხოვნილებები’ და მოხარული და მოწყურებული არიან ‘მოისმინონ, რას ეუბნება სული ეკლესიებს’ (მათ. 5:3, აქ; გამოცხ. 2:29).

² დაბინავება. მოხარული ვართ, ყოველწლიურად მოგაწოდოთ ინფორმაცია, როგორ შეუკვეთოთ კონგრესის დროს საცხოვრებელი ადგილი. რადგანაც საქართველოში დელეგატების დაბინავება მხოლოდ იმ ძმებისა და დების სახლებში ხდება, რომლებიც ცხოვრობენ ქალაქში, სადაც კონგრესი ტარდება, ძალიან მნიშვნელოვანია შემდეგ აბზაცებში მოცემულ მითითებებთან დაკავშირებით თითოეული თქვენგანის თანამშრომლობა. ადგილობრივი დაბინავების განყოფილება მდგომარეობისდა მიხედვით თითოეულ კრებას სპეციალური წერილით მიაწვდის ინფორმაციას დაბინავების შესახებ და მიუთითებს, როდისთვის უნდა გაეგზავნოს დაბინავების განყოფილებას ყველა ბლანკი „განსაკუთრებული საჭიროებების მქონეთა განცხადება დაბინავებაზე“ (CO-5). დაბინავების განყოფილება მოელის, რომ კრების მდივანი დროულად გაუგზავნის ბლანკებს „განსაკუთრებული საჭიროებების მქონეთა განცხადება დაბინავებაზე“ (CO-5). ამასთანავე, დაბინავების განყოფილება თხოვნით მიმართავს იმ ქალაქში არსებულ კრებებს, სადაც კონგრესის ჩატარებაა დაგეგმილი, რომ ყველა მსურველმა შესთავაზოს საცხოვრებელი ადგილი ჩამოსული ძმებისა და დებისთვის. შემოთავაზებულ ბინებთან დაკავშირებული ინფორმაციის ადვილად და ზუსტად შესავსებად წერილს დაერთვება ბლანკი „ბინა“ (CO-4). დიდად დასაფასებელია, ძმებო და დებო, თქვენი მზადყოფნა — გაიღოთ ასეთი მსხვერპლი და ყოველწლიურად შესთავაზოთ დელეგატებს თქვენი ბინები. გთხოვთ, ყურადღებით მიჰყვეთ მითითებებს, რომლებიც მოცემულია ამ დანართში არსებულ ჩარჩოში, სათაურით „რა უნდა გაკეთდეს, თუ ვითხოვთ ან ვთავაზობთ საცხოვრებელ ადგილს“.

³ კრებებისგან დაბინავების მსურველებთან დაკავშირებული ინფორმაციის მიღების შემდეგ დაბინავების განყოფილება გაანაწილებს საცხოვრებელ ადგილებს და შეატყობინებს ამას კონგრესზე ჩამომსვლელებსა და ბინის შემთავაზებლებს. საცხოვრებელ ადგილთან დაკავშირებულ ნებისმიერ რთულ საკითხზე მდივანს შეუძლია დაუკავშირდეს დაბინავების განყოფილებას ამ განყოფილების მიერ გამოგზავნილი წერილის ზევითა ნაწილში მითითებულ მისამართზე ან ტელეფონზე.

⁴ თუ უკვე შეუკვეთეთ საცხოვრებელი ადგილი, გთხოვთ, ნუ შეცვლით პირველ შეკვეთას. ამ მითითების თანახმად მოქმედება საშუალებას გვაძლევს, სიყვარული გამოვავლინოთ თანაქრისტიანი ძმების მიმართ და გავექცეთ ეგოისტურ განწყობილებას, რომელიც დღევანდელ წუთისოფელს ახასიათებს (1 კორ. 10:24).

⁵ საცხოვრებელ ადგილთან დაკავშირებული პრობლემების მოგვარება. კონგრესამდე თუ კონგრესის შემდეგ წამოჭრილ ნებისმიერ სირთულესთან დაკავშირებით შეგიძლიათ წერილობით ან ტელეფონით დაუკავშირდეთ დაბინავების განყოფილებას იმ მისამართზე ან ნომერზე, რომელიც მითითებულია დაბინავებასთან დაკავშირებით თითოეული კრებისთვის გამოგზავნილი სპეციალური წერილის ზევითა ნაწილში. თუ პრობლემა კონგრესის განმავლობაში წამოიჭრება, რაც შეიძლება მალე უნდა მიაკითხოთ კონგრესის დაბინავების განყოფილებას, რომ ძმები საცხოვრებელი ადგილის დატოვებამდე დაგეხმარონ.

⁶ განსაკუთრებული საჭიროებების მქონე პირები. ნათესავებს, უხუცესებსა და კრების სხვა წევრებს, რომლებმაც იციან ხანდაზმულების, ინვალიდების, სრული დროით მსახურების ან სხვების განსაკუთრებული საჭიროებები, შეუძლიათ სიყვარულით აღსავსე მზრუნველობა გამოავლინონ და დაეხმარონ მათ კონგრესზე დასწრებაში (შეადარეთ 1 ტიმოთე 5:4). საზოგადოების ბლანკზე „განსაკუთრებული საჭიროებების მქონეთა განცხადება დაბინავებაზე“ (CO-5) მითითებულია, ვის შეუძლია ამ ბლანკის შევსება. ის გათვალისწინებულია მხოლოდ სამაგალითო მაუწყებლებისთვის, აგრეთვე იმათთვის, ვისაც კარგი ყოფაქცევის მქონე შვილები ჰყავს და ვისაც კრების სამსახურებრივი კომიტეტი რეკომენდაციას უწევს. ეს განცხადება რაც შეიძლება მალე უნდა გაეგზავნოს დაბინავების განყოფილებას კონგრესის მისამართზე, რომელიც ბლანკის მეორე გვერდზეა მითითებული.

⁷ სხვა კონგრესზე დასწრება. საქართველოს საზღვრებს გარეთ დაბინავება ხდება საერთო საცხოვრებლებში, სასტუმროებში და ასე შემდეგ. თუ გჭირდებათ „რეკომენდებული სასტუმროების, საერთო საცხოვრებლებისა და სხვა შენობების სია“ ან ინფორმაცია სხვა კონგრესთან დაკავშირებით, კრების მდივანს შეუძლია მოგცეთ კონგრესის ორგანიზაციაზე პასუხისმგებელი ბიუროს მისამართი, რომელიც მოცემულია ბლანკის „განსაკუთრებული საჭიროებების მქონეთა განცხადება დაბინავებაზე“ მეორე გვერდზე. წერილს ყოველთვის დაურთეთ ცარიელი საფოსტო მარკიანი კონვერტი, რომელზეც თქვენი მისამართი წერია. თუ თქვენთვის სასურველ ქალაქში ერთზე მეტი კონგრესი ტარდება, აუცილებლად მიუთითეთ იმ კონგრესის თარიღები, რომელსაც დაესწრებით.

⁸ დაგეგმეთ, რომ სამივე დღეს დაესწროთ. ცდილობს სატანა მოგაცდინოთ, რომ ყურადღება არ მიაქციოთ სულიერ საკითხებს? სამწუხაროდ, ბევრი ძმა და და თავიანთი ოჯახებით ხელიდან უშვებს სასიცოცხლოდ მნიშვნელოვანი სულიერი საზრდოს მიღების შესაძლებლობას. როგორ? იმით, რომ არ ესწრებიან საოლქო კონგრესის პარასკევი დღის პროგრამას. ზოგან შენიშნულ იქნა, რომ ბევრი ჩვენი ძმა ხელიდან უშვებს პარასკევი დღის პროგრამით გათვალისწინებული სულიერი დარიგების მიღებისა და ამ დღეს ძმებთან ურთიერთობის შესაძლებლობას.

⁹ შეიძლება ზოგ ძმას არ ეხალისება, მივიდეს დამსაქმებელთან და გათავისუფლება სთხოვოს კონგრესზე დასასწრებად. გეხებათ ეს თქვენც? ლოცვით ხომ არ მიგემართათ იეჰოვასთვის ამ საკითხთან დაკავშირებით და გაბედულება მოგეკრიბათ, რომ თქვენი მდგომარეობა აუხსნათ დამსაქმებელს? გახსოვდეთ, რა კარგ შედეგს მიაღწია ნეემიამ, რომელიც მსგავს სიტუაციაში იმყოფებოდა (ნეემ. 2:1—6). გწამდეთ, რომ ჩვენი ზეციერი მამა მზად არის დაგეხმაროთ, და იცოდეთ, რომ, თუ სამეფოს ინტერესებს პირველ ადგილზე აყენებთ, ის უზრუნველგყოფთ ცხოვრებისთვის ყოველივე აუცილებლით (მათ. 6:32ბ, 33).

¹⁰ რა გავლენას ახდენს თქვენზე კონგრესები? შეერთებული შტატების აღმოსავლეთ ნაწილში მცხოვრებმა დამ მოგვწერა: «დიდი მადლობა 1999 წლის საოლქო კონგრესისთვის. იმ ძმებთან ურთიერთობა, რომლებსაც წელიწადში მხოლოდ ერთხელ ვხედავ, დიდ სიხარულს მანიჭებს. ჭეშმარიტება მოზარდობისას გავიგე, როცა ორსულად ვიყავი, და კვლავ ძლიერი სიყვარულის გრძნობით ვიხსენებ დროს, როცა მაუწყებელმა, რომელიც ბიბლიას მასწავლიდა, ჩემთვის პირველ კონგრესზე წამიყვანა. სამეფო სიმღერის „აურაცხელი ძმა“ შესრულების დროს იმ ღია სტადიონზე ღრუბლებს ავხედე და ავტირდი. „რაში ვჭირდები მე იეჰოვას, — ვკითხე საკუთარ თავს, — როცა ჩემს გარშემო ამდენი შესანიშნავი ადამიანია?“ იმ დღეს გადავწყვიტე, სრულად მემსახურა იეჰოვასთვის». რაოდენ გულის ამაჩუყებელია! უდავოა, მართლა სასიამოვნოა იეჰოვას წმინდა ხალხს შორის ყოფნა!

¹¹ უკანასკნელი დღეების ამ ბოლო პერიოდში ყოველწლიური საოლქო კონგრესები ისე გვჭირდება, როგორც არასდროს უწინ. იეჰოვამ ისინი იმისთვის გაითვალისწინა, რომ დაგვეხმაროს სულიერი ჯანმრთელობისა და გაწონასწორებულობის შენარჩუნებაში. ამიტომ აუცილებლად დაესწარით წლევანდელი საოლქო კონგრესის, „ღვთის სიტყვის შემსრულებლების“, სამივე დღეს. როგორ შეგიძლიათ ამის გაკეთება? წინასწარ სთხოვეთ დამსაქმებელს გათავისუფლება, რომ მთელ კონგრესს დაესწროთ. თუ თქვენი სახსრები შეზღუდულია, ახლავე დაიწყეთ დასასწრებად საჭირო თანხის გადადება. დახმარება სთხოვეთ იეჰოვას, რომ ნებისმიერი დაბრკოლება გადალახოთ. თუ აკეთებთ ამას, შეგიძლიათ მოუთმენლად ელოდოთ ძმებთან და დებთან გულთბილ ურთიერთობასა და ჩვენი მოსიყვარულე მამისგან, იეჰოვასგან, საუკუნო სიცოცხლის სიტყვების მოსმენას (შეადარეთ იოანე 6:68).

[ჩანართი 3 გვერდზე]

პროგრამის განრიგი

პარასკევი და შაბათი

9.30—17.00

კვირა

9.30—16.00

[ჩარჩო 4 გვერდზე]

რა უნდა გაკეთდეს, თუ ვითხოვთ ან ვთავაზობთ საცხოვრებელ ადგილს

◼ თუ სთავაზობთ საცხოვრებელ ადგილს:

ა) მდივანს სთხოვეთ, რომ მოგცეთ ბლანკი „ბინა“ (CO-4).

ბ) შეავსეთ და დაუბრუნეთ მდივანს, რომელიც ამ ბლანკს დაბინავების განყოფილებას გაუგზავნის.

◼ თუ ითხოვთ საცხოვრებელ ადგილს:

ა) გამოართვით მდივანს ბლანკი „განსაკუთრებული საჭიროებების მქონეთა განცხადება დაბინავებაზე“, შეავსეთ და დაუბრუნეთ.

ბ) მდივანი ამ ბლანკს დაბინავების განყოფილებას გაუგზავნის.

გთხოვთ აგრეთვე გახსოვდეთ შემდეგი:

1. წინასწარ შეატყობინეთ კრების მდივანს ან დაბინავების განყოფილებას, თუ არ ისარგებლებთ ადრე არჩეული საცხოვრებელი ადგილით ან არ შეგიძლიათ საკუთარი ბინის შეთავაზება.

2. ჩვეულებრივ, ძნელია დიდი ჯგუფების ერთ ბინაში მოთავსება. უმჯობესია 2-4 კაცად დანაწილება.

3. თუ დიდი ოჯახი გაქვთ და ერთად ცხოვრება გინდათ, შევსებული ბლანკები ერთად შეკარით.

4. რადგანაც სტუმარი ხართ, ეცადეთ ისე მოიქცეთ, რომ უხერხულობაში არ ჩააგდოთ მასპინძელი.

5. დაბინავების განყოფილება შეგატყობინებთ თქვენი დაბინავებისა თუ სტუმრების შესახებ.