გამოვავლინოთ მადლიერება ყველაფრისთვის, რასაც თეოკრატიულ საქმიანობაში ვიყენებთ
1 ტაძრის შესაკეთებლად ზომების მიღებისას მეფე იოშიამ შეაქო ისინი, ვინც ამ საქმის შესასრულებლად იყო დანიშნული: «ნუ მოეთხოვებათ ჩაბარებული ვერცხლის ანგარიში, რადგან პატიოსნად [„ერთგულად“, აქ] იქცევიან» (4 მეფ. 22:3—7). ის, რომ მშენებლები აფასებდნენ ყოველივეს, რაც წმინდაა და მათ შორის ღვთის კუთვნილებას, კარგად ჩანს მათთვის მინდობილი რესურსებისადმი დამოკიდებულებაში. როგორც ღვთის სასიხარულო ცნობის წმინდა საქმეში ჩაბმულებს, ჩვენც გვმართებს ერთგულების გამოვლენა იმასთან დაკავშირებით, რაც მოგვანდეს.
2 სამქადაგებლო მსახურება. მადლიერება იმ მნიშვნელოვანი ცნობისთვის, რომელსაც ჩვენი პუბლიკაციები შეიცავს და მათ გამოსაცემად გაღებული ხარჯების ცოდნა საკმარისი მიზეზია იმისათვის, რომ დიდად დავაფასოთ ეს პუბლიკაციები. ჩვენ განურჩევლად არ უნდა შევთავაზოთ ლიტერატურა მათ, რომლებიც არ აფასებენ ბიბლიურ ცნობას. თუ ვინმე მცირეოდენ ინტერესს ავლენს სასიხარულო ცნობისადმი, მაშინ სხვა ლიტერატურის ნაცვლად შეგვეძლო რომელიმე ტრაქტატი შეგვეთავაზებინა.
3 ლიტერატურის გავრცელებისას ჩანდეს, რომ ის ნამდვილად ფასეული რამ არის. ნუ დატოვებთ მათ საზოგადოებრივი თავშეყრის ადგილებში, სადაც ჟურნალები მხოლოდ მიმოიფანტება. ასევე ვერიდოთ ლიტერატურის სახლში დაგროვებას და მეტი პუბლიკაციების შეკვეთამდე შევამოწმოთ ხელზე არსებული მარაგი. თუ რეგულარულად ვღებულობთ უფრო მეტ ჟურნალს, ვიდრე გვჭირდება, უკეთესი იქნებოდა, შეგვემცირებინა ჩვენი შეკვეთა.
4 პირადი პუბლიკაციები. უნდა შევუკვეთოთ მხოლოდ ის პუბლიკაციები, რომლებიც ნამდვილად გვჭირდება. განსაკუთრებით გაწონასწორებული უნდა ვიყოთ, როდესაც ვუკვეთავთ ლიტერატურას უცხო ენაზე, ძვირად ღირებულ ან სქოლიოებიან ბიბლიებს და სხვა ისეთ დიდტანიან პუბლიკაციებს, როგორიცაა „სიმფონია“, „ინდექსი“, „წმინდა წერილების საკვლევი ცნობარის“ ორტომეული და „იეჰოვას მოწმეები — ღვთის სამეფოს მაუწყებლები“. ყოველი ამ წიგნის გამოცემა დიდ თანხებთანაა დაკავშირებული.
5 ვაწერთ თუ არა ჩვენს სახელს, გვარსა და მისამართს პირად პუბლიკაციებზე? ასე მოქმედება კარგია, რადგან თუ სადმე დაგვრჩა ჩვენი ლიტერატურა, ვინმე დაგვიბრუნებს მას და ახლის შეკვეთა აღარ დაგვჭირდება. თუ დავკარგეთ საგალობელი, ბიბლია ან შესასწავლი პუბლიკაცია, შეიძლება ვიპოვოთ იგი იქ, სადაც ინახება დაკარგული ნივთები, იქნება ეს სამეფო დარბაზში თუ კონგრესზე (ლუკ. 15:8, 9).
6 მოდი ვეცადოთ, გონივრულად გამოვიყენოთ ჩვენი ლიტერატურა. ამით ერთგულებას გამოვავლენთ ყოველივე იმისადმი, რაც სამეფოს ინტერესებთან არის დაკავშირებული და რაც იეჰოვამ მოგვანდო (ლუკ. 16:10).