სამსახურებრივი შეხვედრის გეგმა

14 ოქტომბრით დაწყებული კვირა

სიმღერა 103

10 წთ.: ადგილობრივი განცხადებები. შერჩეული განცხადებები „ჩვენი სამეფო მსახურებიდან“. გამოიყენე მე-8 გვერდზე მოცემული შეთავაზებები და წარმოადგინე 15 ოქტომბრის „საგუშაგო კოშკის“ შეთავაზება. ამ ინსცენირებაში აჩვენე, როგორ შეიძლება საუბრის გაგრძელება, როდესაც ვინმე ამბობს: „მე უკვე კარგად ვიცნობ თქვენს საქმიანობას (იხილე ბროშურა „როგორ დავიწყოთ და გავაგრძელოთ ბიბლიურ თემაზე საუბარი“, გვერდი 12).

15 წთ.: ადგილობრივი მოთხოვნილებები.

20 წთ.: „როგორ უნდა გამოავლინონ ყურადღება წიგნის შესწავლის ზედამხედველებმა?“. კითხვა-პასუხებით განიხილავს წიგნის შესწავლის ზედამხედველი. წინასწარ შეუთანხმდით ორ ან სამ მაუწყებელს, მოჰყვნენ რა სარგებლობა მიიღეს წიგნის შესწავლაზე მათდამი გამოვლენილი ყურადღებისგან.

სიმღერა 65 და ლოცვა.

21 ოქტომბრით დაწყებული კვირა

სიმღერა 206

10 წთ.: ადგილობრივი განცხადებები. საფინანსო ანგარიში.

35 წთ.: «სრული სარგებლობის მიღება საოლქო კონგრესიდან „სამეფოს შესახებ გულმოდგინე მაუწყებლები“». განიხილავს საგუშაგო კოშკის ხელმძღვანელი. ერთწუთიანი შესავლის შემდეგ სტატიაში მოცემული კითხვების გამოყენებით აუდიტორიასთან განიხილე საოლქო კონგრესის პროგრამა. ყურადღება მიაქციე დროს. მოკლე კომენტარებით შეიძლება მნიშვნელოვანი აზრების გახსენება. სადაც მართებულია, ჰკითხე აუდიტორიას, როგორ გამოიყენეს ნასწავლი და რა კურთხევები მოუტანა მათ ამის კეთებამ.

სიმღერა 194 და ლოცვა.

28 ოქტომბრით დაწყებული კვირა

სიმღერა 110

8 წთ.: ადგილობრივი განცხადებები. მოუწოდე ყველას, გადახედონ ბოლო სპეციალური ერთდღიანი კონგრესის პროგრამის ჩანაწერებს და მოემზადონ მომავალი კვირის სამსახურებრივი შეხვედრისთვის. მაუწყებლებს შეახსენე, ჩააბარონ ოქტომბრის სამქადაგებლო მსახურების ანგარიში. მე-8 გვერდზე მოცემული რჩევების მიხედვით და წარმოადგენს 1 ნოემბრის „საგუშაგო კოშკის“ შეთავაზებას; ძმა კი — 8 ნოემბრის „გამოიღვიძეთ!“-ს. ყოველი ინსცენირების შემდეგ აღნიშნე, რატომ არის ის ეფექტური.

12 წთ.: ადგილობრივი შემთხვევები. სთხოვე კრების წევრებს, მოჰყვნენ საინტერესო შემთხვევებს, რომლებიც საოლქო კონგრესზე მგზავრობისას, უკან დაბრუნებისას და კონგრესის მსვლელობისას შეემთხვათ; ან შემთხვევებს არაფორმალური ქადაგებიდან სამსახურში, სკოლაში, საყიდლებზე ყოფნისას და სხვა.

25 წთ.: „ჩაატარე ბიბლიის ნაყოფიერი შესწავლები“a. მე-4 აბზაცის განხილვისას სთხოვე გამოცდილ პიონერს ან მაუწყებელს, აჩვენოს, როგორ შეიძლება ბიბლიის შესწავლების ტაქტიანად შეწყვეტა. გამოაცხადე, ბიბლიის რამდენ შესწავლას ატარებენ თქვენი კრების მაუწყებლები. რა წარმატებებს მიაღწიეს შემსწავლელებმა? გულთბილად მოუწოდე ყველას, ვინც შესწავლებს ატარებს, დაფიქრდნენ, რა შედეგებს მიაღწიეს. ყველას, ვისაც დახმარება სჭირდება, შეუძლია მიმართოს სამსახურებრივ ზედამხედველს ან წიგნის შესწავლის ნებისმიერ ზედამხედველს.

სიმღერა 41 და ლოცვა.

4 ნოემბრით დაწყებული კვირა

სიმღერა 66

10 წთ.: ადგილობრივი განცხადებები. მოკლედ განიხილე 2002 წლის იანვრის „ჩვენს სამეფო მსახურებაში“ მოცემული შეთავაზებები ბროშურისთვის „რას მოითხოვს“ და წიგნისთვის „შემეცნება“. მოაწყვე ერთ-ერთი შეთავაზების ინსცენირება.

13 წთ.: ‘ნუ შეგრცხვება სასიხარულო ცნობის გამო’ (რომ. 1:16, აქ). მოზარდი მამას პრობლემას უზიარებს. ახალგაზრდას არ სურს, რომ მას იცნობდნენ როგორც იეჰოვას მოწმეს, იმიტომ რომ თანატოლების მხრიდან დაცინვის ეშინია. მამა მადლობას უხდის გულწრფელობისთვის და უყვება, როგორ მოიქცა ერთხელ პეტრე მსგავს სიტუაციაში (მათ. 26:69—74). მამა შემდეგ რჩევას აძლევს შვილს: ჩვენ არასოდეს არ უნდა შეგვრცხვეს, რომ ქრისტიანები ვართ (მარ. 8:38). სკოლაში იეჰოვას მოწმედ თავის წარდგენა სასარგებლოც კი არის. როცა გაიგებენ, მრავალი მასწავლებელი პატივისცემით მოეკიდება შენს მრწამსს და არ შეეცდება შენს ჩართვას ისეთ საქმიანობაში, რასაც მიუღებლად თვლი. ალბათ, არც თანატოლები შეეცდებიან, რომ დაგაძალონ ცუდის გაკეთება. სხვა თანაკლასელები კი მეტი გაგებით მოეკიდებიან იმას, თუ რატომ არ დადიხარ პაემანზე, არ ხარ ჩაწერილი სპორტის რომელიმე სექციაში, ან გაკვეთილების შემდეგ მათთან ერთად არ იღებ მონაწილეობას სხვადასხვა ღონისძიებაში. თუ დრო რჩება, მამა-შვილი განიხილავს ქვესათაურს „საჯაროდ განაცხადე, რომ ღმერთთან მეგობრობ“, წიგნიდან „ახალგაზრდების შეკითხვები“, გვერდები 315—318. ახალგაზრდა მადლიერებას გამოხატავს კარგი რჩევისთვის.

22 წთ.: „დაემორჩილეთ ღმერთს, წინაღუდექით ეშმაკს“ (იაკ. 4:7). უხუცესი იყენებს ქვემოთ მოცემულ კითხვებს და აუდიტორიასთან ენთუზიაზმით განიხილავს გასული სამსახურებრივი წლის სპეციალური ერთდღიანი კონგრესის პროგრამას. სთხოვე კრების წევრებს, მოჰყვნენ, როგორ გამოიყენეს ცხოვრებაში ის, რაც ისწავლეს (შეიძლება რამდენიმე მაუწყებელს წინასწარ სთხოვო, მოემზადონ ამისათვის). განიხილე პროგრამის შემდეგი პუნქტები: 1. „ღვთისადმი მორჩილება დამონებულ წუთისოფელში“. რატომ გვმართებს სიფხიზლე, რომ არ გავებათ ქვეყნიერების მიერ დაგებულ მახეებში? 2. „ოჯახის წევრებო, დაემორჩილეთ ღმერთს“. რატომ არის ასე მნიშვნელოვანი იეჰოვას ორგანიზაციაში ოჯახური კვანძების განმტკიცება? როგორ შეგვიძლია ამის გაკეთება? 3. „დაეხმარე ახალ მოწაფეებს იეჰოვას მხარეს მტკიცედ დგომაში“. როგორ დავეხმაროთ ახლებს რწმენის გამოცდების გადალახვაში? 4. „რას ნიშნავს, წინ აღუდგე ეშმაკს?“. რა არის მნიშვნელოვანი იმისათვის, რომ წინ აღვუდგეთ ეშმაკს? როგორ დაგვიცავს ეფესელთა 6:11—18-ში აღწერილი სულიერი საჭურველი? (w 15.05.92, გვ. 21—23 [რუს.]). 5. „ახალგაზრდები, რომლებიც წარმატებებს აღწევენ ბოროტთან ბრძოლაში“ და „ახალგაზრდები, რომლებიც კურთხევებს იღებენ ღვთისადმი მორჩილებით“. სატანის რომელი ხრიკებისადმი მართებთ ახალგაზრდებს სიფხიზლე? რა კურთხევებს იღებენ ისინი, თუ იეჰოვას ემორჩილებიან? (w 01.08.90, გვ. 13, 14, აბზ. 15—18 [რუს.]). 6. „სარგებლობა, რომელიც ღვთისადმი მორჩილებას მოაქვს“. ახსენი, როგორ შეუძლიათ ქრისტიანებს მორჩილების გამოვლენა ხელისუფლების წარმომადგენლებისადმი, უფროსებისადმი ქვეყნიურ სამსახურში, ოჯახურ წრეში და ქრისტიანულ კრებაში. რა თვისებები დაგვეხმარება ამის კეთებაში?

სიმღერა 185 და ლოცვა.

[სქოლიოები]