სასუფევლის მაუწყებლები იტყობინებიან
სულიერი შიმშილის მოკვლა სკოლაში
„ბედნიერია ის, ვინც გრძნობს თავის სულიერ მოთხოვნილებებს“, — თქვა იესომ თავის სამთო ქადაგებაში (მათე 5:3, აქ). სკოლის ბევრ მოსწავლეს სწყურია შემეცნება ღმერთისა და მისი სასწაულებრივი განზრახვების შესახებ. მათ სურთ იცოდნენ სიცოცხლესთან დაკავშირებულ კითხვებზე პასუხები და ის, თუ როგორ უნდა იცხოვრონ, რომ მოიპოვონ ღმერთისაგან მოწონება და იყვნენ ბედნიერნი. ასე იყო ეს ერთ-ერთ სკოლაში ბრიტანეთის ვირგინიის კუნძულებზე. იეჰოვას ერთ-ერთი მოწმე იტყობინება:
„მე ადგილობრივ სკოლაში ვეწვიე მშობელთა კრებას, სადაც ბევრი რამ ითქვა ნარკოტიკებზე, ლოთობაზე, პაემანზე, ტელეეკრანებთან დროის გატარებაზე, (სასკოლო) ნიშნებზე და სხვა საკითხებზე, რის გამოც გადავწყვიტე ხელში ამეღო წიგნი „ახალგაზრდების შეკითხვები — პრაქტიკული პასუხები“ და მეჩვენებინა იგი სკოლის დირექტორისათვის. წიგნის დათვალიერების შემდეგ მითხრა, რომ ეს არის სწორედ ის რაც მათ სჭირდებათ. შემდეგ მკითხა, შეიძლება თუ არა სკოლამ 120 ეგზემპლარი შეიძინოს მოწაფეებისათვის. ეს კითხვა განხილულ იქნა კრების უხუცესების მიერ და მათ გადაწყვიტეს წიგნები საჩუქრად გადაეცათ სკოლისათვის. როცა გაიგეს ჩვენი განზრახვა, მასწავლებლებმა გვთხოვეს, მოსწავლეებისათვის პირადად გადაგვეცა წიგნები. იეჰოვას ორი მოწმე შევიდა კლასში, რომელიც სავსე იყო მათი მომლოდინე მოსწავლეებით. ძმებმა ნახევარი საათი ისაუბრეს, წაიკითხეს შემთხვევები საგუშაგო კოშკის საზოგადოების ჟურნალებიდან, რომლებიშიც ნაჩვენები იყო, თუ როგორ დაეხმარა ეს წიგნი სხვადასხვა ასაკის ადამიანებს. შემდეგ წიგნები საჩუქრად გადაეცათ სულიერად მოწყურებულ სკოლის მოსწავლეებს“.
სასიხარულოა იმის ცოდნა, რომ სკოლამ გადაწყვიტა ეს წიგნი ჩაერთო მეოთხე და მეხუთე კლასის სასწავლო პროგრამაში. წიგნი ამ მოწაფეებს სწორ პასუხს გასცემს სიცოცხლესა და მომავალთან დაკავშირებულ მრავალ საკითხებზე.
სულიერი შიმშილის მოკვლა პაპუა-ახალ გვინეაში
შემდეგი ცნობა გამოგვიგზავნა ერთმა მიმოსვლითმა ზედამხედველმა. ცნობაში ნათლად არის ნაჩვენები, თუ ამ ქვეყანაში რამდენად არიან ადამიანები სულიერად მშიერნი და მათ შიმშილს როგორ ეფექტურად კლავს ბიბლიაზე დაფუძნებული ჩვენი პუბლიკაციები.
„რამდენადაც არ შემეძლო ვწვეოდი სოფელ კამბერატოროს, — თქვა ზედამხედველმა, — ჩემი დრო მივუძღვენი ვანიმოში მცირე კრებასთან ერთობლივ მუშაობას. იქ დიდ ინტერესს იჩენენ, ბივანიიდან ზოგიერთმა თანხმობა გამოთქვა აეღო ლიტერატურა. ერთმა მამაკაცმა მთხოვა მომენახულებინა ეს სოფელი და დამპირდა, რომ თავად იზრუნებდა ღამის გასათევ ადგილზე. ჩვენს ლიტერატურას ბევრი იცნობს. ყოველთვის, როცა კი ჩვენ ჩავდივართ ქალაქ ვანიმოში, ვავრცელებთ ლიტერატურის მთელ მარაგს, თუმცა თან მიგვაქვს წიგნებით სავსე სამი ყუთი. ოქროს ფასი აქვს წიგნს: „ჩემი წიგნი ბიბლიური მოთხრობებით“. ხალხი დაეძებს მას. ჩემს მიერ წაღებული წიგნები ძალიან სწრაფად გავრცელდა. როცა ვუჩვენებდით მათ ჩვენს ლიტერატურას, ზოგიერთები გვეკითხებოდნენ: „ყვითელი წიგნი სად არის?“ ერთმა მამაკაცმა ექვსი ეგზემპლარის შეკვეთა მოგვცა. მან მომცა თავისი მისამართი და მთხოვა, როცა მივიღებდი წიგნებს გამეკეთებინა განცხადება რადიოთი და სოფლიდან თავად ჩამოვიდოდა მათ წასაღებად“. მიმოსვლითი ზედამხედველი უმატებს: „მე დავადგინე, ვანიმოდან ბევრმა აიღო წიგნები „კაცობრიობა ღმერთის ძიებაში“ და „ახალგაზრდების შეკითხვები — პრაქტიკული პასუხები“.
ეს თვალსაჩინოდ გვიჩვენებს, თუ პატიოსანი გულის ადამიანებს როგორ სწყურიათ სულიერი საკვები, რომელიც იმყოფება იეჰოვას სიტყვაში — ბიბლიაში და „ერთგული და გონიერი მონის“ მეშვეობით მოწოდებულ პუბლიკაციებში (მათე 24:45–47). რა ბედნიერნი არიან იეჰოვას მოწმეები, რომ შეუძლიათ დაეხმარონ ჭეშმარიტებას მოწყურებულ ადამიანებს!
[სურათი 19 გვერდზე]
დამოწმება პაპუა-ახალ გვინეაში.