სარაიონო კონგრესის ახალი პროგრამა

რაში გვეხმარება დღეს იეჰოვას წინაშე სიარული? როგორ შეგიძლია მოერიდო ცდუნებას — სამეფოს ინტერესების ნაცვლად, არათეოკრატიული მიზნები დააყენო პირველ ადგილზე? (მათ. 6:33). გიჭირს სწორის არასწორისგან გარჩევა წუთისოფელში, რომელშიც არასწორი სწორად არის წარმოდგენილი? (ებრ. 5:14). ეს საკითხები გაირჩევა სარაიონო კონგრესზე, დევიზით „იარეთ ღვთის გზებით და დღესვე მიიღეთ კურთხევები“, რომელიც დაიწყება 1999 წლის სექტემბრიდან (ფსალ. 127:1).

ამ სარაიონო კონგრესზე შაბათის პროგრამის ახალი პუნქტი იქნება სანიმუშო სამსახურებრივი შეხვედრა. თქვენი სარაიონო ზედამხედველი შეატყობინებს ყველა კრებას, რისი განხილვა იქნება დაგეგმილი, რომ ყველა მომზადებული მოვიდეს და ისიამოვნოს პროგრამით.

პროგრამის ნაწილში, სახელწოდებით „პიონერებო — კარგად დააკვირდით, როგორ დადიხართ“, ნაჩვენები იქნება, როგორ გამოვავლინოთ სიბრძნე და გონივრულობა, რომ პიონერული მსახურებისთვის საჭირო დრო გამოვისყიდოთ (ეფეს. 5:15–17). თემა „მოერიდეთ გზებს, რომლებიც სწორი ჩანს“ გვასწავლის, როგორ დავრწმუნდეთ იმაში, რა არის ღვთისთვის მოსაწონი ცხოვრების ყველა სფეროში. მოხსენება „როგორ მოქმედებს ჩვენზე შესრულებული წინასწარმეტყველება“ დაგვეხმარება, გულითა და გონებით შევიყვაროთ ღვთის სიტყვა. საჯარო მოხსენება „ღვთის გზებს მრავალი კურთხევა მოაქვს!“ ხაზს გაუსვამს სხვადასხვა სარგებლობას, რომლებიც იეჰოვას სამართლიანი მოთხოვნების თანახმად მოქმედებას მოაქვს.

გსურს, საჯაროდ დაადასტურო წყალში მონათვლით, რომ ღვთისადმი მიძღვნასა და მისი გზებით სიარულს აპირებ? მაშინ, ესაუბრე თავმჯდომარე ზედამხედველს, რომ საჭირო ზომები იქნას მიღებული.

არავითარ შემთხვევაში არ გააცდინო ეს დროული სარაიონო კონგრესი. დაესწარი პროგრამის ორივე დღეს, ვინაიდან „ნეტარია ყოველი, რომელსაც ეშინია უფლისა და იარება მისი გზებით“ (ფსალმ. 127:1).