ახალი სარაიონო კონგრესის პროგრამა
1 სექტემბრიდან ახალი სარაიონო კონგრესის პროგრამის თემა იქნება: „უდიდესი ბედნიერება იგრძენი გაცემით“ (საქ. 20:35). ბედნიერება განისაზღვრება, როგორც „დიდი სიხარულისა და სრული კმაყოფილების განცდა“. დღეს ადამიანთა უმეტესობა არავითარ სიამოვნებას არ უშვებს ხელიდან თავის ცხოვრებაში, მაგრამ მათი სიამოვნება, ხშირად, დროებითია. ეს არ არის ჭეშმარიტი ბედნიერება. იეჰოვა გვასწავლის, როგორ ვისარგებლოთ ბედნიერებით მარადიულად (ეს. 48:17; 1 იოან. 2:17). ახალი სარაიონო კონგრესის პროგრამა ყურადღებას გაამახვილებს, თუ როგორ შევძლებთ მივიღოთ უდიდესი ბედნიერება სულიერის გაცემით.
2 ჩვენ ვისწავლით პრაქტიკულ გზებს, რომლებითაც შევძლებთ, მსახურებას მივეძღვნათ. ზოგიერთ მოხსენებას, რომლებსაც წარმოთქვამენ მიმომსვლელი ზედამხედველები, ეწოდება: „მეგობრების შეძენა უსამართლობის მამონით“, „დააფასე ღვთიური დადგენილება — ‘ნიჭები ადამიანების სახით’“ და „მრავალმხრივ განიცადე ჭეშმარიტი ბედნიერება“. კონგრესზე მონათვლის მსურველები მოინდომებენ, დაელაპარაკონ თავმჯდომარე ზედამხედველს, რათა მან ორგანიზება გაუწიოს უხუცესებს, რომ განიხილონ ნათლობის კითხვები მათთან. წმინდა ურთიერთობით იეჰოვასადმი სამსახური უდიდეს ბედნიერებას მოჰგვრის ახლად მონათლულებს.
3 იეჰოვას ავტორიტეტის სათანადოდ აღიარებასაც მოაქვს ჭეშმარიტი ბედნიერება და უსაფრთხოება. ყველას სჭირდება ამისი ცოდნა. ამიტომ სარაიონო კონგრესზე საჯარო მოხსენების თემა იქნება: „გაერთიანდი ღვთის ბედნიერ ხალხთან“. ჭეშმარიტებით დაინტერესებული ყველა ადამიანი მოიწვიე ამ მოხსენებაზე. მათ ვერ იპოვეს ნამდვილი უსაფრთხოება და უსასრულო ბედნიერება ადამიანის მმართველობის ქვეშ სატანის ძალაუფლებაში მყოფ ამ ქვეყნიერებაში (ეკლ. 8:9). მაგრამ რა დიდ სიხარულს ჰპოვებენ ისინი იეჰოვას ბედნიერ ხალხთან ურთიერთობით! (ფსალმ. 143:15ბ).
4 ამ სისტემაში გაუარესებული პირობების მიუხედავად, მათ, რომლებიც განიცდიან უდიდეს ბედნიერებას სულიერის გაცემით, არასოდეს გაუცრუებს იმედს ბედნიერი ღმერთი (1 ტიმ. 1:11, აფ). ამის ჭეშმარიტებას ახალი სარაიონო კონგრესის პროგრამა გამოავლენს. არ გამოტოვო ის!