ახალი სარაიონო კონგრესის პროგრამა

„გვახსოვდეს, რომ იეჰოვას დღე ახლოსაა“ — ეს არის ორდღიანი სარაიონო კონგრესის თემა, რომელიც სექტემბერში დაიწყება (2 პეტ. 3:12, აქ). ის გადაუდებლობის გრძნობის აღძვრისთვისაა გამიზნული. დედამიწის მობინადრეებს მალე თავს დაატყდებათ იეჰოვას სამსჯავრო. ვინ გადაურჩება ‘ყოვლისმპყრობელი ღვთის დიდ დღეს’? მხოლოდ ისინი, რომლებიც სულიერად ფხიზლობენ და რომელთა ცხოვრებაც ‘წმინდა ქცევისა და ღვთისმოსაობის’ ნიმუშია (გამოცხ. 16:14; 2 პეტ. 3:11).

მონათვლა მნიშვნელოვანია იეჰოვას დღის გადასატანად (1 პეტ. 3:21). მქადაგებლებმა, რომლებსაც ამ კონგრესზე მონათვლა სურთ, ამის შესახებ უნდა აცნობონ თავმჯდომარე ზედამხედველს, რომელიც საჭირო ზომებს მიიღებს.

ოთხნაწილიან მოხსენებათა სერია „როგორი პიროვნებები უნდა ვიყოთ“ თვალნათლივ აჩვენებს, რა შედის იმაში, რომ გვახსოვდეს იეჰოვას დღის მოახლოება. საჯარო მოხსენება „იმოქმედე ბრძნულად, რადგან იეჰოვას დღე ახლოვდება“ აგვიხსნის, თუ რას ნიშნავს გადასარჩენად ‘უფლის, სიმართლისა და თვინიერების ძიება’ (სოფ. 2:3).

სარაიონო კონგრესზე წარმოთქმული იქნება მიმომსვლელი ზედამხედველების წამახალისებელი ორი მოხსენება: „აგებულია თუ არა შენი ცხოვრება ჭეშმარიტებაზე?“ და „მომავლის დაგეგმვა იეჰოვას დღის გათვალისწინებით“. ეს მოხსენებები მოგვიწოდებს, გამოვიკვლიოთ ჩვენი ცხოვრება და მასში საჭირო ცვლილებები შევიტანოთ. ბიბლიური წინასწარმეტყველება და მსოფლიო მოვლენები ნათლად აჩვენებენ, რომ იეჰოვას დღე ახლოსაა. ამ კონგრესის პროგრამა აღგვძრავს, ‘მღვიძარენი ვიყოთ და ვიფხიზლოთ’ (1 პეტ. 5:8). დაგეგმე ორივე დღეს დასწრება.