ახალი სპეციალური ერთდღიანი კონგრესის პროგრამა

1999 წლის სექტემბრიდან დაწყებული ახალი სპეციალური ერთდღიანი კონგრესის პროგრამას გასდევს თემა „გამოიკვლიეთ ღვთის სიღრმეები“ (1 კორ. 2:10). რა ძვირფას მასალას შევისწავლით?

მრავალი ადამიანი ცოდნის შეძენით კმაყოფილებას ვერ გრძნობს. ბიბლია კი გვამხნევებს და ხალისს გვმატებს, როგორც ეს ნაჩვენები იქნება სარაიონო ზედამხედველის მოხსენებაში, სახელწოდებით „ღვთის სიტყვის კვლევა გამამხნევებელია“. მოწვეული მომხსენებელი ღვთის სიღრმეების კვლევასა და კეთილი ცნობის ქადაგებას შორის კავშირს გვიჩვენებს, როდესაც მოგვმართავს კითხვით: „რას ფიქრობთ სამეფოზე ქადაგების შესახებ?“.

როგორ შეუძლიათ მშობლებს, დაეხმარონ თავიანთ შვილებს ღვთის სიტყვის უფრო ღრმად გამოკვლევაში? პრაქტიკული რჩევები იქნება მოცემული მოხსენებაში „ჩააგონეთ ღვთის სიტყვა შვილებს“. ქრისტიან ახალგაზრდებზე კარგ გავლენას ახდენს კრების სულიერად მოწიფულ წევრებთან ურთიერთობა. იმის მაგალითები, რა დადებითი ზემოქმედება იქონია ასეთმა ურთიერთობამ, გაშუქებული იქნება მოხსენებაში „ახალგაზრდები, რომლებიც უფროსებისგან სწავლობენ“.

გულმოდგინედ რატომ უნდა ვიკვლიოთ დაფარული სულიერი საგანძური? იმიტომ რომ იეჰოვა საიდუმლოთა გამცხადებელია. მოხსენებაში „იეჰოვა თანდათანობით ნათელს ჰფენს სულიერ სიღრმეებს“, მოწვეული მომხსენებელი ახსნის, რას აცხადებდა იეჰოვა ძველ დროში და რას აცხადებს ახლა. ეს გააძლიერებს ჩვენს გადაწყვეტილებას — განვაგრძოთ ღვთის სიღრმეების კვლევა.

დღეიდანვე დაგეგმეთ კონგრესზე დასწრება. მათ, ვისაც იეჰოვასადმი მიძღვნის ნიშნად სურს მონათვლა, ამის შესახებ რაც შეიძლება მალე უნდა შეატყობინონ თავმჯდომარე ზედამხედველს. ჩვენი გულწრფელი სურვილი — ჩავუღრმავდეთ ღვთის სიტყვის გაგებას — მოსმენის შედეგად უფრო გაძლიერდება. ასე რომ, არ გააცდინო სულიერი სწავლების ეს განსაკუთრებული დღე!