ახალი სარაიონო კონგრესის პროგრამა

ვიცით, რომ იეჰოვა იმსახურებს ჩვენს სიყვარულსა და განსაკუთრებულ ერთგულებას. წუთისოფელი კი ცდილობს, დაგვაკარგვინოს ღმერთთან ახლო ურთიერთობა (იოან. 17:14). იმისათვის, რომ განგვიმტკიცდეს და გაგვიძლიერდეს იეჰოვასადმი სიყვარული, რათა წინააღმდეგობა გავუწიოთ ზეგავლენას, რომლითაც წუთისოფელი ცდილობს ჩვენი სულიერობის დანგრევას, 2001 სამსახურებრივი წლის ახალი სარაიონო კონგრესის პროგრამის დევიზი იქნება „გიყვარდეთ ღმერთი და არა ის, რაც წუთისოფელშია“ (1 იოან. 2:15—17).

იეჰოვასადმი ღრმა სიყვარული აღგვძრავს, ვიქადაგოთ მის შესახებ. და მაინც, სამქადაგებლო მსახურება ადვილი არ არის ღვთის მრავალი მსახურისთვის. მოხსენებაში „ღვთისადმი სიყვარული მსახურებაში ჩვენი მამოძრავებელი ძალაა“ გავიგებთ, რამდენმა დასძლია სიმორცხვე და სხვა დამაბრკოლებელი რამ, რათა სრულად მიეღო მონაწილეობა ამ საქმეში.

როგორ მოქმედებს ჩვენზე წუთისოფლის გახრწნილი ნორმები? ის, რასაც ერთ დროს არასწორად მიიჩნევდნენ, დღეს ჩვეულებრივ რამედ ითვლება. მოხსენება „იეჰოვას მოყვარულნო, გძულდეთ ბოროტება“ და მოხსენებათა სერია „რა თვალსაზრისი გვაქვს იმაზე, რაც წუთისოფელშია?“ განამტკიცებს ჩვენს გადაწყვეტილებას — უარი ვუთხრათ არასწორ სურვილებს.

სანიმუშო თეოკრატიული სამსახურის სკოლა და სამსახურებრივი შეხვედრა ჩართული იქნება პროგრამაში, ისევე როგორც იმ კვირაში განსახილველი „საგუშაგო კოშკის“ სტატიის მოკლე მიმოხილვა. საჯარო მოხსენება — „როგორ შეუძლია სიყვარულსა და რწმენას წუთისოფლის ძლევა“ — გაგვამხნევებს, რომ იესოს მივბაძოთ წუთისოფლისეული ზეგავლენისთვის წინააღმდეგობის გაწევაში (იოან. 16:33). დასასწრებად აუცილებლად მოიწვიე ბიბლიის შემსწავლელები. ყველამ, ვისაც მონათვლის სურვილი აქვს, რაც შეიძლება მალე უნდა აცნობოს თავმჯდომარე ზედამხედველს, რათა მიღებულ იქნეს აუცილებელი ზომები.

ამ სარაიონო კონგრესზე ყურადღება გამახვილდება იმაზე, თუ საით უნდა იყოს ჩვენი სიყვარული მიმართული, რათა დავტკბეთ იეჰოვას კურთხევებით. ნუ გამოტოვებ ამ კონგრესს!