სპეციალური ერთდღიანი კონგრესის ახალი პროგრამა
1 იმ დროს, როცა საინფორმაციო საშუალებები და საერო განათლება სიმდიდრის მოპოვებისკენ გვიბიძგებს, ღვთის სიტყვა მოგვიწოდებს: ‘გამდიდრდით კეთილი საქმეებით’ (1 ტიმ. 6:18). ეს არის სპეციალური ერთდღიანი კონგრესის პროგრამის თემა, რომელიც 2002 წლის სექტემბრიდან დაიწყება. რა მხრივ იქნება გამამხნევებელი ეს კონგრესი?
2 სარაიონო ზედამხედველი განიხილავს თემას: „გამდიდრდით ისე, როგორც ღმერთს სურს“ და ინტერვიუს აიღებს მათგან, ვინც ძალ–ღონე არ დაიშურა სულიერად გამდიდრებისთვის. მოწვეული მომხსენებელი თავისი პირველი მოხსენებით, „კეთილი საქმეები მკის დროს“, აჩვენებს, თუ როგორ ასრულებს ღვთის ხალხი ამ დავალებას. ეს მოხსენება თითოეულ ჩვენგანს მოუწოდებს, დაფიქრდეს, კიდევ უფრო მეტად როგორ შევძლებთ ღვთის მიერ დავალებულ მკის საქმეში მონაწილეობას, რომელიც დღეს მიმდინარეობს.
3 რა სასიამოვნოა იმ ქრისტიანი ახალგაზრდების ხილვა, რომლებიც სულიერი სიმდიდრის დაგროვებისკენ ისწრაფვიან! ეს განადიდებს იეჰოვას და ახალგაზრდებს ეხმარება, რომ მომავალში მსახურების მრავალ სფეროში მიიღონ მონაწილეობა. თემა, „შევაქოთ ახალგაზრდები კეთილი საქმეებით იეჰოვას განდიდებისთვის“, ხაზგასმით აღნიშნავს იმ არაჩვეულებრივ საქმიანობას, რომელსაც ადგილობრივი ახალგაზრდა ქრისტიანები ეწევიან.
4 რა არის ამ კეთილი საქმეების შედეგები? მოწვეული მომხსენებელი ამას განიხილავს დღის ბოლო მოხსენებაში: „განაგრძეთ კეთილი საქმეების კეთება და მოიმკეთ იეჰოვას კურთხევები“. ის ყურადღებას გაამახვილებს ოთხ სფეროზე, სადაც უხვ კურთხევებს მოვიმკით: 1) პირადი კურთხევები, 2) ოჯახში, 3) კრებასა და 4) მსოფლიო ორგანიზაციაში.
5 მათ, ვინც უკვე თავი მიუძღვნა იეჰოვას, ამ კონგრესზე მონათვლის საშუალება ექნებათ. თუ მზად ხართ ამ ნაბიჯის გადასადგმელად, ამის შესახებ დაუყოვნებლივ შეატყობინეთ თქვენი კრების თავმჯდომარე ზედამხედველს.
6 როგორც კი ცნობილი გახდება თქვენი კონგრესის ჩატარების თარიღი, მაშინვე დაგეგმეთ დასწრება. ეცადეთ, მიხვიდეთ დროულად, რათა შესავალ სიმღერასა და ლოცვაში მიიღოთ მონაწილეობა. სპეციალური ერთდღიანი კონგრესის მთლიან პროგრამაზე დასწრება და ყურადღებით მოსმენა განგამტკიცებთ, რათა განაგრძოთ სწორი მიმართულებით სიარული. ეს კი ჭეშმარიტ ანუ ისეთ სიმდიდრეს შეგძენთ, რომელიც ნამდვილად ფასეულია ჩვენი ღმერთის, იეჰოვას, თვალში.