განუვითარე ბიბლიისადმი ინტერესი მათ, ვისთანაც ჟურნალები რეგულარულად მიგაქვს
1. როგორ შეგვიძლია ბიბლიისადმი ინტერესი განვუვითაროთ მათ, ვისთანაც ჟურნალები რეგულარულად მიგვაქვს?
1 ბევრი, ვისაც ქადაგების დროს ვხვდებით, თანახმაა, რომ ხელმეორედ მივაკითხოთ; ისინი სიხარულით იღებენ ჩვენს ლიტერატურას, მაგრამ ბიბლიის რეგულარული შესწავლის დაწყებას აყოვნებენ. ინტერესის განსავითარებლად ერთ-ერთი საშუალება მათთვის ჟურნალების რეგულარულად მიტანაა. ჟურნალის დატოვებისას ჩაიწერე პიროვნების სახელი და მისამართი, მეორედ მონახულების თარიღი, დატოვებული ჟურნალის ნომერი და განხილული მუხლი, ამ ყველაფერთან ერთად ყურადღება მიაქციე იმასაც, თუ რამ დააინტერესა. როგორც კი ჟურნალის ახალ ნომერს მიიღებ, ამოარჩიე, რა მოეწონებათ მასში იმათ, ვისთანაც ჟურნალები მიგაქვს, და მონახულებისას ამაზე გაამახვილე ყურადღება (1 კორ. 9:19—23). დროთა განმავლობაში ჩვენი ჟურნალების კითხვისას შეიძლება მათში ინტერესი აღძრას რაიმემ და უფრო მეტის გაგების სურვილი გაუჩნდეთ.
2. რატომ არის აუცილებელი, რომ ადამიანებმა ახლავე დაუწყონ იეჰოვას ძებნა და როგორ შეგვიძლია უფრო მეტი გავაკეთოთ მათ დასახმარებლად?
2 ჩვენ ვიცით, რომ ადამიანთა უმეტესობა, უბრალოდ, ჟურნალების კითხვით ვერ გახდება იეჰოვას მსახური. ვინაიდან აუცილებელია, რომ ადამიანებმა ახლავე დაუწყონ იეჰოვას ძებნა, როგორ შეგვიძლია უფრო მეტი გავაკეთოთ მათ დასახმარებლად? (სოფ. 2:2, 3; გამოცხ. 14:6, 7). ჩვენ შევძლებთ მათში ინტერესის განვითარებას, თუ ყოველთვის, როცა ჟურნალებს დავუტოვებთ, გულდასმით შერჩეულ ბიბლიურ მუხლს წავუკითხავთ.
3. ა) როგორ შეგვიძლია მოვამზადოთ ერთი ბიბლიური მუხლი თითოეული მონახულებისთვის? ბ) რა აღელვებთ ყველაზე მეტად შენს უბანზე მცხოვრებ ადამიანებს?
3 ერთი ბიბლიური მუხლის განხილვა. თითოეული ჩვენგანისთვის განსაკუთრებით მნიშვნელოვანია, ვიფიქროთ მათზე, ვისთანაც ჟურნალები მიგვაქვს, და მოვამზადოთ ერთი ბიბლიური მუხლი განსახილველად (ფილ. 2:4). მაგალითად, თუ ვინმეს ახლახან დაეღუპა საყვარელი ადამიანი, შეგიძლია მასთან შემდეგი მონახულებების დროს განიხილო, თუ რას ამბობს ბიბლია მკვდრების მდგომარეობასა და აღდგომის იმედთან დაკავშირებით. ერთი ბიბლიური მუხლის განსახილველად მასალა შეგიძლია აიღო ბროშურიდან „როდესაც გიკვდება საყვარელი ადამიანი. . .“. შეგიძლია ბუნებრივად გადახვიდე ამ საკითხთან დაკავშირებულ დამატებით განსახილველ მასალაზე: თუ როგორ მოეღება ბოლო ავადმყოფობას, სიბერესა და სიკვდილს. ჩვენი მიზანია, ისეთ საკითხებზე ვისაუბროთ, რაც ადამიანს აინტერესებს და თანდათანობით დავანახვოთ, რას ამბობს ბიბლია ამის შესახებ.
4. რატომ არის მნიშვნელოვანი, განვმარტოთ ბიბლიური მუხლი და როგორ შეგვიძლია ამის გაკეთება?
4 გასაგებად განმარტე. ჩვეულებრივ, უმჯობესია, რომ თითოეული განხილვა მარტივი და ლაკონური იყოს, ვიდრე მხოლოდ მონიშნული მუხლის წაკითხვა. სატანამ ადამიანებს გონება დაუბრმავა, რომ ვერ გაიგონ სასიხარულო ცნობა (2 კორ. 4:3, 4). დახმარება მათაც კი სჭირდება, ვისთვისაც ბიბლია ნაცნობი წიგნია, რომ ჩაწვდნენ მას (საქ. 8:30, 31). ამიტომ ტექსტის ასახსნელად და თვალსაჩინოდ დასანახვებლად ისევე გამოყავი დრო, როგორც თეოკრატიული სკოლის დავალებისთვის აკეთებ ამას (საქ. 17:3). დარწმუნდი, რომ ადამიანი ხედავს პრაქტიკულ ღირებულებას, ღვთის სიტყვა ცხოვრებაში გამოიყენოს.
5. როგორ შეგვიძლია ბიბლიის შესწავლის დაწყება მათთან, ვისთანაც ჟურნალები რეგულარულად მიგვაქვს?
5 თუ პიროვნებას მოსწონს ის, რასაც სწავლობს, ყოველი მონახულებისას თანდათანობით უფრო მეტი — ორი ან სამი — ბიბლიური მუხლი განიხილე. ყველანაირად ეცადე, რომ დაიწყო შესწავლა ბროშურით „რას მოითხოვს“ ან წიგნით „შემეცნება“. ამგვარად, მათთან, ვისთანაც ჟურნალები რეგულარულად მიგაქვს, საბოლოოდ შეიძლება ბიბლიის შესწავლა დაიწყო.