შეთავაზების ნიმუშები

ივლისის პირველ შაბათს ბიბლიის შესწავლების დაწყება

«ბევრს მრავალჯერ წარმოუთქვამს სიტყვები უფლის ლოცვიდან: „მოვიდეს შენი სამეფო და იყოს შენი ნება როგორც ზეცაში, ისე დედამიწაზე“. როგორ ფიქრობთ, რა არის ეს სამეფო? [დაელოდე, გიპასუხოს.] ამის გაგებაში ერთი ბიბლიური მუხლი გვეხმარება». წაიკითხე დანიელის 2:44. შემდეგ მობინადრეს მიეცი 1 ივლისის „საგუშაგო კოშკი“, წაუკითხე და ერთად განიხილეთ მე-16 გვერდზე, პირველ ქვესათაურში მოცემული ინფორმაცია. შესთავაზე ჟურნალი და უთხარი, რომ მომდევნო კითხვაზე პასუხს შემდეგი მისვლისას განიხილავთ.

საგუშაგო კოშკი 1 ივლისი

„სიცოცხლე ხანმოკლეა და პრობლემებით სავსე, ამიტომ ბევრი ფიქრობს, თუ რა არის სიცოცხლის აზრი. თქვენ ოდესმე გიფიქრიათ ამაზე? [დაელოდე, გიპასუხოს.] ბიბლია გვპირდება, რომ ცხოვრება ყოველთვის ასეთი არ იქნება. [წაიკითხე გამოცხადების 21:4.] ამ ჟურნალში განხილულია, თუ რა განზრახვა აქვს ღმერთს დედამიწასთან დაკავშირებით და მოყვანილია ზოგიერთი პრინციპი, რომელთა გამოყენებაც დღესვე აზრიანს ხდის ჩვენს ცხოვრებას“.

გამოიღვიძეთ! ივლისი

მოიხსენიე ახალ ამბებში გაშუქებული რომელიმე უბედური შემთხვევა. შემდეგ დასვი კითხვა: „როგორ ფიქრობთ, რატომ უშვებს ღმერთი მსგავს უბედურებას? [დაელოდე, გიპასუხოს.] ბიბლიის თანახმად, ღმერთი თანაუგრძნობს მათ, ვინც იტანჯება. [წაიკითხე გამოსვლის 3:7.] ბიბლია აგრეთვე გვეუბნება, რატომ უშვებს ღმერთი ტანჯვას და რომ მალე სამუდამოდ მოუღებს მას ბოლოს. ამ ჟურნალში სწორედ ეს საკითხია განხილული“.